:: Þvaðurveita geimVEIRU ::

:: laugardagur, janúar 25, 2003 ::

Today's proverb : Get reverb.
Netið er í einhverri massaklessu núna, ekkert virkar sem skyldi, msn í rugli og tók lengri tíma að fá bloggerinn upp. Frekar fúlt þegar hugmyndaflugið leyfir ekki meira en nettengdar skemmtanir á laugardegi. Sem aftur gerir manni ljóst að það er glatað að langa ekki til að gera neitt uppbyggilegra en hanga í tölvunni. Sem aftur gerir mann enn þunglyndari, þannig að maður nennir í mesta lagi að horfa á sjónvarpið. Nema hvað ég reyndi það áðan og ég gat ekki einu sinni haldið mér vakandi.
Píanóið var flutt í gær, og ég gat loksins æft mig með micnum og fór eiginlega í gegnum allt sem mér datt í hug að taka. Greyið greyið nágrannarnir, munu ekki fá frið framvegis. Verst að ég er enn með hálsbólgu og vesen, svo ég var orðin raddlítil í gær og þori ekki að gera neitt í dag, enda bara vika í tónleika í skólanum. En í það minnsta æfði ég þó skala og svoleiðis skemmtilegt. Ég er farin að sjá II___V sambönd út um allt og framlengda forhljóma í lögunum sem ég æfði, svo eitthvað hefur sigið inn af hljómfræðinni í hausinn á manni, gott mál það. Nú væri ágætt að hafa einhvers konar effecta á græjunum - örlítið reverb væri vel þegið svona til gamans.

:: geimVEIRA:: kl. 17:03:: [+] ::
...