:: Þvaðurveita geimVEIRU ::

:: miðvikudagur, apríl 30, 2003 ::

Góð hugmynd- ömurleg framkvæmd
Meira djöfuls erkikjaftæðið! Ég ætlaði að tékka á þessu íslenska tónlistarvefsíðudæmi sem verið er út um allt að básúna að verði opið öllum í nokkra daga, frítt netútvarp frí download, hljómaði vel.... en þá er þetta ekki betur útfært en það, að fólk þarf að skrá sig í áskrift, gefa upp kreditkortaupplýsingar (af því að þetta er svo ókeypis) og passa svo sjálft að skrá sig síðan út innan 3 daga, annars er rukkað um áskrift í heilan mánuð (þessir viðskiptahættir voru harðlega fordæmdir um árið, þegar fólki voru"gefnar" tímaritaáskriftir sem fólk síðan lenti í lögfræðinnheimtum út af - þar sem það áttaði sig ekki á þessu með að ókeypis hlutir kostuðu allt í einu peninga). Þetta er út í hött gersamlega, mér dettur ekki í hug að gefa upp viðkvæmar reikningsupplýsingar um mig hjá einhverju fyrirtæki út í bæ, sem ekkert er nánar tilgreint hver á eða rekur, hvað þá versla við svona vafasamt apparat sem reynir að plata peninga út úr fólki með smáu letri. Enn og aftur fatta þessir höfundarréttarmógúlar á Íslandi bara ekkert hvað fólkið í landinu vill. Þarna er auglýst áskriftargjald kr. 1.595,- á mánuði, sagt að fólk geti hlustað á vefútvarp en innifalið sé einnig að vista ótakmarkað lög að eigin vali á harða disknum hjá sér, hinsvegar dettur þeim í hug að í ofanálag geti þeir rukkað sér gjöld vegna leyfa vegna "laga til eignar" ... já, fólk mun örugglega borga aukalega fyrir að brenna fælana sem það hefur þegar borgað fyrir að downloada... yeah that'll happen - "sheah! And monkeys could fly outta my butt!" Ég gef þessu apparati 5 mánuði tops, máli mínu til stuðnings bendi ég á að núna þegar aðgangur er "ókeypis" og markaðssetningardæmið í botni, þá er lag nr. 2 á "topplistanum" Ömmubæn (!)
Ég hef fulla samúð með erfiðleikum íslenskra tónlistarmanna vegna ólöglegrar dreifingar tónlistar og allt það, þetta er erfitt, eitthvað þarf að gera. En svona erkikjaftæði þar sem komið er fram við neytendur eins og fífl og láta þá sem margborga sömu þjónustuna skv. geðþóttaákvörðunum, reiðir mig svo mikið að ég mun leggja mig fram um að hlusta EKKI á íslenska tónlist næstu vikuna. - Ó gövöööð - missi ég þá af endurkomu Skímó?? Get ég ekki heyrt Ömmubæn á tonlist.is??


I'll live!

:: geimVEIRA:: kl. 23:05:: [+] ::
...

Frábært framtak fyrir okkur sem ekkert vissum hvaða kjördæmi við kysum í: Smelltu hér til að fletta upp í kjörskrám Reykjavíkurkjördæmanna nú eða þá bara að kíkja á þetta kort, og hér er nú liðið sem úr er að velja: Framboðslistar til Alþingiskosninga 2003. Allir að muna að kjósa!

:: geimVEIRA:: kl. 19:49:: [+] ::
...

Jón Gnarr - ENTJ?
Ég vil þakka Jóni Gnarr kærlega fyrir að vera svona ferlega fyndinn í útvarpinu í morgun. Hann er fyndinn þegar hann er pirraður og í morgun var hann mjög pirraður blessaður, og las blogg einhvers sem hatar hann svo hjartanlega og dissaði hann hægri vinstri, og eftir að hafa lesið eina línu sá hann að hann yrði að lesa þetta með leiðinda-kellinga-röfl-röddinni sinni, sem er náttúrulega snilld alveg hreint... svo las hann allt bloggið um sig með þeirri rödd og hnussaði í endann. Það er eitthvað svo frábærlega sjálfbært við að vera opinber persóna sem fólk lætur bögga sig, það fólk bloggar eitthvert níð um Jón, Jón sem verður svona líka fyndinn þegar hann er pirraður les níðið upphátt í útvarpinu, fær enn betri hlustun því þetta var svo fyndið, svarar fyrir sig fullum hálsi (og réttilega m.v. þetta væl þarna sem hann las), sem óumflýjanlega mun pirra eitthvað lið... það var alveg snilld þegar hann downgrade-aði þennan bloggara úr því að vera "kona" niður í að vera "stelpufífl" whahahah, og sagði þegar hann las að þetta væri vélaverkfræðinemi, að ef hann ætti vél myndi hann sko segja þessari að "láta hana VERA!". Það er eitthvað element af gáfum + kaldhæðni + ákveðni sem fær mig til að gruna sterklega að Jón Gnarr sé ENTJ sbr. persónuleikaprófið, ég þyrði að veðja á það. Allt þetta: "I'm very sorry, but I have to kill you!" attitude... já og náttúrulega líka það að ekkert fer jafnmikið í taugarnar á húmorslausu liði og þannig týpur.

:: geimVEIRA:: kl. 19:13:: [+] ::
...

Og þá er þessum kafla lokið. - Og þá hefst nýr kafli.
Viðtalið í gær gekk bara þrælvel held ég, mér leist mjög vel á þetta allt saman, mjög almennilegur yfirmaður þarna greinilega léttur og skemmtilegur, spennandi fyrirtæki og ég gat alveg kommentað á það, enda ánægður kúnni þess. Ég veit hinsvegar að þeirra launapælingar voru ansi hreint langt frá mínum, en í viðtalinu kom fram að þessi yfirmaður vissi af því en samt var ekkert farið að punda neitt á mann eða reyna að prútta eitthvað, heldur var bara minnst á það og ekki meir. Svo ég mat það þannig að þetta væri smá "njósn", bara svona verið að sjá hvaða manneskja væri á bakvið umsóknina og jafnframt að þeirra hugmyndir væru engan veginn niðurnjörvaðar eða óbreytanlegar. Ég leit einnig á það sem hrós að vera ein af bara þremur sem átti að taka viðtal við núna og ákveðnar framtíðarpælingar og möguleikar í starfinu útlistaðir fyrir mér þannig að ég fékk allavega ekki á tilfinninguna að a) yfirmanninum litist illa á mig, b) ég hefði verið boðuð í viðtalið til þess að þvinga mig eitthvað niður eða telja mér trú um að ég þyrfti eitthvað að afsaka mig fyrir mitt sjálfsmat (eins og ég lenti í um daginn í viðtali), c) að starfið væri neitt annað en fjölbreytt og krefjandi starf eins og auglýst var. Mér var lofað svari af eða á, strax í næstu viku. Ég hef nú haldið áfram að henda inn umsóknum náttúrulega þegar ég hef séð eitthvað sem minnsti möguleiki væri á að ég hefði áhuga á að gera, enda ekki seinna vænna því, as of...
- N O W -
... er geimVEIRA atvinnulaus í fyrsta skipti á ævinni, múhahahahah! Ég hef þó sjálfsvirðinguna (í bili allavega), nú er bara að æfa sig í að bera höfuð hátt áfram (maður verður að halda góða coolinu þegar maður þarf að láta gamla bossinn kvitta á staðfestingu starfsloka til að fara með í atvinnuleysistryggingasjóð). Ég stefni á að nota fyrsta "frídaginn" á föstudaginn í að læra heima (því það er aldrei að vita hvenær maður verður að fara að vinna aftur síðan). Það er samt bara allt á góðum nótum milli okkar gamla bossins, hann ætlar bjóða voðafínt út að borða á föstudagskvöldið, við ásamt öðrum eftirmanni mínum (sem mér líst rosavel á), svo það verður fínt svona kveðju/welcome-hóf (skárra en ef þetta hefði verið bara kveðjudæmi.... æi ég var ekki í stuði fyrir að þetta yrði einhver væmni, sem það á síðan kannski eftir að verða.. úff.
Í söngtíma í gær, fékk ég upplýsingar um breytingar á fyrirkomulagi prófsins sem er núna í maí (alltaf jafngott skipulagið þarna arrrrg). Loksins þegar ég var komin með þetta circabout á hreint... ég er enn eftir að sjá hvort þetta er gott eða slæmt... en þetta virkaði ekki vel á mig allavega fyrst, ég meika heldur ekki meira stress og breytingar í bili.... kannski mun þetta síðan koma til góðs ég veit ekki.
Á leiðinni heim fékk ég medium-adrenalínsjokk þegar á móti mér ók, á einstefnuakrein (umferðareyjur og skilrúm á milli akstursstefna - ekki HÆGT að ruglast) sem meðalhraði er 50-60 km/klst. gömul kerling (dauðans), þar sem ég var að koma út úr hringtorgi hafði ég að hægt ágætlega á mér, svo ég var ekki í hættu samt hef ég oft farið hraðar þarna út enda beinn og breiður vegur framundan. En svona ökumenn dauðans falla augljóslega inn í Darwin... verða fljótt útdauðir, verst að þeir drepa ekki bara sjálfa sig með svona steypu. Jæja ég ætla að reyna að manna mig upp í matargerð. Mikið svakalega nenni ég því ekki núna.... arrrg.

:: geimVEIRA:: kl. 18:44:: [+] ::
...

Ekki nógu skýrt.... eins og þetta var flókið!
Nú jæja, ég fer í starfsviðtal í fyrramálið hjá fyrirtækinu sem ég sótti um hjá þarna um daginn (sem ráðningarstofan hringdi í mig út af morguninn eftir strax, en ég hafði efasemdir um), ég viðraði efasemdir mínar við ráðningarstofuna í dag, en við mig var ítrekað að ég ætti samt að skella mér í þetta viðtal, svo ég í það minnsta fíla mig ekki eins og svikara eða neitt fyrst ég sagði konunni frá hvernig mín tilfinning væri svona varðandi launahugmyndir að við værum ekki á sömu síðunni... þetta er eins og ég sagði hjá einu af mínum uppáhaldsfyrirtækjum, hinsvegar þyrfti líklegast eitthvað mikið til að við næðum saman, mér yrði að lítast mjög vel á þetta og þeim náttúrulega ennþá betur á mig, svo ég fer bara með opnum hug í þetta viðtal bara. Ég veit ekki alveg hvernig þetta er svona almennt, en ég er mjög ánægð í það minnsta að finna að umsóknin mín er alls ekki bara ofan í skúffu einhvers staðar, maður er að ná einhverjum viðtölum allavega, maður er alvarlega tekinn til greina, það er ágætt fyrir egóið.
Annað ekki jafngott fyrir egóið var hinsvegar að í dag voru skil/flutningur á verkefninu stóra stóra, en ég náði ekki að fara eins vel yfir það og ég hafði hugsað mér þegar ég var búin, enda vissi ég að þetta hljómaði bloody nearly rétt og endalaust hægt að bæta þetta, en eina kommentið sem ég fékk frá kennaranum (þar sem hann var með 4 síðna transcriptionina og ég hálfraddlaus búin að reyna að syngja þetta fyrir framan bekkinn) var að hann hefði eiginlega ekki getað fylgt þessu því þetta væri of óskýrt á köflum. Það versta er að atriðið sem hann var að kommenta á er nokkuð sem ég veit alveg um og hafði ætlað mér að fara sérstaklega yfir að væri samkvæmt bókinni, en bara einfaldlega náði ekki að klára þetta var svo óttalega flókið fyrir svona kjúkling fyrir mig... svo eftir alla 22 tímana fékk ég ekki múkk jákvætt. Glatað.... urr.... hinsvegar lærði ég svo mikið á þessu að það er svosem í lagi, en ég var EKKI chipper eftir tímann. Þetta er samt alveg sanngjarn kennari, vonandi fæ ég nú punkta fyrir viðleitni, því ég reyndi SKO að gera þetta vel, ég verð samt að passa mig á að velja ekki alveg svona snúið lag næst.

:: geimVEIRA:: kl. 23:55:: [+] ::
...

Verkefni lokið - starfslok í nánd - nóttin er komin
Núna er ég búin með verkefni, transcription að lagi... ég valdi kannski of erfitt lag m.v. getu, en þar sem ég fíla lagið hélt ég út þessa ca. 22 klukkutíma sem þetta hefur tekið, ég hélt ég væri þrælvel komin á veg verandi þegar búin að leggja 13-14 tíma ca. fyrir daginn í dag (en skil verkefnisins og flutningur er á morgun), en ég var alveg á fullu, tók bara matartíma og leyfði mér að horfa á 24. Æi, hvað verður gaman að geta farið að gera svona eins og ekkert c".. ég hef samt mikið lært af þessu, ekki síst á blessaðan Sibeliusinn, sem fer kannski bráðum núna að verða vinur minn.
Í matinn ákvað ég að prófa eitthvað sem ég hef aldrei smakkað, þ.e. houmous. Það er svona mauk úr kjúklingabaunum, tahini (sesamsmjör), ólífuolíu, hvítlauk, sítrónusafa og kryddi. Þú spyrð: "Houmous? - Er það nú eitthvað ofan á brauð??" ... Svar: "Já, houmous er einmitt nokkuð ofan á brauð." Þessu skellti ég öllu í mína fjalla-Siemens matvinnsluvél og úr varð vel ilmandi mauk, líkt kæfu. Þetta var þrælgott, ég á örugglega eftir að búa svona til aftur, en ég hef lengi ætlað að prófa þetta eftir að sjá fjölda grænmetisæta lofa þetta hér og þar á netinu.
Annað í fréttum: Ekki neitt. Þar sem ég var að læra nær non-stop í dag hef ég ekki einu sinni fylgst með fjölmiðlafréttum, veit ekki neitt um neitt. En nú er ég farin að sofa, enda þarf ég að kenna á morgun, og hinn og hinn, og svo verð ég atvinnulaus... talk about digging one's own bloody grave.

:: geimVEIRA:: kl. 02:27:: [+] ::
...

Sux ass
Enn einn laugardagurinn sem fór í leiðindi. Mér datt ekki einu sinni í hug að æfa mig, náði þó að ryksuga that's something I guess... merkilegt það einhvern veginn er ekkert að gera þegar maður er í svona skapi, ekkert í sjónvarpinu, enginn til að kjafta við á netinu, nada. Og ekki ætlaði ég að blogga um svona fúlheit.... en það virðist vera það eina sem ég get gert, enda klukkan of margt til að fara að æfa sig núna.. bahh. Það fáa sem ég gæti núna notað tímann viturlega til þess að gera, finnst mér of glatað að gera á laugardagskvöldi, þótt merking þess kvölds hafi ekki haft samasemmerki með fjöri eða tilbreytingu síðan ég man ekki hvenær. Semsagt leiðindi, fúlheit, einmanaleiki. Rassasog.

:: geimVEIRA:: kl. 00:32:: [+] ::
...

Já vera ég sjálf já...

Anthony -
You love the fact that you're the life of the
party. You crave attention and know how to get
it. Just remember, its more important to be
yourself than to be the asshole everyone thinks
you are.

Which Red Hot Chili Pepper Are You? brought to you by Quizilla

Ég vissi ekki að hann væri talinn eitthvað asshole... en ég fíla RHCP... ég fíla söng... ég hef tekið lög með RHCP ... og hef verið svo illilega ég sjálf að öllum hefur örugglega tekist að komast að því að ég er asshole fyrir löngu...

:: geimVEIRA:: kl. 04:32:: [+] ::
...

Mig langar í svona:
Whahahahah.... þetta er snilld: Audi-Oh.

:: geimVEIRA:: kl. 04:11:: [+] ::
...

Kreperíng dagur 11/15
Ég sótti um starf í gærkvöldi, eða eiginlega í nótt sem virkaði svona sæmilega spennandi, og haft var samband frá ráðningarstofunni strax í morgun. Þeim leist greinilega ágætlega á mig á ráðningarstofunni í þetta starf, en mér hreint ekki á launin sem nefnd voru, hinsvegar vildi ráðningarstofan samt endilega að ég færi í pottinn, svona með möguleika á að vaxa inn í fyrirtækið, svo ég samþykkti það. Síðan í dag smá óx í mér efinn, enda þegar ég reiknaði hver útborgunin yrði m.v. þessi laun þá sá ég að það var ekki séns að ég lifði á þessum launum. Ég veit ekki alveg hvað ég geri, mér finnst ekki alveg í lagi að fara í viðtal vitandi það að ég gæti ekkert sætt mig við launin að þetta væri bara vonlaust case.... hitt er svo annað að ef ég kæmist í viðtal myndi maður (ef vel gengi þ.e.) komast með fótinn inn fyrir dyrnar, reynt jafnvel að presentera sig sem framtíðarstarfskraft á öðrum (hærri og betur borguðum) sviðum í fyrirtækinu, sem mig grunar að sé enn í mikilli mótun og sé eitt af mínum uppáhaldsfyrirtækjum. En það einhvern veginn er ekki í minni persónu að hösla svo mikið.... ég þarf að melta þetta. Síðan fann ég í kvöld ráðningarstofu sem er með svo óttalega slappa heimasíðu að ég tók ekkert mark á því sem vænlegu til árangurs og hafði ekki skráð mig inn þar, en svo skellti ég inn CV-inu svona þar sem ég sá eitt starf auglýst þar sem gat jafnvel átt við mig. Síðan fór ég að skoða þetta betur og fann þá þar inni ansi mikið long-shot starf, sem ég gæti mjög vel passað í en ég sæki um svona svoldið vegna þess að (yfirhöfuð) auglýsingarnar þarna eru ekkert alltof skýrt framsettar og ekki útlistað mjög mikið hvaða kröfur eru um fyrri menntun, hinsvegar kröfur um skapgerðareiginlega sem ég bý yfir í ríkum mæli. Jájá, alltaf gaman að skjóta hátt. Er það ekki bara um að gera?
Ég glápti á sjónvarpið áðan a grínþátt og þar kom setning sem mér fannst snilld, sem var á þá leið: "If I moulded a man out of crap, he would not begin to be as full of crap as you are!"
Þar sem heil flétta tæknilegra vandamála lá yfir fyrirtækinu sem ég vinn (just barely) ennþá hjá, gekk ekki mikið að kenna. Hins vegar náði ég þó að troða ótrúlega miklum upplýsingum í hausinn á eftirmönnunum, sem síðan fóru á námskeið í þokkabót. Þegar þeir voru farnir sat ég ein eftir eins og illa gerður hlutur og þurfti að hjálpa fólki sem ég þekkti ekki, finna fólk sem ég þekkti ekki, á vinnustaðnum sem ég rata ekki enn mjög vel á. Gífurlega skemmtilegt - not! Núna eru bara 4 dagar eftir.
Hversu ferlegt er að vera farinn að hlakka til að verða atvinnulaus, frekar en vinna í svona aðstæðum? Mér líst mjög vel á að fá frí á morgun... ja frí? Reyndar er síðan ekki frí þar sem ég þarf að mæta í hljómfræðitíma. Eiginlega helgispjöll að fara í skóla á sumardaginn fyrsta, en það verður bara kærkomin tilbreyting samt sveimérþá... æi mig langar svo að geta klárað þessa hljómfræði í vor. Jafnvel með stæl. En allavega klára hana, svo ég geti haldið áfram næsta vetur.

:: geimVEIRA:: kl. 21:26:: [+] ::
...

Strike one.
Í dag hringdi konan af ráðningarstofunni (sem klúðraði viðtalsboðuninni um daginn), hún var übernæs og ég bara líka við hana án þess að vera suck-up, og hún var voðalega varfærnislega að tilkynna mér að af 18 umsækjendum í starfið væri búið að þrengja hópinn í 3, og ég hefði "því miður ekki komist áfram í þann hóp" - þar sem ég var ósköp lítið spennt fyrir eða vongóð með með þetta starf kom þetta ekkert á óvart. Fínt hinsvegar að hún skyldi láta mann vita. Í það minnsta var komið gott veður á milli okkar þá, svo ég kannski afskrifa ekki þessa ráðningarstofu eins og ég hálfvegis var farin að gera í huganum.
Í morgun mætti ég á nýja staðsetningu vinnustaðarins sem ég er að hætta hjá, yfirmaður minn gat ekki einu sinni mætt tímanlega til að kynna mig fyrir öðru fólki þar svo ég varð sjálf að kynna mig fyrir ókunnugu fólki, sem virtist aldrei hafa heyrt á mig minnst, sem mér fannst undarlegt og vægast sagt óþægilegt. Uppsetning búnaðar sem átti að vera komin á hreint þegar ég kæmi aftur, var (eins og ég bjóst við) ekki aldeilis komin á hreint, svo ég þurfti aðfara að skríða þarna (í skárri leppunum enda ég að reyna að vera fín fyrir þetta ókunnuga lið þarna blah) að tengja tölvubúnað og raða upp (einmitt það sem mig lysti EKKI að standa í). Síðan upphófst útkreisting-part 1- allrar minnar 8 ára þekkingar, þar sem ég reyndi að kenna eftirmönnum mínum á fáránlega skipulagðan hátt. Ég setti þetta fram af þvílíkri yfirsýn og mátulegri nákvæmi og stoppaði yfirmanninn af þegar hann fór um víðan völl og ætlaði alveg að sprengja hausinn á liðinu með useless info á þessu stigi, ég er mjög góður kennari og veit náttúrulega algerlega hvað skiptir máli í þessu gagnvart mínum eftirmönnum, eitthvað sem hann var ekkert með á hreinu að sama skapi, svona er maður góður, góður og næs. Í raun er nú too much eftir það sem á undan er gengið að ég fylli sjálf yfir eigin gröf á þennan hátt, svo ég ætla aðeins að tuna þetta niður núna. Ég skil ekki hvað það er við mig að láta svona, það er ekki mitt verk að bera ábyrgð á þessu öllu, m.v. hvernig starfslokin eru í raun (þótt allir séu næs núna á yfirborðinu og gott veður and whatnot) komin til vegna hardball-stæla vinnuveitanda, hvað er ég að gleyma því bara núna að ég glutraði niður nærri helming þess tíma sem ég hefði annars getað sótt um önnur störf þar sem þess var óskað, og síðan bara hardball og dæmi?... Ég er bara ruglibulluð að vera svona ferlega solid (eins og vanalega - solid manneskjan old faithful) og pottþéttur kennari eitthvað sem tyggur fróðleikinn og meltir ofan í eftirmennina því ég vorkenni þeim svo að eiga að læra allt sem ég kann á engum tíma. Ég vil alveg vera vinveitt, en ég er að gera hlutina alltof alltof auðvelda fyrir ALLA í kringum mig nema sjálfa mig. I ain't getting shit from this shit so from now on I'm not gonna do this shit like that.
Og nú er klukkan orðin alltof margt svo ég mæti jafnilla sofin og í morgun (en ég sofnaði náttúrulega ekki fyrr en um fjögur í morgun). Ég á nú aldrei gott með að sofna, en að geta ekki farið að sofa fyrir kvíða/spennu svona nokkrar nætur í röð hef ég ekki gert síðan í menntaskóla... reyndar var það nú eiginlega þannig allar nætur á þeim árum, en þetta er öðruvísi. Núna vonast ég í það minnsta til að allir angar séu aftur úti svona fyrst þessi kona á ráðningarstofunni hafði fyrir því að tala við mig persónulega aftur eftir allt vesenið.... síðan er ég farin að sjá að ef illa fer og ég verð atvinnulaus verð ég aldeilis ekki verklaus því það mun allt verða brjálað í skólanum hjá mér eftir mánaðarmótin. Hey ég var að fatta.... það er gúmmíföstudagur á morgun, því það er frí hinn. Síðan alvöruföstudagur og aftur frí!!! Jibbí kóla með kirsuberi!

:: geimVEIRA:: kl. 01:52:: [+] ::
...

And a nice attempt at blowing sunshine up my butt:

-Perfect- You're the perfect girlfriend. Which
means you're rare or that you cheated :P You're
the kind of chick that can hang out with your
boyfriend's friends and be silly. You don't
care about presents or about going to fancy
places. Hell, just hang out. You're just happy
being around your boyfriend.


What Kind of Girlfriend Are You?
brought to you by Quizilla

Egotickling... a nice substitute for love.

:: geimVEIRA:: kl. 02:12:: [+] ::
...

Sunshine junkie
I made it! Ég var í dag í heitum potti foreldranna í 18°C hita og sól og gúddí fílíng, svo ég er ekkert lítið ánægð að hafa drifið mig af stað í gær. Umferðin var ekkert slæm og enginn með death wish á þjóðveginum eins og maður sér nú svo oft. Fínn túr.
Ég er að reyna að grafa upp góða uppskrift fyrir múttu að aligæs á netinu, og blogga á upphringisambandi. Djöfull á maður gott að vera með 512 kbps tengingu.... það er ekkert fyndið að vera síðan á gamla 56.6 módeminu að reyna að gera stórræði. Eiginlega ekki gaman, skil ekkert í því að söluræða dauðans hafi enn ekki hrifið ma&pa. Það skemmileggur mikið að þurfa að sannfæra þau um að versla við Landssíma dauðans, svo kannski þessvegna hika þau. En ég er mjög ánægð með nýasta leik Íslandssíma OG Tals OG.... Og Vodafone. Mörgum finnst þetta asnalegt... en mér finnst þetta fyndið. "Og" er "samtenging".... passar vel við tilgang fyrirtækisins. Ég bíð spennt eftir góðum dílum, enda ég með öll viðskipti sem ég mögulega get ekki hjá Landssímanum. Gleðilega páska og Vodafone!

:: geimVEIRA:: kl. 00:59:: [+] ::
...

Gövvööð hvað ég er löt... ég er að reyna að hafa mig upp í bíltúr út á land í heimsókn til foreldranna... er búin að setja tannburstann í hylki og taka til eitthvað smálegt... en svo bara get ég mig ekki hreyft af leti. Það er náttúrulega líka svo margt annað sem ég ætti að vera að gera annað en að fara í ferðalag, þrífa, læra fyrir próf, æfa sönginn, taka til... en málið er bara: Ég nenni ekki að gera það heldur! Svo ég ætla bara að fara í ferðalag. Gott veður og svona, já já. Þetta verður fjör.

:: geimVEIRA:: kl. 15:24:: [+] ::
...

Universe to geimVEIRA - message replied. Topic BOOGIE
Ég var að væla þarna áðan og senda alheiminum skilaboð um að hefja nú gamanið. Þetta tók ekki langan tíma. Ég fór í 300. skiptið inn á heimasíðu jazzhátíðarinnar í Nice, sem ég fer á í sumar, til að athuga hvort ekki væru komin nöfnin sem yrðu og núna eru þau komin inn!
Það er hellingur af listamönnum sem ég þekki ekkert til, en það er allt í lagi því ég mun fara á tónleika með Jamiroquai (jibbííí). Ég hef keypt allar plötur með þeim frá upphafi, fílaði reyndar ekki síðustu plötu en svo að segja allt annað fíla ég með þeim.... nú er bara að vona að Jay Kay fari í meðferð fyrir sumarið, því hann verður að vera í toppformi að syngja fyrir mig. Aðrir sem ég þekki til og eiga að koma fram á hátíðinni: Beth Gibbons (úr Portishead), Kool and the Gang, The Roots, Bebel Gilberto (dóttir João, hefur unnið með Thievery Corp. og David Byrne), Robert Plant (Led Zeppelin), Wilson Pickett, síðan alls konar lið sem maður þekkir minna til en veit af þegar maður kynnir sér það s.s. trompetleikarinn hennar Erykuh Badu og helling af öðru liði, síðan verður þarna gamla diskóið sko: Chic ásamt Nile Rodgers (sem hefur pródúserað frá David Bowie (Let's dance) til Madonnu (Like a Virgin) og spilað undir á gítar hjá silljón liði. Þetta verður vonandi enn fjölbreyttara, en ef ég kemst á tónleika með Jamiroquai þá er ég sátt.

:: geimVEIRA:: kl. 03:58:: [+] ::
...

Já svo í dag, þegar ég kom út úr búðinni þá sá ég að búið var að skemma bílinn minn. Nokkuð slæm beygla og rispa með rauðu lakki í á húddinu, svona eiginlega ofan frá, og nógu mikið til að ég þarf að láta laga sýnist mér, þannig að þetta var örugglega ekki eftir bíl eða neitt (enda vísaði framendinn ekki að umferð), þar sem páskafríin eru hafin á ég ekki von á að geta látið metið þetta tjón fyrr en eftir helgi. Mér finnst alveg dagurinn í gær vera nógu glataður, svona til samans við atvinnuleysið tilvonandi og allt sem ekki gengur vel í lífinu að öðru leyti.
Oh well, þetta eru bara peningar, þetta eru bara hlutir. En mikið voðalega er ég til í svona hressandi skemmtilega hluti. Message to universe: "Enough already! Let's start the fun!"

:: geimVEIRA:: kl. 21:58:: [+] ::
...

Yes, Candi wants to be my naked personal desktop assistant. Það er ágætt hjá henni. Síðan vill einhver páskakanína selja mér egg og lyfsalar selja mér pillur. Hvenær skyldi manni bjóðast Spam á spaminu sínu?

:: geimVEIRA:: kl. 19:07:: [+] ::
...

geimVEIRA er EKKI no-show, simple as that!
Í gær átti ég að fara í viðtal kl. 15. Ég er í fríi svo ég var í rólegheitum að undirbúa mig og koma mér í stuð, í fínum fílíng enda gott veður og svona, þegar hringt er í mig ca 13:40 frá ráðningarstofunni og sagt að ég hafi verið skráð kl. 13 í viðtalið en ég hafi ekki mætt. (???) Ég sagði nú bara eins og var, að stelpan sem boðaði mig hafi sagt mér að koma kl. 15:00 þann fimmtánda, meira að segja hafi hún þrítekið það fyrir mig því hún virkaði svo óörugg á mig í símann, t.d. hafi ég slegið hana hálfpartinn út af laginu þegar ég sagði við hana "Já, á morgun semsagt, kl. þrjú" því hún var eitthvað svona lítið að kveikja að það var einmitt 14. mars þegar hún hringdi í mig, svo tíminn og dagsetning var margendurtekin. Þetta hafi algerlega á hreinu verið, "fimmtánda, kl. 15" ég myndi þetta þar að auki sérstaklega út af þessari tvítekningu á 15. Konan á ráðningarstofunni sagði bara, svona með hint af einhverri vantrú (sem fór ekkert lítið í taugarnar á mér, enda tek ég svona skuldbindingar mjög alvarlega) að hún ætlaði að kanna þetta betur og tala við stelpuna sem hringdi í mig (eins og það væri aðalmálið í stöðunni að double-tékka hvort ég segði satt - en ekki að leysa bara vandamálið), en ég hafi verið skráð kl. 13 hjá henni (enn kom vantrúin þarna) og líka í fyrirtækinu sem ég var að fara í viðtal til, og það væri sko annar skráður kl. 15. Þar sem ég var með vitni að því þegar hringt var í mig og ég margendurtók upplýsingarnar um hvenær viðtalið væri, hringdi ég í vitnið sem staðfesti nákvæmlega þær upplýsingar sem ég var að vinna eftir. Síðan upphófst ekkert lítið pínleg bið eftir að þessi ráðningarstofukona hefði samband aftur. Síðan hringdi konan, til þess eins að segja mér það að stelpan sem hringdi í mig hafi verið með skráð að hafa boðað mig í viðtal kl. 13 (ennþá verið að væna mann um ósannsögli) og þar sem önnur manneskja væri boðuð kl. 15 þá gæti hún ekkert sagt hvernig þetta færi allt saman. Á þessum tímapunkti missti mín sko alveg coolið. Ég sagði við konuna að það væri alveg kristaltært að ég hafi verið boðuð kl. 15, þau hefðu þarna gert mistök, ég taki svonalagað afskaplega alvarlega, þarna væri búið að hafa af mér viðtalið sem ég hafi verið að undirbúa mig allan daginn fyrir, og sagði henni að mér þættu þetta ófagleg vinnubrögð og það væri orðinn ómældur skaði af því að nú væru toppar fyrirtækisins búnir að sitja í rúman hálftíma og bölva manni að ósekju. Hún var greinilega ekki sátt við að láta saka sig um ófagleg vinnubrögð og reyndi eitthvað að milda þetta ( sem var nú seint í rassinn gripið), en ég náttúrulega sagði henni eins og var að þetta væri náttúrulega álag sem kvíðna umsækjendur skorti ekki. ( Er það ekki martröð umsækjenda að missa af viðtalinu eða að klúðra óvart einhverju þannig að fólk telji mann fífl eða ómerking?). Hún sagðist þá ætla að reyna að e-maila á forstjórann (hvers vegna ekki bara hringja?) og athuga hvort ég gæti fengið að koma á öðrum tíma, en hún gæti engu lofað. Þarna er mín náttúrulega alveg dottin úr öllu fína jafnvæginu og stuðinu. Ég var sko reið yfir því að einhver ljósk heimska gæti með einföldum mistökum haft af manni virkilega mikilvægt tækifæri upp á framtíð manns (eitthvað sem maður væri pissed yfir en hægt væri að fixa bara), en skalf af bræði yfir því að viðkomandi hefði ekki manndóm til þess að viðurkenna þau, nú eða þá að ráðningarstofan sýndi af sér sóma og tæki sín mistök á sig, en þá væru þau náttúrulega um leið að viðurkenna að bera ábyrgð á því gagnvart fyrirtækinu að láta toppana eyða dýrmætum tíma sínum. Framvegis mun ég láta e-maila líka tímasetningar í svona mikilvægum málum, til að hafa þó eitthvað í höndunum, þessi aðstaða er hin afleitasta sem mér hefur verið komið í.
Þarna var ég semsagt, eina manneskjan með sannleikann mín megin og sem mestu hafði að tapa, bíðandi eftir einhverri framtíðarmúsík frá konu sem mér fannst lítið leggja upp úr mínum orðum, klukkan orðin 20 mín. í þrjú og ekkert að gerast.
Þá komu foreldrar mínir heim, ég sagði þeim hvað væri í gangi, náttúrulega orðin nett ill og titrandi alveg í spennufalli dauðans, þar sem á síðasta klukkutímanum hafði ég farið úr því að vera vænlegur kandítat í starf, yfir í manneskju sem væri talin ósannindamanneskja eða einhver sem ekki viðurkenndi eigin mistök (en það vita þeir sem þekkja mig, að ég er heiðarleg og sú fyrsta til að viðurkenna ef ég tel mig hafa gert mistök og ég tek svona skuldbindingar gífurlega alvarlega) semsagt dæmd fyrirfram óhæf í samstarfi (eins og einhver myndi leika sér að því að skrópa í atvinnuviðtal holycow!) á algerlega röngum forsendum. Þá ákvað pabbi, með mínu samþykki (enda vantaði klukkuna þá bara 5 mín. í þrjú og ekkert búið að heyrast í konunni á ráðningarstofunni) að tala við gamlan kunningja, sem einmitt er einn af þeim sem eiga fyrirtækið (en sá samt ekki um að taka í viðtöl) og bara segja honum hvað gerst hefði (enda ekki farið að hljóma líklegt að konan á ráðningarstofunni segði allan sannleikann). Hann sagði honum sögu mína og hvernig ráðningarstofan hefði brugðist við eigin mistökum og bað hann um að athuga hvort væri ekki einhver séns að koma mér í viðtal. Tíu mínútum síðar þá hringir forstjóri fyrirtækisins í mig, voðalega léttur (hjúkk!) og sagðist eiga tíma kl. 12 daginn eftir fyrri mig. Ég þáði hann (örugglega matartíminn hjá liðinu - úff) og var mjög fegin að fá tíma ekki eftir 20 mín. eða álíka, enda ég enn skjálfandi af reiði og ekki í þessu fína rólegheitajafnvægi og góða stuði sem ég hafði reynt að koma mér í allan daginn, mér þótti mjög vænt um að hann sagði bara "Fall er fararheill!" svo við vorum alveg í góðum málum.
Á þessum tímapunkti óskaði ég mér þess að konan úr ráðningarstofunni hringdi, svo ég gæti sagt henni eftir að hún hafði gert úr því mál að redda öðrum tíma, að forstjórinn hefði hringt í mig áðan og ég hefði einmitt verið að bóka annan tíma í viðtal.(Oh það hefði verið svo cool) En konan hringdi bara ekkert aftur í mig, mér hefði nú alveg fundist eðlilegt að hún gerði það í ljósi þess að hennar fyrirtæki var búin að sóa heilum dag úr mínu lífi ekki síður en tíma forstjórans) þótt hún hafi kannski fengið að vita að ég væri nú þegar komin með annan viðtalstíma, hefði verið eðlilegt að hún hringdi þar sem hún sagðist gera það þegar hún heyrði í forstjóranum. Ég er ansi hrædd um að hún hafði orðið svona pissed þegar ég missti coolið. Ég á alveg eins von á því að mitt CV hafi bara farið í tætarann, en það kemur þá bara í ljós. Ég stend fullkomlega við það að hjá ráðningarstofu eru svona vinnubrögð ófagleg. Hefði ég verið í hennar sporum þá hefði ég hugsað.... já vandamál, ok let's fix it! En í staðinn fór hún í blame-game og áttaði sig ekkert á því að hún var að vega að mínum heiðarleika með þessari framkomu, heiðarleika sem ég tek mjög alvarlega. En allavega, ég er á skrá hjá öðrum stofum líka, og það verður ekki frá mér tekið að það var hún sem vildi senda mig í þetta viðtal (ég hafði ekki einu sinni sótt um þetta starf). So fuck it.
Síðan í dag fór ég í blessað viðtalið. Rok og rigning dauðans komin, svo ekki er góða-veðursstemmingin yfir þessum degi. Það gekk svona ágætlega bara, ekkert spes, það var svona ekki alveg gott flæði (kannski vegna þess sem gerðist í gær, ég veit ekki) þessu var lýst vel fyrir mér, starfinu, og farið vel yfir allt, svo mér duttu engar spurningar í hug eða neitt... mér fannst svona að ég án þess að vilja það hafi kannski ósjálfrátt verið í vörn gagnvart viðræðendum, þveröfugt t.d. við síðasta viðtal, en engu að síður var þetta alveg fínt bara, en ekkert meira. Mér var tjáður fjöldi umsækjenda og hann dró mjög úr vonum mínum, eins hljómaði starfið pínkulítið meira spennandi á pappír en þegar því var lýst þarna. Þannig að þetta fór alveg ágætlega bara, ég samt var bara ekkert alveg í nógu góðu stuði síðan í gær, momentið mitt var í gær það er á hreinu. Hvað var það aftur sem vinur minn sagði?
Jú: "C'est la vie!"

:: geimVEIRA:: kl. 17:31:: [+] ::
...

Sheah! And monkeys might fly outta my butt!
Í morgun fór ég í starfsviðtal, það gekk stórvel, líkingin með skurðaðgerðina sem heppnaðist fullkomlega, nema hvað sjúklingurinn dó, kom þó í hugann, enda jaðraði launahugmyndin sem sett var fram við móðgun. Ég þakkaði bara pent fyrir og hef svo að segja afskrifað þetta starf, enda stórkostleg launa- og réttindaskerðing sem ég hefði þurft að taka á mig. Síðan fór ég bara og lét skoða bílinn minn (fékk fulla skoðun) og fór svo heim og borðaði egg og bacon (svona spari af því að ég er í sumarfríi híhíh) og fór í tölvuna. Þá hringdi síminn og var ég sko barasta boðuð í atvinnuviðtal annars staðar á morgun. Ég vona því að það hafi borgað sig fyrir mig að hafa tekið sumarleyfisdreggjarnar þessa daga fyrir páska, ég í það minnsta hefði átt frekar bágt með að biðja um frí svona dag eftir dag. Atvinnuviðtalið á morgun er vegna mun athyglisverðara starfs svo ég er eiginlega sérstaklega ánægð með að ná þessu viðtali (hitt viðtalið var vegna svo svipaðs starfs og ég var í, að það hefði verið svakalegt ego-blow að ná ekki einu sinni viðtali þar). Viðtalið í dag var ekki vegna umsóknar í gegnum ráðningastofu (enda hefði umsókn mín þá ekki verið send vegna launahugmyndamisræmis), en viðtalið á morgun er í gegnum ráðningarstofu svo ég krosslegg fingurna að í það minnsta yrði ekki farið að steypa eitthvað í launalið viðtalsins, eins og gerðist í dag. Hvernig sem fer er ég nokkuð ánægð í það minnsta að vera þá búin að fá 2 viðtöl eftir stuttan tíma, ég held að ekki allir geti státað af því, sá partur er allavega góður.
Ég er búin að ákveða nýtt lag fyrir stigsprófið mitt, núna vantar mig eiginlega eitt-tvö lög í viðbót, þar sem þótt listinn sé nú fylltur, ég er ekki alveg 100% sátt við 1 lag, eða kannski 2 lög... ég finn mig allavega ekki alveg í þeim. Ég er búin að vera svolítið dugleg að æfa mig í hljómfræðinni þ.e. verklega hlutanum, en algerlega gleymt tónheyrninni og bóklega dótinu í hljómfræðinni (sem ég sökka þónokkuð í núna). Hugurinn er ansi thinly spread þessa dagana, það fer ansi mikið fútt úr manni að fara í svona viðtöl svo ég gleymi svona "smáatriðum" eins og vorprófunum í skólanum.
Um helgina fór ég á árshátíð í skólanum, sem haldin var með 2 öðrum skólum. Á undan var svona forpartý, þar sem drukkið var bleikt freyðivín og borðaðar melónur undir sýrðum tónum úr æfingaupptökum partýhaldarans, mjög gaman. Á árshátíðinni var borðaður fínasti matur og síðan sáu skólarnir um skemmtiatriðin. Þar voru leikin lög af ýmsum toga, en alveg báru nokkur atriði af: Blásarakennaradeild lék á blokkflautur og söng "Hit me Baby" þarna Britney Spears lagið með svaka klassískum tenórsólóista (mjög fyndið); leikin var afar sérstök útgáfa af "Yes sir, I can boogie" með nokkrum FÍH strákum og 2 stelpum sem sungu og léku á fiðlu og rafmagnað selló, sem var óvart stillt of hátt í hljóðblöndun þannig að þetta kom svakalega gróft og þungarokkað út (massafyndið); síðan kom Ungverji sem talaði svoldið sniðuga íslensku, og hann lék gersamlega jawdropping barrokk-rokk-blues samsull á píanó (sjúklega flott), síðan vippaði gaurinn fram fagotti, og stelpa kom fram með honum og sló á kúabjöllu, þá er hann barasta ekkert að læra á píanó, skilst mér heldur fagott (!) spilaði rosa djassað á það, svo í endann tók hann "Für Elise" á píanóið og djassaði það svakalega í anda Django Reinhardts, enda reis fólk úr sætum (allur salurinn var orðlaus) og klappaði heillengi. Þetta var massastuð, ball með Rússíbönunum tók síðan við (ekki alveg svona mín uppáhaldstónlist) það var stemming og ég dansaði slatta, en fór samt bara heim kl. eitt-hálftvö mjög sátt.

:: geimVEIRA:: kl. 15:42:: [+] ::
...

Þetta er með því allraminnst rómantísku gjöfum allra tíma held ég. Kannski að einhver þrái æðahnútaaðgerð í fertugsafmælis síns... en að rétta einhverjum gjafabréf: "Til hamingju með brúðkaupsafmælið, greyið farðu nú og láttu laga þetta æðaslit á rassinum á þér elskan!" Whahahah!

:: geimVEIRA:: kl. 14:00:: [+] ::
...

Í dag vinn ég síðasta daginn fyrir páska, eftir páska eru bara 6 virkir dagar eftir og ég kvíði þeim ferlega. Það er mjög óþægilegt að vera innan um allt hoopla-ið sem fylgir flutningum þegar þeir eru ekki manni viðkomandi. Allt svona rót kemur illa við mig. Ég skil ekki hvað ég læt svona stressa mig, en þetta stressar mig rosalega. Náttúrulega er verið að rífa niður og setja í kassa vinnuumhverfið manns sem maður hefur "átt heima í" í fleiri fleiri ár, kannski er það bara málið. Ég er að missa familiar grounds sem verða aldrei hin sömu... end of an era and whatnot. Eða þá að það er bara að hellast yfir mann alvarleikinn... hvar er núna ljónshjartað? Voðalega þarf það að flakka alltaf. Helgin mín þarf að vera eitt allsherjar upppepp dauðans, því ég verð sko að fara í viðtalið í góðu stuði og með kjark í að þora að segja það sem mér finnst.
Ég ætla á árshátíð í skólanum mínum. Ein eins og vanalega, en það lið sem ég kannast við í skólanum virðist lítið spennt, en ég hef gaman af svonalöguðu svo ég ætla að mæta. Þótt, eins og allt þessa dagana, ég fái í magann af kvíða yfir því.

:: geimVEIRA:: kl. 11:44:: [+] ::
...

C'est la vie?
Ég varði næstum öllum matartímanum mínum í að reyna að tala vin minn af því að fara að éta efedrín til að missa einhver 10 - 15 kíló. Ég benti á allar aukaverkanirnar og hvaða áhættur hann væri nú að taka með heilsuna sína, háþrýstingur, hjartsláttaróregla og bara holycrap.is. Ég náði því þó í gegn að hann talaði við lækninn sinn, sem ég taldi nú hálfan sigurinn, enda enginn heilvita læknir sem myndi fara að mæla með notkun Ripped fuel við nokkurn mann.
Nema hvað, síðan var ég að heyra að vinurinn hringdi í lækninn og læknirinn bara útskýrði eitthvað fyrir honum með þetta (sagði bara það sem ég var búin að segja - sem mér fannst nú ansi sterk rök gegn notkun þessara lyfja), en gaf honum síðan grænt ljós á að nota þetta "innan skynsamlegra marka". Ég er svo aldeilis hissa, þarna var ég að ætlast til að læknirinn myndi þá einvörðungu hvetja hann til heilbrigðari lífshátta, en ekki grípa til ólöglegra örvandi efna, en nei nei, hann lagði það bara í mat viðkomandi hvað væru "skynsamleg mörk" og útskýrði að þetta væri svona svipað og drekka 14-16 kaffibolla á dag. Núna er vinur minn mjög sæll, er orðinn semi-hyper og fílar þetta í botn, alveg kominn í stuð til að hreyfa sig á fullu. Mín pæling er, hvernig getur læknir annað en eindregið lagst gegn notkun ólöglegra örvandi efna? Ég tek einnig fram, sem stakk mig mjög mikið, að læknirinn kallaði ekki einu sinni vin minn inn í blóðþrýstingsmælingu, en ef hann væri með of háan blóðþrýsting þá væri hann í sérlegum áhættuhóp m.v. gögn sem má finna á netinu um þetta. Á meðan að FDA er að ströggla við að reyna að banna efni eins og efedrín í bandarískum fæðubótarefnum, þá er þessu smyglað hingað inn og misviturt fólk segir: "Iss þetta er allt í lagi, þetta er leyfilegt í USA!" og meira að segja þótt fólk hafi síðan vit á að tala við lækni (well eftir að geimVEIRA tekur kastið á það), þá virðist það lítið hafa að segja. Læknirinn benti honum þó á, sem var mjög gott mál, að hann gæti nú líka bara skokkað 7-10 km 3x í viku til að létta sig og styrkja og benti honum á að hann væri kannski með heldur mikinn kílóafjölda í huga m.v. byggingu. Ég væri örugglega ekki besti læknir í heimi, en ég myndi ekki láta fólk út í bæ halda sig hafa grænt ljós á notkun svona efna og tala þannig við það, að það bara yppi öxlum og haldi sig bara vera A-ok! af því að það telur sjálft sig "skynsamt" í notkun örvandi efnanna, ég hefði nú sveimér þá skikkað manninn til að skokka nú í mánuð 3x í viku, og sjá þá síðan til (enda myndi viðkomandi þá bara hafa lést hvort sem væri). Á heimasíðum er hægt að finna söfnun í class action suit gegn framleiðendum svona efna, þar sem sagt er að mörg hundruð manns telji sig hafa borið alvarlegan skaða af notkun slíkra efna. Ef efedrín er í lagi fyrir einhvern sem þarf að missa 10-15 kíló, er þá ekki bara amfetamín í lagi fyrir þá sem þurfa að missa 20-30 kíló þá? Hver eru skynsamleg mörk, þegar farið hefur verið fram úr skynseminni?
Ég held ég hafi samt sannfært vin minn um að fara í það minnsta í blóðþrýstingsmælingu til öryggis. Ég á reyndar eftir að sjá hann gera það, en hann telur sig geta verið í mánuð á þessu, og hætt síðan bara þá. Um leið er hann chipper as a MF og þakkar það þessum örvandi efnum, þegar ég lýsti undrun minni á þessu öllu saman sagði hann bara "c'est la vie".

:: geimVEIRA:: kl. 15:33:: [+] ::
...

Nú verða sagðar fréttir:
Í morgun var haft samband við mig frá ráðningarstofu og óskað eftir að áframsenda umsóknina mína á spennandi fyrirtæki, sem reyndar hafði auglýst eftir háskólamenntuðu fólki (svo ég sótti ekki um þar) en fyrst ráðningarstofunni leist þó þetta vel á mig samþykkti ég það að sjálfsögðu.
Síðan var ég núna áðan boðuð í atvinnuviðtal á annan stað á mánudaginn næsta. Það er bara allt að gerast. Ef ég næði nú viðtölum á báðum stöðum, það væri prima sko, en í það minnsta er eitthvað í pípunum. Það veit nú alltaf á gott.

:: geimVEIRA:: kl. 13:06:: [+] ::
...

Typology test
Jæja, þá er Engill búinn að blogga um sína niðurstöðu úr persónuleikaprófinu sem ég hef haft link á hér til vinstri frá upphafi (en reyndar ennþá enginn sagt mér sína týpu). Ég vil vekja athygli fólks á að taka þetta próf, þetta er með ólíkindum hvað þetta nær að lýsa manni a.m.k. í mínu tilviki og allra sem ég hef talað við sem hafa tekið þetta, mín niðurstaða var svo sönn að það var scary. Ég er mjög forvitin að vita hvað fólk fær úr þessu, en niðurstaðan kemur í formi fjögurra bókstafa, en möguleikarnir eru 16. Hver þessara týpa á sér sérstök einkenni, sem hafa t.a.m. samsvörun í starfsstéttum ýmis konar. Áhugasviðsprófið sem ég fór í inn í Háskóla einu sinni var bókað byggt að einhverju leyti á þessum flokkunum, enda ákv. starfsstéttir sem ég átti að eiga samleið með sem poppuðu aftur upp með niðurstöðunni minni. Ástæðan fyrir því að ég er svona forvitin um niðurstöður fólks er að ég hef enn ekki, eftir að hafa beðið slatta af fólki að taka prófið, hitt manneskju sem er sama týpa og ég mun vera. Sem sannfærði mig nú endanlega eiginlega að það væri nokkuð til í þessu prófi, þar sem ég hef aldrei hitt manneskju sem ég gæti kallað "svipaða" mínum persónuleika, fyrir utan exið. Það myndi ég þora að hengja mig upp á að hann fengi sömu niðurstöðu og ég. Sem aftur gæti líka útskýrt ýmislegt í því hvers vegna það samband gekk ekki upp. Það er allavega mjög gaman að spá í þessu finnst mér, síðan eru til heilu félög fólks með sömu greiningu og bækur og ég veit ekki hvað og hvað. Ég hélt sko að þetta væri algjört bullshit, en þetta er ólíkt flestum svona prófum á netinu að því leyti að þetta er í raun notað víða, s.s. við mannaráðningar og starfsmannahald. Mér fannst mín týpa passa svo vel, að það lá við að mig langaði að setja inn týpuheitið inn í ferilsskrána, en það hefði verið too much kannski. Ég veit alveg að ég ber ákveðin auðkenni minnar týpu með mér, svo það hlýtur að hafa verið tekið eftir því.
En allavega, endilega takið þetta próf, þetta er sniðugt.

:: geimVEIRA:: kl. 11:27:: [+] ::
...

Mér finnst mjög cool að bandið í Tonight Show spilar Baseline í hléum, ég hef heyrt það spilað þegar þátturinn kemur úr auglýsingahléi núna í tvö skipti. Ég veit ekki annað en þetta sé Quarashi lag, gæti svosem verið misskilningur í mér þ.e. að þeir rappi yfir lag einhvers annars, ég held samt ekki, en m.v. að úti í Baltimore var það fyrsta íslenska sem kom í huga afgreiðslumannsins, þegar hann heyrði að ég væri íslensk Quarashi, þá hafa þeir í það minnsta átt þátt í þessu lagavali. Mér finnst það gott mál, enda drengirnir góðir. Og ég vil fara on the record að mér finnst Kevin Eubanks sætur.

:: geimVEIRA:: kl. 00:42:: [+] ::
...

Whatthafuck!
Í dag hef ég í tvígang á undarlegum stöðum séð stóra gamla ameríska líkbíla. Þetta er ekki sami bíllinn en svipuð módel, annar var svartur, hinn grár. Þetta hefur fengið mig til að sakna Six Feet Under. Six Feet Under og Cold Feet, ferlega væri ég mikið til í að horfa á þá í kvöld, urr. Mig vantar stórkostlega afþreyingu núna eða eitthvað meiriháttar skemmtilegt til að dreifa huganum. Ég er aftur komin með axlirnar upp undir eyru. Ég þarf reyndar bara að vinna á morgun og hinn, svo fer ég í sumarfrí og páskafrí. Eftir páska eru bara 6 vinnudagar eftir og ég er hrædd um að þá eigi ég að kreista einhvern fróðleik upp úr mér fyrir eftirmenn mína (sem þið megið geta hvort er vænlegur tími til að koma frá sér öllu sem maður hefur lært á 8 árum, þannig að nokkur skilji það). Það veit ég fátt leiðinlegra en að kenna, tilgangsleysið er alveg að fara með mig nú þegar, ég vill öllum vel og allt það, en það er a big bucket of fuck-off-and-get-off-my-back-what-the-fuck building up í mér.

:: geimVEIRA:: kl. 13:31:: [+] ::
...

Undarleg tilfinning
Ég hef núna svo að segja eytt öllu út úr vinnutölvunni sem varðar mig persónulega. Þótt ég sé með afrit heima, þá er þetta mjög sérkennileg tilfinning, allur póstur, brandararnir og allskyns skjöl sem ég hef sankað að mér í rúm 8 ár af tölvuskrölti í hádegismatnum, gamlir textar sem ég setti upp v/kórtónleika og ég veit ekki hvað og hvað. Manni líður nokkuð furðulega að hugsa til þess að eftir stuttan tíma verði einhver annar að nota þessa tölvu sem ég hef ráðið öllu í svona lengi... frekar furðulegur fílíngur.

:: geimVEIRA:: kl. 11:24:: [+] ::
...

Þeir sem þekkja til almennilegra forrita til þess að klóna geisladiska (þá á ég við data - ekki tónlist eða þ.h.) annarra en Nero, mega gjarnan láta mig vita. Ég hinsvegar mun ekki segja til hvers mig vantar svoleiðis. O nei nei.

:: geimVEIRA:: kl. 01:06:: [+] ::
...

Funk Soul Brotha'
Það er bara formsatriði að þessi gaur fari undir geislann og verði þar lengi sýnist mér, geimVEIRA presents: Robin Thicke



Hann er funkaðri en andskotinn, virðist nú eins og choirboy m.v. Jamiroquai, sem ég er hrædd um að ég kaupi ekki plötu með aftur fyrr en Jammi fer í meðferð. Ég get ekki beðið að heyra meira frá Thicke, það er verið að spila videó með honum á MTV á fullu, lag sem mér líst vel á, hann er búinn að vera á bakvið tjöldin í helling af tónlist sem bæði producer og lagahöfundur og gaf í fyrrahaust út sólóplötu sem fékk víst sérdeilis góða dóma, en fór alveg framhjá mér. Núna hinsvegar er víst búið að dubba þá plötu upp aftur og verður hún endurútgefin undir nýju nafni 15. apríl. Hann er sonur leikarans Alans Thicke sem mun líka hafa samið eitthvað af tónlist en er líklega frægastur fyrir að hafa leikið í "Growing Pains".

A new funk soul brotha! Check it out now - funk soul brotha!
Right about now...

:: geimVEIRA:: kl. 22:12:: [+] ::
...

Já, merkilegt... ég var að skoða LÍN og það er nú aldeilis hvað það gagnast manni að vera búinn að vera skattgreiðandi til margra ára núna. Maður borgar fleiri, fleiri tugi þúsunda í skatta á hverjum mánuði og manni er refsað fyrir það. Mér sýnist að ég fengi hámark kr. 474.514,- í lán yfir 9 mánuði, sem gera rétt rúmar 52 þúsund krónur á mánuði, færu þá t.d. 12% af öllum tekjum heimilisins á mánuði í að borga nauðgunaráskriftina að RÚV, fastagjaldið af símanum og rafmagnsreikninginn. Ekki skil ég nú hver lifir á því einu saman, ekki mikill hvati þarna fyrir mann að mennta sig frekar - ever. Ég sé það að ég hefði það betra að vera atvinnulaus - þótt ég reyndar yrði jafngjaldþrota á þeim aumu bótum þótt þær séu víst tæpum 30 þús kr. meira á mánuði. Hver er með ókeypis húsnæði, ókeypis fararkost, ókeypis fæði og engan fastan kostnað í rekstri heimilis? Ekki ég, ekki ég , ekki ég og ekki ég. Þurfi fólk að eiga bifreið og nota rafmagn, þá er eins gott að það geti nærst með ljóstillífun. Menntun er kannski bara fyrir þannig fólk í dag. Merkilegt. Ég veit að ég er ekki að segja háskólamenntuðu fólki neinar fréttir, þetta hefur nú verið meingallað kerfi svo lengi, en ég taldi mig nú eiga einhverra kosta völ, að stúdentsprófið mitt væri nú ekki bara skeinipappír þegar upp væri staðið. Svoldið súrt að sjá að maður á engra kosta völ, nema að vinna og borga skatta til að keyra menntakerfið, sem nýtist mér ekki á neinn hátt þótt ég vildi.

:: geimVEIRA:: kl. 19:14:: [+] ::
...

Virkar ekki gestabókin hjá mér??? Ég var að sjá að það slefar ekki upp í 0,57% gesta skv. teljaranum sem hafa skrifað. Æi ég er svosem löt við að kvitta í svona líka. Nevermind... þetta virkar örugglega alveg.

Hvað þarf maður að drekka mikið Diet Coke til að officially geta talist sponsor nr. 1 á Norðurlöndum? (ég er örugglega orðin mjög nærri því)

Hvort er betra að vera eggjandi að borða eða borðandi egg?

Uppstrumpari eða strumpatogari?

:: geimVEIRA:: kl. 15:35:: [+] ::
...

Ekki fjarri lagi held ég ....

I am p Everyone loves pi _

what number are you?

this quiz by orsa

:: geimVEIRA:: kl. 10:40:: [+] ::
...

Kreperíng dagur 3/15
Þetta styttist. Ég fór í matarboð á laugardaginn og í fermingarveislu í gær. Það var ágætt alveg.

:: geimVEIRA:: kl. 10:09:: [+] ::
...

1 is a lonely number
Ég skil nú hana Ernu mína einum of vel. Ég er búin að vera ein í ansi langan tíma og það er glataður skítur.

:: geimVEIRA:: kl. 21:42:: [+] ::
...

Mig langar svo að prófa að gera svona Strawberry Margarita. Uppskriftirnar sem ég finn eru bara svo mikið vesen, ég á bloody góðan bar með öllum fjáranum en ég á engan bloody jarðarberjaschnapps for crying out loud! Ef ég ætti "sourmix" þá væri ég líka í góðum málum, en það á ég ekki heldur. Iss.

:: geimVEIRA:: kl. 17:14:: [+] ::
...

Colgate-ið sem eykst og eykst
Ái. Ég er að taka tennur. Það hafa tveir endajaxlar verið á leiðinni upp í neðri góm í 8 ár og núna eru þeir endanlega að reyna að komast upp. Þeir hafa verið á hitlist hjá tannlæknum síðan þeir komu fram á röntgen fyrir 13 árum ca, en ég hef á undraverðan hátt (að mati tannlæknisins míns núna) haldið þeim alveg óskemmdum, meira að segja í efri góm þar sem annar er eitthvað að misskilja í hvaða átt niður mun vera, en mér finnst bara svo sniðugt að fá svona aukatennur að ég hef strækað á að láta rífa þá úr mér óskemmda og tanninn minn núna lætur mig alveg í friði með þetta (ætli hann vilji ekki bara sjá hvað ég held þeim lengi óskemmdum). Oft hefur nú verið um óþægindi að ræða, enda massajaxlar ágætlega stór flötur til að ryðja sér leið upp í gegnum tannholdið, en núna er þetta eiginlega að verða fáránlegt. Nú er bitflöturinn alveg orðinn sýnilegur en er bara of neðarlega, ég er hrædd um að þeir þurfi nú að fara að drífa í þessu, enda svo til ómögulegt að hirða þá núna enda tannholdið í kring orðið aumt og mér finnst orðið líklegt þeir gætu skemmst hratt núna.
Ég veit hinsvegar að það væri tanntaka dauðans að láta fjarlægja þá, þar sem skv. röntgenmyndum þeir hafa öngulrætur sem gerist stundum víst, þeir eru hookaðir í neðri kjálkann á mér (efri endajaxlar eru svo til í lausu lofti, þess vegna vaxa þeir stundum út um allar trissur, mér skilst að það eigi lítið mál að vera að taka þá) svo mér hefur verið lofað þokkalegum átökum, vildi ég láta taka þá. Ég hef verið að spá, ætli það séu ekki einhver ráð svona til að hirða þetta betur, kannski maður ætti að óska eftir flúorlökkun á þetta næst þegar ég fer til tannlæknisins míns?

:: geimVEIRA:: kl. 10:03:: [+] ::
...

Kreperíng - dagur 1/15
Ég er í miklum vandræðum með að halda mér að verki núna, því mér finnst engu taka. Hvert kortér er klukkutíma að líða og mig langar heim að sofa. Páskafríið hefði alveg mátt byrja bara í næstu viku, það hefði verið ágætt, ég veit ekki hvað ég meika þetta dæmi. Well, maður verður bara að hugsa eitt kortér í einu. Sko! Núna er t.d. kominn hádegismatur. Ég verð að komast héðan út, best að fara á kaffihús í mat.

:: geimVEIRA:: kl. 12:00:: [+] ::
...

Hermaður sviptur heiðrinum
Mér blöskrar að út um allt í fréttum fyrr í dag var "headline-ið" að 19 ára Bandarískri stúlku hafi verið bjargað slasaðri úr klóm Íraka og að fjölskyldan væri í skýjunum, og maður fékk tár í hjartað hvað barnið hafi nú verið að álpast þarna aleitt í Írak á þessum tímum, en þarna var á ferð furðulegur hálfsannleikur, en þess var getið í framhjáhlaupi að hún hefði fallið í hendur óvinarins með hersveit sinni og hún væri hermaður.
Vissulega er þetta stúlka og bara 19 ára, hinsvegar var varla minnst á að þetta var ekki bara stúlka, ekki bara 19 ára. Þetta var nr. 1 hermaður Bandaríkjahers sem féll í óvinahendur við skyldustörf. Ungur aldur hermannsins er vissulega stingandi og þrekraunin enn frekar, en að hermaður sem er kvenkyns sé allt í einu titluð sem um almennan borgara væri að ræða og talað um hann undir öðrum formerkjum vegna kynferðis finnst mér út í hött. Fyrirsögnin átti að vera að hermanni hafi verið bjargað, það hafi verið kraftaverk að hann hefði þetta af, síðan nr. 3 hefði mátt koma aldur, kynferði, kjaftæði um familíuna o.s.frv. Það að tala um þennan hermann eitthvað öðruvísi en alla aðra sem særst hafa og látið lífið í stríðinu hingað til finnst mér lítillækka það sem þessi unga manneskja hefur lagt í sinn starfsferil, vissulega er hernaður ekki vel þekkt fyrirbæri hér á landi, en að tala um hermann við skyldustörf eins og villtan krakka er lítillækkandi með afbrigðum. 19 ára dreng bjargað! Sjáið þið þá fyrirsögn fyrir ykkur? Ó nei, þá hefði verið sagt: Hermanni bjargað! Mér finnst þessi umfjöllun í alla staði ófagleg. Það er sjálfsagður virðingarvottur við viðkomandi að vera titlaður í samræmi við tign. Óbreyttur hermaður hefur hlutverki að gegna og það hefur aðra þýðingu þegar hermaður særist og er tekinn fanga, en almennur borgari. Fréttamennska, þar sem ekki er nokkur leið að sjá frá hvaða sjónarhóli sagan er sögð, er óþægileg. Sannleikann má útbúa á svo marga vegu. Það var mjög tilsnyrt og niðursoðin fréttamennska að búa til æsifrétt um stúlku sem tekin var fanga, þegar um var að ræða hermann sem tekinn var fanga.

:: geimVEIRA:: kl. 23:14:: [+] ::
...

Heheheheheh

:: geimVEIRA:: kl. 18:05:: [+] ::
...

Hearts of gold exposed!
Jamm, þá er ég búin að fara í tvö viðtöl hjá ráðningarstofum í viðbót og sækja um 2 störf í viðbót. Þetta er sko heilmikill bransi að vera að selja sig svona grimmt. Talandi um það, voðalega er þetta eitthvað cheesy þetta faldrar myndavéladæmi á Stöð 2, svoleiðis yfirauglýst að þeir hefðu ekki auglýst exclusive viðtal við Colin Powell meira. Síðan horfði maður á þetta, fyrst fór einhver gaur (hann var sýndur undirbúa "aðgerðina" og eina sem sást nú af honum var að hann var með flösu dauðans og virtist vera með blæðandi sár á kinninni) síðan fór hann og þóttist vera óöruggur kúnni sem hætti við annars vegar erótískt nudd og hinsvegar vændiskaup. Ég er nú svosem ekkert í vafa um að þetta erótíska nudd sem endar með fullnægingu er nú vændi - enda mella sem gefur handjob aldrei verið kölluð annað en mella. Ég sá í morgun þar sem hann átti að vera hjá vændiskonu. Myndin var ótrúlega bjöguð (til að fela allt og alla) svo þetta hefði frekar átt að fara í útvarp en sjónvarp, nema hvað að konan virkaði bara svoleiðis frábærlega næs og almennileg, voðalega yfirveguð og góð við flösukarlinn þarna. Hún kvaðst vera með fastan taxta í vændinu pr. klukkutíma, en síðan væri hún líka í öðru starfi sem væri í næturvinnu. Það sem var svo asnalegt eitthvað var, að þetta varð að engu leyti frétt eða afhjúpunin sem reynt var að búa til með hype-i. Ekkert sást á mynd. Ekkert nýtt kom fram. Ekkert átti sér stað ólöglegt þar sem gaurinn bakkaði út úr öllu saman, það sem sat eftir hjá mér var nú bara: "Djöfull að þessi kona megi ekki bara gera það sem hún vill!" Hún virtist alveg vita vel hvað hún væri að gera, var voðalega almennileg við karlinn þarna og meira að segja endurgreiddi honum peninginn þegar hann þóttist bakka út, eftir að hafa spjallað þónokkuð lengi við manninn. Eftir sat hjá mér ekki: "Vá, en rosalegt, það er vændi á Íslandi!" sem let's face it eru nú engar fréttir hvort sem er, heldur: "Djöfull eru næs hórur til á Íslandi!" Mér finnst líka bara ömurlegt fyrst að þeir eru að tefla hennar einkalífi í tvísýnu (þótt ekkert hafi svosem sést, þá kannski hafa systkin konunnar t.d. getað þekkt hana eða eitthvað) að þeir þæðu að láta endurgreiða sér. Maður hélt sko alveg með hórunni.
Þetta endaði með að vera þvílíka auglýsingin, og t.d. með nudd-exposé-ið þá gátu fréttamenn þess hvaða heimasíður ætti að fara inn á til að panta sér svona. Síðan létu þau eins og þau væru að benda fólki á einhvern sora, veltu því upp hvort þetta væri ekki "pimping" að reka svona þjónustu. Þessir fréttamenn mega eiga það, að þeir voru mestu pimparnir sjálfir í þessu, þetta var ein mesta jákvæða auglýsing fyrir vændið á Íslandi sem sést hefur. Núna vita allir hvert þeir eiga að leita, hvað þetta kostar, að hórurnar eru mjög næs og góðar konur og að þetta er allt saman á gráu svæði. Þeir auglýstu þetta svo mikið að það er alveg ljóst að þetta var í gróðaskyni gert. Hvernig var það nú aftur, kæru fréttamenn, voruð þið ekki að enda við að segja að það væri ólöglegt að hagnast á vændi þriðja aðila?

:: geimVEIRA:: kl. 15:52:: [+] ::
...