:: Þvaðurveita geimVEIRU ::

:: föstudagur, maí 30, 2003 ::

Jæja afi minn blessaður dó í morgun. Hann var fyrir löngu orðinn til í það, lýsti því yfir margsinnis að hann væri tilbúinn. Hann náði að búa heima og sjá um sig sjálfur allt þar til í fyrradag, en þá var mjög af honum dregið eftir að vera búinn að vera lengi lasinn (sem hann harkaði af sér, alltaf sami naglinn - en greinilega helst til of lengi) og var hann lagður inn á sjúkrahús. Hann var mjög mótfallinn því að þurfa að vera háður tækjum og það stefndi nákvæmlega í það, stóra kvalafulla aðgerð og síðan eitthvað legulíf og tækjatilveru. Svo í morgun þegar átti að fara að rannsaka karlinn leið hann bara út af og dó. Ég segi bara gott hjá þér afi! Fjölskyldan er sammála um að vera þakklát fyrir að lífgunartilraunir báru ekki árangur, það sem var framundan var ekki á nokkurt gamalmenni leggjandi, hvað þá mann sem var svona svakalega sáttur við að fara.

:: geimVEIRA:: kl. 14:02:: [+] ::
...

Það er eitthvað "Palli var einn í heiminum" element við að vaka svona lengi sem ég hlýt að fíla. Nú væri gott að fá knús. Góða nótt!

:: geimVEIRA:: kl. 04:55:: [+] ::
...

gelluVEIRA
Ég er ekki mjög þolinmóð manneskja, þess vegna nota ég ekki oftar brúnkuefni, núna dreif ég í þessu, er búin að úða og bera brúnkukrem á mig... er circabout núna að verða safe að fara að klæða mig aftur. Ég hef ekki þolinmæði í að hanga upp á rönd allsber mikið lengur. Vonandi verð ég ekki röndótt neitt.
Ég mæli með úðadæminu sko hiklaust, það er miklu fljótar að þorna, kremið notaði ég á lappirnar ég er svo þurr á þeim.
Nú er maður búinn að gella sig upp. Brúnkukrem, naglalakkaðar tásur og svo tek ég hendurnar í gegn á eftir. Nú væri flott að vera nýkominn úr gellumeðferð á hárgreiðslustofu en ég hef ekkert þorað að bóka mig í svoleiðis moneywise.... verð hinsvegar að fara að drífa í því fyrr en seinna, verst hvað það er oft erfitt að fá tíma, ef maður hefði vitað af skóladjamminu annaðkvöld fyrr, hefði maður drifið í að láta laga sig kannski. Well, það verður bara að hafa það. Ég get í það minnsta verið í bjútínap ALLAN morgundaginn, that's gotta count for something. Jájá.

:: geimVEIRA:: kl. 21:13:: [+] ::
...

Waaahhh
Ég er alveg að missa það gagnvart tölvunni minni... ég held ég komist ekki hjá því að fara að strauja kvikindið, en til þess að gera það þyrfti ég að kaupa eins og einn huge-ass harðan disk. Eftir því sem ég spekúlera meira í þessu langar mig að geta uppfært bara allt draslið, en ég var svoddan græningi að kaupa á sínum tíma tölvu dauðans sem mun vera ein af fáum tegundum sem hörmung er að uppfæra, annars væri ég búin í það minnsta að skella nýju móðurborði og örgjörva í þessa. Ég ætla að tala við umboðsaðila þessarar vélar og sjá hvað þeir segja, hafi þeir engar lausnir að bjóða endar maður með að verða að þrauka með þessa næstu árin líklegast urr.... ja ég í það minnsta fæ mér þá harðan disk fyrr en síðar. Og mér sem fannst 40 Gb vera heilmikið fyrir 2 árum! Pfft! Little did I know!
Jæja, lazyfatassVEIRA er farin að sækja sér Domino's spillingarfæði. Djöfull er fínt að losna við að elda næstu dagana fyrir 1000 kall. Skál fyrir Domino's!

:: geimVEIRA:: kl. 19:00:: [+] ::
...

I'm bored
Jæja í kvöld er allavega annar uppáhaldsþátturinn minn, Cold Feet, (hinn er Six Feet Under, ég sakna hans núna) dagurinn í dag hefur farið í allsherjar afslappelsi og kökunart. Ég mun ekki hefja störf á nýja staðnum fyrr en 10. næsta mánaðar sem er alveg ferlegt fjárhagslega, ég var að vona að þetta yrði bara eftir næstu helgi í síðasta lagi. Ekki það að ekki sé gott mál að fá bara frí þannig lagað, en ég hef bara ekkert efni á svona fríi núna. Maður verður að gera eitthvað gott úr því.
Ég er farin að fá óþægindi af maskaranum mínum sem er orðinn helst til of gamall og þurr, svo ég verð víst að versla mér svoleiðis fyrr en síðar (ég sem var að vona að komast upp með að bíða þar til ég kæmist út), datt alveg í snyrtivörurnar á netinu, ferlega flott síða hjá Chanel. Mér var líka sendur linkur á þessar snyrtivörur. Hilarious shit!

:: geimVEIRA:: kl. 16:43:: [+] ::
...

Ég var að skoða síðu Orkuveitunnar um raflínunettengingar sem þeir bjóða nú upp á og kallast Fjöltengi, inni í Q&A rakst ég á þessa snilld:
Hvað gerist ef rafmagnið fer af?
Ef rafmagnið fer af þá slokknar á tölvunni og um leið og það kemst aftur á fer tölvan aftur í gang ásamt nettengingunni

:: geimVEIRA:: kl. 17:28:: [+] ::
...

Þá er veturinn loksins officially búinn í skólanum hjá mér! Jibbíííí!!!
Ég var í 4. stigsprófi áðan, þar voru staddir Jóel Pálsson, Sigurður Flosason og Erik Qvick, sem voru dómnefndin, en einnig Kristjana Stefánsdóttir kennarinn minn, Björk Jónsdóttir (fyrrverandi kennari minn)og Jóhanna Linnet sem eru kennarar klassísku söngdeildarinnar og svo náttúrulega undirleikarinn hann Kjartan Valdimarsson. Ég var svona bara þokkalega róleg fyrir prófið, ákvað að taka því rólega í morgun bara og hafa það næs, horfði á Oprah bara og svona. Mér leist nú ekki á mig í prófinu varð einum of stressuð þegar ég kom inn fyrst, steikti blússkalann í stressi, en náði að koma hinum sæmilega frá mér, í lögunum ruglaðist ég í forminu í öðru af þeim lögum sem ég fékk að velja (bara stress, ég kann þetta alveg afturábak og áfram) svo það var bloody spælandi, næsta lag steinlá fyrir utan smávegis rugl sem ég laug mig út úr, þriðja lagið sem þeir völdu var síðan eitt af mínum sterkari með lærðu sólói í líka sem þykir sæmilega erfitt og það tókst bara stórvel. Síðan kom óundirbúin impróvisering þar sem maður átti að skatta eftir að heyra hljómagang einu sinni sem spilað var undir, það gekk líka ótrúlega vel, lestur á prófinu var circabout 7 sinnum léttari en djöfuldómurinn í 2. stigsprófinu um jólin, ég var ekki alveg 100% með þetta en gekk í það minnsta betur en fyrir jól. Síðan var manni vísað út og sagt að bíða.
Svo fékk ég hrós og kossa frá Björk og Jóhönnu og ég svona var bara vandræðaleg, þar sem ég mundi náttúrulega ekkert nema hvað ég ruglaðist mikið og steikti skalann mikið og allt það, en þær sögðu: "Til hamingju" svo ég hugsaði:" já með að vera búin með þetta og svona.... já takk fyrir það". En síðan kom Kristjana út úr salnum og brosti hringinn og sagði að ég hefði náð hæsta prófinu í vor af hennar nemendum... og ég hugsaði: "Hmm... úff æi greyjunum gekk öllum svona illa í vor?" síðan sagði hún mér einkunnina: 9,4.
Ég trúi þessu ekki ennþá, en er mjög ánægð, er samt pissed út í mig að vera að ruglast í hlutum sem ég kunni alveg, en ég ætla að skrifa það bara á stress sem hefur eðlilega verið þokkalega yfir meðallaginu undanfarið. Næst verð ég að sleppa stressinu alveg og syngja bara.

:: geimVEIRA:: kl. 16:17:: [+] ::
...

Sko mig!
Það tók á taugarnar, það tók tíma, en hardballið virkaði. Í dag var haft samband við mig og mér boðið starfið (sem ég fór í viðtal út af á fimmtudaginn og var boðið á föstudaginn en á of lágri tölu) og í þetta skiptið hækkuðu þeir sig upp í lágmarkstöluna mína sem byrjunarlaun og með hækkun upp í launin sem ég stefndi (í það minnsta) á eftir 3 mánaða reynslutíma. Svo ég er sátt, ætla að slá til svo dagar atvinnuleysis verða því brátt taldir. Eftir fréttirnar leið mér eins og tómri blöðru, ég þarf að æfa mig fyrir prófið á morgun, sem ég nenni ekki að gera og hef ekki rödd fyrir fimm aura í, svo ég sleppi því kannski. Ég er alvarlega að spá í að skipta út einu lagi á síðustu stundu, enda get ég ekki fundið mig í einu laginu þarna, veit um annað betra. Held ég böggi söngkennarann minn aðeins og tékki hvort það sé ekki í lagi.
Þetta eru allt svo stórir dagar eitthvað.... hey já eitt sem er hið bestasta mál með þessa vinnu, ég nefndi þetta með að ég hefði verið búin að bóka mig í sumarfrí og það bara kom svona komment eitthvað: "Uh, auðvitað fer fólk í sín sumarfrí hér!" svo ég geng út frá því að ég fái að fara út (þótt peningalega verði þetta bilun - enda þessi mánuður atvinnuleysis búinn að klára upp orlofið mitt), það reddast vonandi.
Anyways, ég er víst komin með vinnu!!!

:: geimVEIRA:: kl. 14:14:: [+] ::
...

Glæsileg frammistaða / spúkí frammistaða
Þá er þessi helgi búin! Ég fór í stúdentsveislur bæði á föstudaginn og laugardaginn, hitti Unnar og Jóhönnu eftir veisluna á föstudagskvöldið og strumpaði með þeim 2 bjóra, kaffi og spjall, eftir ansi viðburðarríkan dag var ég alveg búin á því kl. 2, fór heim og var síðan lasin næstu klukkutímana. Eftir að hóta mallanum heimsókn á Læknavaktina í gærmorgun fór ég að lagast. Eftir hina veisluna var náttúrulega fylgst með Birgittu og co. Hún stóð sig með prýði eins og við var að búast, var glæsileg og kláraði þetta alveg upp á 10, ég tapaði veðmáli við fjölskylduna, hélt að við yrðum ofar, en græddi á því tilvonandi fordrykk á Negresco í sumar, en sigurvegarinn skyldi splæsa á hina. Mér fannst lögin frá Tyrklandi, Rúmeníu og Grikklandi skást, spáði Tyrkjum sigri og hélt með þeim. Í dag fór ég síðan í einhverjar upptökur með samspilinu í skólanum. Ég var ekki alveg í stuði fyrir svoleiðis, enda ennþá illa krumpuð og í vökvatapi eftir magavesen í heila viku, fór samt fyrst ég var búin að lofa því að mæta. Hélt þetta yrði svona gaman að prófa þetta, þótt maður myndi koma frekar spúkí út raddlega séð. Síðan var þetta nú ekki eins sniðugt og ég hélt. Það var bara eitt einasta rennsli (hið fyrsta síðan fyrir jól!) og síðan bara tekið upp. Bara ein upptaka og basta! Svo ég svona hálf-sá eftir því að hafa verið að standa í þessu, átti von á að kannski þetta yrði nú best out of 3 eða álíka, hefði verið lágmark fyrir að druslast til að mæta þarna. Svo núna er maður til á fæl forever þarna, búinn að ruglast í upptöku og ekki að fíla sig, að þykjast syngja eitthvað. Blah! Maður er misilla fyrirkallaður, so fuck it all.
Ég verð samt að ná að hressast fyrir þriðjudaginn, þá er stóra prófið! Ég veit ekkert hvar ég stend með þessa vinnu þarna, svo maður er nokkuð kvíðinn líka, bara hef ekki orku í að vera í einhverjum fætingi núna. Kannski maður fari að hressast þegar eitthvað af þessum næstum 5 kílóum sem gengu af manni á viku koma aftur. Helvítis vesen að maður missi ekki spik í svona pestum. Svindl.
Ég ætla að skella mér "snemma" (á minn mælikvarða) að sofa bara og sjá hvort ég vakna ekki svakalega hress á morgun. Góða nótt.

:: geimVEIRA:: kl. 23:43:: [+] ::
...

Hlutir til að vera þakklátur fyrir:
1. Ég hef fengið tilboð um 2 störf.
2. Ég hef fengið mjög mjög jákvæða svörun á mínar umsóknir víðast hvar.
3. Ég er ekki að fara að taka þátt í Ungfrú Ísland.
4. Ég er búin að ryksuga og taka smá til.
5. Ég á bara eitt próf eftir.
6. Það er sól og heiðskýrt.
7. Ég keypti mér fallegustu gerberu ever áðan.
8. Heilsan og ættingjarnir og allt hitt.....
Ég er farin að naglaglaglakka mig, úgg and out.

:: geimVEIRA:: kl. 16:53:: [+] ::
...

When it rains it pours
Í þessu þriðja viðtali var mér boðið starfið... en á sömu bloody tölunni.... mér er hætt að þykja einleikið hvernig sama talan poppar upp út um allt einhvern veginn. Eins er ég sérlega ósátt við að ráðningarstofan hafi nú ekki síað betur en þetta, en það á að vera alveg ljóst að tíma umsækjenda og vinnuveitenda er illa varið að setja upp viðtöl sem fyrirséð væri frá upphafi að menn munu ekki ná saman. Ég náði þó ekki í þessa ráðningarstofukonu til að athuga (hvurn fjandann) væri verið að meina með þessu (þetta er búið að taka fleiri daga að stússast í þessu eina bloody starfi þarna og bíða). Ég náði hinsvegar í hina ráðningarstofuna sem reddaði mér viðtalinu í gær, hún var mjög hissa á þessari tölu, því þetta hafi alveg átt að vera skýrt hver mín mörk væru, hún vildi tala beint við þá fyrir mig, sem ég afþakkaði þá þar sem talað hafði verið um að ég yrði í sambandi við þau, en mér tókst það ekki að ná sambandi, svo nú síðar í dag heyrði ég aftur í henni og þáði að hún reyndi (að hafa vit fyrir þeim) að tala við þau, allt stefnir í að ég þiggi frekar það starf úr þessu held ég, en ekki nema að þessi tala þeirra lagfærist. Næst á dagskrá er því að fara í stúdentsveislu hennar Erlu og síðar í kvöld að hitta Unnar og Jóhönnu. Busy busy. Það mætti halda að maður væri ekki í prófum!

:: geimVEIRA:: kl. 16:30:: [+] ::
...

Nú verða sagðar fréttir
Prófið í gær gekk bara svona la-la, ég ruglaðist akkúrat á atriðunum sem ég var hrædd um að ruglast á... steypti smá í impróvíseríngunni og svona... svo fékk ég að sjá skriflega prófið, það var eins og mig grunaði ég var með það sem ég var svona massaóörugg í, eiginlega allt vitlaust. Ég veit ekki hver einkunnin er, en ég veit að þetta var það mikið af villum að það getur allavega ekki verið ofar en 8 held ég.
Í morgun var svo hringt í mig frá ráðningarstofunni vegna starfsins sem ég fór í viðtal út af í gær og mér sagt að þau vildu bjóða mér starfið og ég ætti að hringja til að heyra í þeim með kaup og kjör. Ég er að fara í 3. viðtal út af hinu starfinu líka í dag, svo ég gerði strax upp við mig áður en ég hringdi að hvað sem sagt yrði þá myndi ég fá að hugsa mig um yfir helgina. Svo kom þeirra tilboð. Það var 20 þús kalli undir minni algjöru botntölu og svo að fara upp í botntöluna eftir ákv. tíma. Ég var ekkert impressed með þetta, ég meina ég gef upp svona "sársaukamörkin" og þá er farið alvarlega undir þau. Ég svona sagðist bara þurfa að fá að hugsa þetta, en þetta væri ansi mikið undir neðri mörkum mínum, þá var sagt að ef þetta væri ekki ásættanlegt þyrftu þau að funda um þetta þeirra megin (sem mér fannst allavega þá gefa örlitla von) en æi samt, ég hef áður heyrt einmitt þessa tölu, mér fannst hún móðgandi þá og mér finnst hún móðgandi núna.
Ég fer í það minnsta í hitt viðtalið svo í dag, þá er bara að sjá hvað þar verður boðið, verst er að starfið í gær myndi líklegast eiga betur við mig að mörgu leyti. Ætti maður kannski bara strax að segja þessum sem ég talaði við áðan: "Já, þið verðið SKO að funda, því þetta er bara mógðun!" ..... naaaahhhh...... og þó. Sko, karlmanni með 8,5 árs reynslu sem smellpassar við starfslýsingu, hefðu aldrei verið boðin þessi laun. Aldrei. Það er ég viss um.
Kannski þess vegna sem ég bara get ekki sætt mig við svona tölur. Eru lægri mörkin ekki þau sem maður nefnir sem algjört lágmark, þannig að maður geri ráð fyrir að þurfa kannski að byrja í þeim launum, en alls ekki undir? Well ég hélt það allavega. Karlmaður sem hefði nefnt lágmarkstölu, haldið þið að honum yrðu boðin laun 20 þús kalli undir þeim? Jafnvel bara til að byrja með?

:: geimVEIRA:: kl. 10:42:: [+] ::
...

Jæja, þá náði ég í ráðningarstofuna, ég er boðuð í viðtal nr. 3, á morgun út af starfinu frá í síðustu viku, núna kvaðst hún telja að yrði reynt að sjá hvort við gætum náð saman með launamál. Úff ég vona að þetta verði þá bara á þann veg að gert verði tilboð, en ekki reynt að merja mann algerlega. Ég er með botntölu í huga en væri nokkuð spæld að fara niður í hana samt satt að segja. Allavega fyrir þetta starf, þar sem ég hef þannig séð ansi mikla reynslu og svona, væri öðruvísi ef maður væri að koma grænn inn í algerlega nýjan heim, en þetta kemur allt í ljós.
Ég talaði síðan við hina ráðningarstofuna vegna starfsins sem ég var í viðtalinu áðan út af, hún kvaðst hafa pikkað út 6 sem kæmu til greina, en þar hafi ég haft áberandi mestu reynsluna og ég væri fyrsta og eina mannsveskjan sem hefði verið boðuð í viðtal. Hún sagðist heyra í þeim á morgun... úúú spennannanndi!
Arr.
En NÚNA ætla ég að æfa mig!

:: geimVEIRA:: kl. 16:22:: [+] ::
...

Já já, allt í lagi alveg
Viðtalið áðan gekk bara vel fannst mér, mér heyrðist mín reynsla smellpassa við það sem leitað var að, svo það var gott. Ég slökkti á gemsanum þegar ég fór inn í viðtalið, svo ég kannaði talhólfið mitt, og heyrði þar skilaboð frá ráðningarstofutengiliðnum sem ég er að bíða svars frá... svo ég hringdi um leið í beina símann hennar, talaði inn á talhólf, endaði á að lesa nafnið mitt og gemsasímann en það slitnaði sambandið í miðju númerinu, svo ég (eins og asni) hringdi aftur í talhólfið hjá henni og sagði aftur nafnið mitt og gemsanúmer).... og svo fór ég að hugsa. Og munið börnin góð, það á alltaf að byrja á því að hugsa, en ekki enda á því, eins og ég gerði áðan. Ég tékkaði aftur á talhólfsskilaboðunum frá henni og komst þá að því að þetta voru meira en vikugömul skilaboð (út af sama starfi).... oh! Bugger!
Svo nú er ég búin að gera mig að asnapriki þarna... en mér er svosem sama því ég er pissed að vera ENN ekki búin að fá svar. Iss piss!
Well ég er farin að æfa mig fyrir prófið á eftir!

:: geimVEIRA:: kl. 15:52:: [+] ::
...

Ég verð að segja að mér finnst út í hött að flokkur með þetta lítið fylgi eins og Framsókn þó var með, fái forsætisráðuneytið. Alveg út í hött.

:: geimVEIRA:: kl. 20:40:: [+] ::
...

Iss, ég fékk bara ekkert svar út af þessari vinnu þarna... mér finnst þetta frekar lélegt enda búið að fresta áður... þetta er farið að virka mjög gegn fyrirtækinu í huga mér, sem er kannski bara vitleysa, en þetta er hætt að virka jafnspennandi á mig. M.v. að vera búin að eyða þokkalegum tíma í að fara í viðtöl, með öllu því stressi sem því fylgir, bíða núna tvisvar sinnum eftir svari þaðan þokkalega spennt (þannig séð eyða alveg tveimur dögum í biðstöðu), enda búið að gefa mér ástæðu til bjartsýni, þá er ég bara pissed.
Dagurinn hjá mér fór semsagt í að bíða eftir upphringingu sem kom aldrei, einbeitingarleysið náttúrulega í botni, enda erfitt að festa hugann við nokkurn skapaðan hlut. Ég tók ákvörðun um að ganga ekki á eftir þessu, ég er ekkert sátt við að fá ekki einu sinni skilaboð um lengri bið, ég er búin á því í maganum. Ég lagaði til í eldhúsinu og smá inni í stofu, að öðru leyti gerði ég lítið nema bíða og stressa mig.

:: geimVEIRA:: kl. 20:37:: [+] ::
...

Ég bíð enn svars með starfið frá í síðustu viku, en rétt í þessu var verið að boða mig í viðtal á morgun á stað sem hljómar að miklu leyti meira spennandi en hinn. Þar sem verið er að halda manni heitum svona, ætla ég að fara í þetta viðtal á morgun, hvernig sem verður með starfið sem ég fæ svar um í dag. Gæti orðið óþægilegt ef þeir vilja mann, en whatthefuck, maður verður að kanna alla möguleika ekki satt?

:: geimVEIRA:: kl. 13:20:: [+] ::
...

Æi sko...... 2ja mánaða ungabarn drepið af hundum í Frakklandi og barnfóstran (sem á þá) ofurölvi ... svakalegt!
Oh, best að hætta að fylgjast með Sky News og drekka í sig óhugnaðinn fyrir svefninn.
NÚNA er ég farin að sofa.
Góða nótt.

:: geimVEIRA:: kl. 03:40:: [+] ::
...

Sniðugt
Ég kíkti á Dömustaði og fann þar tengil á frábært blogg hjá þeim Gísla og Loga úti í Riga. Gaman að lesa þetta. Gaman að vaka svo lengi að geisparnir manns eru farnir að geispa. Eða nei annars, það er ekkert rosalega gaman. Ok, kannski smávegis gaman en allavega ekki gáfulegt.
Ég verð að tjá mig samt um förðunina hennar Birgittu.... af því að þetta trix með að lýsa innst með hvítu starpowder mest áberandi fyrir 3 árum og þótt það sé í góðu gildi, sem trick til að "opna augun upp" við og við þá er þetta einhæft look til lengdar. Ég spái svoldið í förðun og hef aldrei séð hana öðruvísi en með svona yfirlýsingu á augunum einhvernveginn. Þetta er svo sæt stelpa, mér þætti gaman að sjá hana nota farða til að breyta oftar um útlit. Þetta er svoldið eins og hún hafi fengið þessi ráð frá einhverri einstrengingslegri förðunardömu sem heldur að brún augu séu of dökk, eða eitthvað, en hún er með stór falleg augu og myndi bera flest "look" í förðun mjög vel.


Mig er, sem förðunarsjúkling, farið að langa alvarlega til að sjá hana með svona almennilega dökka förðun til tilbreytingar, kohl í augnhvarmana 'n all... hún yrði óþekkjanleg, en samt mjög flott stelpan. Ó já.
Jæja, nóg af röfli frá mér.
Góða nótt!

:: geimVEIRA:: kl. 02:23:: [+] ::
...

Ég var í mestallan dag að undirbúa mig undir síðasta undirleikstímann fyrir stigspróf. Ég var að bögglast í Sibelius og náði loksins að klára uppsetningu lags sem ég tek á prófinu, ótrúlegur tími sem fer í þetta þegar maður kann ekki neitt á þetta. Síðan þegar ég kom heim eftir tímann reyndi ég að laga svona smotterí sem hafði gleymst sem píanóleikarinn benti mér á, en enn og aftur er ég samt stopp þar sem Sibelius vill ekkert skilja til hvers ég ætlast af honum greyinu. Eftir að hann krassaði nokkrum sinnum fór ég bara að glápa á sjónvarpið, við þurfum líklegast að verða sammála um að vera ósammála um hvar eigi að koma tvöfalt taktstrik í bili.
Nú er minna en vika í stigsprófið, ég fer í verklega hljómfræðiprófið ekki á morgun, heldur hinn, en ég er nokkuð örugg fyrir það próf, hef æft mjög vel og skil þetta þannig séð, svo ég ætla ekki að stressa mig neitt út af því bara gera mitt besta (improvisering og allt saman múhaha).
Svo á morgun á maður víst að fá svar vegna þessarar blessuðu vinnu þarna.
Ég kemst ekki yfir það hver sigraði Survivor, þessi stelpa er akkúrat týpan sem átti ekki skilið að vinna, oj! Algjört vælukjóa-Barbie-klíku-bitch! Strippaði fyrir Oreo köku og fór síðan að grenja þegar hún fékk veður af því að restin af liðinu teldi hana mestu daðurdrósina. Blah! Þetta hefur ekki meikað sens síðan "fat, naked, fag, fat naked fag with a million bucks" vinur minn vann.
Vá hvað mig langar í nudd! Þegar ég er komin með svar með þessa vinnu þarna er ég mikið að spá í að reyna að drullast til að þrífa heima hjá mér, reyna að hafa heimilið boðlegt til búsetu, þrátt fyrir að mér finnist ég ekki eiga það skilið. Ég er ömurleg húsmóðir og hef ekki komið mér í að gera neitt á heimilinu, eða þá í að hreyfa mig (úfffffff) þegar mun meira hefur legið á lærdómi eða atvinnuleit, það er alltaf eitthvað. Erna segist vera feitur feministi. Ég er feitur letihaugur. Fat naked letihaugur without a job or a million bucks.
Spurning að kaupa blóm í ker á svalirnar, upplífgandi svona.... hressir mann við ef maður fær ekki vinnuna. Og nú ef ég lendi þessu þá yrðu þau bara til að halda upp á það. Hmmm.... sé til. Í það minnsta er mig farið að langa til að gera eitthvað uppbyggilegt, ok eitthvað fleira en að læra og æfa mig. Mig vantar fegurð. Held ég skelli mér kannski bara á tónleika í skólanum á morgun, fínt að heyra fagra tóna frá fögrum listamanni.

:: geimVEIRA:: kl. 00:10:: [+] ::
...

Ég átti að fá að vita með vinnuna þarna sem ég fór í viðtölin tvö út af í dag, en það var haft samband við mig og sagt að ég væri "sterk inni í myndinni", en það yrði því miður ekki látið vita fyrr en á miðvikudaginn. Síðan stuttu síðar var hringt frá annarri ráðningarstofu og hafði sú starf sem þeim þótti passa mér, svo ég gaf ok á að það yrði sett í gang. Það var ágætt að fá að vita þetta svona, enda stressandi dagur í meira lagi.
Ég lærði eins og mofo alveg hreint í gær og í dag, náði að fara þokkalega yfir hljómfræðidótið, en fattaði ekkert þetta sem ég skildi ekki í gær, reyndi bara að muna þetta allt saman. Svo fór ég í vorpróf í hljómfræði, kom þar ekki það svínslegasta dæmi sem hefur verið lengi (sagði stelpa sem hefur tekið vorpróf 2-3 sinnum áður) en þar vantaði ákveðna þætti sem alltaf hafa verið hingað til, svo maður var alls ekki öruggur með út frá hvaða forsendum skyldi byggja. Ég skipti nokkrum sinnum um skoðun en tók síðan bara ákvörðun, án þess að vera 100% og vann síðan allt draslið með nagandi efa, enda engin leið sem ég sá til að vera viss, en alveg ljóst að ef ákvörðunin væri röng væri góður séns að ég fengi núll fyrir meira en hálft prófið. Parturinn með efninu sem ég skildi ekki bofs í var stærri en ég hafði vonað, svo ég var alveg komin með dúndrandi hausverk og hefði getað bundið slaufu með öxlunum upp yfir kollinn þær voru komnar svo hátt.... eftir prófið varð mér mjög létt að heyra jafnvel bestu nemendurna segja að þeir voru alveg jafntýndir og ég, en allir sem ég heyrði í giskuðu á það sama og ég (-hjúkk- vonandi ekki allir að steypa), en voru hreint ekkert vissir. Ég var allavega fegin að heyra að þetta var ekki bara ég, verandi eitthvað sérlega slow. Ég held bara í vonina að þetta hafi verið sérstaklega erfitt próf og maður hafi ekki verið alveg úti að sk*ta þrátt fyrir að skilja ekkert í 1/4 hluta þess að ráði. Ég var síðan með dúndrandi hausverk og stressaðri en ég veit ekki hvað í verklega tónheyrnarprófinu, sem var strax á eftir hinu. Ég ruglaðist slatta, en mest út af stressi bara, alveg merkilegt hvernig mér finnst þetta miklu erfiðara en nokkurn tímann að vera að gaula á sviði. Valdar voru 4 æfingar fyrir mann, og fékk (helv. djös. urr) æfingar, sem ég hafði merkt hjá mér sem sérstaklega erfiðar, (af því að ég ætlaði að fara betur yfir þær ef ég hefði tíma, sem ég hafði svo ekki), ruglaðist aðeins, en náði einni æfingu svona circabout alveg í gegn ekki skammlaust þó. Eftir stendur að ég er búin í þessum 2 af 3 erfiðustu prófunum í vor, en ég hef ekki minnstu hugmynd hvað ég gæti hafa fengið í einkunn, annað hvort eitthvað ömurlegt eða sæmilegt, þetta var allt einhvern veginn svínslega erfitt og ruglingslegt og með stressinu í kaupbæti er maður blankó í hausnum eftir þetta allt saman. En þetta er allavega búið! Jibbí!

:: geimVEIRA:: kl. 00:03:: [+] ::
...

Man ekki neitt, get ekki neitt, fatta ekki neitt
Eftir það sem ég þó hef lagt í hljómfræðilærdóm í vetur þá finnst mér ég ekki kunna neitt neitt. Ég er að fara í skriflega vorprófið á morgun og er búin vera að læra í dag. Ég get ekki fyrir mitt litla líf fundið lógíkina í ákveðnum atriðum => ég get ekki munað þær upplýsingar sem þarf til að laglínugreina. Þetta er allt morandi í reglum (sem er gott) en með ekki færri undantekningum (sem er ekki gott). Allur svona páfagaukalærdómur hefur alltaf vafist fyrir mér, síðan ég lærði óreglulegar enskar sagnir þá hef ég ekki meikað svona - urr! Þar sem það sem lógíkin nær utanum fleytir manni yfir 70% af þessu, fer líka alveg með mig að hafi maður villu í þessu utantekningadæmi (sem páfagaukslærdóminn þarf til að muna), þá fær maður vitlaust fyrir allt. Svo ég er vonlítil um að fá nokkra punkta fyrir þennan lið prófs. Þar sem ég er alveg hætt að skilja þetta ætla ég að gera mitt besta til að hreinlega muna þetta út í loftið - eins mikið og ég á bágt með það - og vona að þótt það hverfi þá um leið úr hausnum á mér aftur, að ég fái lógíska nálgun í þetta þegar/ef ég kemst áfram í faginu. Það er kaldhæðnislegt að það sem vefst mest fyrir mér núna kallast "spennur" og "nálganir" ... þar sem ég er mjög spennt út af þessu prófi og er hrædd um að ég bara nálgist það að ná því.
Til að bæta gráu ofan á svart er annað ferlegt próf á morgun, í tónheyrn, en ég er ekkert sérstaklega sterk í henni. Já og svo á ég víst að fá að vita með starfið, sem ég fór í viðtölin tvö út af, á morgun líka. Og svo í kvöld frétti ég að afi minn sem er 82 ára virðist hafa fengið smávægilega heilablæðningu í nótt, hann er svo mikill nagli að hann vill ekki sjá að fara til læknis, var máttlaus í annarri hendinni, var reyndar bara að fatta það í dag þegar kom til hans fólk, að hann getur ekki sagt "s" og ekki "r", en vildi alls ekki láta gera neitt úr þessu, vildi bara skreppa út í Rúmfatalager til að fá mýkri kodda, því hann var svo aumur í höfðinu (!). Svona karlar sko! Það er búið að fara til hans, þ.á.m. hjúkka í fjölskyldunni, og hann er alveg með fulde fem svo hann verður bara að ráða þessu blessaður. Ég held að hann muni stræka á að fara öðruvísi en dauður í sjúkrabíl allavega, því það fyndist honum svoddan aumingjaskapur. En auðvitað hefur maður áhyggjur af þessu, hinsvegar mun verða fylgst vel með honum og svona, það stóð til að hann færi til læknis í vikunni, enda þótti tilgangslaust með öllu að drusla honum snarhjart- og bakveikum í nokkurra klukkutíma bið á einhverri læknavakt úti í rassgati, til þess eins að láta segja sér að hann væri með máttleysi öðrum megin að öllum líkindum vegna heilablæðningar, frænka mín hjúkkan hafði það þó í gegn að haft yrði samband við heimilislækninn hans, sem honum hefur líklegast þótt bara bölvuð vitleysa. "Þetta er bara elli!" segir hann.
Talandi um elli, þá varð hann Eiki þrítugur í dag! Til hamingju með afmælið!

:: geimVEIRA:: kl. 23:20:: [+] ::
...

Váts, ég prófaði nýtt trix í hárið og er komin með krullur dauðans ekkert smá flott. Núna þyrfi maður að vera á leið á djammið damnit! Þetta er svo mikið diskó! Hvar eru öll partýdýrin núna?

:: geimVEIRA:: kl. 21:24:: [+] ::
...

Í dag fór ég á masterclass hjá danskri leik- og söngkonu sem kennir við Rytmisk Musikkonservatorium í Kaupmannahöfn , Sanne Graulund, það var mjög fróðlegt, nokkrir nemendur (þ.á.m. ég) voru látnir koma fram, másandi og blásandi, teygjandi og togandi eftir tiktúrum kennarans og syngja síðan í þokkabót allt fyrir framan hópinn, mjög sniðugt en fólk hljómaði allt miklu betur eftir leiðsögnina. Maður græddi áreiðanlega á þessu, mjög skemmtilegt að fá að taka þátt í svonalöguðu, ekki var verra að ég fékk kompliment frá konunni. Alltaf gaman að þeim.

:: geimVEIRA:: kl. 01:59:: [+] ::
...

"You know there's more to life than being really, really, really, really, ridiculously good-looking!"

:: geimVEIRA:: kl. 13:30:: [+] ::
...

Second base
Ég fór í viðtal aftur í dag og fór í þetta skiptið í viðtal hjá framkvæmdastjóranum. Svo þetta var mikið til svipað viðtal og í gær, gekk alveg ágætlega fannst mér. Síðan talaði ég aftur við starfsmannastjórann sem sagðist hafa samband eftir helgi. Svo nú er það bara að bíða og sjá til. Maður er orðinn spenntur.... úff.

:: geimVEIRA:: kl. 13:13:: [+] ::
...

Nú jæja...
Í morgun fór ég í starfsviðtal sem gekk alveg ljómandi vel, tók næstum 2 tíma meira að segja, mér leist mjög vel á starfsmannastjórann og fyrirtækið. Síðan fór ég beint þaðan í stutt viðtal sem ég var kölluð inn í hjá ráðningarstofu. Eftir þetta fór ég svo og fékk mér Subway, smakkaði nýja samsetningu: Dijon horseradish bræðing, sem var svakalega góður. Svo dreif veruleikafirrti veltukorts-atvinnuleysinginn sig í Debenhams til að reyna að finna buxur, en þar var 25% af öllum fatnaði í dag. Það var orðin algjör geðveiki þarna, en samt dreif ég mig í langa biðröðina til að máta helling af einhverju dóti, sem allt var of stórt eða of lítið, endaði nú samt með því að finna á mig pils (sem var að vísu ekki buxur, en það var líka allt í lagi, fínt að vera svoldið dömulegur til tilbreytingar), svo fékk ég brjóstahaldara líka og pungaði út 6 þús kalli fyrir þetta, sem ekki er slæmt verð. Svo rambaði ég fram á MAC stand, og gladdi það mitt litla förðunarsjúka hjarta að þær séu loksins farnar að fást hér á landi, sá strax 3 liti mjög djúsí... oh ég á bágt, ákvað að fara þangað þegar ég verð komin með vinnu. Svo var bara farið heim eftir akútstopp í Hagkaup þar sem ég VARÐ að fá sódavatn (mallinn búinn á því eftir stressið í morgun að fara í tvö viðtöl).
Þegar heim var komið og klukkan farin að ganga sex var svo hringt í mig frá ráðningarstofunni og mér tjáð að fyrirtækið sem ég var hjá í morgun, óskaði eftir að hitta mig aftur í fyrramálið (jibbí). Nú byrjar ballið. Ég hef ekki komist fyrr á þetta stig svo ég er hálfkvíðin, ég er samt rosaglöð að þeim leist svona vel á mig. Ég tek allavega egótripp út á þetta í það minnsta, svo sér maður til hvernig maður bögglast frá viðtalinu. Úff. Any tips for me?

:: geimVEIRA:: kl. 20:53:: [+] ::
...

Hjúkk
Loksins eru kosningarnar búnar. Mikið svakalega verður fínt að losna við allt bækingafarganið úr póstkassanum.
Ég horfði á kosningasjónvarpið og hafði ýmist ekki taugar í þetta, eða sofnaði. Á endanum fór ég milliveginn og horfði á þetta uppi í rúmi en hélt mér ekki vakandi nema til ca 4. Þetta var rosalega spennandi samt, ég hefði vakað ef ég hefði mögulega getað það. Svo náði Ingibjörg ekki einu sinni inn á þing! Ég gat ekki annað en glott þegar ég heyrði það, sérstaklega eftir að kosningaáróður Samfylgingarmanna snérist svo ótrúlega mikið um hana, myndir af henni út í eitt, ef hún var á hópmynd var henni stillt framfyrir hópinn o.s.frv. en samt það var fínt að það var svona mikið fútt í þessari kosningabaráttu, hún á mikinn heiður af því. Ég er sátt við úrslit kosninganna. Ég er mjög ánægð með að loksins er komið þangað inn fólk af minni kynslóð. Það hefði mátt gerast fyrr, fínt að fá nýtt blóð inn.

Fræga fólkið
Síðan á föstudaginn var hef ég komist í tæri við þetta fræga fólk, á einn eða annan hátt:
Kristjönu Stefánsdóttur (sem kennir mér söng), Pál Óskar Hjálmtýsson (sem kom til Kristjönu þegar ég var í tíma hjá henni), Ögmund Jónasson (sem næstum því blokkeraði mig á leið inn í Hagkaup), Siv Friðleifsdóttur (sem gaf mér Framsóknarkaffi), Eivøru Pálsdóttur (sem var að æfa inn í FÍH og þáði jarðarber hjá mér), Birgi Þór Bragason (sem er samspilskennari og var að æfa með Eivøru og þáði líka jarðarber) , Þórarinn V. Þórarinsson (sem labbaði framhjá mér á kjörstað - telst nú varla með), Margréti Eir (sem líka var á ferð niðrí skóla á laugardaginn), Kjartan Valdimarsson (sem er undirleikarinn minn í skólanum), Sigurð Flosason (sem ég heilsaði á gangi í skólanum, hann er yfirkennari þar), Egil Helgason (sem ég og fjölskyldan heilsuðum - vúps - í gær þar sem hann var með son sinn yfirdúlluna í vagni fyrir utan Litla andarungann), Jóel Pálsson (sem kennir mér tónheyrn), Ingibjörgu Sólrúnu Gísladóttur (sem ég þakkaði í gær fyrir að hafa komið með fútt í kosningarnar - vúps -).

Atvinnuástand
Ég er enn atvinnuleysingi, en fer á morgun í atvinnuviðtal.

Nýir linkar
Ég er loksins búin að skella inn link á Dömustaði.

:: geimVEIRA:: kl. 13:52:: [+] ::
...

Enskukennsla.

:: geimVEIRA:: kl. 02:46:: [+] ::
...

Hmm, rakst á þetta "Outside of a dog, a book is man's best friend. Inside of a dog, it's too dark to read" þarna.

:: geimVEIRA:: kl. 02:35:: [+] ::
...

Steingrímur J. fær stig fyrir sjálfssamkvæmni - ekki margir hefðu getað skotið á varnarliðið í sjávarútvegsumræðunni: "Þetta er hið nýja varnarlið, ekki varnarliðið í Keflavík sem ranglega er kallað svo - því það er her! Heldur varnarlið kvótakerfisins." Ekki kýs ég hann, en hann fær geimverðlaun fyrir að hafa aldrei hvikað frá sinni sannfæringu, vera yfirvegaður og alltaf kurteis, og aukastig fær hann fyrir að hleypa út áður óséðu (af mér a.m.k.) frá honum, góðu skapi nú í kosningabaráttunni. Gott hjá karlinum. Svo var þessi Che-bolur snilld.
Ingibjörg finnst mér enn og aftur alveg missa marks, hún var áðan að reyna að segja að ekki hefði verið ráðist að persónu Davíðs í kosningabaráttunni (Halló? kosningabarátta Samfylkingarinnar hefur snúist að stóru leyti nákvæmlega um einmitt persónu Davíðs og um það að Ingibjörg var merkt meybarn á fæðingardeildinni og það veiti henni forskot) og kom síðan með einhverja snilld á þá leið að misbeiting og misnotkun valds væru alveg seperat hlutir.... ? (Ekki það að ég skilji 50% af hennar rökstuðningi nokkurn tímann, en þessi íslenskukennsla var sérlega furðuleg).
Ég sé að Sverrir J hikstaði einnig á þessari snilld hennar.

:: geimVEIRA:: kl. 20:41:: [+] ::
...

Gamalmennahommaerótíkin sem Salvör eipar á Katrínu út af, snerti mig svo allt allt öðruvísi en hana. Hvernig þetta virkaði sem ögrun á hana er gersamlega ofar mínum skilningi. Það fólk sem bágt á með að sjá svona myndir hefði ég haldið homophobic ageist lið... Þetta er andskotann ekki my cup of tea, en hvað eru margar erótískar myndir af ungum [meintum] lesbíum þarna úti? Ég sé ekkert ögrandi við þetta, ég sé ekkert "virðingarleysi fyrir fólki". Ef það sem böggaði Salvöru var, að þetta voru karlar og þeir naktir og komnir af léttasta skeiði, þá er vandamálið ekki hjá Katrínu. Hvurslags tenging var þarna við feminista? I don't get this at all?!
Var þetta ekki bara ágætis tilbreyting? Mér finnst bara gott hjá þessum körlum að skemmta sér í ellinni. Það er nú ekki seinna vænna að komast í threesome fyrir þá heldur. Mikið svakalega fer svona fórnarlambamentalitet sjúklega í taugarnar á mér.

Eftirfarandi er mitt komment á umræður um þetta í dag inni á bloggi Ernu og Marðar:

"Hvað Salvöru gekk annað til en einmitt að reyna að hrella Katrínu, leikur mér spurn á að vita. Málþóf um "tilboð til bréfaskrifta" er lágkúrulegt í besta falli.
Þarna er um að ræða afburðaíþróttamann, fína fyrirmynd, sem hefur sannað að hún hefur bein í nefinu, sem heldur uppi heimasíðu í enskis annars nafni en eigin.
Það að ýja að þeim möguleika að gera mál úr myndbirtingu efnis (sem matsefni hvers og eins er hvort var til þess fallið að ögra einum eða neinum), sýnir að mínu mati ljóst hvert innrætið er þarna á bæ.
Í hvaða tilgangi hefði bréfaskrift til TBR átt að vera? Fyrir hvern hefði það átt að gerast? Hefði það hjálpað þessum unga íþróttamanni??? Hefði slíkt þjónað nokkrum öðrum tilgangi en Salvarar?

Þetta var að mínu mati markviss ögrun, mun skýrari en nokkurn tíman einhver myndbirting gæti hafa verið.
Þetta sýnist mér hafa verið tilraun til atlögu að ungri konu, háskólanema og íþróttamanni, sem hefur þor til að segja hug sinn á málum og vera fyndin, án ofurskoðun í anda political-correctness. Það hefur nú leyfst körlum að vera með groddahúmor á stundum, það er tímanna tákn að konum sé frjálst að gera það líka, án þess ða fá yfir sig súpu feminsta. Ég held að feministar ættu nú aðeins að hugsa sig um og spá í hvort svona konur séu ekki einmitt hinar ungu fyrirmyndir. Konum eru konum verstar... alveg merkilegt að sjá það sannast undir merkjum feminisma!"

:: geimVEIRA:: kl. 19:00:: [+] ::
...

Flippað andrúmsloft
Það er nú ekki á hverjum degi sem maður heilsar Páli Óskari, Dr. Love himself, Ögmundur Jónasson situr fyrir manni á leið út í búð, og umhverfisráðherrann gefur manni kaffi, allt á sama klukkutímanum. Ég var í fínum söngtíma heima hjá kennaranum og þangað leit inn Páll, fór svo út í búð og þar var heil strolla frambjóðenda að reyna að skella bæklingum og dóti í fangið á vegfarendum. Reyndar finnst mér nokkuð hnyttið þetta kaffidæmi sem Siv Friðleifsdóttir gaf mér þarna, því þar var um að ræða "Framsóknarkaffið" og ku það innihalda "kraft, framsýni, heiðarleika og traust". Ekkert lítið flott það. Spurning að hella upp á og hafa þetta kaffi í maganum þegar maður setur x-ið ekki við B á morgun, múhahaha. Ég held það bara. En Ögmundur var nú bara hálfscary þarna, hann blokkeraði fólk sem ætlaði inn í Hagkaup og lét það hafa bæklinga eða eitthvað, ég slapp sem betur fer, þetta er stór gaur - gæti örugglega rutt sér leið inn á þing bókstaflega.
Það er allt að verða vitlaust í kosningahamnum - ég er bara fegin að þetta er að verða búið. Ég vona bara að aðfararnótt sunnudagsins verði ástæða til að gleðjast, nú ef ekki þá lærði ég á fundi hjá Vinnumiðlun að eftir 4 vikur má maður vera atvinnuleysingi hvar sem er innan EES. Gaman að því.

:: geimVEIRA:: kl. 17:41:: [+] ::
...

Sniðugt!

:: geimVEIRA:: kl. 23:29:: [+] ::
...

Attention (span) wanted!
Hvert fór athyglin mín??? Eftir að lesa helming námsefnis til prófs í hljómfræði (og ekki þann sem ég er týnd í - byrjaði á byrjuninni) fór athyglin algerlega til andskotans, svo ég þreif klósettið og fór svo í sturtu, ég æfði eitt lag fyrir stigspróf spáði í listanum og fattaði að ég þarf líklega að transpónera bloody 8 síðna lagi (sem er mjöög ólíklegt að ég nái að gera at my rate) en missti síðan athyglina og fékk mér linsoðið egg af því í öllum athyglisskortinum mundi ég eftir því að ár og öld voru síðan ég síðast smakkaði svoleiðis, eftir egg skoðaði ég enn listann sem er ekki að sannfæra mig að virki, en missti síðan endanlega athyglina og fór bara í tölvuna. Hvernig á ég að komast yfir allt sem ég þarf að gera á þessum hraða? Holy Crap!

:: geimVEIRA:: kl. 16:11:: [+] ::
...

Það er Leoncie dagur á Rás 2 held ég, ég er búin að heyra 2 lög núna á stuttum tíma.
Ég get ekki ákveðið hvort þetta *)...

a) ...er mér hvatning til að bæta mig í tónlistinni
b) ...komi mér til að vilja fjarlægja heyrnarfæri mín með flísatöng
c) ...murki úr mér lífsviljann alltogether
d) All of the above

*) (ég get ekki kallað þetta tónlist - þetta er svo miklu miklu meira)

:: geimVEIRA:: kl. 15:49:: [+] ::
...

Ég og Sibelius förum að verða vinir kannski bráðum, hinsvegar eru sumir hlutir sem hann vill bara ekki gera fyrir mig. Þó aðallega af því að ég kann ekki að biðja hann um það. Allir sem kunna á Sibelius mega gefa sig fram við mig. I need to pick some brains here.

:: geimVEIRA:: kl. 15:31:: [+] ::
...

Víst er vísað á hjálparstofnanir
Vegna umræðu um hvort félagsþjónustan í Reykjavík vísi fólki á hjálparstofnanir, þá þykir mér rétt að geta þess að vinkona mín þurfti að vera upp á það batterí komin um tíma og henni var ítrekað vísað á mæðrastyrksnefnd og einnig sagt hvernig hún bæri sig til að fá aðstoð frá kirkjunni.
Þar sem hinsvegar ég dreg það stórlega í efa að hún hafi verið fórnarlamb aðstæðna, hún málaði sig sjálf út í horn með endalaust röngum ákvörðunum sem hver heilvita maður hefði séð að myndu leiða til erfiðra fjárhagsaðstæðna, taldi ég hana ekki í hóp raunverulega bágstaddra. Ég heyrði þá sögur hvernig hún gat ekki fengið aðstoð, hinsvegar vinkona hennar sem var dópisti sem þá var við það að missa frá sér börnin (hefur nú mistt þau) hafði íbúð og framfærslu á vegum borgarinnar. Þessi dópisti framleigði henni síðan herbergi í þeirri íbúð og bjó hún við þessar aðstæður í marga mánuði, með tilheyrandi umgang vafasams liðs, en þá var biðlisti eftir félagslegri íbúð um 12-13 mánuðir. Þar sem þessar aðstæður eru erfiðar, finnur maður auðvitað til með fólki í svona aðstöðu, hinsvegar eru ólíkar ástæður fyrir svonalöguðu. Þessi vinkona mín t.d. hafði í sinni heimabyggð haft húsnæði á eigin vegum og vinnu, því nokkuð augljóst fyrir utanaðkomandi að hennar val um að hanga upp á kerfið hér var út í hött. Ég sem skattgreiðandi fæ óbragð í munninn að sjá einhverja dópista blóðmjólka kerfið og hugsa síðan ekki einu sinni um börnin sín, ég hef þekkt til heilu fjölskyldnanna sem unnu svart og mjólkuðu bætur úr kerfinu og fluttu sig til þegar stefnuvottar fóru að banka upp á. Það er þegar tekið er hart á svona liði sem getur unnið en nennir ekki, grefur sér gryfjur með óæskilegri framkomu trekk í trekk á vinnustöðum þar til enginn vill það í vinnu, liði sem í félagslegu húsnæði dirfist að græða með því að framleigja herbergi út, að hægt verður að hreinsa þetta kerfi og láta fólk sem virkilega og raunverulega er í neyð og er fátækt hafa það sem það á skilið. Ég hef horft upp á fólk utan af landi verða leitt á vinnunni sinni þar, taka sig upp með börnin og flytja bara í annað sveitarfélag án þess að hafa þar vinnu eða nokkrar aðstæður þar bjóði upp á betra líf... svo er bara mætt til félagsráðgjafa og sveitarfélagið þarf að redda þeim.
Ég held að það þurfi að taka alvarlega í rassgatið á þessum útgerðum, sem virðast endalaust getað dömpað lægðum í eigin rekstri á sveitarfélögin, þegar þær segja fiskvinnslufólki umsvifalaust upp þegar ekki fiskast þá vikuna. Mikið væri nú gaman að reka verslun þar sem maður gæti bara rekið fólk þegar lítið væri að gera og ráðið fólk bara aftur í kringum ný VISA tímabil og mánaðarmót. Ég mun aldrei skilja hvernig þetta hefur liðist í öll þessi ár. Maður skilur vel það fólk sem vill betra líf en að búa við endalausar uppsagnir yfir höfði sér, ég held að ef tekið væri á þessu myndi léttast töluvert á félagslega kerfinu, enda margir sem hrúgast inn í það kerfi (oft til Reykjavíkur utan af landi án þess að langa neitt til að búa í borginni) við búferlaflutninga í leit að betra lífi, margt fólkið finnur ekkert betra á höfuðborgarsvæðinu... finnst mér þetta sanngjarnt? Nei. Finnst mér sanngjarnt að ég þurfi að borga brúsann í mínu útsvari? Ó nei.
Rotið kerfi.

:: geimVEIRA:: kl. 14:36:: [+] ::
...

:: geimVEIRA:: kl. 20:33:: [+] ::
...

Pissed pólitíkurVEIRA
Æi, voðalega fannst mér lélegt að setja spurningu um afstöðu allra flokkanna til lögleiðingu táknmáls svona 1 mín. fyrir auglýsingahlé á fundinum hjá Stöð 2 núna. Enginn gat útlistað neitt markvert, ekkert nema klisjur og humm komu frá frambjóðendum. Þetta er eitt af þessum atriðum sem ég myndi vilja fá á hreint að yrði bara klárað í eitt skipti fyrir öll. Þetta og niðurfelling afnotagjalda RÚV, sala Landssímans, áframhaldandi trygging jafnra réttinda og bót þar á s.s. hvað varðar ættleiðingar samkynhneigðra, rétt fórnarlamba glæpa bæði til aðstoðar og m.t.t. hertra refsinga, lækkun skatta... Það er svo margt sem manni dettur í hug. En allir eru fastir í kvótamálum og talnaleikjum. Kannski er fullt af fátæku fólki, kannski ekki... hver og einn sem í raun er fátækur er einum of mikið, það má samt ekki gleymast svona algerlega eins og nú hefur gerst, að flest erum við í einhverskonar millilagi. Ég þekki engan sem er fátækur, ég þekki engan sem er kvótakóngur. Enn og aftur þegir þessi millistétt sem er svona sæmilega miðjuð í pólitík, vill bara lifa eðlilegu lífi og borga eðlilega skatta til ríkis sem veitir eðlilega þjónustu. Það þreytir mig óendanlega að öllu púðrinu sé eytt í öfga samfélagsins, þegar alltaf verða til toppar og botnar í allri afkomu. Vitanlega hlýtur misskipting auðs að fara mikið í taugarnar á öllum, en er þetta það eina sem allt okkar samfélag snýst um? Að mínu mati, alls alls ekki - þessi mál skipta miklu en mér dettur í hug ansi margt merkilegra fyrir meðaljóninn á Íslandi.
Ég er mjög lítið spennt fyrir þessum klisjukenndu slagorðaupphrópunum. Hvar eru lausnirnar útlistaðar? Hvar eru stefnumálin sem unnin hafa verið í heimavinnu síðustu ár og framlögð fyrir okkur kjósendur á mannamáli? Hvers vegna fer allt púðrið í að lofsyngja þennan og hinn leiðtogann? Hvernig er hægt að mynda heila flokka utan um eitt mál aðeins? Hvers vegna hafa þrýstihópar hagsmunahópa ekki verið duglegri að afmarka sín mál og tala sínu máli sjálfstætt og heimtað umræðu meðal frambjóðenda? Hvernig er hægt að vera bara á móti, hvernig er hægt kjósa bara út frá einhverju sem maður er á móti?
Ég hef kannski eitthvað misskilið þetta alltsaman, en fyrir mér er lýðræði í eðli sínu það margþætt að aldrei verður hægt annað en að velja illskársta kostinn hverju sinni. Kostur er í mínum augum nokkuð sem ber eitthvað með sér, kostur kemur með lausnir. Þar sem samfélagið okkar er heild, stór heild vissulega, en engu að síður margþætt leita ég sem kjósandi að framlagningu lausna, nýrra hugmynda, fólki sem getur rökstutt sitt mál og er samkvæmt sjálfu sér. Ég hef fengið upp í háls af kamelljónum sem ekkert segja fyrr en niðurstöður skoðanakannana liggja fyrir, ég hef fengið upp í háls af eins-málefnisflokkum, ég hef fengið upp í háls af fólki sem ekki skilur bofs í utanríkismálum, ég hef fengið upp í háls á hringlógík, ég hef fengið upp í háls af endalausri útmálun kvenna sem fórnarlamba. Enn og aftur er ég í þeirri aðstöðu að kjósa illskársta kostinn. Hvenær kemur eitthvað nýtt?

:: geimVEIRA:: kl. 19:56:: [+] ::
...

Jæja, þá er maður að verða kominn inn í kerfið vegna þessa atvinnuleysisvesens á manni. Ég, sem ekkert þekki inn á svona lagað hafði ekki hugmynd um að það væri einungis miðað við skráningardag (daginn sem maður rambar þarna inn) en ekki fyrsta dag atvinnuleysis (sem hvort sem er er skjalfest og vottað inn til stofnunarinnar) svo þar missti maður viku... þetta er athyglisvert að sjá þetta allt saman, biðraðir út að dyrum og ekki hægt að fá bílastæði fyrir mannfjölda, svo ekki er logið til um að marga vanti vinnu, allt voða sad eitthvað.
Ég fékk niðurstöðu viðtalsins frá því fyrir helgi það var eins og mig grunaði, þeirra launahugmyndir standa, svo við náum ekki saman, því miður þar sem mér leist vel á þennan vinnustað og yfirmanninn. Núna er ekkert í pípunum lengur svo ég veit ekki bofs. Nú er bara að sjá til. Ég kem huganum ekki að náminu fyrir mitt litla líf... það endar með því að ég hætti að gera ekkert og stressa mig á því og gef sjálfri mér bara frí til morguns. Já, ég held það, nóg stress er nú í heiminum.

:: geimVEIRA:: kl. 18:22:: [+] ::
...

II_V_I majorminor-gurgleblaster
Í dag fór ég á mjög athyglisverðan fyrirlestur í skólanum, það var hljómfræðistappa í boði Mark Levine. Ég var farin að skilja þetta aðeins svona undir lokin, en var mjög fegin að hann komst aldrei að mér þarna, en hann skaut spurningum út í hópinn svona, maður var orðinn stressaður smá. Svo var opinn samspilstími sem hann stjórnaði sem ég hlustaði á og síðan tónleikar. Þetta var þrælgaman, Matti Hemstock og Tómas R. spiluðu með honum, karlinn seldi síðan geisladiska og mannaði ég mig upp í að versla svoleiðis og láta hann krota á þá, gaman að eiga áritaðan disk svona frægs karls, sér í lagi þegar ég kemst að því núna að hann kemur ánægjulega á óvart.
Ég er algerlega orðin glær af þreytu. Ég hafði þó það af í morgun að atvinnuleysingjast ekki til að sofa til 14:00 þótt ég hefði eflaust farið létt með það, heldur reif ég mig upp á skikkanlegum tíma. Nú væri gáfulegt að fara bæði snemma að sofa og vakna snemma.
Já, best að reyna það.

:: geimVEIRA:: kl. 00:49:: [+] ::
...

Simon nasty-ass-handsome-dude...

Nokkrir ótrúlegir frasar og viðtal

:: geimVEIRA:: kl. 15:35:: [+] ::
...

James Brown funky gramps himself á afmæli í dag.



"Hit it! OW!"
Hann er sjötugur "AOW!" í dag! "Get uppah!"
Hann er sjötugur "UH!" í dag! "Feel good!"
Hann er sjötugur "Huh- say whattah!" hann James Brown! "HUH- give it to me!"
Hann er sjötugur "AOW!" í dag!

:: geimVEIRA:: kl. 13:27:: [+] ::
...

Jæja, þá er atvinnuleysinginn búinn að skella inn linkum, kíkið á Eika, Elsu og Tótu. Síðan á Katrínarblogg afmæli í dag. Ég var að fá staðfest að ég þarf að fara í próf á afmælisdaginn minn. Svindl.

:: geimVEIRA:: kl. 12:11:: [+] ::
...

Kemur ekki á óvart:


United States Of America -
The most well-renouned country in modern day times.
The militaristic superpower, the United States
of America are also known as the bossiest
nation.

Positives:
Known Worldwide.
A Beacon to Others.
Powerful.
Fast Food.


Negatives:
Bossy.
Despised by Most Others.
Elitest.
Which Country of the World are You?brought to you by Quizilla

:: geimVEIRA:: kl. 11:52:: [+] ::
...

Fyrir Liverpool aðdáendur sem sárnaði kannski eitthvað í gær:

"There are only two great football teams, Liverpool and Liverpool Reserves."

Þetta sá ég á bumpersticker, mikil speki iðulega á þeim. Já og ég get sagt það, að eina fótboltaáhugaliðið sem ég hef umgengist um ævina (það góða allavega) hefur haldið með Liverpool, svo kannski eru einhver tengsl, ég skil samt ekki hvers vegna það gæti verið. Kannski einhver geti útskýrt það fyrir mér. Nema ef tenginguna sé að finna í að það fólk hefur þroskaðri karakter hvað varðar samkennd og samúð, hehehe, þá fatta ég þetta.

:: geimVEIRA:: kl. 10:10:: [+] ::
...

Á morgun ætla ég að fara á fyrirlestur með Mark Levine ég verð að muna að fara, síðan ætti maður nú líka að skella sér á tónleikana... ég sé til.

:: geimVEIRA:: kl. 22:50:: [+] ::
...

Mikið er ég fegin að hafa kúplað mig út úr ensku knattspyrnuspælingunni þegar ég var 12 ára og fékk ógeð á að horfa upp á Liverpool taka það upp í taðgatið, oftar en ekki af Man.Utd. Núna 17 árum síðar hefur ekkert breyst, þetta er enn sama spælingin heyrist mér. Reyndar var Liverpool gallinn minn mjög þægilegur. Ef ég nennti að spæla mig á svonalöguðu héldi ég með Liverpool, en ég bara hef ekki áhuga á þessu, svo allir græða. Eina Liverpool tengdi hluturinn núna hjá mér er George Harrison lagið sem ég ætla að hafa á stigsprófslistanum.

:: geimVEIRA:: kl. 22:18:: [+] ::
...

Good charmathingy
Ég er eitthvað orðlaus þessa dagana. Ég er búin að sofa heilan helling en er samt þreytt. Fór á föstudaginn í krabbameinsskoðun og það gekk eins og vanalega ekkert svakavel, gæti þurft að fara aftur (en það hefur alltaf verið sagt við mig, en ég ekki þurft að fara aftur), sem betur fer er ég ekkert að farast að þurfa að fara í svonalagað, frekar en til tannlæknis, en samt nennir maður nú ekki oftar en maður þarf náttúrulega oj oj. Ég er heldur ekki hrædd við sprautur eða að sjá blóð, ég horfi alltaf á mér finnst þetta svo stórmerkilegt allt saman. Sem minnir mig enn og aftur á að hvetja alla til að gefa blóð!
Á föstudagskvöldið bauð síðan fyrrverandi vinnustaðurinn út að borða (goodbye/welcoming dinner). Fékk alveg súpermat á La Primavera og rosafína þjónustu. Þetta var mjög vel heppnað kvöld bara, í gær var ég samt ekki í miklu stuði til neins, en náði að sofa bara fullt sem var ágætt. Ég hef svona í og með (kannski of mikið) stílað upp á að hafa tíma á daginn til að vinna öllu sem ég hef ekki verið nógu dugleg með í skólanum.... í síðasta söngtíma var allt í einu breytt slatta af forsendum sem upp höfðu verið gefnar til stigsprófs, en þar sem ég hef verið með hálsvesen undanfarið, hef ég ekki mikið sinnt stigsprófsmálum fyrir utan að hafa þó verið komin með gömlu forsendurnar loksins á hreint og ætlaði ég að nota mánudaginn og þriðjudaginn fyrir tímann minn til að klára að vinna mig upp skv. nýju forsendunum sem mér fannst flækja málin ansi mikið. Síðan núna rétt í þessu hringdi samnemandi minn sem er í miðjum stúdentsprófum og stefnir líka á stigspróf, og óskaði eftir að skipta við mig á tíma þar sem hún hafði ruglast á próffögum (líffræðilestur í stað eðlisfræði - holycrappola!) og var í vandræðum, ég vorkenndi henni svo ferlega að ég ákvað að gera það fyrir hana (þótt það komi sér bölvanlega fyrir mig út af þessum breytingum og svona).... í það minnsta græðir hún þá á því að maður er atvinnulaus, ágætt að einhver nýtur góðs af því bara, ég hefði alls ekki getað hjálpað henni ef ég hefði þurft að vinna líka, ég get notað daginn á morgun væntanlega í að æfa mig svo þótt það verði erfiðara þá reddast þetta. Alltaf gaman að gera rétt, líka þegar það bítur mann í rassinn. Sum góðverk sem ég hef unnið hafa endað með að vera meiðandi, bókstaflega í einu tilviki, þar sem ég bjargaði hvolp fyrir fatlaða konu, og hundurinn beit mig barasta, samt ekki í rassinn.
Mér er svo kalt að ég ætla að fara í heita sturtu í hálftíma núna, skella á mig bodylotion og þykkum sokkum og fara svo að æfa mig.

:: geimVEIRA:: kl. 17:40:: [+] ::
...

Meira hvað mann vantar stundum að geta editað þegar maður gerir óvart einhverja vitleysu í kommentakerfi og gestabækur... ég var eitthvað að steypa í gestabókina hjá Tótu, hermdi upp á hana skemmtiatriði en var svo bara að rugla saman... smá mis. Þar sem hún óskar eftir fullkomnun síðunnar með birtingu nakinna karlmanna verð ég að reyna mitt besta til að verða við því einhvern daginn.
Varðandi persónuleikaprófið þarna, ég er ekki með þetta á heilanum neitt ... þótt mætti halda það hér... Gaman að sjá niðurstöður hjá fólki, fyrir þá sem hafa gaman af þessu bendi ég á að hægt er að fletta síðan upp sinni týpu hér og þar t.d. hérna,hérna, og hérna.

:: geimVEIRA:: kl. 17:54:: [+] ::
...