:: Þvaðurveita geimVEIRU ::

:: föstudagur, janúar 31, 2003 ::

Breytingaskeiðið

Þegar ég í próflestarletikasti breytti layoutinu á stofunni heima hjá mér og dreif í að láta færa píanóið fram og stilla það og allt saman, flaug mér í hug: "já nú breytist bara eitthvað í lífi mínu" - pælingin. Little did I know.
Í dag, eftir rúmlega átta ára starf var mér sagt upp starfinu mínu, þar sem verið getur að fyrirtækið sé að hætta. Þar sem ég hef aldrei lent í þessu áður var ég eiginlega hissa hvað ég eiginlega er ekki tjúlluð yfir því. Fyrir utan náttúrulega fjárhagshelvítið sem maður mun drukkna í ef ég finn ekki starf innan 3ja mánuða, þá er ég nokkuð sátt svona deep deep down. Það var ekkert nýtt eftir fyrir mig að læra þarna í sjálfu sér svo ég vona að ég geti eitthvað fundið skemmtilegt að gera.
Ég er verri í hálsinum en í gær - hversu vel maður nær að slappa af og komast í mikið stuð til að gefa af mér allt sem ég get á morgun á eftir að koma í ljós. Wish me luck.

:: geimVEIRA:: kl. 21:46:: [+] ::
...

Nei sko?
Alltaf kemur nú lífið með eitthvað óvænt.
Ég er orðlaus.
Meira síðar.

:: geimVEIRA:: kl. 15:16:: [+] ::
...

Ég er snillingur
Mér tókst á snilldarlegan hátt að gera verkefnið í gær, ótrúlega rétt m.v. að ÉG MISSKILDI verkefnið, og gersamlega missti af því að það væri í fjórum pörtum, enda engar leiðbeiningar þar um og kennarinn hafði ekki minnst á það. Flestum hafði þó tekist að fatta það, enda stóð skýrum stöfum 1, 2, 3, og 4 fyrir framan upphafstakt hvers verkefnis, sem hvert var í sinni tóntegundinni. Þarna kom útskýringin á því hvers vegna hljómgreiningin gekk svona svakalega illa hjá mér, ég hélt bara að lagið væri steypa, eða mér farið að förlast í hljómgreiningunni. Á púra lógík virkaði samt mín fáránlega aðferð, sem fólst í að ég beitti reglunum til hins ítrasta, þannig að jafnvel þótt ég væri í snarvitlausri tóntegund, var ég í 95% tilvika með rétta skala í gangi, kennarinn átti ekki orð hvernig mér hafði tekist það, en ég útskýrði það fyrir honum. Alltaf gaman að láta heilan bekk af fólki hlæja að sér já, já. Ég lærði allavega helling á þessu.
Ég horfði á leik Íslands og Spánar, eins og líklega allir sem gátu. Hann var mjög spennandi, en ég verð að viðurkenna að ég missti vonina um sigur eftir ansi langan fátkafla í síðari hálfleiknum. Ég er eins og fleiri spæld, en samt mjög stolt af liðinu. Duglegir strákar.
Ég eldaði mér stórgóðan fiskrétt í gær, að hlusta til Jamie Oliver uppskrift. Pakkaði steinbít inn í álpappírsvasa, með hvítlauk, fersku basil, olives niçoises, rauðum þurrkuðum chilipipar, olífuolíu, safa úr 1/2 sítrónu, kúrbít, hvítvíni, salt og nýmuldum pipar, og skellti í ofninn, og borðaði síðan með nýbökuðu baguette. Fáránlega einfalt, ótrúlega gott. Þetta skoraði hátt á kvefkerlingaráðalistanum, fiskur og hvítlaukur og chili og sítrónusafi. Síðan fékk ég mér sólhattsfreyðitöfluvítamín með c-vítamíni, lýsi og fjölvítamín. Síðan til að trompa þetta gersamlega í tætlur fékk ég mér spúkí-ass Alkaselzter sem ég keypti mér í USA sem er eitthvað dúndur kvefleysir - antihistamín kokteill af allskonar eitri, svo þetta tekur maður bara að kveldi. Alveg merkilegt hvað kaninn má kaupa lyfseðilslaust maður er hræddur við þetta drasl, en ég ákvað allavega bara að láta vaða, enda ekki á betablokkurum eða með barn á brjósti, lifrin á að vera í lagi og svona. Síðan fór ég snemma*) að sofa. (* lesist: fyrir kl. 01:00). Ég var ógeðslega þreytt í morgun og með hálsbólgu, en þegar ég loksins drattaðist fram úr var ég ekki frá því að ég væri skárri af kvefinu. Ég er að hugsa um að æfa mig ekkert að gaula í dag, spara mig bara þótt það verði eflaust erfitt. Drekka mikið vatn, muna eftir ofnæmisnefsprayinu mínu og fara jafnvel ekki mjög *) seint að sofa (* lesist: ekki eftir kl. 03:00). Fyrir utan allt þetta make-believe-I-can-beat-viruses-delutional-crap ætla ég bara að taka þetta á kæruleysinu og hafa gaman af þessum tónleikum. If I'll suck I'll suck.

:: geimVEIRA:: kl. 10:23:: [+] ::
...

Ég kláraði verkefni dauðans í hljómfræði heima. Ég hljómgreindi og setti skala alveg hægri vinstri og var farin að muna meira að segja að setja lýdískan á maj hljóma, sem ekki voru I.sætishljómar... ég var hinsvegar orðin ógeðslega þreytt, og uppskrift á nótum er ekki mín sterka hlið fyrir. Þetta verður eitthvað skrautlegt!
Ég fékk að flippa smá með samspilinu í gær, þar sem ég var eina gauldýrið sem mætti. Ég gat því mátað lög, eitt lagið sem mig langar að taka er bara ansi rokkað svo kennarinn var ekki alveg viss hvort það væri í lagi, en ég var ánægð allavega að liðið fílaði lagið, vonandi skiptir kennarinn um skoðun. Það er svo leiðinlegt að vera eiginlega að ákveða lög fyrir hina, ef þeir þola þau ekki, eitt lag sem ég átti von á að yrði skotið niður fékk nú eiginlega thumbs up þannig lagað, þannig að það verður aðeins kíkt betur á það. Þetta var allavega fín æfing. Ég verð að fara að sætta mig við að á tónleikunum á laugardaginn er útlit fyrir að ég verði bara með hálsbólgu og vesen, sem er fúlt þar sem það kemur fólk að kíkja á mig sem hefur ekki heyrt mig syngja að ráði. En fyrst að þetta fólk gat ekki komið þegar ég var ekki veik, verð ég bara að gera mitt besta með öllum kerlingaráðum þar til og reyna til þrautar að ná þessum bévítans slímhala úr kokinu á mér......... *æl* *hóst*
Ok... að hreinsa hálsinn meina ég.

:: geimVEIRA:: kl. 15:02:: [+] ::
...

Ái.
Mínir úlnliðir og tölvuvinnsla eru ekki vinir í dag. Ég er geðveikt pirruð í höndunum, man aldrei eftir að teygja á fyrr en það er orðið of seint - ef ég ætti baðkar myndi ég fara í heitt bað í kvöld.

:: geimVEIRA:: kl. 16:13:: [+] ::
...

Þessi nýja Létt ab-mjólk með ferskjum og vanillu er þrælgóð. Minnir mig á eitthvað svona ferskjusmoothie dæmi sem ég smakkaði út í Flórída um árið.

:: geimVEIRA:: kl. 12:48:: [+] ::
...

Ég fékk píanóið stillt í gær og endaði náttúrulega með því að glamra frá mér allt vit í gær þegar ég kom heim úr skólanum, enda slapp ég fyrr heim þar sem hrynþjálfunartíminn féll niður. Ég næ þessari tónheyrnar einkunn ekki bara, ég er rosa ánægð með þetta. Jólaprófseinkunnirnar sem ég er komin með hingað til eru þá: Hljómfræði 8,7 - tónheyrn 9,25 - söngvinnubúðir 9,5 (var ekki próf í því samt), og svo stigsprófið 9,5. Ég á eftir að fá fyrir hljóðtækninámskeiðið og hrynþjálfunina, en hún mun breytast víst eitthvað þar sem kennarinn verður að hætta og eftir er að finna út úr því, svo mig grunar að í henni verði bara gefin einkunn í vor.
Ég horfði á gamlan Friends þátt fyrir svefninn, en það er verið að endursýna þá á Stöð 2. Mér finnst svo merkilegt að mér finnst þeir miklu skemmtilegri núna, en mér fannst þá. Er húmorinn manns orðinn einfaldari, eða er þetta að maður þekkir týpurnar betur og sér hvað þær voru samkvæmar sjálfum sér þá? Þessi þáttur fjallaði um Ursulu tvíburasystur Phoebe, og tryggingasvik og voru George Clooney og Noah Wyle gestaleikarar, ég skellti nokkrum sinnum upp úr og sofnaði með bros á vör. Þetta er hið besta svefnmeðal, eiginlega ekki hægt að sofa illa ef maður fer hlæjandi að sofa.

:: geimVEIRA:: kl. 10:23:: [+] ::
...

Blogg frá því í hádeginu, sem ég eyddi út og set núna inn aftur...

Holy crap! Ég var að muna að ég fæ út úr tónheyrnarprófinu í dag. Mér líst ekki á það. Kannski það væri bara ágætt að fá helgi bara aftur... eða nei annars ég þarf þessa viku til að ná úr mér hálsbólgunni svo eitthvað komi af viti frá mér á laugardaginn.
Ég sá þátt sem heitir 24 í gær, Kiefer Sutherland gæti vel verið bróðir Ólafs Jónssonar saxófónleikara - sá svip þarna... síðan sá ég líka gamalt viðhald Díönu prinsessu í viðtali hjá Larry King, James Hewitt. Larry kom inn á að það væri slúðurblað að reyna að hafa upp á DNA úr Harry prins til að kanna hvort viðhaldið væri rétti faðir hans. Hann eyddi þessu bara, sagði nú nóg vera lagt á drenginn, gott hjá honum. En síðan voru sýndar myndir af stráksa og karlinum saman og það var bara spúkí. Þeir eru ógeðslega líkir. Miklu líkari en Harry er bróður sínum fannst mér. Greyið strákurinn.


Jájá, talandi um prinsa..... how about prince charming over here:

:: geimVEIRA:: kl. 22:17:: [+] ::
...

Ég á ekki orð.
Eitthvað hef ég ofmetið vitleysisganginn í mér í tónheyrninni, verklegt: 8,5 skriflegt: 10!
Ég er sátt. Segi ekki meir.

:: geimVEIRA:: kl. 20:13:: [+] ::
...

Thank God it's Monday
Ég er glöð að það er kominn mánudagur. Þetta var viðbjóðslega leiðinleg helgi, hefði frekar viljað vinna sveimér þá.

:: geimVEIRA:: kl. 09:54:: [+] ::
...

Bored to tears
Ég er að upplifa netta Bridget Jones kvöldið núna. Er að drepast úr leiðindum, hangandi ein heima á laugardagskveldi og búin að þurfa að svara spurningum varðandi hvers vegna ég er enn single og hvers vegna ég var ekki á leiðinni út á lífið í kvöld við smug fuckwit non-married ex-friend. Ég borðaði einmanapasta (a.k.a. Bachelor's pasta) í kvöldmatinn og er meira að segja búin að syngja hérna ein. (Ok, ég hef afsökun verandi í söngnámi 'n all - en eftir á er þetta nú bara eins og sena úr myndinni - mínus vodkinn).
Ætti ég að ná í vodkað og finna til "All by myself"? Á ég að gera þetta blogg að svona dagbók à la Bridget? Telja upp kaloríur og syndir?

:: geimVEIRA:: kl. 23:08:: [+] ::
...

Today's proverb : Get reverb.
Netið er í einhverri massaklessu núna, ekkert virkar sem skyldi, msn í rugli og tók lengri tíma að fá bloggerinn upp. Frekar fúlt þegar hugmyndaflugið leyfir ekki meira en nettengdar skemmtanir á laugardegi. Sem aftur gerir manni ljóst að það er glatað að langa ekki til að gera neitt uppbyggilegra en hanga í tölvunni. Sem aftur gerir mann enn þunglyndari, þannig að maður nennir í mesta lagi að horfa á sjónvarpið. Nema hvað ég reyndi það áðan og ég gat ekki einu sinni haldið mér vakandi.
Píanóið var flutt í gær, og ég gat loksins æft mig með micnum og fór eiginlega í gegnum allt sem mér datt í hug að taka. Greyið greyið nágrannarnir, munu ekki fá frið framvegis. Verst að ég er enn með hálsbólgu og vesen, svo ég var orðin raddlítil í gær og þori ekki að gera neitt í dag, enda bara vika í tónleika í skólanum. En í það minnsta æfði ég þó skala og svoleiðis skemmtilegt. Ég er farin að sjá II___V sambönd út um allt og framlengda forhljóma í lögunum sem ég æfði, svo eitthvað hefur sigið inn af hljómfræðinni í hausinn á manni, gott mál það. Nú væri ágætt að hafa einhvers konar effecta á græjunum - örlítið reverb væri vel þegið svona til gamans.

:: geimVEIRA:: kl. 17:03:: [+] ::
...

Kaldir karlar
Kjörís er að auglýsa frostpinna sem þeir segjast selja sex í pakka og heita þeir Strákarnir okkar og mun það vera tilvísun í handboltalandsliðið, myndir af landsliðshópnum á auglýsingunni og svona. Ég veit ekki alveg hvað þeir eru að fara, en ætli engum hjá Kjörís hafi dottið neitt tvírætt í hug við þetta? Verða þetta slagorðin síðan? Sjúgðu einn strák! Strákarnir okkar, svala þorsta þínum! Eat a guy out in the sun! Nartaðu í pinnan á uppáhaldsstráknum þínum!
Ég verð að segja að ég hefði ekki átt von á því að fá að svala mér á strákunum okkar hvað þá sex saman - ekki það að ég ætti ekki von á því að þeir myndu bráðna í mínum meðförum.

:: geimVEIRA:: kl. 14:53:: [+] ::
...

Mér finnst þessi frasi flottur:Just insisting on existing er að hugsa um að praktísera þetta.

:: geimVEIRA:: kl. 14:03:: [+] ::
...

Verst að ég missi af yogatímanum í dag

:: geimVEIRA:: kl. 11:27:: [+] ::
...

Well ég er búin að bóka píanóflutningamennina, ég ætla að reyna að kaupa "skálar" undir hjólin, og þá er ég bara tilbúin í slaginn vonandi þegar þeir koma á morgun. Síðan verður gripurinn stilltur í næstu viku á kr. 9.000,- en ég fékk meðmæli frá undirleikaranum mínum í skólanum. Nú þarf ég bara að ræna banka. Simple eigh?

:: geimVEIRA:: kl. 16:35:: [+] ::
...

Spæling.is
Í öllum húsgagnaflutningunum um helgina skapaði ég pláss fyrir píanóið, sem hefur setið eitt í herbergi - en ég þarf að fá fram í stofu. Þá tók annar vandi við, því það er stórt og þungt og á stofunni er parket sem myndi skemmast ef því væri rúllað bara á stálhjólunum sem undir því eru, þannig að það verður að lyfta því complet upp og setja niður. Ég sá því að það myndi þurfa hjálp sérfróðra manna með réttu græjurnar, og útvega s.k. skálar undir hjólin. Ég tékkaði í hádeginu á verði fyrir píanóflutning milli herbergja og er svona smá sjokkeruð eftir það. Verðin eru á bilinu 5 - 8.000,- kr. fyrir að flytja svona 5 - 6 metra til. Ég hafði í bjartsýni gert mér vonir um kannski 3.000,- kall max. Síðan er það orðið nokkuð falskt enda ca 4 ár síðan það var síðast stillt (úff I know!) en þar sem það þarf að flytja það til, tekur því ekki að stilla það fyrr en það er komið inn í stofu, svo ég hringdi að gamni og tékkaði á því hvað það myndi kosta. Það eru 10.000,- kr. fyrir stillinguna (var ca. 6-7þús fyrir 4 árum minnir mig). Einu góðu fréttirnar voru að þessar skálar undir hjólin munu kosta 1.000,- samtals væntanlega. En 16 - 20 þús. kall fyrir að fá píanóið þangað sem ég vill fá það og í góðu standi - fjandakornið, ég átti ekki von á því.

:: geimVEIRA:: kl. 14:28:: [+] ::
...

Þegar ég fæ meiddi, þá er alveg merkilegt hvað ég fæ oft önnur meiddi ofan í meiddi nr. 1. Ég er með pappírsskurð dauðans á einni kjúku löngutangar og ég er alltaf að reka mig í allskonar brúnir á ýmsum hvössum hlutum með þessu meiddi. Ég skil þetta með að maður bíti endalaust aftur í íbitna bólgna tungu sem er allstaðar fyrir eða vör - listgrein sem ég hef varið þónokkrum tíma í að fullkomna, en þetta finnst mér eitthvað svo ofboðslega óþarft.

:: geimVEIRA:: kl. 16:32:: [+] ::
...

Ok, I'm gonna go out on a limb here....
Frétt mbl.is: Robertson lætur af embætti hjá NATO í desember


Fer Davíð Oddson til NATO núna? Íslendingar hafa aldrei leitt NATO þrátt fyrir að vera ein stofnþjóðanna. Ég spái því að Davíð hjálpi til við val arftaka síns fyrir kosningarnar í vor og fari síðan með reglustikuna og lagi til í NATO. Allavega trúi ég ekki að hann myndi pull an Ingibjörg on us.

Ok, kannski nokkuð steypt spá, ég vil hinsvegar fá bjórkippu frá hverjum sem les þetta, ef ég hef rétt fyrir mér.

:: geimVEIRA:: kl. 12:08:: [+] ::
...

Orð sem ég og margir Íslendingar bera vitlaust fram á ensku, vita af því, en er alveg sama:
Bugles (bjúgúlsh) - BÖGGLES
Cheerios (tshjíríós) - SERÍÓS
George W. Bush (djordsh dobbeljú bússj) - DJÖRK

:: geimVEIRA:: kl. 11:08:: [+] ::
...

Mér finnst eitthvað mjög cool við að drepa strút eftir að hann ræðst á mann. Veit ekki hvers vegna.

:: geimVEIRA:: kl. 14:13:: [+] ::
...

So Do Mi
*giggl*
Prófið í gær gekk svona 25% illa og rest svona la la (literally) ég ruglaðist dálítið, akkúrat þegar ég var búin með 3/4, svo ég veit ekki alveg hvað ég fæ út úr prófinu. En allavega má óska mér til hamingju með að vera búin í jólaprófum híhíh. Í dag þarf ég að ákveða hvað mig langar að syngja á tónleikum í skólanum, ég er svo óákveðin að ég hef ekki hugmynd hvað mig langar að taka. Ég fer í það minnsta í undirleikstíma í dag þannig að ég get rennt kannski nokkrum lögum og séð hvað ég er í stuði til að gera. Síðan þarf ég að finna ný lög, ég fékk nokkur í síðustu viku, svona rokklög eiginlega, ég fíla mun fleiri karlmannsraddalög orginalt. Svo það er svoldið erfitt að meta hvort ég geti tekið lögin sem mér finnst flottust því tóntegundin er yfirleitt ekki rétt fyrir mig í orginölunum.

:: geimVEIRA:: kl. 10:58:: [+] ::
...

Í gær komst ég í massastuð að æfa mig fyrir tónheyrnarprófið um kl. 23:00. Ég var að á fullu til ca hálf-eitt, en þá endaði ég með að horfa á Golden Globe verðlaunaafhendinguna með öðru auganu, og gera taktæfingar og síðan lestraræfingar í auglýsingahléum og þegar leiðinlegt fólk var á sviðinu. Röddin alveg búin, enda ég búin að vera lasin undanfarið. Mér gekk ömurlega með 25% æfinganna, svo ég á ekki von á að mér gangi vel - í það minnsta ef þessar erfiðustu koma á prófinu er ég feckt! En ég í það minnsta náði að fara yfir allt efnið sem er til prófs og æfa mig nokkrum sinnum á hverri æfingu, vonandi hjálpar það eitthvað.... en ég held samt að ég sé ekki í góðum málum.
Eitt sem böggar mig í umræðunni, það er þetta með að Árni Johnsen reynir að bera fyrir sig afleiðingar glæpa sinna við kröfu um mildun fangelsisdóms. Ég er yfir mig hneyksluð að honum detti í hug annað en að fjárdráttur, þjófnaður, lygar og yfirhylming á öllu saman, hafi veruleg áhrif á atvinnumöguleika og stöðu hans í virðingarstiga þjóðarinnar sem hann stal frá. Það að hann fái ekki vinnu, að fjölmiðlar hafi fjallað mikið um mál hans, að hann hafi mætt andúð í þjóðfélaginu, er bara nákvæmlega það sem hann kallaði yfir sig með háttalagi sínu. Fangelsisvist og sektir eru viðurlög sem ríkið hefur tök á að beita, það er hinsvegar ekki nema rökrétt að gersamlegt brot á trúnaði í einni af æðstu stöðum sem mönnum gefst, hafi alvarlega eftirmála. Ég myndi ekki ráða mann með þessa sögu í neins konar ábyrgðarstarf. Það að hann virkilega hafi ákveðið að fara þessa leið segir mér enn og aftur að hann meðtekur ekki alvarleika brota sinna og sýnir þessheldur enga iðrun. Vissulega á greyið erfitt að vera lasinn, ég skal alveg vorkenna honum að hafa ekki fulla heilsu, en það er hinsvegar ekkert sem á að koma til mildunar dóms að mínu mati. Mér finnst 1,5 árs óskilorðsbundinn dómur í það allra allra minnsta, ég vona að Hæstiréttur taki ekki mark á þessari hringlógík lögmanns Árna. Árni hefði haft það gott ef hann hefði ekki lagst svona lágt að stela frá okkur, þá hefði fólk látið hann í friði og hann hefði getað haldið áfram að vera smákóngur Eyjamanna, hann hefði getað lifað ljúfu lífi á nefndarlaununum fyrir fundina sem var ekki einu sinni mætt á og allir (hóst!) viljað fá hann í vinnu til sín. Ég trúi ekki öðru en Hæstiréttur setji nú upp rétta tímalínu... það er EKKI fullnægjandi refsing að hann hafi verið fjölmiðlamatur og að reiðir kjósendur hafi gert símaat í honum, hann stal fyrst - svo átti hann bágt. Þjóðfélag sem segir "æj æj" og kyssir á bágtið sem glæpamenn kalla yfir sjálfa sig yrði skammlíft.

:: geimVEIRA:: kl. 13:17:: [+] ::
...

Það er nú fullsannað að maður gerir ALLT frekar en að læra undir próf. Nýjasta afrek sem mér hefur tekist að vinna í stað þess að gera það sem ég Á að vera að gera, er að fara í allsherjar umröðun á húsgögnum. Ég er búin að breyta allri stofunni heima hjá mér, svo mikið nenni ég ekki að lesa undir próf. Hvað er nú að manni eiginlega?

:: geimVEIRA:: kl. 20:30:: [+] ::
...

Núna er Íslensk Erfðagreining loksins búin að opna Íslendingabókina á netinu, núna er hægt að skrá sig á netinu og láta senda sér aðgangsorð. Ekki það að ég hafi mikinn áhuga á ættfræði, en það verður gaman að skoða hvernig þetta er útfært hjá þeim.

:: geimVEIRA:: kl. 13:08:: [+] ::
...

5 REASONS IT’S A BUMMER TO BE AN EGG
1) Only get laid once
2) Only get eaten once
3) Takes 7 mins to get hard
4) You have to come in a box with 11 other guys
5) The only one who’ll sit on your face is your mother

:: geimVEIRA:: kl. 01:07:: [+] ::
...

Geðveikur linkur

:: geimVEIRA:: kl. 22:48:: [+] ::
...

:: geimVEIRA:: kl. 22:21:: [+] ::
...

Minn fíni Norton eldveggur var að blokkera innrás í tölvuna mína í fyrsta skipti eftir að ég fékk mér nýjustu útgáfuna og þá sá ég að það er kominn frábær fídus inn í forritið, þannig að uppruni IP tölunnar þaðan sem innrásin kemur er sýnd á landakorti og jafnframt hægt að láta Nortoninn klára whois-ið á töluna með því að smella á hnapp. Frábært. Sé ekki eftir að kaupa þessi forrit. Ég er svo forvitin að þegar ég hef lent hingað til í árásum þá hef ég eytt heilmiklum tíma í að rekja þetta sjálf til Tyrklands, Spánar og Svíþjóðar. Þessi kom frá Illinois. Bastard.

:: geimVEIRA:: kl. 21:54:: [+] ::
...

Veðurstúlkan mín varð úti í nótt. Eftir að hafa vanklæðst í allan vetur og vera t.a.m. bara í stuttermabol með beran nafla í frosti og bara yfirhöfuð farist út pæjuskap - náði Vetur konungur sér niður á henni. Þessi nýja kona ætlar að sjá um þetta fyrir mig. Hún virðist ekki vera jafn vanheil á geði. Hún er allavega í jakka í dag. Gáfulegt, því það er kalt.

:: geimVEIRA:: kl. 15:49:: [+] ::
...

Ég á 18 staka ósamstæða sokka. Beat that.

:: geimVEIRA:: kl. 15:32:: [+] ::
...

Ef veirur hefðu nef...?
Original English Text: Viral nose-picking
Translated to French: Nez-cueillette virale
Translated back to English: viral Nose-gathering
Translated to German: Nase-Virenerfassung
Translated back to English: Nose virus collection
Translated to Italian: Accumulazione del virus del naso
Translated back to English: Accumulation of the virus of the nose
Translated to Portuguese: Acumulação do vírus do nariz
Translated back to English: Accumulation of the virus of the nose
Translated to Spanish: Acumulación del virus de la nariz
Translated back to English: Accumulation of the virus of the nose

Snýtið ykkur!

:: geimVEIRA:: kl. 14:55:: [+] ::
...

Paranoia dagsins er í boði www.tashian.com (sjá "Gargandi snilld"-ar linkinn til vinstri)

Original English Text: Everyone hates viruses
Translated to French: Chacun déteste des virus
Translated back to English: Each one hates viruses
Translated to German: Jedes haßt Viren
Translated back to English: Everyone hates viruses
Translated to Italian: Tutto odia i virus
Translated back to English: All it hates the virus
Translated to Portuguese: Tudo odeia o vírus
Translated back to English: Everything hates the virus
Translated to Spanish: Todo odia el virus
Translated back to English: Everything hates the virus

:: geimVEIRA:: kl. 14:52:: [+] ::
...

Í gær sofnaði ég út frá hugljúfum fræðsluþætti á BBC um rannsóknarmiðstöð réttarmeinafræðinga o.fl. sem á "léttu nótunum" hefur verið kölluð "The Body Farm". En þar fara einmitt fram skemmtilegar rannsóknir á mannslíkömum og hinum skemmtilega heimi rotnunar hans. Þar hafa vísindamenn stórt landsvæði þar sem þeir planta mannslíkum ofan í jörðina, hálfvegis ofan í jörðina, undir sement, á berangri o.s.frv. til þess að rannsaka áhrif margvíslegra umhverfisþátta á rotnun og tíma hennar.
Síðan var í þættinum lík nr. 50310 sett út í skóg, karl um sextugt, síðan var beðið eftir að náttúran tæki yfir. Ég þoli nú hreinlega vel flest í sjónvarpi, en að fá að horfa á maðkana klára andlitið inn úr munni og nösum, hreinsa augntóftirnar o.s.frv. var ég farin að líta bara af skjánum, síðan var sýnt hratt hvernig líkið þandist, og þar sem mallinn á karlinum sprakk ekki, fengu áhorfendur að sjá annað lík þar sem mallinn sprakk. Síðan kom í ljós að rannsóknarfólkið þekkti þennan karl ágætlega, þá var þetta voða hress karl sem gaf líkama sinn í þágu vísindanna. Þetta er mjög athyglisvert hinsvegar finnst mér. Mjög mikilvægt að þessum rannsóknum sé sinnt, enda upplýsingarnar ómetanlegar við rannsóknir dauðsfalla. Samt svona spurning hvort þetta er skemmtilegast fyrir svefninn svona. Mig dreymdi allavega svakaflottar sakamálasögubíómyndir, með ýmsum frægum leikurum og tókst meira að segja Söruh Jessicu Parker fasta í lyftugöngum og síðan á rannsóknarstofu að eignast hvert vanskapaða barnið á fætur öðru (creepy).
Ég er mikið á því að gefa blóð, gefa líffæri eftir að maður deyr og allt svoleiðis. Ég væri alveg til í það. En eitthvað væri ég lítið til í að láta mynda mig svona ormétna úti í móa, eða þá að láta læknanema kryfja mig í öreindir og fá aldrei að "sameinast" jörðinni. Ég held að þetta sé ekkert vitlaus hugmynd að láta bara kroppa allt það nýtilegasta úr sér og skella manni síðan sex fet undir. Hey !! Ég er illa pissed að Stöð 2 er ekki að sýna Six Feet Under lengur. Urr.

:: geimVEIRA:: kl. 12:37:: [+] ::
...

Fjarskyldir ættingjar?
Flensa frænka Mænusótt
Drykkfelldi perra- gin- og klaufafrændi

:: geimVEIRA:: kl. 10:55:: [+] ::
...

Fyrir þá sem linka á síðuna mína vinsamlegast athugið að ég er EKKI og hef aldrei verið geimvera heldur heiti ég geimVEIRA - sbr. veirur - vírusa. Mér finnst glatað að vera kölluð geimvera, aðalpointið í mínu nicki er að ég er veira, svo ég tek ekkert sérlega vel í að vera ítrekuð kölluð geimvera sérstaklega eftir ábendingar.
Anal retentiveness perhaps - en mitt nick tengist í ENGU einhverju UFO-kjaftæði.
Til þess að trompa ykkur síðan í spað, kíkið á NASA-mynd dagsins (og ef þú heldur að ég meini skemmtistaðinn - VERTU þá ÚTI!)

:: geimVEIRA:: kl. 17:00:: [+] ::
...

Ég gleymdi þess að geta áðan að ég fékk hröðustu þjónustu ever á Subway vesturfrá í gær, enda kom ég 3 mín fyrir lokun og enginn þar inni. En báturinn var æði og mig langar aftur í svoleiðis í kvöldmat. Þetta er bara svo þægilegt (þegar maður fær þetta á eðlilegum tíma þ.e.) og rosalega gott! Líka hollara en flest annað svona skyndi- og einmenningsmaturinn sem mér dettur í hug. Ef þetta kostaði 200 kalli minna pr. bát en það væri samt hægt að safna miðum upp í frían bát, myndi ég ekki hika við að éta svona alltaf í kvöldmat. Eða ok, stundum í hádeginu og stundum á kvöldin, en allavega 6 sinnum í viku. Subway má líka alveg sponsora mig í svona get-your-lard-off-yo-bootie-with-Subway-eating-thingy. A.m.k. ætti ekki að vera erfitt að birta hræðilega "before" mynd m.v. ólifnaðinn á manni yfir jólin (og síðustu 10 ár).

:: geimVEIRA:: kl. 16:22:: [+] ::
...

Vegna hundruða fyrirspurna og símhringinga frá fjölmiðlum, skal tekið fram að stúlkan með skoppibrjóstin er ekki ég, og ég veit ekki símanúmerið hennar.

:: geimVEIRA:: kl. 13:44:: [+] ::
...

Ég fór í gær á þennan rýnihópsfund um 10-11, og sat þar í hóp með alls kyns fólki í herbergi sem var böggað og með svona spegli sem sést í gegnum. Okkur var tilkynnt að þar á bakvið sætu einhverjir spekúlantar og þar væri myndavél og við yrðum tekin upp. Síðan kom einhver svona "æi þið eruð svo vitlaus" útskýring á því, eitthvað með handritagerð fundarins að gera. En þegar sá bíómyndayfirheyrslufílingur minnkaði urðu allir bara mjög hressir og höfðu margt og mikið að segja um verslunarkeðjuna. Einn alveg elskaði 10-11 annar var alveg yfirmáta hneykslaður hvað þetta væri slappt og dýrt. Hinir voru svona einhvers staðar þar á milli. Í það minnsta fékk keðjan mörg góð komment frá hópnum held ég, nú á maður eftir að fylgjast með hvort þeir fari strax að taka sig á, t.d. hvað varðar áfyllingarnar. Ég fór reyndar í dag í 10-11 og þar var mjög vel fyllt á allt - spurning hvort verslunarstjórarnir hafi setið þarna bakvið glerið.
Ég fór líka í skólann í gær, þá kom í ljós að í fjarveru söngkennara míns mun Anna Sigríður kenna okkur, sem er einmitt konan sem syngur "O"-ið í Moggaauglýsingunni. Þetta verður athyglisvert.
Ég borðaði Subway með krabbasalati og steinlá síðan yfir sjónvarpinu, náði samt að vakna til að drattast upp í rúm að sofa, jamm - my exiting life!

:: geimVEIRA:: kl. 13:43:: [+] ::
...

Þetta er með fyndnari gif-fælum sem ég hef séð, svo innilega grúví jiggly-boobylicious.

:: geimVEIRA:: kl. 16:04:: [+] ::
...

Fyrsta grillveisla ársins að baki
Þá er ég búin að fagna þessu vori með því að grilla úti! Það er alltaf gaman að grilla, þetta tókst þrælvel bara, við grilluðum kjúkling, síðan voru bakaðar kartöflur, salat og maísstönglar eins og vera ber, síðan gerði ég heiðarlega tilraun til að búa til desert með banönum sem átti að flambera í lokin en það klúðraðist smá svo enginn eldur kom upp, en hann bragðaðist samt mjög vel. Ég er enn að læra á grillið, eða allavega á viðarkolin, þau eru frekar erfið í notkun en langbest, þegar maður kemst upp á lagið með þetta. Ég verð bara að vera dugleg að grilla í ár!

:: geimVEIRA:: kl. 02:55:: [+] ::
...

Fyrir Frakklandsferðina verður maður síðan náttúrulega að drullast til að koma sér í einhvers lags form ............. - kökuform - ............ mmmm cake.



Wish me luck!

:: geimVEIRA:: kl. 02:41:: [+] ::
...

Subway saga í anda Katrínar.is
Ég upplifði núna í þriðja skiptið á nýja Subway staðnum í JL-húsinu, að ég fæ þjónustu dauðans. Það tók 20 mín frá því ég fór inn og þar til ég var á leiðinni heim. Mér líst nú ekkert á þennan rekstur hjá þeim, ef þetta á að vera svona, því ef þeir á þessum krítíska tímapunkti þegar þeir eru að koma inn á nýtt markaðssvæði geta ekki séð sóma sinn í að hafa reynt fólk í nægilegum fjölda á vakt, þá geta þeir gleymt þessu. Fólk lætur ekki bjóða sér það á "skyndi"bitastað að það sé fljótlegra að fara heim og elda sjálfur matinn. Þarna er líka svoleiðis svakalega vanhæfur starfskrafur að ég bara næ því ekki að hann sé þarna ennþá síðan síðast þegar ég fór. En þá, einmitt eftir 10-15 mín bið í röð, sá ég hann setja á sama bátinn saman túnfisksalat og álegg fyrir Sterkan Ítalskan bát eða einhvern viðbjóð og þurfti yfirmanneskja að skafa þarna salatógeðið af hinu dótinu (engum datt í hug að bjóða kúnnanum bara nýjan bát), síðan var hann eins og slow-motion bíómynd - ok að hann væri nýr og þyrfti að lesa uppskriftirnar til að vera viss á bátana, en síðan hafði hann ekki í sér fyrir fimm aura að vera vakandi. Síðan var hann að slow-móast við að taka brauð úr ofninum og blabla, nema hvað að síðan staflaði hann ofnskúffunum upp á skáp þarna á þann hátt að þetta var eins og skakki turninn í Pisa og var ég farin að hafa áhyggjur að þetta hryndi á starfsfólkið, þegar hann toppaði sig gersamlega og skellti tveimur brettum í viðbót. Ég bara treysti mér ekki til að fara að skipta mér af þessu enda var ég orðin svo fúl á biðinni, að ég treysti mér ekki til að fríka ekki á staðnum þarna. Nema hvað, þegar ég síðan eftir 20 mín er búin að borga heyri ég geðveik læti, þá hrundi allt draslið niður þarna, (á þessum tímapunkti vonaði ég að strákfíflið hefði fengið þetta í hausinn bara). Nema hvað þegar ég kom þarna í kvöld, þá var þetta 13 mín í röð, og 7 mín frá því ég pantaði. Þegar komið var að mér að panta, fer þá ekki gaurinn í að stafla brauðum, nema hvað þar sem hann er að hreinsa af brettinu færir hann slatta af brauðum bara berhentur, þar sem þessi gaur hefur ekki þann stimpil í mínum huga að hann kunni að nota sápu, missti ég gersamlega lystina á því að fá mér brauð á bátinn sem ég hafði fyrst ætlað að fá ( hafði ekki lyst á þessu ákáfaða brauði þarna) svo ég varð að breyta minni pöntun (því ég sá að ég myndi annars fá akkúrat þetta ákáfaða brauð), og valdi aðra tegund, en síðan var það brauð við það að vera brennt, svo ég varð að velja þá þriðju, síðan setti hann meira salat en ég veit að á að vera, og lét síðan bara bátinn liggja þarna, og tók næstu pöntun, síðan lágu þarna 4 bátar sem enginn sinnti frekar, þar til stelpa sem hafði verið í öðru kláraði 4 báta á undan mínum, og fór að taka við greiðslu fyrir þá. Þá fyrst vaknaði gaurinn, enda komnir 5-6 bátar bara með áleggi en engu grænmeti. Þá tók ekki minni snilld við, því hann skellti eðlilegu magni af því sem ég bað um ( ég vildi allt grænmeti) nema papriku sem hefði komist fyrir á einni matskeið, þegar ég bað um meira, þá fór gaurinn í ílátið sem hún var í, og í var meira en nóg til að klára 2-3 báta í viðbót, tók upp ílátið og fór á bakvið til að sækja meira. Þarna stóð ég síðan og beið og gat nú ekki annað en svona dæst (þótt það væri ekki nema til þess að stelpan tæki nú eftir þessu - því hún var allt í lagi) og þá ætlaði hún að klára bátinn, en þá var þessi litla paprika sem þó hafði verið eftir náttúrulega enn á bakvið með stráknum. Þetta var fáránlegt. Greinilegt að hann hafði ætlað að stiffa mig um paprikuna af því hann nennti ekki að sækja meira. Ég stóðst nú ekki mátið og spurði hana greyið hvort það væri reglan að það væru bara tveir að afgreiða á þessum tíma, hún sagði "Nei" voðalega vandræðalega (þarna hefði hún getað beðist afsökunar í það minnsta á töfinni) en þegar hún gerði það ekki, sagði ég henni að þetta væri í þriðja skiptið sem ég kæmi þarna og þyrfti að bíða í 20 mín. Hún greyið gat náttúrulega ekkert sagt við því, enda ekkert hennar sök að hennar yfirmenn skipuleggja þetta ekki betur. Þar sem ég hef mikinn áhuga á svona markaðs- og gæðastjórnunarmálum gagnvart kúnnum, hef ég litla trú á að þessi frammistaða hefði skilað öðru en falleinkunn ef ég hefði t.d. verið franchise-skyndikönnunaraðili. Ég kom þarna að verða 19:10 og fór um 19:30 út, ekki með bátinn sem ég ætlaði að fá af því að mér út af broti á hreinlætisreglum keðjunnar, djöfull myndi ég alveg fíla að bösta svona dæmi fyrir stór franchise og fá borgað massa pening fyrir.

:: geimVEIRA:: kl. 02:39:: [+] ::
...

It's official!
Ég fer til Frakklands í sumarfrí, nánar tiltekið til Nice í sól, afslöppun og á jazzhátíð! Er það ekki frábært?!! Ég er allaveg þokkalega sátt, þriggja vikna sól og ljúfleiki út í gegn á verði sem er brandari. Flug og gisting í þrjár vikur á undir 100 þús. kr. á frönsku Rívíeruna - fáránlegt. Nú er að vona að nýja flugfélagið fari ekkert að svíkja mann neitt, annars hef ég engar áhyggjur, gistingin er bókuð, þannig að þá kæmi maður sér bara öðruvísi á staðinn. Og minntist ég á jazzhátíðina ha? Allavega, í fyrra þá voru margir sem ég kannaðist við, og einn af mínum uppáhalds Ludovic Navarre a.k.a. St. Germain, og Llorca og Air, síðan voru þar fyrir utan, BB King, George Clinton, Vocal Sampling, Youssou N'Dour, Dave Stewart (Eurythmics), Dee Dee Bridgewater (sem ég fékk CD í jólagjöf frá ErluROKK og familíu), og í hitteðfyrra var line-up-ið hræðilegt alveg.... (sérstaklega þar sem ég sá það auglýst úti, og ég hafði ekki vitað af þessu fyrir og þar var enn fleira skemmtilegt: t.d. líka St.Germain, Kool & the Gang (híhí), Brooklyn Funk Essentials, Jazzanova, Bebel Gilberto, Cesaria Evora og BB King var líka þá, og Dee Dee, og Van Morrison).
Nú bíð ég í mikilli spennu að sjá hvort þetta verði ekki geðveikt prógramm í sumar líka, en það er enn eftir að setja upp númerin (enda langt þangað til). Sko ef ég næ að sjá St. Germain er ég sátt :) og ef ekki, well ég verð þá allavega brún OG þjálfa jazzeyrað - hey já og næ að fara á Picasso safnið sem ég missti af síðast, (og þar sem það eru komin 13 ár síðan ég fór á Chagall safnið skellir maður sér kannski aftur þangað). Hey já og ég fékk út úr hljómfræðiprófinu mínu: 8,7, ég er mjög ánægð með það bara.
Mér tókst að finna forritið sem ég nennti ekki að leita að .... svona áttu myndirnar sem ég var búin að setja þarna fyrr inn á bloggið að vera, þetta er semsagt útsýnið af hótelinu þar sem er búin að bóka mig á semsagt, íbúðin var á næstu hæð fyrir neðan, svo maður sá þetta útsýni líka úr herberginu. Jæja, nú er bara eftir að koma sér í einhvers konar bikinihæft form - holy cow! - oh well, ég hef í það minnsta ágætis tíma fyrir mér núna. Lýsi hér með eftir ógeðslega hollum og góðum uppskriftum.

:: geimVEIRA:: kl. 01:26:: [+] ::
...

Toilet voicemail?
Tækniundur!
Pappír sannleikans!

:: geimVEIRA:: kl. 16:02:: [+] ::
...

Jæja, ég hef ákveðið ásamt frænku minni að fagna vorinu á viðeigandi hátt og ætlar hún að koma í grillgilli um helgina. nú er bara að vona að maður kunni þetta ennþá allt saman, jú já og að veturinn komi ekki og eyðileggi vorið mitt.

:: geimVEIRA:: kl. 14:22:: [+] ::
...

Ég er orðin sumarfrísóð núna. Who can blame me... ég væri meira að segja til í að skoða hann þennan aftur:

:: geimVEIRA:: kl. 11:48:: [+] ::
...

Er skrýtið að maður strumpist um á tánum í kringum þetta djöfuls lið niðrí miðbæ?

Maður rændur við hraðbanka á Lækjartorgi.
Æi mér finnst þetta ekkert fyndið sko.

:: geimVEIRA:: kl. 10:16:: [+] ::
...

Á Lækjartorgi var róni sem gekk svona í 35° halla eins og hann væri með sjóriðu, þegar hann tók stefnuna á mig, flýtti ég mér út í 10-11. Ekki oft sem maður sér bókstaflega skakkt fólk. Á leiðinni sá ég líka konu með þá afburðaverstu holningu sem ég hef séð lengi, hún gekk eins og planki, ég sver það ef einhver þarf að leika planka - þá er það einmitt þessi kona. Líklegast hefur ákvörðunin um að versla mér salat í 10-11 borgað sig, því ég var veidd, af Gallup, í könnun. Ég ákvað að slá til enda 4.000,- kr. í boði fyrir ómakið. Mér finnst gaman að lenda í svona úrtökum, enda hef ég þónokkrar skoðanir á verslunum og þjónustu, ágætt að fá að skella þeim framan í þá OG fá borgað fyrir, í búðinni hjálpaði ég líka gamalli sjónlausri konu að finna skinku, gaman af því.

:: geimVEIRA:: kl. 13:10:: [+] ::
...

Eða nei annars, ég er búin að vinna í öllum matartímanum mínum, uppgjör smuppgjör! - best að fá sér bita.

:: geimVEIRA:: kl. 12:49:: [+] ::
...

Mottó dagsins: "Ég nennissuggi!"

:: geimVEIRA:: kl. 11:49:: [+] ::
...

Ég bjó til döðlubrauð í gær og horfði á síðasta Six Feet Under þáttinn í seríunni, ég vona að það verði ekki gert hlé núna á sýningum, þessi þáttur er algjör snilld. Annað sjónvarpsfyllerí í kvöld væntanlega. Ég hef ekkert nennt að æfa mig fyrir tónheyrnarprófið, ég sem ætlaði að vera svo dugleg, úff. Á morgun fer ég í fyrsta tíma eftir jól og á þá að fá út úr hljómfræðiprófinu mínu, það verður nú eitthvað skrautlegt! Ég veit eiginlega ekkert hvernig mér gekk í því, mér fannst þetta svona ok í sjálfu prófinu en síðan þegar ég var að spjalla við krakkana eftir á, kom í ljós ein og önnur steypa sem ég var í, svo þetta verður eitthvað bump held ég á morgun.
Oj, gamlir karlar sem anda í símann í 6 sekúndur áður en þeir bera upp erindi sitt í síma eru ógeð. Já og líka rónar sem eru við það að fara að abbast upp á mann, núna í morgun voru þeir í hóp fyrir utan vinnuna hjá mér og fóru að bjóða góðan daginn (æ greyin) en ég strumpaðist nú bara eins hratt í burtu og ég gat, myndi nú ekki meika að fara að "eignast kunningja" í þessum hópi, eins og þegar rauðhærða vangefna blaðagerpið (fuck PC) var farið að abbast reglulega upp á mig og sitja fyrir mér um árið - djöfull var mér hætt að lítast á blikuna þá.

:: geimVEIRA:: kl. 10:19:: [+] ::
...

Which Rocky character are you?

:: geimVEIRA:: kl. 22:53:: [+] ::
...

Ég er að hugsa um að fara og versla scart tengi á eftir, tengja DVD-spilarann svona meira endanlega en hann er núna tengdur. Ég fann einhverskonar scart-fjöltengi heima, en ég er ekki viss um að það sé með réttu tengingunum, kannski ég athugi hvort þeir geti ekki mælt þetta fyrir mig í Sjónvarpsmiðstöðinni. Síðan verður maður að kaupa sér DVD disk til að prófa spilarann (ég er mest hrædd um að hann sé bara gallaður).

:: geimVEIRA:: kl. 15:04:: [+] ::
...

Útsýnið af sólbaðsaðstöðunni uppi á þaki á hótelinu sem ég var á í Nice 2001

Ég er veik, mig langar svo aftur!

:: geimVEIRA:: kl. 16:05:: [+] ::
...

Arg, ég er eirðarlaus. Ég gat sofið út, en vaknaði samt við símann og var eitthvað svo rugluð í hausnum eftir það. Ég ætlaði að vera í svo miklu stuði og gera svo margt í dag, en ég hef engu komið í verk, iss.

:: geimVEIRA:: kl. 17:49:: [+] ::
...

Rosalega er ég södd og sátt. Mér var boðið út í hádeginu á Jómfrúna og fékk þar hakkabuff. Alveg hreint er það magnað hvað barasta allur matur þar er góður. Mæli með þessum stað, hann klikkar aldrei.
Í gær lagaði ég smá dræverakeis í tölvunni minni og fór síðan í tiltekt á öðrum harða disknum mínum. Ég get hent bráðlega kannski ca. 20 Gb, en samt er ég komin með smá innilokunarkennd v/plássleysis (sem þó er alls ekki ennþá orðið til vandræða). Ég held ég þurfi að finna mér heilan helling af geisladiskum á tilboði og skrifa eins og brjálæðingur yfir helgina. Ég er smá spæld yfir því að DVD spilarinn minn vill ekki sjá s-vcd en ég fann á netinu upplýsingar um að hluti þessara spilara gæti spilað svoleiðis, en minn vill ekki gera það. Síðan þarf ég líka að fara að drífa í að testa DVD mynd í honum, því ég prófaði í fyrsta skipti núna um jólin að spila svoleiðis, og það var sko bara ekkert í lagi, svo ég er orðin hrædd um að kannski hafi DVD-virknin aldrei verið ok (en ég vona samt að þetta hafi bara verið skemmdur diskur). En það var flökt á myndinni, svona eiginlega blikk, þannig að það var eins og væri verið að hrista ljósmagnsstillinguna til, mjög þreytandi fyrir augun. Mér finnst bara ansi dýrt að leigja mynd á 500 kall, þegar hún kostar 3 - 4 sinnum meira kannski til eignar. Jæja, bezt að winna!

:: geimVEIRA:: kl. 13:18:: [+] ::
...

Ég hafði það voðalega gott um áramótin. Var reyndar lítið sofið og mikið planað, það var matarboð heima hjá mér, svo það var lítið frí síðustu tvo daga ársins en mjög gaman. Ekta amerísk kalkúnamáltíð með sweet potatoes og cranberry sauce og the works, þetta tókst stórvel og ég skemmti mér í það minnsta mjög vel, þrátt fyrir hið árlega anti-climax áramótanna, þegar geimVEIRAN vill meira geim en aðrir. Ég get nú ekki verið ein um það, þetta hefur verið svona á hverju einasta ári frá því ég veit ekki hvenær, eitthvað svona væntingaflopp, ég var í banastuði og hreint ekki á því að partýið væri búið kl. hálfþrjú á áramótanóttinni, en þá fóru einmitt gestirnir, en það var líka allt í lagi því mitt fólk var líka í banastuði og við fengum nýtt holl af gestum, sem voru í banastuði líka og tjúttuðum fram undir morgun eins og vera ber. Ég horfði síðan á endursýninguna á Kryddsíldinni í gær og hló mig máttlausa yfir stuðinu og látunum á liðinu... "Þú ert dóni!", "...þú ert sjálfur dóni!". Þessi kosningavetur verður frábærlega skemmtilegur. Síðan fór familían í mat til ömmu og át enn einu sinni yfir sig og hafði það gott. Mér tókst síðan að steinsofna yfir Crouching Tiger, Hidden Dragon, sem ég ætlaði alls ekki að missa af... (mikið eins og ég sofnaði yfir Dancer in the dark í fyrra) ég enda með að verða að taka þessa mynd á vídeó, en ég fór aldrei á hana í bíó á sínum tíma.
En núna er fríið búið, í kvöld verð ég aftur ein heima eftir að hafa haft familíuna með mér yfir hátíðirnar, það er alltaf smá bömmer - lonesome assVIRUS, en tónheyrnarpróf vofir yfir mér, og ég þarf að æfa mig í Sibelius, kannski ég transponeri einhverjum nýjum lögum. Ég er allavega búin að eignast nýjan prentara (takk ma&pa) svo mér ættu að vera allir vegir færir. Mér líst vel á þetta nýja ár 2003.

:: geimVEIRA:: kl. 14:27:: [+] ::
...

Gleðilegt nýtt ár!!!

:: geimVEIRA:: kl. 23:58:: [+] ::
...