:: Þvaðurveita geimVEIRU ::

:: fimmtudagur, október 31, 2002 ::

Ég lærði allt heima sem átti að gera, en sofnaði ekki fyrr en að verða fjögur í nótt, svo ég verð samt eins og asnaprik í tímanum í dag... urr. Ég gæti vel hugsað mig að fara að sofa núna. Right about now......
[Funk soul brotha!]

:: geimVEIRA:: kl. 13:18:: [+] ::
...

Þessi karl mætir svona í vinnuna til að mótmæla því að vera bannað að klæðast þar gallabuxum. Gott hjá honum!!! Alltof margar asnalegar reglur í gangi.
Sjá frétt á vísi.is

:: geimVEIRA:: kl. 13:07:: [+] ::
...

Furðulegur dagur
Í gær vaknaði ég myglaðri en allt myglað, með geðveika hálsbólgu, vöðvabólgu og general spælingu út í allt í gangi. Hárið á mér glatað, fötin mín ömurleg og bara eitthvað stórt krump í gangi, málaði mig smá svo ég liti ekki út eins og lík. Um miðjan dag var hálsbólgan aðeins búin að minnka, en mér var illt í eyrunum og með hellu þannig að smellti í, og með hausverk, en ég átti að fara í söngtíma, sem mér leist nú ekki mikið á, var að spá í að afboða mig en ákvað samt að mæta, og gera þá kannski bara æfingar smá eða eitthvað, þessvegna bara kjafta við kennarann það myndi kannski hressa mig við.

Þegar ég mætti í tímann, þá var sko bara gestur í tímanum, dönsk vinkona kennarans sem er tónlistarmaður, svo ég gat náttúrulega ekkert farið að væla í kennaranum eitthvað, en ég hugsaði bara "*úff* þvílíki dagurinn til að fá audience!" Kennarinn spurði mig síðan hvort ég væri að koma úr klippingu (whut?) ég neitaði því og þá hafði henni fundist hárið á mér svo fínt (lufsurnar mínar???) Síðan gerðum við nokkrar æfingar, sem er alltaf svolítið uglybutt singing, en ég náði að láta ekkert bögga mig að það væri gestur. Síðan byrjaði ég á lögum (ég hugsaði með mér: "Æi hvað þetta er týpískt að vera lasinn og sloj og fólk hugsar æ greyið hún getur ekkert sungið en bless'er she tries" síðan hringdi síminn hjá kennaranum......

Þá var það bróðir kennarans, sem varð að eyða 2 klukkutímum fyrir *gig* og hún bauð honum bara að koma og fylgjast líka með í tímanum, þá er bróðir hennar söngvari líka, hún spurði mig hvort það væri ekki ok og ég alveg "jújú allt í fína" ahahhah ( hugsaði - já hvers vegna ekki að hafa TVO tónlistarmenn í viðbót við kennarann að hlusta á mig hérna með smellandi eyrun, hausverkinn og hálsbólguna kreistandi upp eitthvað gaul). Síðan hringir síminn aftur þá var það söngnemandi að afboða sig og það þýddi að það opnaðist slot á hljómsveitarsamspil eftir söngtímann og kennarinn spurði hvort ég vildi ekki taka það, ég hélt það nú enda gekk svo ömurlega síðast, ekkert féll saman einhvern veginn, ekkert groove, svo ég hugsaði að allavega næði þá kannski bandið laginu betur, þótt ég gæti ekkert sungið.

En síðan í söngtímanum hélt ég áfram að syngja fyrir framan liðið - og þá náttúrulega lagði maður extra á sig og þetta varð bara ekki svo slæmt þrátt fyrir smellina í eyrunum á mér. Ég náði að taka óvenjumörg lög í tímanum og í einu þeirra tók þessi danska sig til og spilaði undir.
Það kom mér á óvart að það var bara klappað og ég fékk geðveiku kommentin og ég veit ekki hvað! Hrós fyrir textaframburð, túlkun, taktskyn, mér sagt að ég væri með flotta rödd og maður bara fór hjá sér..... síðan í lokalaginu sem ég æfði kom kennarinn minn til mín og sýndi mér gæsahúðina sína (sem var náttúrulega flottasta hrósið).
Síðan eftir tímann, þá fór maður þvílíkt pumped up á hljómsveitaræfingu, og þar einhvern veginn gekk allt upp líka, lagið sem ég tók fyrir viku og kom ömurlega út, kom frábærlega út, groovaði heavy flott og allt og var ákveðið að það lag tækjum við pottþétt á tónleikum.

Þetta var svo ótrúlegur dagur, að fara úr algjörlega ekki að vera að meika það, yfir í að allt gengi upp á endanum, þótt maður væri með smellandi eyrun og hellu og hausverk og kvef.

:: geimVEIRA:: kl. 12:55:: [+] ::
...

Það er ekkert lítið hvað þessi getur talað af viti stundum:
Moby update 29. október 2002

:: geimVEIRA:: kl. 11:04:: [+] ::
...

Mér finnst stundum gleymast í sambandi við gíslatökumálið í Rússlandi, að gíslatökumennirnir höfðu ekki einhver léttvopn til sjálfsvarnar, heldur voru vígbúnir til árásar, með að eigin sögn nægar sprengjur til að sprengja leikhúsið í loft upp og þeir voru byrjaðir að myrða gísla. Ég er alveg sammála gagnrýni að það hefði átt að hafa sjúkraliða upplýsta hvers kyns gas væri notað svo rétt viðbrögð mættu bjarga fleirum en ég get ekki séð hvernig hefði mátt gera þetta öðruvísi, ekki hefði verið hægt að storma þarna inn með herlið, því þá hefði allt verið sprengt í tætlur og 900 manns látist (innandyra þ.e.) samningaleiðin var þrotin, verið var að eiga við truflað fólk með hundruði saklausra borgara undir hælnum. Ég verð að segja það að mín tilfinning var að þarna myndum við sjá alla sprengda í tætlur, en niðurstaðan er að 750 manns sluppu lifandi (plús fólkið sem sleppt var fyrr). Kannski kalt mat, en í allri gagnrýninni núna gleymist alveg að segja hvað annað hefði átt að gera, vildi fólk bíða eftir aftökunum?

:: geimVEIRA:: kl. 10:43:: [+] ::
...

Aldrei að vanmeta innsæið... það klikkaði þó að einu leyti, en kennarinn setti ALVÖRU skyndipróf og það var fyrirvaralaust próf í gærkvöldi (en ekki eftir viku eins og ég spáði í gærdag). Mér fannst mér ganga skítsæmilega, nema með eitt atriði sem alltaf vefst fyrir mér, sem var sem betur fer ekki aðalatriði prófsins.
Eiginlega er ég spennt að vita hvort mér gekk ekki betur en gellunni sem ég minntist á fyrr, sem er alltaf með attitude, vegna þess að í gær sagði hún, í fúlustu alvöru, við mig að ég mætti ekki kíkja hjá sér (Get me my barfbag phleeze!), ég var svo pissed að ég kom ekki upp orði, svo það væri sweet að hún fengi smá skell, ég verð eiginlega að vera með góða línu tilbúna á hana in case... Maður virðist aldrei geta svarað almennilega fyrir sig svona on-the-spot, þarf að æfa mig í þessu mér leiðast svona gellur sem leyfa sér að tala niður til manns, hún fer að fá gott skot á móti fljótlega. Grey stelpan.

:: geimVEIRA:: kl. 10:03:: [+] ::
...

Banvæn vanþekking
Mér finnst svakalegt hvað Íslendingar eru kærulausir í kynsjúkdómavörnum. Það munu vera 6 ný tilfelli klamidíu á DAG hér á landi og fer fjölgandi. Eru allir búnir að gleyma hvernig HIV smitast??? Eru allir búnir að gleyma að HIV er líka kynsjúkdómur sem fyrirfinnst svo sannarlega hér á landi eins og alls staðar annars staðar? Ef 6 einstaklingar greinast á dag með klamidíu, hvað eru þá margir ósjúkdómsgreindir þarna úti? Fyrst klamidía og HIV geta smitast á sama hátt, hvað er langt þar til við verðum komin með 6 ný HIV tilfelli á dag? Mig langar til að fara og dreifa smokkum út um allt þegar ég heyri svona fréttir. Núna loksins þegar aðgengi að smokkum er orðið eðlilegt, ekki eins og þegar ég var unglingur og þetta fékkst bara í apótekum, hvers vegna notar fólk hann ekki??? Það er meira að segja til smokkur sem er ekki úr latexi, ekki með þessa fýlu (og *hóst* óbragð), svo ekki getur fólk vælt yfir latexofnæmi eða fýlunni. Svona fyrir utan að klamidían er ekkert skemmtileg heldur örugglega, getur valdið ófrjósemi hjá konum og ég veit ekki hvað og hvað. Æ er heilsan svona óskaplega lítils virði hjá unga fólkinu í dag?
Það er eins gott fyrir þetta fólk að geimVEIRA er ekki komin í dreifingu á þessari plánetu ennþá.

:: geimVEIRA:: kl. 12:57:: [+] ::
...

Það er alveg ljóst, að þegar maður notar tvær tölvur, aðra í vinnunni og hina heima, þá þarf maður reglulega að nota "Disk Cleanup" á báðum, ekki bara annarri. Var að uppgötva að ég hef líklegast aldrei notað þetta niðrí vinnu ( kannski bara tvöfalt oftar heima). Voðalega þarf windowsið að safna miklu rusli!
Ég bloody nearly missti röddina við að æfa mig fyrir tónheyrn, mér er eiginlega hætt að lítast á þetta dæmi. Þarf að fara að fletta háls-, nef- og eyrnakallinum mínum upp ef þetta fer ekki að lagast í vikunni. Af miklum spádómsgáfum mínum spái ég hér með að tónheyrnarkennarinn setji í kvöld fyrir skyndipróf sem eigi að vera næsta mánudag.

:: geimVEIRA:: kl. 10:50:: [+] ::
...

"As long as it's legal, do it!"

:: geimVEIRA:: kl. 17:56:: [+] ::
...

Þessi helgi hefur basically verið einmitt ástæðan fyrir því að ég ætlaði aldrei að byrja að blogga.

Ömurleg leti- og leiðindahelgi, reyndar eina skemmtilega við hana var að ég skerpti allhressilega á niðurhalningarstatusnum mínum og þarf alvarlega að fara að huga að tiltekt og skriftum af hörðu diskunum mínum fyrr en seinna. Gærdagurinn var jafnleiðinlegur og tónleikarnir fyrir viku voru skemmtilegir. Ef maður gæti nú drullast til að nota svona daga í eitthvað nytsamlegt, tekið til eða eitthvað!

Sunnudagur er og verður fúlasti dagur vikunnar finnst mér. Hann mun aldrei bíða þess bætur eftir sunnudagsheimalærdóminn og kvíðann fyrir vikuna sem fylgdi honum alltaf í gamla daga, til viðbótar við ömurlegu sjónvarpsdagskrána og að þurfa allt í einu að stilla vekjaraklukkuna aftur.

Það eru alveg að koma jól, ég þarf að finna mér eitthvað jólalag til að syngja. Lýsi hér með eftir hugmyndum.

:: geimVEIRA:: kl. 16:08:: [+] ::
...

:: geimVEIRA:: kl. 18:43:: [+] ::
...

phffft! PhFffFFT! pHFFFTHPHTH!
Arrrg.... hvenær ætlar þetta að virka hjá mér að veifa sprotanum og galdra fram hreingerningar?

Ég reyni og reyni að galdra og galdra, samt virkar ekkert og allt er í rúst!?

:: geimVEIRA:: kl. 15:43:: [+] ::
...

You Are A Juicy Kisser!

Your lips are totally kissable baby, and you know how to use them
You are the perfect kisser - with the right combo of lips and tongue.
It's important to flaunt it, so kiss early and often on dates!



How Do *You* Kiss?

More Great Quizzes from Quiz Diva

Jájá.... I'll flaunt it sure sure..... early and often... ok.... but where's my date with a hunkalicious dude yet?

:: geimVEIRA:: kl. 14:52:: [+] ::
...

Það er viðbjóðslega ljótur pimpmoboat við höfnina, hann er brons/gullmálaður með gulum auglýsingafánum sýnist mér og er örugglega mesta skrípi sem sést hefur í höfninni hér ever. Ég meina síðasti dieselkafbátur Kanadamanna sem kom hingað í heimsókn fyrir 6-7 árum, eins ljótur og hann var, ég ítreka KAFBÁTURINN.... þá var hann samt fallegri en þetta skip. Það vantar bara svona fjólubláa fjaðrakraga á flotgallana og hælaskó á sjóarana og þá væri þetta fullkomnað. Hvern langar að yfirfæra pimptísku á skip for crying out loud!?

:: geimVEIRA:: kl. 15:42:: [+] ::
...

Ugh, ég skildi nú bara ekkert í verkefninu sem við áttum að gera heima í hljómfræði, enda var kennslan fáránleg í síðasta tíma og heilinn á mér ennþá í henglum eftir þann tíma. Verst ef kennarinn leyfir sér að halda að við höfum lært eitthvað í síðasta tíma... ef svo er, er ég hrædd um að ég verði að opna á mér túlann. Skárra allavega heldur en að leyfa honum að halda að við höfum fattað hvað hann var að fara í síðustu viku, þegar enginn virtist skilja neitt, en enginn þorði að láta heyra í sér píp nema ég. Þá spurði kennarinn eftir að hafa romsað í gegnum 5 síður á hundraðinu "Einhverjar spurningar?" og þegar eðlilega komu engar spurningar (því fólk skildi ekki einu sinni nóg til að vita hvers ætti að spyrja), þá sagði ég við kennarann að ég hefði örugglega haft einhverar spurningar hefði maður fengið tóm til þess að melta það sem hann fór yfir svo maður sæi hvað vefðist fyrir manni, að hefði ég skilið eitthvað í þessum tíma hefði ég áreiðanlega haft spurningar.
Blessuð bókin sem við erum með er 10 ára gömul og hefur aldrei verið uppfærð eða leiðrétt og eru villur í henni sumar hverjar alvarlegar, svo maður er heldur aldrei viss hvort það sé ruglið í manni sjálfum eða bókinni sem vefst fyrir manni þegar maður reynir að læra eitthvað sjálfur upp úr bókinni. Einmitt þess vegna er ég svo pissed að kennarinn skyldi eyða þessum tíma í svona rugl, hefði mátt skipta þessu efni yfir á næstu fjóra hljómfræðitíma þessvegna, en ekki bara 1,5 klukkutíma og látið okkur skilja þetta almennilega, ég veit jafnlítið í þessu og fyrir síðasta tíma. Tímasóun, urr.

:: geimVEIRA:: kl. 14:16:: [+] ::
...

Þessi linkur var á tilverunni.is: Bullshit artist í vitnastúku
Ótrúlega góður þessi gaur.

:: geimVEIRA:: kl. 12:34:: [+] ::
...

Krúttbangasmilie - tilraun taka 3

:: geimVEIRA:: kl. 00:56:: [+] ::
...

Flottastir?

:: geimVEIRA:: kl. 14:39:: [+] ::
...

Það er svo vetrarlegt og kalt rok sem nístir mann inn að beini. Ég er svo fegin að það skuli enn ekki vera farið að snjóa hér eins og víða annars staðar, ég er ekki tilbúin strax í svoleiðis.

Ég fór í hádeginu á Fjölþjóðahúsið í mat með frænku minni og á örugglega eftir að prófa að fara þangað aftur, mjög athyglisverður matseðill og ágætt að sitja þarna sýnist mér.

:: geimVEIRA:: kl. 13:52:: [+] ::
...

Nokkrar frábærlega vondar líkingar:

Her vocabulary was as bad as, like, whatever.
(Unknown)

He was as tall as a six-foot-three-inch tree.
(Jack Bross, Chevy Chase)

John and Mary had never met. They were like two hummingbirds who had also never met.
(Russell Beland, Springfield)

He spoke with the wisdom that can only come from experience, like a guy who went blind because he looked at a solar eclipse without one of those boxes with a pinhole in it and now goes around the country speaking at high schools about the dangers of looking at a solar eclipse without one of those boxes with a pinhole in it.
(Joseph Romm, Washington)

Fleiri sérlega vondar samlíkingar

:: geimVEIRA:: kl. 13:42:: [+] ::
...

Bónus styrkir Mæðrastyrksnefnd um 25 milljónir króna
Mér finnst nú þetta bara glæsilegt framtak, maður sér svoldið í gegnum þetta PR-rescue mission sem er í gangi, en þeir láta þá njóta þess sem helst skyldu. Gott hjá þeim.
Mér fannst Jóhannes standa sig ágætlega í sandkassanum hjá Stöð 2 um daginn þegar var verið að henda í hann sandi. En það skemmdi ímynd fyrirtækisins nokkuð þetta fyrirsát, svo þetta er snilldarlegt herbragð.

:: geimVEIRA:: kl. 15:12:: [+] ::
...

Ég var hjá tannlækninum í gær, þegar aðstoðarmaður hans sagði sjúkling hans vera í símanum og vera í vandræðum því tönn væri laus og að detta úr og hann væri með sting og illt (ái, nema hvað!). Tannlæknirinn ákvað að troða greyið stráknum inn í dagskrána, sem mér fannst virðingarvert, og var honum sagt að koma eiginlega strax. Síðan heyrði ég seinna, aðstoðarmanninn vera að segja að móðir stráksins væri í símanum og hefði strákurinn ekki fengið leyfi til að fara úr skólanum, þannig að hann gat ekki farið til LÆKNIS kvalinn með tönn að detta úr kjaftinum á sér!
Ég er ógeðslega hneyksluð, það mætti halda að menntaskólalærdómurinn væri það mikilvægasta í heimi, mikilvægara en heilsa nemendanna, að banna nemanda með hótunum um fjarvistapunkta þegar viðkomandi, undir læknisráði þarf að fara, finnst mér varða við grófa valdníðslu og misnotkun. Hvers konar forgangsröð er þetta eiginlega? Væri þessi einstaklingur úti á vinnumarkaðnum og væri hótað með refsingum þegar hann þyrfti kvalinn að leita læknis, myndi viðkomandi hafa stéttarfélagið að baki sér og yrðu eftirmálar. En endalaust má stappa á þessum unglingum. Oj bara.

:: geimVEIRA:: kl. 12:08:: [+] ::
...

Ég var í gær á einskonar fyrirlestri í söngvinnubúðum, ýmsum pælingum varðandi texta og mikilvægi framburðar og túlkunar fyrir söng. Eitt atriði sem minnst var á og ég er svo hjartanlega sammála er þetta með óskýrmælgi og svona einhverja stæla í framburði. Bent var á yfirdrifna flámælgi sem er orðin hálfgert tískufyrirbrigði. Ég hafði ekki gert mér grein fyrir þessu, en allir kannast við að hafa heyrt svoleiðis bregða fyrir í poppi undanfarið... "Komdööööö til míeeeeeeeeeeeen ásteeeeeeeeeen lefer að eilíföööö!" þetta er náttúrulega viðbjóður þegar þetta blandast við endingaskort á orðum og hitt tískufyrirbrigðið sem var talað um sem er svona einhverskonar útlenskun á íslenskum framburði t.d. þannig að "þungt tré" verður "tsjúngt tsré". Við vorum allavega öll sammála þarna í gær að þetta væri ömurlega hallærislegt, þannig að þarna voru allavega 10-15 söngvarar sem munu líklegast leggja sig fram um að breyta þessari fáránlegu tísku.
Kennarinn minn í tónheyrn á enn ekki orð yfir hversu skrýtinn þessi bekkur er. Ég er alveg sammála, þetta er steyptasta andrúmsloft sem ég hef upplifað í bekk, það er svona ýkt "attitude" í gangi, þarna er svona berserviser, gaur sem var byrjaður að skíta á sig af stressi út af prófum og spyr stöðugt um hvað sé til prófs, gella sem er alltaf á svipinn eins og hún hafi átt að vera í tónheyrn 3 en sé stuck í tónheyrn 1 og talar endalaust um hvað allt sé auðvelt og bókin létt. Síðan er það oftar en ekki hún sem ruglast. Aldurinn er líka nokkuð dreifður, við erum þrjú sem erum ekki á menntaskólaaldri eða undir (en það ætti ekkert að hafa með sýrustigið í bekknum að gera) kannski er bara málið að helmingurinn er svona rólegir strákar sem eru bara fínir í tónheyrn, en hitt liðið yfirgnæfir með steypu. Þessi bekkur á annað hvort eftir að enda með því að verða jafnfurðulegur og leiðinlegur áfram eða gersamlega umbreytast og verða frábærlega steyptur og skemmtilegur. Ekkert þar á milli. Það er samt gaman að fylgjast með þessu.

:: geimVEIRA:: kl. 10:47:: [+] ::
...

Nei sko! Ég var að lesa pistil Katrínar punktur is





Já, þetta er mynd af henni.

Og það er alveg ferlega fyndið hvað við erum sammála um tónleikana....
Hún meira að segja talar um náttfatamanninn, og góða stuðið hjá Hives.

:: geimVEIRA:: kl. 19:53:: [+] ::
...

Airwaves lokatónleikarnir
Ég fór á lokatónleika Airwaves í gær. Það var góð stemming, fullt af fólki og allir hressir. Ég ætlaði aðallega að sjá Blackalicious og síðan Fatboy Slim, ákvað að mæta upp úr kl. 21 enda átti dagskráin að standa frá 20 til 3 um nóttina, svo ég áætlaði að Blackalicious myndu þá væntanlega byrja um hálftíuleytið. Síðan endaði reyndar með því að ég mætti um hálftíuleytið, en náði bara að heyra 2 lög með Blackalicous, síðan tók við örugglega þriggja kortéra pása, með plötusnúðum reyndar, þar til The Hives tóku við. (Svo ég var þokkalega spæld að Blackalicious spilaði ekki aðeins seinna eða lengur, enda húsið ca hálffullt þegar þeir hættu og fólk enn að týnast inn). En The Hives komu svakalega sterkir til leiks. Þeir spila engan veginn tónlist að mínum smekk, en þeir voru bara svo orkumiklir og hressir að það var ekkert leiðinlegt að fylgast með þeim. Söngvarinn er svona eins og afabarnið hans Jaggers, svona lítill rindill með frekar spastískar hreyfingar á sviði, hann fór hamförum þarna, hoppaði upp á magnara og skrattaðist, náði salnum alveg með sér, svo úr varð rosastemming. Og salurinn hlýddi öllu sem hann sagði, eitt skiptið skipaði hann salnum að láta í sér heyra milli laga, annað skipti kom "USS!" því hann þurfti að segja eitthvað. Það virkaði allt saman hjá þeim, þeir áttu liðið alveg. Þeir voru allir í svörtum buxum og skyrtum, en í hvítum skóm og með hvít bindi sem þeir stungu hálfum inn í skyrtuna, svo þetta varð svaka sixties look á þessu hjá þeim. Þeir sögðu þetta fyrstu tónleika sína á Íslandi, en þá síðustu hjá sér í bili því þeir væru að fara að gera plötu. Þeir voru klappaðir upp þegar þeir fóru og voru þeir með 3 aukalög tilbúin og enduðu rosashow á því að rífa af sér bindin hvítu og henda út í sal. Ekta rokkarastælar.

The Death of Cool
Síðan komu vonbrigði kvöldsins. Ég hef fílað Gus Gus lengi en hef aldrei náð að sjá live tónleika með þeim. Ég vissi að um einhverjar mannabreytingar væri að ræða, en átti von á því að heildarfílíngurinn breyttist ekki mikið, þeir tækju einhver eldri lög og væru með grúví skít eins og ég kannast við frá þeim. En það var nú aldeilis ekki. Þarna var að vísu Biggi Veira (no relations) gæti verið að einn annar gamall GusGusari hafi verið innanborðs, en ég er ekki alveg viss. En allavega voru 2 söngvarar, ein stelpa sem heitir Unnur og einhver gaur sem heyrðist ekki hvað hét. Stelpan var í einhverjum fáránlegum tjullkjól úr sjálflýsandi tjulli með hárið eitthvað geðveikt út í loftið, með ágætis rödd og allt í fínu með það svo sem, eeeeeeeeen - ef þetta var ekki Bjarkar-rip-off þá hef ég aldrei séð Björk stælda á sviði. Hún beitti röddinni mjög svipað á stundum, hreyfði sig mjög líkt og það plús þessi fáránlegi skrípakjóll, virkaði saman ömurlega fáránlega á mig. Síðan var hinn söngvarinn í náttfötum með hatt og gargaði aðallega eitthvað út í loftið og fór að minna á Einar Örn Sykurmola, og þá líka varð ég viss um að útlensku blaðamennirnir munu slátra þessu í krítík. Fyrir utan þetta, sem eiginlega var alveg búið að slátra öllu cool-i sem hefði getað verið, var coolið tekið og myrt þegar þessi náttfatagaur gargaði "Eru ekki allir í stuuuuuuuuuuuuuuði?!!!" og síðan það sem var vanvirðing við líkið af cool-inu "Eru ekki FH-ingar í húsinu!!!!!!!!!!!!!!!! ÁFRAM EFFFFFF HÁÁÁÁÁÁÁÁÁ!!!!!!" Gus Gus ultra flott grúví kúlistahópurinn DRAPST þarna. Mig langaði að gráta. Tónlistin með svo sem fínum beat-um en fyrir utan eitt lag sem Daníel Ágúst kom fram sem gestasöngvari í, þá var þetta meira og minna síbylja. Engar grúví melódíur eða neitt, þetta virkaði á mig eins og hermitechno eða eitthvað (what ever the fuck that is). Þetta var spæling út í gegn, og allt of hátt stillt og svo leiðinlegt að ég fékk hausverk. Ég sem hélt að mér myndi leiðast The Hives en þar voru sko skemmtikraftar á ferð.

Síðan kom plötusnúður og var söngur og rapp með, einn útlendingur og annar íslenskur en ég náði ekki nöfnum, þeir héldu ágætis stemmingu, en allir fóru að pissa og fá sér mat og drykk áður en Fatboy kæmi svo það voru ekki margir úti á gólfinu.

Fatboy slim is fucking in heaven, fucking and fucking and fucking in heaven
Fatboy Slim var alveg frábær. Hann byrjaði á Rolling Stones "Satisfaction" og kom með geðveik beat og var með flott flow. Ég sem hafði setið uppi í stúku varð bara að kíkja á þetta betur, og endaði barasta rétt hjá kauða og þá sást líka hvernig hann geislaði bara "Er ekki gaman?!"-brosi og allt liðið bara ljómaði þarna í góðum fíling. Ég hef ekki oft verið á svona dj-tónleikum en ekki get ég ímyndað mér betra stuð á svoleiðis eða betri uppbyggingu, því stundum fékk fólk svona "breather" og síðan kom algjört dúndur, hann blandaði líka ólíklegum lögum inn í, en skemmtilegum, og aldrei datt niður stuðið alltaf hélt hann spennunni, kom með eigin lög og braut síðan upp með Talking Heads. Karlinn krotaði skilaboð á plötuumslögin og lyfti upp "I love this place!" skilaboðum og allir hoppuðu, görguðu og dönsuðu, rosastuð. Hann var alveg til þrjú og maður ók sæll heim.

Þessir tónleikar sýndist mér fara stórvel fram, það var seldur bjór og Smirnoff Ice þarna en maður sá engin drykkjulæti, allir bara í góðu skapi og komnir til að hafa gaman. Ég fer örugglega næst líka. Rosalega skemmtilegt kvöld á heildina litið.

:: geimVEIRA:: kl. 16:11:: [+] ::
...

Þetta er söngvarinn í Remy Zero, Cinjun Tate... bloody handsome eigh?



Hann mun vera x-húsbandið hennar Alyssu Milano, sem leikur í Charmed og lék í Who's the boss í den.

:: geimVEIRA:: kl. 12:07:: [+] ::
...

Í gær fór ég til tannlæknis og fékk þessa líka fínu fínu hvítu plastfyllingu í jaxlinn og er núna barasta með voða hvítt og fínt öðrum megin í neðri góm og get farið að "hlakka til" þar til fyllingarnar hinum megin gefa sig líka vegna málmþreytu og ég get fengið hvítt í þær líka. Þá líka mun ég syngja með tunguna úti og sækja um að fá að segja "A" í Colgate auglýsingunni sem ég hef svo oft verið sökuð um að hafa stolið tönnunum mínum úr. Síðan fór ég í jazzhljómfræði og þar fékk ég nett taugaáfall þegar kennarinn flippaði gersamlega og fór yfir gilljón og fimmtán hljómasambandareglur, og reglur um hljómagreiningu og framlengda forhljóma og aukaforhljóma og holycow! Ég vissi varla hvað ég hét eftir tímann, fannst ég ekki skilja neitt, enda rausaði kennarinn upp úr bókinni og gaf okkur ekki einu sinni tíma til að glósa í friði, endaði síðan á að skrifa upp allan hljómaganginn í "I got rythm" í jazzaðri útsetningu með voltum og tvennskonar hljómagangi í nokkrum töktum, og sagði okkur að hljómagreina. Ég bögglaðist eitthvað í þessu og ca 10 mín seinna, þá byrjaði hann að krota bara lausnina upp á töflu, þannig að maður gat ekki einu sinni spáð í villunum manns eða lært af þessu með að analýsera hvar manns hugsun var ekki rétt, heldur varð ég eiginlega bara að skrifa á ljóshraða og stroka út villur hugsunarlaust. Algjört stress, algjört tilgangsleysi, enginn lærdómur. Ég var þokkalega pissed.
Í hljóðtækni var hins vegar bara stuð. Við fengum að prófa að syngja í míkrafón með heyrnartól á hausnum, sem útilokuðu utanaðkomandi hljóð. Í þeim fengum við undirleik og kennarinn leyfði okkur að heyra í sjálfum okkur í heyrnartólunum, en tók smám saman af okkur okkar söng, þannig að á endanum heyrðum við bara undirleikinn en ekki bofs í okkur og þurftum við að syngja heilt erindi í "Krummi krunkar úti" á þennan hátt. Þetta var geðveikislega fyndið, mér kom mest á óvart hversu lítið fólk varð falskt, en það komu mjög skrýtnar áherslur í texta og eftir því sem maður heyrði minna í sér fór maður ósjálfrátt að syngja með meiri styrk. Hjá mér t.d. fann ég bara, en heyrði ekkert, að röddin brast aðeins og þá fann maður í verki hversu mikið "tuning" er stöðugt í gangi hjá manni út frá því sem maður heyrir sig vera að gera eða ekki gera. Síðan tók kennarinn öll trackin með söng okkar og skellti saman í eitt, þannig að úr varð svakalegur kór, sem allt í einu varð smá falskur en gaf allt í botn um leið. Frábærlega fyndið. Annað sem við gerðum var að við lásum textann upp með heyrnartólin, en í þetta sinn var ekki undirleikur, og við fengum að heyra í okkur, en með stigvaxandi bergmáli þannig að undir lokin heyrði maður ekkert í sér þegar maður talaði, heldur kom upplesturinn sekúndubrotum síðar. Þetta var alveg magnað, því maður sá hversu mismunandi úrvinnsla fólks er þegar það talar, sumir hægðu klikkaðslega á sér og teygðu úr þessu, aðrir hröðuðu svakalega eins og til að vera á undan echoinu, síðan var það toppurinn af öllu. Að bergmálið, bergmálaðist inn í upplesturinn hjá nokkrum. Fengum við þá að heyra þessa klassík: "Komdudu nú og kropp Pappaðu me-e-eð mér Krumummi nafni minn!" Sem fékk mig til að grenja úr hlátri og lá bekkurinn í krampa. Alveg furðulegt dæmi sko.
Eftir þennan snilldartíma fór ég heim og fékk mér að borða og reyndi að manna mig upp í að drífa mig á Airwaves, en ég var orðin svo þreytt að ég var alveg búin. Var ég svo lengi að drífa mig af stað að ég missti af því rappi sem mig hafði langað að sjá, en fór í staðinn á Jagúar. Þeir voru svakalegir alveg, mikið fjör, heavy funk, ekta flott. En það var svoleiðis svakalega stappað að það var eiginlega ekki hægt að vera til fyrir troðningi. Samt var svaka fílíngur í gangi, ég kaupi örugglega nýju plötuna. Síðan ákvað ég að drífa mig bara yfir á næsta stað til að sjá Remy Zero. Þeir voru mjög flottir, ég þekkti nú ekkert af þessum lögum en þau voru mikið til þung og róleg með svakalega rokkuðum köflum (sem ég fíla ekki mest af öllu) en þeir voru góðir sko. Söngvarinn var þrusugóður og minnti alveg svakalega á Bono í raddbeitingu og stíl bara alveg. Þannig urðu mörg lögin eins og U2-lög í þyngri kantinum. Mér fannst vanta meiri grípandi lög, þetta var allt svo mikill tilfinningaþrungi og dúndur að maður varð bara hálfdown á eftir svoleiðis.... En rokk fyrir svefninn er samt örugglega hollt og gott. Fyrir utan orkusprautuna af dúndrinu, ég gat ekki sofnað fyrr en að verða kl. 03:00.
Síðan er meira fjör í kvöld.....
Það voru milljón manns niðrí bæ í gær, vonlaust næstum að fá bílastæði, í kvöld verður þetta örugglega rosalegt!

:: geimVEIRA:: kl. 10:46:: [+] ::
...

Hey jaaaaaaaaá..... síðan er Icelandairwaves að byrja. Ég er að spá í að tékka á fönkinu og rappinu í kvöld barasta - ég vona að maður sleppi við að festa þetta fjárans armband þarna - ég þoli ekki svona drasl á manni... Þetta er svoldið heavy dagur að því leyti að ég fer úr vinnunni til tannlæknis í dag, til að láta laga sprungna fyllingu, þaðan í djasshljómfræði, síðan á hljóðtækninámskeið inn í stúdíó og þaðan niðrí bæ að tékka á Airwaves. Rétta upp hönd þeir sem ætla á Airwaves!

:: geimVEIRA:: kl. 11:08:: [+] ::
...

Í gær sá ég gamla konu niðrí bæ, gargandi á fólk sem sat inni á Kaffi París, ég heyrði nú ekki alveg hvað hún sagði, en hún hlykkti út með nokkrum "Hallelúja!" upphrópunum. Greyið fólkið inni á kaffihúsinu, fattaði ekki alveg hvað hún var að fara... ég held nú að hún hafi minnst vitað um það sjálf. En þetta setti svip á miðbæinn, alltaf gaman að þessu Jesúfólki, þ.e. fyrir utan ruglibullarana á Omega sem geta átt góða punkta um kærleik og blablabla og eyðilagt síðan allt með því að fordæma tjah, eiginlega allt og alla... Þeir myndu örugglega jesúa sig til dauða ef þeim byðist íslamskur hommi í trashmetalhljómsveit á silfurfati, í það minnsta reyna að "lækna" hann voðalega mikið, mig grunar að þeir myndu bara berja hann í hausinn með Biblíunum sínum, því það hefur löngum "gagnast" í trúboði, að berja heilagleikann bara inn eldsnöggt og ákveðið. Maður gæti vorkennt þessu liði, ef það væri ekki svona ótrúlega tvöfalt í roðinu. Jájá, allt í góðu að vera trúaður og chilla í sínum heilagleika, en þegar þessir hópar gera aðsúg að heilu þjóðunum og fordæma, að samkynhneigðum og fordæma, þá sýna þeir sitt rétta eðli. Öll dýrin í skóginum eiga að vera vinir.

:: geimVEIRA:: kl. 10:23:: [+] ::
...

Jæja þá er loksins komin gestabók sem virkar! Jibbí!

:: geimVEIRA:: kl. 15:51:: [+] ::
...

Hmmm...... eiginlega er þetta smá satt. Brainy smurf who still gives a fuck? Nahhh I'm a virus from space!

Do you give a fuck?

This quiz style was designed by alanna, adapted by Batfish Designs, and created by Missanthropy

:: geimVEIRA:: kl. 14:44:: [+] ::
...

Gat nú verið, maður getur ekki einu sinni verið villtur strumpur... Þarf maður að fara að ljúga á svona fáránlegum prófum til að brjótast upp af jörðinni. Ég er of jarðbundin, ég er næstum Six Feet Under sko...

Find your inner Smurf!

Klassík úr þættinum í kvöld, mamman að tala við son sinn, hommann, um hans ástarlíf: "You need to open your door from the inside, if you want to let anybody in!"

:: geimVEIRA:: kl. 22:42:: [+] ::
...

Jæja, nú kann ég að búa til hjörtu, er búin að borða þvílíkt yfir mig að ég er búin á því, síðan ætla ég að horfa á einn af uppáhaldsþáttunum mínum, "Cold Feet". Þessi og síðan "Six Feet Under" eru bara með skemmtilegustu þáttum sem ég veit í dag.

:: geimVEIRA:: kl. 21:01:: [+] ::
...

Æ æ, greyið Halldór Ásgrímsson að fá bágt í blöðruhálskirtilinn. Djöfull á maður gott að hafa engan svoleiðis. Og að vera ekki Framsóknarmanneskja. Vonandi batnar honum samt fljótt og vel.
Ég vil endilega hafa alla á blastinu í vetur fyrir kosningarnar, það er svo miklu meira stuð.

:: geimVEIRA:: kl. 15:12:: [+] ::
...

Ég er farin að hafa áhyggjur af veðurstelpunni minni hérna.... Hún kann bersýnilega ekki að klæða sig eftir veðri, enda er þetta algjör gella. Ég sit inni, er í fullt af fötum m.a. þykkri peysu, og mér er ógeðslega kalt brrrrrrrrrrr.

:: geimVEIRA:: kl. 12:26:: [+] ::
...

Ég tók svona netkönnun ...


Who are you?

:: geimVEIRA:: kl. 12:19:: [+] ::
...

Ég á ekki orð yfir þessu Línu Nets dæmi. Já, búum til svona fyrirtæki og mokum í það pening. Leyfum því að skekkja ennfrekar samkeppnisstöðu á fjarskiptamarkaði, þannig að litlu fyrirburafyrirtækin þurfi að vera í hitakassa þar til þau drepast, því það er of erfið fæðing að berjast við ríkisrekið bákn annars vegar og fjarskiptafélag á sveitarfélagsspena Orkuveitunnar, síðan skulum við stofna dótturfélög og stjúpfélög og skella á spenann og leyfa þeim að leika sér í sandkassa áhættufjárfestinga, þar til þau garga ATT BÚ! Þá skulum við yppa öxlum, því það á alltaf einhver óskilgreind stærð þessa peninga, fara síðan og ná í hjólbörurnar, því nú er það eina sem dugar, að ná í stærri skóflur því eina leiðin upp úr holunni sem þessir snillingar hafa komið sér í, er að moka peningum í botninn á pyttnum, svo allir geti klifrað upp úr holunni.
Núna á ég, Reykvíkingurinn, 1700milljóna ljósleiðarakerfi, sem hefur aldrei boðist mér til afnota. Hefur aldrei skilað mér hagnaði. Var lagt svo að segja ofan í og við hliðina á öðrum ljósleiðara, sem virkaði alveg jafnvel, og aðgangur hefði fengist að fyrir lægri útgjöld en þetta. Ljósleiðarakerfi sem Alfreð Þorsteinsson segir öll stóru fyrirtækin versla við, Flugleiðir, spítalarnir, skólarnir... Var það mitt hlutverk sem Reykvíkings að skapa FLUGLEIÐUM hf. einhvern sérsamning um ljósleiðarakerfi með niðurgreiðslum úr fyrirtækjum í eigu minnar borgar? Hvernig má það vera að öll þessi góða samkeppni hefur aldrei nýst okkur sem búum í borginni?
Já kaupum hlut í fyrirtæki, leyfum því að klúðra sínum málum, reddum fyrirtækinu síðan með því að kaupa þær fjárfestingar sem við höfum þegar lagt fé í, og reynum að breiða yfir það með því að segja að það sé svo mikilvægt að við borgarbúar eigum svona ljósleiðara. Við í borginni áttum þegar ljósleiðara, Alfreð Þorsteinsson! Hann áttum við sem skattgreiðendur því Landssíminn var búinn að leggja ljósleiðara.
Mér ofbýður þessi tvíverknaður á gífurlega dýrri fjárfestingu, mér ofbýður að mér sé gert að trúa því að þetta sé í mína þágu. Ef borgin vildi eignast ljósleiðara, hvers vegna gerði hún ekki kauptilboð í þann sem þegar var í jörðinni. Ljósleiðara sem meira að segja var farið að leggja að heimahúsum allt þar til Landssíminn ákvað að stoppa alla þróunarvinnu þar til kæmi í ljós hvernig sala Landssímans færi í gegn.
Hvernig hefði nú verið að taka einn hundraðasta af þessum 2,3 milljörðum sem Lína.Net hf. hefur fengið að drekka af spenum borgarinnar og lækka útgjöld heimilanna?
Þegar Alfreð var spurður að því í Kastljósinu í kvöld, hvort ekki hefði mátt lækka raforkugjöld til Reykvíkinga, leyfði hann sér að segja eitthvað á þá leið að þá myndum við sóa rafmagninu.
Ég tek öllum ummælum Alfreðs Þorsteinssonar um SÓUN mjög mjög mjög óstinnt upp. Mér er treyst til að greiða hér skatta og sinna mínum skyldum, þá skal mér einnig treyst til þess að ráðstafa þeirri vöru sem ég kaupi að vild. Bara fyrir þig, Alfreð, ætla ég ekki að slökkva á ljósunum í stofunni hjá mér í nótt, hafa kveikt á tölvunni, þurrka eitt handklæði í einu í þurrkaranum og veistu hvers vegna? Af því að ég má það, get það og vil það, og það sem meira er ég borga fyrir það! Hey, nei annars, þá ferðu bara og eyðir þeim peningum í vitleysu. Nei annars, ég kveiki bara á kertum.

:: geimVEIRA:: kl. 00:11:: [+] ::
...

Ég vildi að ég fílaði fleiri sungin lög, með kvenröddum. En ég hlusta orðið mest á rafræna tónlist með ósköp litlum söng t.d. fíla ég "Midnight in a perfect world" með Dj Shadow voða mikið núna og með Thievery Corporation oft og yfirleitt intstrumental lög líka.
Do do do mííí, re re re faaa, mí mí mí, re re, doooooooo. Já Gamli Nói, kiss my ass!

:: geimVEIRA:: kl. 13:24:: [+] ::
...

Good news, ég var að fá frí í einum tíma í dag.
Bad news, það er ekki tíminn sem ég er ólærð fyrir.
Worse news, þetta er skemmtilegasti tíminn og mig langaði að fara í hann í dag.

:: geimVEIRA:: kl. 12:52:: [+] ::
...

Af hverju finnst mér svona mikið vesen að drekka vatn? Vatnið sem er svo hollt og gott. Ég sit í lengri tíma með hausverk af vökvatapi, frekar en bara að fatta að fá mér vatn að drekka.
Ég gleymdi að læra heima, ætlaði að gera það í hádeginu, en ég bara get það ekki af leti.... Hvað er þetta með mann?

Það vill enginn segja neitt í "athugasemdir" kannski af því að enginn les þetta, kannski af því að enginn hefur neitt að athuga við það sem ég segi, hefði ég frekar átt að skrifa bara "Comments" ??

Mér finnst Greatest Song in the World (Tribute) eiginlega vera besta lag í heimi, besta rokklag sem ég man eftir í dag allavega. Jú besta lag í heimi í dag allavega. Þessir gaurar eru frábærir. Diskurinn þeirra fer á óendanlega listann minn hjá Amazon, það er alveg á hreinu.

:: geimVEIRA:: kl. 12:38:: [+] ::
...

:: geimVEIRA:: kl. 00:37:: [+] ::
...

If a vegetarian eats vegetables, what does a humanitarian eat?

:: geimVEIRA:: kl. 00:29:: [+] ::
...

Ég hafði aldrei fattað hvað þetta "Blogg" ætti að merkja, frekar skrýtið orð. En ég var að komast að því að þetta er stytting á "weblog" .... sniðugt!

:: geimVEIRA:: kl. 15:20:: [+] ::
...

Sjáið þetta, þetta er snilld!!!

Original English Text: It is a wonderful life!
Translated to French: C'est une vie merveilleuse!
Translated back to English: It is a marvellous life!
Translated to German: Es ist ein erstaunliches Leben!
Translated back to English: It is an amazing life!
Translated to Italian: È una vita stupefacente!
Translated back to English: Narcotic life is one!
Translated to Portuguese: A vida narcotic é uma!
Translated back to English: The life narcotic is one!
Translated to Spanish: ¡La vida narcótica es una!
Translated back to English: The narcotic life is one!

:: geimVEIRA:: kl. 00:33:: [+] ::
...

Bloggið og ég erum ekki vinir ..... hvað gerði ég???

:: geimVEIRA:: kl. 18:26:: [+] ::
...

Greinarmerkjalaust reiðihjal:
Það er makalaust hvað fólk getur verið frekt og leiðinlegt og stressað mann með mál sem koma manni ekki við en maður vill vera góður og hjálpa til með og síðan þegar maður hefur ekki getað sofið út af stressi yfir þessum málum þar sem svo mikil áhersla var lögð á að mikið lægi á og maður er búinn að eyða hálfum laugardeginum sínum í þessi mál í staðinn fyrir að geta notað tímann í eigin mál sem líka þarfnast úrlausnar og maður hringir tilbúinn í slaginn til þess að rumpa þessu af sem fyrst svo maður geti í það minnsta sofið út á morgun í friði og átt þann dag í friði og í fríi en maður hringir og manni er sagt að þetta verði að gerast á morgun en ekki í dag eftir alla vinnuna og stressið sem maður lagði út í út af málinu sem kom manni ekki við en maður vildi hjálpa með - ÞÁ VERÐUR MAÐUR ÓGEÐSLEGA ÓGEÐSLEGA ÓGEÐSLEGA ÓGEÐSLEGA FÚLL REIÐUR PISSED OG SÁR.

Og síðan er makalaust hvað fólk getur verið gott og skemmtilegt og hjálpað manni með mál sem þurfa ekki að koma þeim við en er alveg frábært að það nennir að hjálpa manni með og redda, yfirfara, fikta og laga út í eitt, og fram á nótt. Þá verður maður SVAKALEGA SVAKALEGA ROSALEGA GLAÐUR OG FEGINN. Þótt ég og Bloggið séum greinilega ekki orðir vinir ennþá, þá eru Lyftarabretti og Garpur reddarar dagsins og fá knús og þessa forláta brauðsneið með þessu forláta krabbasalati. Takk kærlega fyrir hjálpina!

:: geimVEIRA:: kl. 18:12:: [+] ::
...

Maður verður nú bara að blogga smá til að kanna þetta, nú er Garpur búin að hjálpa mér helling og laga allskonar bögga..... Skyldi þetta koma rétt út núna???

:: geimVEIRA:: kl. 00:27:: [+] ::
...

Ég fór áðan og kíkti á tölvu hjá gömlum karli. Tölvan var öll í klessu, mjög líklega vírus þar á ferð. Þessar veirur sko... alveg klikk!!!!
Karlinn notar MS Works og það var bara gersamlega horfið, síðan var IE bara með þetta magnaða rugl Windows error, eitthvað á þá leið: unable to find internet explorer32, og karlinn vildi svo mikið vita hvers vegna 32. Eins og gefur að skilja átti ég ekki betri útskýringar en að þetta væru klassísk Microsoft error skilaboð, enginn skyldi þau og það væri m.a. þess vegna sem svona margir hata Microsoft. Karlinn fékk svona hugljómun, "Jaaaá, þarna er það ekki Bill Gates sem á það fyrirtæki?" - "Jú einmitt", sagði ég. Æ greyið, hann var með McKaffee vírusvörn, sem ég var aldrei mjög hrifin af - og greinilega hafði ekki verið nógu idiotproof, því hann hafði aldrei heyrt um annað eins og að sækja sér vírusupdate reglulega. Enda kom upp úr krafsinu að vírusvörnin var hreint ekkert að gera, sagðist ekki hafa öll component 'n sheite.
Sko, við veirurnar tökum nú svona vélar án fyrirhafnar, algerlega útglenntar - upp á gátt, meina ég. Iss.
Verst að nú þarf ég einhvern veginn í fjáranum að koma almennilegri vírusvörn upp, og reyna að keyra vélina. Ætti ég ekki að geta notað mínar bootdiskettur bara upp á clean boot ???? Shout-ið svarið ef einhver veit.
Ég fór að versla og endaði með að kaupa svínarif til að gera svona austurlenskan ostrusósurétt *yum* sem ég hef ekki smakkað í háa herranstíð, síðan verslaði ég sko dilkahjörtu, í fyrsta skipti á ævinni. Þessu fylgdu náttúrulega hinir ýmsustu óþarfa bullhlutir, svo margir... að það var ekkert pláss fyrir Bud Ice bjórinn sem lá þarna í sakleysi sínu. Og fyrir það mun hann deyja.
*rop* Kaldur og fínn. Já, það var gott að hann var svona fyrir mér, hann þessi!

:: geimVEIRA:: kl. 17:32:: [+] ::
...

Besta útvarpsstöðin á landinu: Muzik 88,5 eina rásin þar sem maður er laus við heimska útvarpsmannamisvitringa og maður velur lögin inn sjálfur.

:: geimVEIRA:: kl. 14:11:: [+] ::
...

Ég fór á Kaffibrennsluna í hádeginu og fékk mér cappuchino og baguette og las íslensk kerlingablöð því mogginn var frátekinn. Þar var slatti af Skotum í flottum múnderíngum, pilsum með töskur og allt að drekka bjór. Það er allt morandi í þeim og þeir virka svo hressir að vera í pilsunum og allt í roki/rigningu/kulda alveg allan tímann sem þeir eru hér, mig langar að garga á þá "Oy- kick arse!" en þá væri maður föðurlandssvikari, svo ég bara þykist aldrei sjá annað en Skota í hópum, í skotapilsum niðrá Lækjartorgi (svona NYC attitude dæmið) og flissa með sjálfri mér þegar ég er komin framhjá (smábæjarpíku attitude dæmið). Ég var byrjuð að sjá þá á miðvikudaginn þótt Ísland-Skotland leikurinn verði ekki fyrr en á laugardag, ég heyrði í fréttum að þeir væru 2000 Skotarnir sem ætli á leikinn. Karlar í pilsum, ekki svo vitlaust.

:: geimVEIRA:: kl. 13:39:: [+] ::
...

Góðan dag!
Hérna verður röflað og talað um nákvæmlega ekkert og allt. Það er nákvæmlega formúlan að alheiminum, allt ekkertið og ekkert alltið mynda alltið í heiminum. Mér finnst þónokkuð mikið af engu í mínum heimi, kannski svona röfl bæti upp eitthvað af því. Röfl er allavega eitthvað, ekki satt?

:: geimVEIRA:: kl. 10:10:: [+] ::
...