:: Þvaðurveita geimVEIRU ::

:: föstudagur, apríl 30, 2004 ::

Tilraunaeldhús
Ég ætla á tónleika á morgun, sá auglýsingu um spennandi uppákomu - en alveg var merkilegt að hvergi á auglýsingunni var að finna heimilisfang tónleikastaðarins sem heita mun "Gallerí Kling&Bang". Þetta er ekki að finna í símaskránni og ég veit ekki hvar þetta er, Hilmar Jensson og Skúli Sverrisson, Apparat og allskonar gúddí en ég er engu nær hvert á að mæta. Væri vel þegið ef einhver þekkir til þessa Gallerís, að fá upplýsingar, mig vantar nefninlega símanr. líka svo ég geti tékkað hvenær þau bönd sem mig langar að sjá eru, svo ég missi nú ekki af þessu.

:: geimVEIRA:: kl. 15:58:: [+] ::
...

Lífsgleðin og húmorinn
Tónleikar kvöldsins voru hreint út sagt frábærir! Baklandið spilaði á Kaffi List: Ómar gítar og Óskar sax Guðjónssynir, Jóhann Ásmundsson bassi og Helgi Svavar trommari veltu upp algerlega nýjum vinklum á gömlum slögurum, sálmum og púkópoppi og gerðu að sínum. Aldrei nokkurn tímann hefði ég trúað því að ég myndi heyra "Á ball" eftir Bjartmar Guðlaugsson (sem ég heyrði live á ÚÍA móti á Eiðum í flutningi höfundar þegar ég var 14 ára) jazzað upp, að heyra "Ólaf Liljurós" eins og aldrei fyrr (eitthvað annað en þegar maður tók þetta í Ísaksskóla í den)... "Guð gaf mér eyra" ... þetta voru allt svo skemmtilega nýjar nálganir og sem fyrr fékk maður alveg sneið af sálu músíkantanna með sér í doggybag. Algjört upplifelsi, það lýsti líka af þeim lífgleðin einhvern veginn svo maður ljómaði alveg sjálfur og ljómar enn. Þetta er alveg magnað að fá að upplifa svonalagað reglulega. Sénsinn að ég hætti að mæta á tónleika núna - ég er að setja einhvers konar met held ég, þetta er bara svo gaman!

:: geimVEIRA:: kl. 01:21:: [+] ::
...

Mjáaaá
Ég fór á tónleika með Kristjönu og Andreu og Agga og Pétri. Þær voru í miklu stuði og upplifði ég eiginlega Andreu í fyrsta skipti fara hamförum alveg hreint og skil núna allt fólkið sem fílar hana - mjög flottar pælingar hjá henni og Kristjönu í improv.... æi snarstefjuninni... og þær flottar saman. Ég hefði reyndar ekki saknað Hvítu mávanna hefðu þær bara sleppt þeim... en Kiss hans Prince í argasta swingi og að enda jazztónleika á Kattadúettnum var brill.

Í kvöld er það svo Kaffi List, enda 2 af mínum uppáhalds þar í kvöld og mikil hætta á miklu stuði, helst hefði ég viljað slútta vinnuvikunni bara í dag, fara á Jómfrúna í kvöld og enda á tónleikum með bjór í annarri og sleikjó í hinni ... úff kviknar nú hugmynd: Að taka sér bara frí á morgun! Taka góðan fílíng á þetta í kvöld og sofa svo út á morgun og æfa mig síðan og... oh hvað þetta er freistandi!

Heheheh:

:: geimVEIRA:: kl. 09:37:: [+] ::
...

Plögg:


Burtfarartónleikar Sigurdórs Guðmundssonar rafbassaleikara af jazz- og rokkbraut tónlistarskóla FÍH
verða haldnir laugardaginn 8. maí n.k. kl. 16:00.á sal Tónlistarskóla FÍH í Rauðagerði 27, Reykjavík.
Flutt verður frumsamin tónlist auk laga eftir Josef Zawinul, Wayne Shorter, og Jaco Pastorius.

Hljómsveitina skipa:
Agnar Már Magnússon: píanó, Ingvi Rafn Ingvason: slagverk, Ívar Guðmundsson: trompet, Jóhann Óskar Hjörleifsson: trommur, Sigurður Þór Rögnvaldsson: rafgítar, Steinar Sigurðarson: tenor sax

:: geimVEIRA:: kl. 20:46:: [+] ::
...

Geisladiskakaup
Skrapp í hádeginu út og ætlaði að versla mér geisladisk. Þeir urðu reyndar tveir:
en þessi er svona smá flipp með gamalt Blue Note dót, mjög flott stuff heyrist mér, og þessi hérna, sem Kristjana mælti með við mig með Jamie Cullum . [update: er búin að hlusta á Cullum þetta er flott hjá stráknum, skemmtilegar útsetningar... ferlega skemmtilegt bara]
Síðan datt ég inn í sniðuga nýja búð og hitti þar sko bara gamlan bekkjarfélaga hana Þórdísi Claessen, megabeib hönnuð og slagverksleikara og nú verslunareiganda, ég verslaði tvo fyndna boli sem hún hannaði. Því miður finn ég enga heimasíðu, en búðin heitir Ósóma, allir kaupa sér "Afsakið hlé"-bol af Þórdísi.

:: geimVEIRA:: kl. 14:10:: [+] ::
...

Já veirur eru ekki allar alslæmar, góðVEIRA.

:: geimVEIRA:: kl. 10:33:: [+] ::
...

All is full of love

You'll be given love
You'll be taken care of
You'll be given love
You have to trust it

Maybe not from the sources
You have poured yours
Maybe not from the directions
You are staring at

Twist your head around
It's all around you
All is full of love
All around you

All is full of love
You just aint receiving
All is full of love
Your phone is off the hook
All is full of love
Your doors are all shut
All is full of love!

Æi þetta lag talar eitthvað mikið til mín þessa dagana.

Ég er komin með MBoxið í hendurnar og þetta er ennþá smærra en ég átti von á (bara 670 grömm), svo keypti mútta fyrir mig náttföt, innibuxur og slatta í Victoria's Secret. Pabbi var snillingur mikill að versla Red Hot Chili Peppers DVD, Gogga Mikjáls DVD og DVD með BlueManGroup. Annars lýsi ég frati á Fríhöfnina en helmingurinn af því sem var á óskalistanum var ófáanlegt þar, ég er að verða kremlaus maður - neyðarástand að skapast bara heheh! Hvenær ætlar Chanel að halda uppi almennilegum standard á standinum sínum þarna? Fussumsvei, væri hætt að versla þetta ef þetta væru ekki svona frábærar vörur. Það er samspil hjá mér í kvöld, já og tónleikar með Kristjönu... kíkti á samspilstónleika í gær líka, maður má nú ekki missa niður tónleikamætingameðaltalið sko! Það er fjör. Það er vor! All is full of love!

:: geimVEIRA:: kl. 09:25:: [+] ::
...

Jæja, þá er ég komin með tengla á verslunina sem ég keypti MBoxið frá og aðra sem ég talaði við um daginn og virkaði fín. Fann líka kennslusíðu hjá Digidesign og skellti henni inn, líka margt sniðugt þarna inni fleira, sem maður kynnir sér betur þegar maður fer að fikta betur í nýju græjunni.

:: geimVEIRA:: kl. 16:35:: [+] ::
...

Gleðilegan þriðjudag!
Það er ósköp róandi að skella Breathe með Télépopmusik á winampinn... er með það í gangi núna. Fór og borðaði snilldarkjúkling á Vegamótum í hádeginu, það og latte frá Súfistanum og maður er tilbúinn í síðari hluta vinnudagsins.
Í kvöld er ég að spá í að prófa að elda mér tofu. Vonandi lifir maður það af. Ég er í mikilli tilraunastarfsemi alltaf þessa dagana, byrja síðan fiktið í Mboxinu fyrr en síðar, en það kemur til landsins á morgun með foreldrunum.
Lýsi ég hér með eftir góðum ráðum þar sem ég þarf að partition-a... hvað á maður að kalla þetta á íslensku.. já bara segjum "deilda" (e. partition) niður harða diskinn í lappanum (diskurinn er 60 gíg), hef ekki staðið í svoleiðis síðan 1997. Nema ef kunnir mæla frekar með að maður versli utanáliggjandi harðan disk, sem er nokkuð sem ég stefni á að gera í framtíðinni væntanlega. Annars hugsa ég að ég byrji bara að fikta samt í græjunni, án þess að fiffa harðadiskmál strax, enda tekur örugglega ágætan tíma að setja sig inn í þetta allt saman. Tilhneygingin er nú samt að diskpláss fer hratt þegar maður fer í tilraunastarfsemi.

:: geimVEIRA:: kl. 14:28:: [+] ::
...

Nefrennsli er mjög ólekkert.

:: geimVEIRA:: kl. 15:38:: [+] ::
...

Ég tékkaði á hálfum Múlatónleikum í gær, mjög ljúft. Var annars í miklum FTP-pælingum í gær bara, helgin gufaði einhvern veginn upp, æfði mig samt smávegis, fékk eins og vanalega bara píanóflippkast... allt í lagi að gera það stundum, maður lærir á því (vona ég).
Það er komið svo mikið vor í mig... mig langar að fara að fikta í Mboxinu (sem er komið í hendur foreldranna vúhúú)... og grilla og ...

:: geimVEIRA:: kl. 13:43:: [+] ::
...

Hvað ég vildi sagt hafa?

:: geimVEIRA:: kl. 15:26:: [+] ::
...

Merkilegt alveg þegar maður hef ekkert skemmtilegra að gera en að glápa á sjónvarpið hvernig nákvæmlega ekkert er í boði... svo missir maður af stórmyndum trekk í trekk þegar eitthvað stendur til. Pfft.
Basically nenni ég ekki að vera heima, það er aðalmálð.

:: geimVEIRA:: kl. 00:35:: [+] ::
...

Hún getur ekki sungið, hún getur ekki dansað, en hún má alveg eiga það blessunin að geta leikið fröken Lopez. Hún er náttúrulega ótrúlega falleg stúlkan, svo það er bara gott hjá henni að gabba fleiri bransakarla til að gefa sér pening. Gott hjá henni.

:: geimVEIRA:: kl. 22:04:: [+] ::
...

Ég á mér draum núna um nudd sem ég sá einhvern tímann í Six Feet Under, shiatsu eða whatthefuck... þar sem nuddarinn labbaði á bakinu á manneskjunni.

:: geimVEIRA:: kl. 18:28:: [+] ::
...

Sjálfsvorkunn
Ég steingleymdi stórsveitatónleikunum, gerði tilraun til að ná í restina eftir áminningu, en það misheppnaðist svo ég skrapp í búðina og síðan heim, ætlaði að læra en fór að æfa mig... ég nenni þessu ekki, ég nenni þessu ekki, ég nenni þessu ekki. Get ekki sungið heldur, hljóma svona eins og reykingamanneskja... þetta er nú bara stress eða eitthvað góða helvítis vöðvabólgan að maður getur ekki andað djúpt! Ég vorkenni mér svoooo mikið að ég ætla að fá mér fínan mat í kvöld, gæsalifur og babyleaf, hvers vegna er ekki hægt að fá bara tónheyrnarsprautu eða eitthvað? Mikið væri ég til í að það væru einhverjir tónleikar í kvöld, nenni ekki að horfa framan í samviskuna í kvöld.

:: geimVEIRA:: kl. 18:20:: [+] ::
...

Taktleysi (í öllum skilningi)
Það var lyft bjór og fleiri til eftir vinnu í gær, mikið fjör. Svo kíkti ég aðeins á Stúdentakjallarann á Sigurdór og co. Fór á barinn að kaupa öl, en meðan eg beið í röð þar, lenti ég í netta viðbjóðnum þar sem blindfullur viðbjóðsógeðiskarl var með ógeðistakta, fór að káfa þarna á manni og ég veit ekki hvað og hvað, þannig að ég þurfti að kýla frá mér og hrinda manninum sem lét ekki segjast svo ég þurfti barasta að garga á manninn og kalla eftir útkastara og óska eftir að hann yrði fjarlægður, maður datt svona þokkalega úr stuði, ég var svosem orðin þreytt svo það var ágætt að drífa sig bara heim eftir einn öl bara, hvort sem er búið að eyðileggja stuðið manns algerlega. Þar sem viðkomandi er alþekktur í skólanum sem ömurlegur loser sem hlegið er að á sultusetum gat maður reynt að hlæja að þessu svona eftir á (samt ekki - enda var maðurinn ekki fjarlægður). Fyrir þá sem þekkja til, þá er þetta ógeðslegi gamli fulli karlinn sem alltaf eyðileggur allt sem hann kemur nálægt á FÍH-djömmunum, en hann er gersamlega sneyddur því að halda takti en er er haldinn þeim ranghugmyndum að hann sé trommari og síðan treður maðurinn sér á settið og situr sem fastast (en ekki á beatinu)... ekki fréttir fyrir stelpur í FÍH að hann er ógeðslega perralegur og heldur sig hafa eitthvað með að reyna við stelpur helmingi yngri en hann sjálfur, hef ég bæði þurft að forðast manninn eftir óviðurkvæmilegar athugasemdir og hef ég horft upp á hann slefandi á eftir unglingsstelpum í skólanum. Maður hefur getað hlegið að þessu skrípi, en mér finnst svona hegðun langt frá því að vera fyndin. This presents að problem indeed... ég mun ekki vera í rónni hafandi fólk sem leyfir sér svona takmarkalausa vanvirðingu við samnemendur skólans að ítrekað áreita fólk kynferðislega svo þurfi bókstaflega að taka fólk og henda því út, á samkundum skólans allavega. Þetta var ekki á vegum skólans, svo maður getur lítið gert, en það er ekki fræðilegur að maður fíli að hafa svona vibba á FíH djömmum framvegis.

Ég vaknaði kl. 9 í morgun... hressleikinn allsráðandi alveg hreint. Best að læra.

:: geimVEIRA:: kl. 11:12:: [+] ::
...

Ferðalag MBoxins hennar geimVEIRU
Apr 23, 2004 12:23 P.M. OAK CREEK, WI, US DELIVERY
2:21 A.M. OAK CREEK, WI, US OUT FOR DELIVERY
1:16 A.M. OAK CREEK, WI, US OUT FOR DELIVERY
12:03 A.M. OAK CREEK, WI, US ARRIVAL SCAN
Apr 22, 2004 3:18 P.M. DES MOINES, IA, US DEPARTURE SCAN
10:34 A.M. DES MOINES, IA, US ARRIVAL SCAN
5:42 A.M. ONTARIO, CA, US DEPARTURE SCAN
Apr 21, 2004 11:43 P.M. ONTARIO, CA, US ARRIVAL SCAN
10:23 P.M. VAN NUYS, CA, US DEPARTURE SCAN
8:09 P.M. US BILLING INFORMATION RECEIVED
6:38 P.M. VAN NUYS, CA, US ORIGIN SCAN

Mér líkar sérstaklega vel við "Delivery" línuna.... vúhúú!

:: geimVEIRA:: kl. 11:04:: [+] ::
...

Jæja þá er það bara vinnufélagaflipp... Bjórskí og sveittur borgari á Brennslunni klikkar aldrei ;)

SMSbloggfærslu sendi geimVEIRA
Sent með GSMbloggi Og Vodafone

:: geimVEIRA:: kl. 19:10:: [+] ::
...

Hvað á maður að gera af sér í kvöld?

:: geimVEIRA:: kl. 09:26:: [+] ::
...

Hey já... Gleðilegt sumar!

:: geimVEIRA:: kl. 17:21:: [+] ::
...

Það er stuð að fylgjast með pakkanum mínum en ég get fylgst með honum í gegnum UPS, hann er núna farinn frá Van Nuys í Kaliforníu, búinn að koma við í Ontario (í Kaliforníu reyndar) og er núna kominn til Des Moines Indiana. Ég vildi að ég væri bara á þessum stöðum líka. Ég er bara lasinn mofo annars. Með magavesen og kvefvesen, svaf sko til að verða fjögur í dag... ekki beint það sem ég hafði áætlað. Best að gera eitthvað af viti.

:: geimVEIRA:: kl. 17:10:: [+] ::
...

Vóóó!
Hvað er að gerast hjá manni þegar maður, eftir að leita út um allt að myndlykilsfjarstýringunni, finnur hana á klósettinu?????????
Ok... ekki í því sem væri vissulega verra, en við vaskinn.... stundum er ég mjög utan við mig!

:: geimVEIRA:: kl. 00:50:: [+] ::
...

Vildi bara go on record að Kjartan Valdimarsson er ekki hægt hann er svo góður! Heiður að fá að vinna með svona fólki í skólanum.
Maður tímir varla að syngja.

:: geimVEIRA:: kl. 00:47:: [+] ::
...

Leti
Ég er svöng. Ég nenni ekki að hanga heima. Ég nenni ekki út. Ég nenni ekki einu sinni að panta pizzu.

:: geimVEIRA:: kl. 23:09:: [+] ::
...

Og rokkar.

:: geimVEIRA:: kl. 23:08:: [+] ::
...

MBox og pH 1,1
Búin að panta: Fann netverslun í gegnum Amazon.com sem hefur reynst mér vel áður, svo ég ákvað að taka sénsinn. Nú er það UPS sem þarf að standa sig, ég hlakka ferlega til að fara að fikta í þessu.

Í gær fór ég á mjög skemmtilega tónleika á GrandRokk, sem voru súrir mjög á köflum, en mjög fallegir og mjög.... athyglisverðir. Þarna var á ferð Brian Ritchie bassaleikari Violent Femmes, ásamt Skúla Sverrissyni, Matthíasi Hemstock og Óskari Guðjónssyni. En Brian spilaði á japanska bambusflautu sem kallast Shakuhachi og reyndar holaða steina líka: "... rock music" mjög fín stemming og hressandi.

:: geimVEIRA:: kl. 10:00:: [+] ::
...

Spaceballs.

:: geimVEIRA:: kl. 08:20:: [+] ::
...

Sigginn hjálpaði mér með tæknispurningarnar og benti mér á netverslun. Ég hringdi svo út og talaði við hann Mike sem sagðist því miður vera búinn með MBoxin. Skítt. Ég sem hefði náð fínum díl á mæk með í þessari búð.
Best að halda áfram að leita.

:: geimVEIRA:: kl. 14:03:: [+] ::
...

You gotta pick yo afro daddy - cause it's flat on one side!
Dagurinn sem byrjaði svona líka óþægilegur endaði ljúfur með endemum. Ég fór í skólann með herkjum og lifði það af, ég var svo óendanlega fegin að prófum sem okkur var hótað var frestað, síðan náði ég að ljúka smá tölvufiffi sem hjálpar bekkjarfélögunum, svo maður varð í það minnsta til gagns. Tónleikar Ívars voru flottir, á eftir voru veitingar og síðan fórum við nokkur á kaffihús sem var svo innilega akkúrat það sem mig vantaði, miklar pælingar á köflum og hollar fyrir mig, það var mér mjög hollt að heyra að fleiri hafa verið hálf rótlausir í skólanum í vetur, einnig fékk ég tækjafríkið upplýsingar um tækniatriði sem mig hefur alltaf langað að vita og er óendanlega glöð að heyra að er gerlegt.... næsta brjáluðu innkaup geimVEIRU (ef vel gengur að díla við amerískar heimasíður) verða þessi: MBox. En þetta er snilldargræja frá Digidesign (ProTools anyone?) og mun vera það sem vantar með pjakknum til að gera skemmtilega hluti, en þetta er formagnari sagði félagi minn mér í gær, sem skilar yfir gögnum yfir á USB einhvers konar ProTools dæmi sýnist mér fylgja með en ég þekki þetta nú ekki mikið er bara enn alveg heilluð eftir námskeiðið hjá Gunnari Smára í fyrra, þetta gæti ég hugsað mér að fikta við í allt sumar vúhúú! Sérlega heppilegt að my parental unit eru á leið til USA. Allar ábendingar um hvernig best er að snúa sér í svona innkaupum í USA eru vel þegnar.

Núna hlusta ég bara á Erykah Badu í góðu chilli.

:: geimVEIRA:: kl. 09:06:: [+] ::
...

Úff
Trompetleikari blés í mig kjark og þor, hún fær prik fyrir það, ekki veitti af! Ég mun mæta aftökusveitinni á eftir. Síðan náttúrulega er bara fjör að kíkja á tónleikana á eftir. Allir mæta á burtfarartónleika Ívars Guðmundssonar í kvöld, í sal FÍH Rauðagerði, kl. 20:30. Sei sei já.

:: geimVEIRA:: kl. 15:51:: [+] ::
...

Hey já og ég gleymdi að segja að enn safna ég í hóp uppáhaldstrommara: Jóhann Hjörleifsson er kominn í hópinn eftir laugardaginn.

:: geimVEIRA:: kl. 08:59:: [+] ::
...

Face the music or face down and a rubdown?
Ég er í algjörum mínus yfir aumingjaskap mínum og tónheyrnaræfingaaðgerða- og framtaksleysi í páskafríinu. Hvað á ég að gera? Ég hefði þurft að fara í nudd bara og ná að slaka almennilega á, mér gengur það svo illa þessa dagana, sofnaði ekki fyrr en kl. 3 í nótt og svona. Ég óska mér að mæta ekki fyrr en eftir viku, það væri passlegt því næsta helgi er mun vænlegri til aðgerða heldur en hið ofhlaðna páskafrí. Þar sem ég mæti á burtfarartónleika Ívars niðrí skóla í kvöld finnst mér ógeðslega hallærislegt að mæta kennurunum þar hafandi ekki mætt í tíma, hitt er svo annað mál að þótt prinsippið manns sé að feisa svonalagað bara þá er ég ekki viss um að ég geti það í þetta skiptið.

:: geimVEIRA:: kl. 08:58:: [+] ::
...

Ouch
Ég er alveg á því að það þurfi að minna mig á að spila ekki á congatrommur* þegar ég er drukkin. Mér finnst svo agalega gaman að spila á svoleiðis, en það vill fylgja að manni er illt í lófunum á eftir, en núna setti ég met, ég er svaðalega bólgin og með mar á milli fingranna og á úlnliðnum og ég veit ekki hvað og hvað. Spilaði hendurnar í klessu semsagt já og drakk of mikið. Reyndar er ég ekkert þunn samt, en boy ó boy mér er illa illt í lúkunum.

Tónleikarnir hans Sigga voru ferlega skemmtilegir mjög vel sóttir og góð stemming, ég missti nú næstum af matnum á eftir í veseni sem var mikið á mér í gær enda var ég algjör kvíðabolti, furðulegt dæmi, en ég náði allavega að borða, síðan var partý á Stúdentakjallaranum (þar sem hinar hættulegu congatrommur voru), ég tók smávegis í hljóðnema líka reyndar líka, var ekki að fíla mig og var eins og karfi í framan þegar röddin var farin að bresta og svona, en þetta slapp fyrir horn, ég læddist síðan á trommurnar þegar ég var búin að drekka (of mikinn) bjór.
*Leiðrétt eftir að Sandra minnti mig á muninn á bongó og congas....

:: geimVEIRA:: kl. 12:29:: [+] ::
...

Póstbloggfærslu sendi virus
Sent með GSMbloggi Og Vodafone

:: geimVEIRA:: kl. 16:40:: [+] ::
...

Ég kemst ekki yfir það að vera ekki búin að sjá Kill Bill ennþá.... urr... ætlaði að horfa á hana um helgina, en það tókst ekki vegna tæknilegra örðugleika. Ég sá viðtal við Quentin Tarantino í gær og það minnti mig á hvað þessi náungi er mikill snillingur. Það fer líka að koma tími á árlegt áhorf á Pulp fiction sem er b.t.w. ein af mínum uppáhaldsmyndum allra tíma.

:: geimVEIRA:: kl. 15:42:: [+] ::
...

Plögg:
Burtfarartónleikar - FÍH salurinn, Rauðagerði 27:
Sigurðar Þórs Rögnvaldssonar gítarleikara
Laugardaginn 17. apríl nk. kl. 16



Á efnisskránni eru, auk eigin tónsmíða, lög eftir Kenny Wheeler, Kurt Rosenwinkel, Pat Metheney og Bill Frisell.

Meðleikarar Sigurðar eru þeir: Ívar Guðmundsson trompet, Steinar Sigurðarson - tenór sax, Sigurdór Guðmundsson - rafbassi, Jóhann Ásmundsson - rafbassi, Kristinn Snær Agnarsson - trommur, og Jóhann Hjörleifsson - trommur

Aðgangur er ókeypis og allir velkomnir meðan húsrúm leyfir.

:: geimVEIRA:: kl. 16:21:: [+] ::
...

Ætlar þetta aldrei að hætta?
Blaður dagsins er í boði tilvistarkreppu.is - þar sem skóinn kreppir að sálinni!

:: geimVEIRA:: kl. 14:43:: [+] ::
...

Meira blaður
Þegar maður er gangandi hjarta með überskynjarana á fullu stend ég mig að því að sjá lengra en nef mitt nær og finnst verra að geta ekkert gert í því, þar sem það væri svo asnalegt. Ég kannski sé í gegn um fólk sem líður illa en segist vera í goody fílíng, tek eftir fólki sem er farið að skjóta sér saman en er að reyna að fela það og finn þegar fólk sendir manni good vibes. Aðra daga (flesta líklegast) tekst mér að sitja við hliðina á óléttum konum í marga mánuði án þess að fatta neitt, misskilja allt og finna enga tengingu, það er bara standard apathy pakkinn og maður gerir hvort sem er ekkert í honum. En þetta með að díla við að bara vita sumt... hvernig get ég lýst því? Ja ok, eins og þegar maður kannast við stelpu sem er augljóslega svo svakalega döpur yfir einhverju, en þekkir hana ekki nógu vel til að bara spyrja (og er ekkert viss um að geta dílað við það ef manneskjan segði manni hvað væri að)... eða þegar maður skynjar muninn á því þegar fólk er falskt við mann eða er good peeps, þegar fólk notfærir sér mann eða er sannir vinir. Ég er með svona lagskipt að því leyti að framkvæmdagleðin vill rumpa þessu af, tala við fólkið sem ég vil hjálpa, segja fólki til syndanna sem misnotar góðmennsku manns, fara á trúnó hægri vinstri og hjálpa fólki með meintri skynsemi minni, en síðan er ég með bremsur á allt saman því þetta er allt svo asnalegt og maður væri alltaf blaðrandi í berserviseraskap og enginn þyldi mann. Veggir eru nefninlega helvíti praktískir. Mínir eru bleikir með blómum.

:: geimVEIRA:: kl. 14:42:: [+] ::
...

Blaður
Stundum fæ ég hugmyndir um ráðleggingar til fólks sem engan veginn hentar að viðra þar sem þær eru engan veginn umbeðnar svo ég þarf að halda kjafti, nokkuð sem ég geri nokkuð vel verð ég að segja, en stundum þarf maður að sleppa nokkrum áfram í gegnum síuna og kanna áhugann á því að framkvæma hugmyndina. Ansi oft þegi ég yfir því sem ég hugsa, stundum er það synd, en yfirleitt er það af skærri skynsemi og til góða fyrir alheiminn að maður þegir meira en maður blaðrar. Maður þarf að þekkja fólk svoldið vel til að geta skipt sér af því finnst mér, ég þekki reyndar engan sem þekkir mig virkilega.
Kannski er ég alveg á rangri leið og skynsamt fólk, eins og ég *hóst*, ber skyldu til að láta í sér heyra sem mest og oftast. Spurning.

:: geimVEIRA:: kl. 14:28:: [+] ::
...

Textamöppuplanið
Ég keypti voðafallegan pappír í prentarann sem er skemmtilega grænn á litinn og er meiningin að útbúa möppu með textum (já keypti líka möppur í gær) við lög sem ég þykist kunna, en þetta kom út úr einni jam-sessioninni um daginn, þessi hugmynd, þegar ég þekkti lag eftir lag en lagði ekki í að syngja þau, þar sem ég mundi ekki nema eitt og hálft erindi í textum í hverju þeirra tops. Ef maður getur smíðað sér möppu af lögum sem maður getur sungið sæmilega og skellir inn merkingu með tóntegundinni sem hentar manni, ætti maður að vera kominn einu skrefi fjær því að gera sig að fífli þegar maður lætur vaða að syngja lag næst, því það kemur fyrir að maður vill syngja lög og ólíkt í skólanum maður þarf ekki að hafa nótur að öllu alltaf hreint, þar sem menn kunna oft vinsæl lög... en ég kann lögin en ekki textana, síðast tók ég gamalt hjartfólgið lag fimmund fjarri bestu tónhæð og rústaði textanum sæmilega hressilega, það var bara gaman að þessu (fyrir mig allavega - en greyið fólkið hahahah) en hefði verið enn skemmtilegra í það minnsta að hafa það í réttri tóntegund - stundum öfunda ég hljóðfæraleikara að þurfa ekki texta til að bulla með í lögum sem þeir kunna sæmilega til vel. Það er alltaf skatturinn svosem, en hann blífur takmarkað sem redding. Mappan ætti að hjálpa eitthvað til.

Ég er alltaf að fíla kubbinn minn betur og betur, merkilega ágætur hljómur í þessu, ég er með allskyns fídusa sem ég kann ekkert á en maður fiktar sig í gegnum þetta.
Mig vantar að kunna betur að taka saman form laga, þ.e. þjappa lögum saman þannig að 4 síðna lag komist á eitt blað, því þau komast flest fyrir þannig, en maður þarf að hafa á hreinu uppsetninguna til að fyrirbyggja misskilning, enn eitt framtíðar projectið: að læra að gera svona.

Annars er bara samspilsæfing og síðan í kvöld á að smíða pizzu eftir minni. Reyndar sérstaklega einfalda pizzu samt, sem pöntuð var við Miðjarðarhafið í fyrra: Parmaskinka, mozzarella og pesto. Fáránlega einfalt, en bragðaðist vel úti, kannski hitti ég á réttu hlutföllin, ef ekki vantar mig uppskrift að einhverju gómsætu til að nota restina af skinkunni (annað en að setja hana með melónu á disk... það hefur aldrei heillað mig mikið).

:: geimVEIRA:: kl. 15:56:: [+] ::
...

Whoa, ég var að fatta að það er ekki of seint að verða stærðfræðisnillingur, eða þá til að dúxa .... en sénsinn að maður tæki séns á því sko. Sénsinn!

:: geimVEIRA:: kl. 13:21:: [+] ::
...

Hjúkk! Það hlaut að vera einhver góð ástæða fyrir því að ég er ekki stærðfræðisnillingur sem dúxaði.
Dodged a bullet there!

:: geimVEIRA:: kl. 13:01:: [+] ::
...

LASIK
Ég er búin að bóka mig í tíma í skoðun fyrir LASIK. Ég er búin að vera mjög spennt fyrir að tékka á þessu einhvern tímann í framtíðinni, en ákvað að drífa í að láta skoða hvort maður er kandidat eða bara alls ekki eftir að mjög trausts verður augnlæknir sem ég kannast við lagði blessun sína yfir svona, þá getur maður þá allavega hætt að láta mig dreyma um þetta, ef þetta er ekkert möguleiki fyrir mann, en ekki allir reynast hæfir í svona aðgerð. Ég er alltaf með í huga atriðið úr Simpsons þegar Flanders kemur til dyra í höllinni sinni í framtíðarþætti einhverjum, og er með blindrastafinn en hress að vanda og hlær að því að LASIK aðgerðirnar hefðu runnið út á 10 árum og svo hann orðið blindur... og það er frekar freaky alltaf að fara undir hnífinn/laserinn með vandamál jafn lítið lífshættulegt og nærsýni + sjónskekkju, en svakalega væri mikið frelsi að vera laus við gleraugun váá, ég er alltaf að sjá ný tilfelli þar sem það kæmi sér svo vel. Ég allavega ætla að kanna hvort þetta sé mögulegt, ef ekki þá það..... ef það er hinsvegar mögulegt þá verður mín ansi spennt er ég hrædd um, pælingin hjá mér er að drífa mig í þetta og njóta þá allavega 10-15 ára gleraugnalaus með öllu svona áður en aldursfjarsýnin nær í rassinn/augun á manni.

:: geimVEIRA:: kl. 12:49:: [+] ::
...

Ég kyngi
Ég er svona frekar mikið þessi pottþétta týpa sérstaklega þegar kemur að starfi mínu eða að standa mig í stykkinu í söngnum, mæti eins tilbúin og ég get og hef fengið thumbs-up fyrir að standa mig vel á því sviðinu í tímum og svona, svo ég fílaði mig ekkert smá öööömurlega þegar í gær allt gekk á afturfótunum hjá mér. Ég ætlaði á æfingu, kom út og það var sprungið á bílnum (á föstudaginn langa - þegar allt er lokað... og ég ætlaði að fara út á land í þokkabót). Ég varð að fá far frá góðhjartaðri sellópæju og afþakkaði um leið aðstoð v/dekkjaskipta (en það var ekki nokkur lifandi vegur fyrir mig að losa bloody felguboltana). Síðan á æfingunni sem ég kom náttúrulega allt of seint á, kom í ljós að í fartölvunni sem allt átti að vera í, þ.á.m. tónlist sem átti að kíkja á og ég var búin að tékka á að væri inni um daginn, kom í ljós að ég hafði fyrir einhvern svakalegan klaufaskap eytt út af vélinni, svo ég gat ekki leyft mönnum að heyra lagið sem aðallega var pælt í, kíkt var á annað sem þótti koma til greina og mér leist á, en þá vantaði geisladisk sem hefur verið í skólatöskunni minni í allan vetur, (NEMA NÚNA - note to self: aldrei að taka til!) svo allt fyrirfram planað var komið í algjört rugl, ég sem hafði haldið mig svo ágætlega undirbúna, mætt með kubb og mæk og blbalbla... fílaði mig eins og algjöran fáráð, sem betur fer var sæmilega forgiving andrúmsloft þarna, reynt að gera gott úr þessu, svo þetta endaði ekki alveg í fílíngnum sem ég vonaði - enda varð maður að reyna að halda haus, þótt maður liti út eins og algjör vitleysingur. Svona getur þetta verið, mjög stressandi að vera út úr karakter ofaní að vera með allt á afturfótunum því síðan lenti ég í bölvuðu basli með dekkvesenið, enda tókst mér að afþakka tilboð nr. 2 um hjálp þar sem ég er í FíB og var búin að melda mig við þá, en fann síðan hvergi eitthvað helvítis kort sem maður á að hafa, svo ég endaði með því eftir að reyna að fá vin minn til að hjálpa mér en hann var lasinn heima, að kyngja stoltinu og hringja á dyrabjöllu nágrannans og var á endanum komin með 3 fíleflda karlmenn í starfið sem áttu svo meira að segja líka erfitt með að losa boltana (svo áhyggjur mínar af því að vera tsjedling og aumingi voru ekki þarfar), en var orðin alvarlega á eftir áætlun í heimsóknina út á land. Ég fór loks inn, tók saman dótið mitt og pakkaði saman, fann náttúrulega helvítis FíB-kortið sem ég hafði rústað íbúðinni við að reyna að finna og lagði í hann. Stoltinu var kyngt en allavega hafðist þessi dagur, og þrátt fyrir eindregnar tilraunir umheimsins til að halda mér heima komst ég á leiðarenda.

:: geimVEIRA:: kl. 18:51:: [+] ::
...

Ég vil röddina mína aftur - vill sá sem stal henni skila henni strax!

Helvítis veirur. Ég HATA kvef!

:: geimVEIRA:: kl. 10:40:: [+] ::
...

Jæja, þá er maður búinn að sjá einn doktor Rice grillaðan hjá rannsóknarnefnd. Maður er alveg þreyttur bara - mikil törn í beinni á CNN. Hættulegur mórall sem er farinn af stað í ásökunum, mjög óréttlát þessi krafa um að embættismönnum hafi átt að vera ljósar fyrirætlanir hryðjuverkamannanna 11. september 2001. Vonandi hjálpar þessi rannsókn en verður ekki bara allsherjar blamegame. Condoleezza stóð sig mjög vel náði að halda sér að mestu frá því að vera í pólitíkusaþvælingi, klár kona augljóslega hækkar meðaltalið í Bush-skápnum hressilega.

:: geimVEIRA:: kl. 16:05:: [+] ::
...

Ég skil ekki alveg en þetta gsm-blogg hefur ekki virkað síðan þessi eina mynd komst í gegn, fatta ekki hvað ég er að gera vitlaust.

Ég er sokkin í massasukkið... egg og bacon anyone? Namminamminamm. Who needs arteries?

:: geimVEIRA:: kl. 15:52:: [+] ::
...

Kompan í kvöld sei sei já.

:: geimVEIRA:: kl. 15:00:: [+] ::
...

Föstudagsmiðvikudagurinn langi
Þetta er búinn að vera fínn dagur, skrapp á Vegamót í hádeginu og smakkaði rosalega góðan rétt kjúklinga satay sem ég hafði ekki smakkað áður. Það er komið vor í fólk svona almennt, ég hef ekki komist í að æfa mig undanfarið, en góð lota er framundan. Kíki til foreldranna í heimsókn og borða stærsta páskaegg sem ég hef nokkurn tímann fengið í boði Og Vodafone úm páskana (merkilega öfugsnúið að fá svona á gamals aldri þegar maður þyrfti að losa sig við kíló af nammi en ekki bæta því á sig).

Mér finnst þessi dagur passa ágætlega sem síðasti vinnudagur vikunnar og hef hér með ákveðið að hafa almennan frídag á morgun og hinn, eða var kannski einhver búinn að fatta upp á því áður?

:: geimVEIRA:: kl. 14:28:: [+] ::
...

Ó jááá takk!

:: geimVEIRA:: kl. 11:32:: [+] ::
...

Gæsahúð

:: geimVEIRA:: kl. 11:30:: [+] ::
...

Mynd frá Frakklandi síðasta sumar


Sent með GSMbloggi Og Vodafone

:: geimVEIRA:: kl. 08:13:: [+] ::
...

Glæsilegt
Menn tóku nú svona fullyrðingar alvarlega og var hringt í mig í morgun frá Hex og ég spurð nánar út í gallann sem ég rakst á, það tók ekki hálftíma fyrir þá að laga þetta allt saman og fékk ég þakkir fyrir ábendinguna. Svona á þetta að vera. Alltaf gott þegar tekið er mark á paranoid veirum.

Ég hlakka til að byrja að nota þetta.

:: geimVEIRA:: kl. 09:31:: [+] ::
...

Ég ætlaði að vera svo sniðug núna og skella inn voðasniðugum fídus í gegnum Og Vodafone gsmblogg, en komst að öryggisgalla í þessu hjá þeim svo ég skrifaði þeim bréf. Vonandi laga þeir hann svo ég geti prófað þetta. Núna ætla ég samt að fara að sofa... merkilegt hvað tíminn flýgur þegar maður fer í tæknifikt!
Ég er tölvugeek.

:: geimVEIRA:: kl. 02:48:: [+] ::
...

Ég bara hef alveg rumpað ýmsu af um helgina... fór óvænt út á föstudaginn, gaman að því... og var það svo inspiring að sett var á grillhittelsi á laugardagskvöldinu sem heppnaðist þrælvel. Kósí alltaf og sumarlegt að grilla á vorin - síðan var kíkt á tónleika á List. Ég grilla aftur í kvöld fyrir foreldrajúnitið sem kom í bæinn í dag.
Jibbí, bara þrír vinnudagar í næstu viku. Ég er bara nett sátt hlakka til að fara í páskafrí! Íhaaaaaa!

:: geimVEIRA:: kl. 15:58:: [+] ::
...

Úff það er mjög leiðinlegt þegar maður er mættur í vinnuna þegar maður áttar sig á því að peysan sem maður fór í á frekar heima í óhreinatauinu... Sést þetta mikið? Annars er frekar augljóst að kominn er tími á að þvo þvott þegar maður mætir í grænum eða köflóttum sokkum...

Do to list helgarinnar:
Minnka óhreina taushauginn.
Tónleikar annað kvöld á List.
Fyrir utan þetta standard: æfa sig, læra heima, taka til blablabla who cares?

:: geimVEIRA:: kl. 09:31:: [+] ::
...

Í eyrunum: All my life - Foo Fighters

Mig langar að læra á trommur.
Og píanó.
Og trommur.

:: geimVEIRA:: kl. 08:52:: [+] ::
...

Ég fór á tónleika á miðvikudagskvöldið með Mezzoforte. Mjög gaman að þeim - sniðugt að sjá/heyra þessi lög sem maður kannast við síðan maður var trítill spiluð live, svo spiluðu þeir slatta af nýju efni líka. Svo skemmtilega upbeat og aðgengileg þessi tónlist - maður gat ekki annað en bara brosað... Gulli Briem tók þetta massatrommusóló, líklegast með þeim lengri sem ég hef heyrt. Mjög flott. Ég hef sett persónulegt tónleikamætingamet, a.m.k. hér á landi... var of þreytt til að kíkja á List í gær.
Ég er að spá í að grilla kannski í kvöld, æfa mig jafnvel eitthvað - hef ekki neitt æft mig lengi.

:: geimVEIRA:: kl. 08:39:: [+] ::
...