:: Þvaðurveita geimVEIRU ::

:: mánudagur, ágúst 30, 2004 ::

James Brown - Mr. Cool
Ég meikaði að fara á Hjálmatónleikana á föstudaginn og skemmti mér ágætlega eftir atvikum, tókst reyndar að fá glerbrot í hendina, en meiddi mig ekki mjög mikið, svo trallaði ég með krökkum niðrí bæ, enda ekki að meika að fara heim að sofa, það var bara mjög fínt. Á laugardaginn var ég svo boðin í þennan fína mat til Sigurdórs og Sice og svo fórum við á James Brown tónleikana. Ég var alveg gáttuð hvað þeir voru flottir. Karlinn fór gersamlega á kostum og var með mikið show í farteskinu, dansara ljósashow flott band og maðurinn dansaði líka svona þrælflottur á því, þótt gamli krúttlegi bassaleikarinn með skeggið hafi stolið senunni á tímabili. Ég skemmti mér konunglega alveg frábær að fá að sjá karlinn í fjöri, síðan var tekin stefnan niður í bæ þar sem mikið var spjallað. Ég náði því að gleyma mér sæmilega, fékk reyndar megabömmerinn í gærdag var sem betur fer ekkert þunn þrátt fyrir að hafa drukkið bjór í fleirtölu og eitt tequilaskot (já og eitt sambucaskot í þokkabót). Eftir mikla naflaskoðun í gær og pælingar er ég alveg með heavy hnút í maganum og leið mér hreint ekki vel í dag enda mjög erfiðar ákvarðanir framundan og ég ekki hugaðasta konan í heimi þegar kemur að stórum breytingum.

Mér finnst þetta veður líka alveg óþarfi. Skítt veður.

Ég ætla að smíða dellukarrí því ég hef verið með chili á heilanum síðan á laugardaginn þegar ég fékk svo hressandi heitan mat, maður verður alveg hooked á svona hita. Og mér veitir ekki af hita núna. Mér er skítkalt.

:: geimVEIRA:: kl. 18:19:: [+] ::
...

You got to have the feeling sure as you're born
Get it together right on, right on

Vá hvað ég væri til í að fara á tónleika með Jamie Cullum... er að horfa á þátt um stráksa, skemmtilegur.

Ég er hinsvegar að fara í kvöld að sjá ömmu gömlu, hinn eiturhressa James Brown.

:: geimVEIRA:: kl. 16:48:: [+] ::
...

Til óhamingju með daginn! Þú ert drekinn!
Hún hefur nú ekki verið upp á marga fiska líðanin undanfarnar vikur, hef átt frekar bágt með mig, en nú fékk ég aldeilis eitthvað til að hafa áhyggjur yfir... mér var ásamt öðrum starfsmönnum sagt upp í dag vegna samdráttar. Ég er alveg ofan í kjallara núna og líður ekki vel. Ég átti ekki von á að fyrirtækið stæði alveg svo illa. Ég er enn að berjast við vöðvabólgu og streitueinkenni sem ég kom mér upp í síðasta atvinnuleysi mér finnst ég ekki eiga neina orku í að fara í atvinnuleit og þar að auki vera að fara í rándýrt og krefjandi nám í vetur. Ég er full vonleysi og bömmerar síðustu daga hafa bara stigmagnast. Ég nenni þessu svo innilega alls ekki aftur. Ég er allstaðar að að fá skilaboð um að þetta þýði bara að ég verði að hella mér út í tónlistina en ég hef ekki efni á því að vinna ekki, hef ekki orku í að vera á fullu í atvinnuleit og í námi, hef hvort sem er ekki efni á náminu ef ég missi vinnuna. Ég er föst í áhyggjuhring.

Wahahahha.... "Neeei Jói er bara búinn að næla sér í feitabollu!" ... "Hvað finnst svona feitahlunkum gaman að spila?" Whahaha..... í það minnsta er Svínasúpan byrjuð! Hjúkk!

:: geimVEIRA:: kl. 22:07:: [+] ::
...

Iss nú er ég búin að reyna að fá AE til að virka í vinnunni, en fæ ekki einu sinni að tala við græjuna. Oj oj oj.

:: geimVEIRA:: kl. 09:46:: [+] ::
...

Kill Bill II - gallaður diskur
Það var Kill Bill maraþon í gær með pizzu og tilheyrandi. Þar sem ég átti eftir að sjá mynd nr. 2 var þetta mjög gaman. Það var því ansi súrt þegar uppgötvaðist að mynddiskurinn er gallaður og á hann vantar segja mér fróðir menn ca. 10 mín og eyðilagði þetta þónokkuð flæði myndarinnar, enda Herra Tarantino mikið að leika sér með það að vanda, söguþráðurinn slitnaði þó nokkuð. Ég fer því og ætla að heimta endurgreiðslu, dauðsé í rauninni eftir að hafa ekki pantað myndina frá Amazon eins og ég ætlaði mér fyrst. Við vorum með 2 DVD diska og báðir voru eins svo þetta er galli í framleiðslu. Ótrúlega lélegt.

Í kvöld fer ég svo á Hjálmatónleika en á morgun er það James Brown sjálfur.

Airport Express græjan er farin að virka, en það tók ansi mikið fikt og komst ég á sporið þegar Tryggvi benti mér á að tengja græjuna beint með kapli við tölvuna (en ekki routerinn). Þá fékk ég loksins að aftengja routereiginlega AE og skella WEPinu inn. Þetta er alveg magnað. Í gær setti ég hátalaralinga út í glugga og gat hlustað á netútvarp í gegnum lappann. Ég fann mér útvarpsrás sem spilar bara standup og hló mig því í svefn. Nú á ég eftir að prófa prentaraeiginlega græjunnar, en ef það virkar sýnist mér þetta allt vera að ganga upp hjá mér. Ég er líka búin að prófa að setja þetta við lan í vinnunni og fá með því þráðlaust net, en er eftir að sjá hvort maður lendi ekki í veseni þar sem ég er núna búin að gelda routerfuncionina. Ætti samt ekki að vera neitt mál. Gaman að fikta í þessu.

:: geimVEIRA:: kl. 08:20:: [+] ::
...

James Brown er amma mín

:: geimVEIRA:: kl. 10:46:: [+] ::
...

Grunntíðni geimVEIRU
Mér finnst merkilegt hvað talraddir karlmanna geta höfðað mismunandi til manns, söngur er annað mál kannski en það eru nokkrar raddir sem geta alveg pirrað mann óendanlega, margar sem skipta mann engu og aðrar sem senda alveg ánægjuhroll eftir bakinu á manni, ætli þetta sé sér pakki hjá fólki með tóneyru? Stereótýpísk kvenmannsrödd sem þykir flott er svona í dekkri kantinum jafnvel út í hvísl, maður hefði alveg haldið að því hærri (og minna karlmannleg) sem röddin væri því flottara, en ég held að það séu flestir sammála um að ýluraddir eru bögg (samt missir maður út úr sér eitthvað ýl og gaul þegar manni liggur mikið á hjarta - asnalegt). Það er ekki bara að dýpri karlmannsraddir séu flottari (sem væri ósköp lógískt líffræðilega) í mínum huga heldur er ég alveg að tala um lit á röddinni. Ætli allir með svoleiðis raddir séu með eins hvelfingu, ætli þeir geti sungið, ætli þetta element yrði pirrandi til lengdar? Karlmaður, sem liggur mjög hátt rómur myndi ekki ganga mikið í augu (eyrun) á mér. Betri eru kynórar en tenórar.

:: geimVEIRA:: kl. 09:09:: [+] ::
...

Bill og Bill og Hillary
Það ætlar að reynast flóknara en nokkurn grunaði að fá þetta blessaða Airport til að virka fyllilega. Hef náð hluta af fúnksjóninni til að virka, en aldrei allar í einu og bara með þó nokkru veseni. Yndislega nethjálpin var með mér í símanum í 1,5 tíma í gær, en fann ekki út úr þessu, svo fátt er eftir nema tralla með allt gismóið og leyfa þeim að spreyta sig, en fyrst þarf ég að finna mér sólarhring sem ég get verið án tölvunnar.

Í gær fór ég með vinkonum á The Village. Undarleg mynd og þrátt fyrir að þessi leikstjóri hitti ekki alltaf í mark hjá mér, átti ég von á betri mynd en þessari. Leikararnir skiluðu sínu reyndar frábærlega, Joaquin Phoenix fer að ná bróður sínum heitnum í talent. Innihald myndarinnar var spunnið svo í hringi að ég var búin að komast að leyndarmálinu mikla en orðið skítsama hvernig færi fyrir persónum myndarinnar, eftir stendur ósköp lítilfjörleg saga. Alveg nóg að sjá þessa ræmu á vídeó.

Á eftir kaupi ég mér Kill Bill 2 (sem ég á ennþá eftir að sjá) og svo annaðkvöld verður Kill Bill maraþon - mikið tjútt.

Talandi um Bill, ferlega finnst mér Clinton karlinn easy á því, gaman að honum að fá sér eina með öllu og svona - snilld. Hefði alveg verið til í að spjalla við karlinn.

:: geimVEIRA:: kl. 13:48:: [+] ::
...

Airport Express er tær snilld, ég fékk þetta til að virka með nógu fjári miklu fikti. Eina sem dugir í þessum bransa. Þráðleysið er frábært.

:: geimVEIRA:: kl. 15:21:: [+] ::
...

"En hann er fallegur..."
Í gær fór ég og keypti mér Airport Express frá Apple, fór síðan í prufutíma í jóga til Guðjóns Bergmann, og dundaði mér svo frameftir kvöldi við að fikta í tengingum, en endaði síðan á tölvunördasamkundu í annarri tilraunastarfsemi. Ég er með aðeins öðruvísi uppsetningu á netinu heima en gert er ráð fyrir svo ég er enn að reyna að fiffa þetta Airportsdæmi til.

Annars hef ég aldrei áður eignast Apple tæki, ég verð að segja að bara hönnunin á umbúðunum er listaverk og ætti skilið verðlaun, vonandi kem ég þessu í lag svo ég verði jafnhrifin af græjunni sjálfri.

:: geimVEIRA:: kl. 08:38:: [+] ::
...

Og Voðafónn krúttin
Ekki í fyrsta skipti sem ég er hrifin af Og Voðafónsmönnum. Um daginn hættu þeir að rukka fyrir netútvarpsstraum og nú bjóða þeir AirPort Express á sama verði og í útlandinu. Erfitt... spennandi græjur á góðu verði hmmm? Reyndar ekki mjög erfitt, það verður erfitt að stoppa mann með fjallavísað núna.

Og bara svona af því að ég er farin að auglýsa hérna, þá er frítt að hringja á sunnudögum hjá Voðafóni og 500 mb erlent download á sunnudögum orðið frítt.

:: geimVEIRA:: kl. 13:53:: [+] ::
...

Slatti af lögum með hljómum.

:: geimVEIRA:: kl. 11:25:: [+] ::
...

Hnyttnar línur úr Under my skin

...I'd sacrifice anything, come what might,

For the sake of having you near,

In spite of the warning voice that comes in the night

That repeats and repeats in my ear,

"Don't you know, little fool, you never can win?

Use your mentality - wake up to reality."



Annars er ég að hlusta á Pink Panther theme með Bobby McFerrin - skaðræðissnillingur sem maðurinn er.

:: geimVEIRA:: kl. 11:21:: [+] ::
...

"Til að hressa veirur við á mánudegi"-listinn

Jungle Boogie - Kool & the Gang

You Turn - SG Quintet

La Femme d'Argent - Air

Shelter - The Brand New Heavies

Midnight in a Perfect World - DJ Shadow

:: geimVEIRA:: kl. 10:31:: [+] ::
...

Stickittothemoniosis

"You have to use your head and your mind and your brain."

Ég horfði á School of Rock í fyrsta skipti í gær. Kom mér á óvart, hló eins og vitleysingur.

"This is the best school I've ever teached at"

Jack Black er frábær! Flottastur sem leikari og spaugari en hann er flottastur sem söngvari. Mig langar í Tenacious D DVD-inn.

:: geimVEIRA:: kl. 09:55:: [+] ::
...

What the fuck
Mikið hefur mig langað til að stroka út eip helgarinnar, en samt held ég að ég sleppi því, þótt ekki væri nema til að minna mig á what's what.

They know what is what but they don't know what is what, they just strut, what the fuck...

Ég er að detta í mikið tónlistarstuð, væri alveg til í að fara á tónleika í kvöld. Og annað kvöld og hitt kvöldið.. eeeða æfa með góðu fólki. Eða það. Eeeeeða æfa mig sjálf í tónheyrn... Eeeeða... fikta í græjunum. Valmöguleikarnir eru alveg þónokkrir. Á stefnuskránni er allavega Kill Bill maraþon, Hjálmatónleikar á föstudaginn og síðan Herra James Brown í eigin persónu. Get up-ah! Get on up-ah!

Hvað um að elda upp austurlenskan storm í kvöld? Jú held að það sé málið. Hvítlaukurinn rennur hvatlega niður... thai eða indverskt... kannski maður taki taílenska pakkann í kvöld. Já held það bara. Care to join me?

:: geimVEIRA:: kl. 09:12:: [+] ::
...

Það var mjög gaman á giggum gærdagsins. Við spiluðum á Líknardeildinni í Kópavogi og brunuðum síðan niður í bæ og spiluðum í gleraugnabúð. Þetta gekk alveg ágætlega, hressandi aðeins að troða upp.
Svo héldum við hópinn þau sem ekki voru með fyrirfram ákveðin plön, fórum niðrí bæ og leituðum að stað til að borða, sem var náttúrulega mjög bjartsýnt kl. rúmlega sjö og víðast 1-2 tíma bið eftir borði. Samt á endanum fengum við borð inn á indversk-pakistönskum stað sem heitir Shalimar. Þar fengum við fínan mat alveg og sátum og drukkum bjór og spjölluðum.
Flugeldasýningin var rosafín, merkilegt hvað þarf lítið til að gleðja mann, bara liti og björt ljós. En þegar við ætluðum að setja okkur í samband við restina af hópnum kom í ljós að sem á fyrri Menningarnóttum hrundu gsm-kerfin svo engin leið var að ná sambandi við rest hópsins. Ég hafði ætlað að fara á Hjálmatónleika á Grandrokk en það var meiri stemming innan hópsins að fara á Geirfuglana. M.v. mannfjöldann og símasambandsleysi ákvað ég að halda hópinn, svo þegar maður var búinn að borga sig inn og kominn með borð var ljóst að maður færi ekki fet, en við náðum aldrei í neinn krakkanna fyrr en undir það seinasta. Þetta var ágætisfjör, ég dansaði og skemmti mér mjög vel.
Ég er enn með grænt í auganu mínu. Fór að sofa með vitlausa sæng og varð kalt í nótt, ekki nógu sniðugt hjá mér. Ég er komin í græna teið og sólhattinn. FARÐU KVEF!

:: geimVEIRA:: kl. 14:53:: [+] ::
...

Nýr dagur, ný plön, nýjar eftirvæntingar.

Ég vaknaði með sýkingu í auganu og kvef ofan í mér. Ég nenni ekki að taka til eftir þetta dæmi í gær, verð að fara í sturtu og neyðaraðgerðir til að ná rödd úr þessu kýli.

Í dag er gríska bandið Feta með 1 og hálft gigg bókað. Þetta leggst bara vel í mig allt saman - dagurinn í dag bara hlýtur að verða betri en gærdagurinn, hann verður bara að vera það! Menningarnótt og tjútt... úff.. best að gera sér samt ekki of háar vonir. Hvað er í sjónvarpinu í kvöld annars?

:: geimVEIRA:: kl. 12:34:: [+] ::
...

Hvernig fóru pantanirnar?
"Pant hafa gaman á æfingu í kvöld!" - æfingin á fimmtudaginn var ekki að slá í gegn, ég var alveg í ruglinu á egginu og langaði bara ekki mikið að syngja.
"Pant hafa gaman á æfingu á morgun!" - æfingin sem átti að vera í dag gufaði bara upp í dissi.
"Pant hafa gaman um helgina á giggi og tjútti!" - Það er ennþá von.

"Pant ekki fá kvefpestina sem er að reyna að fella mig!" - *hóst hóst - helvítis veirur!*
"Pant ekki offa alla sem ég þekki!" - Ætli yfirdrullun og general eip hér að neðan klári það ekki bara nett fyrir mig... ekkert eins offandi og eip.
"Pant ekki missa coolið"... Já.. ég er gersamlega búin að missa kúlið í kvöld.


Vinur minn hringdi þó í mig og talaði mig úr dramamode yfir í sæmilegt skap á ný. Ekki veitti af. Ég er dramadrottning dauðans þessa dagana.

Segið margt um mig - en aldrei láta ykkur detta í hug að ég sé ekki dramadrottning!

:: geimVEIRA:: kl. 04:59:: [+] ::
...

Og látið svo aldrei neinn segja ykkur að ég sé ekki dramadrottning.

En ég er semsagt mjög sár eitthvað núna.

:: geimVEIRA:: kl. 01:51:: [+] ::
...

Missa kúlið.. ha ég?

Shoot me now.

Það hefur nákvæmlega ekkert af því sem ég stefndi að í sumar ræst. Ég er nákvæmlega á núllpunkti í tónlistinni sem ég vil vinna í, tónlistin sem ég vinn í bara svona af því bara, er ekki að gera sig, ég er í hlutverki sem ég á ekki heima í í tónlist sem ég á enn síður heima í og það litla sem ég reyni að gera í því var gagnrýnt til dauða á síðustu æfingu (réttilega, því ég sökkaði royally enda eggjahristur með ekkert slagverksbackup frekar mikið ömurlega lélegur pakki). Ég er með raddvandamál af streitu og streitu af raddvandamálum. Ekkert af þessu er að skila mér mikilli ánægju, ég er búin að vera biðstöðu/ vonast eftir framkvæmdum / "sjá til" pakkanum síðan í fokkings apríl og ég er komin með ógeð á þessu. Svona verða frekjur til. Svona verða svona leiðinlegar dívur til sem drulla yfir allt og alla. Það sem meira er, svona verða quitterar til.

Ánægjan í þessum pakka er svo ótrúlega scarse. Ég hef ekki andlega orku í að hlakka til framkvæmda sem byggja á flaky liði og þúsund "ef"-um.

Þegar er gaman, er óendanlega gaman í þessu. Þegar er leiðinlegt er það allur sjálfs-efi, minnimáttarkennd og móralar rolled into one. Skítabransi. Skítabransi. Hvað er maður að spá? :(
Best að opna á sér æð!

:: geimVEIRA:: kl. 01:36:: [+] ::
...

Ömurleiki
Eftir vægast sagt ömurlegan dag sem var lífgaður við með loforðum til sjálfrar mín og frítöku og mikilli orku í tiltekt með gulrót um grillgilli í kvöld er fullkomið spennufall og súrleiki í gangi.
Í dag kl. 17 var plönuð æfing með 3ja daga fyrirvara með píanístanum. Kl. 16 hringdi ég í hann til að double-tékka hvort það væri ekki allt kýrskýrt sem og blása til grillgillisins kl. hálfníu, og við myndum hittast kl. 17. Þá kom í ljós vesen sem fól í sér smá útréttingar svo því var frestað til kl. 18, en svo að verða sex hringdi hann og sagðist tefjast meira en hann ætlaði að koma bara um leið og hann reddaði málunum. Ég sá því að upphaflega plan mitt um að æfa í ca 2-3 tíma og ná svo að skjótast í búð (því ég átti ekki neitt til að grilla) var farið í rugl... en sá að 1,5 tími var betra en ekki neitt og hélt mér upphitaðri og gerði mitt besta í stressi að undirbúa gestakomu um leið.
Ég hélt áfram að laga til og skrattast en aldrei það mikið að ég gæti ekki innan 5 mínútna verið byrjuð að syngja og æfa.
Svo hringdi ég í píanistann þegar ég var orðin megaþreytt á þessu, þá svaraði ekki einu sinni og þá sá ég að þetta var greinilega alveg í 1000% rugli og ég mjög vonsvikin, enda búin að hlakka mikið til. Ég sumsé var í biðstöðu í 3-4 tíma og fékk síðan partýið sem ég kallaði yfir mig, en algerlega sjálf í 0% stuði enda átti ég ekki mat og ekki búin að uppfylla dagskrána sem ég basically tók mér sumarfrí til að uppfylla.
Svo þegar mannskapurinn loksins sýndi sig seint og um síðir var ég algerlega búin á því, komin með brjóstsviða og ekki búin að fá neins konar upplyftingu.
Það var grillað og mér var gefið kjúklingalæri og sitthvað sem fólk hafði komið með, en svo náðist allt í lagi stemming eftir matinn þannig séð, en ég var rétt svo að komast í stuð þegar kl. kortér í eitt nákvæmlega ALLIR fóru bara og húsið tómt kl 0:55. Ömurlegt. Ömurlegt. Þetta er það glataðasta sem ég hef lent í lengi, eftir tilhlökkunina...
Mér líður ÖMURLEGA. Mig langar alveg örugglega ekki að standa í svona kjaftæði á næstunni. Ég er megasár yfir ruglinu með þessa æfingu, ég er megafúl að allt fjörið skyldi verða svona endasleppt. Af hverju vel ég alltaf svona shaky plön til að hressa mig við?
Þetta geri ég ekki aftur það er nokkuð ljóst. Djöfull er þetta glatað!

:: geimVEIRA:: kl. 00:59:: [+] ::
...

Búmm
Það er svo ógurlega margt að brjótast um í mér. Margt sem ég þarf að gera, margt sem mig langar að segja, margt sem ég þarf að halda aftur af mér með, margt sem er ekki hægt og þó. Ég er að springa.

Eina lausnin sem ég sé út úr þessu öllu er að halda áfram að njóta þess að vera lifandi og halda áfram að vera ég sjálf. Njóta andartaksins. Reyna að hætta að hugsa svona mikið.

Þegar er svona mikið maður sjálfur alltaf fer manni að leiðast félagsskapurinn. Ég sjálf með tilfinningar út og suður, á hormónatrippi og raunsæiskasti er algjörlega off. Hvað gerir maður við svona fólk?

:: geimVEIRA:: kl. 10:01:: [+] ::
...

Hvorn kysir þú?

:: geimVEIRA:: kl. 15:51:: [+] ::
...

Panting panther pantalons
Pant hafa gaman á æfingu í kvöld!
Pant hafa gaman á æfingu á morgun!
Pant hafa gaman um helgina á giggi og tjútti!

Pant ekki fá kvefpestina sem er að reyna að fella mig!
Pant ekki offa alla sem ég þekki!
Pant ekki missa coolið!

:: geimVEIRA:: kl. 14:37:: [+] ::
...

Ef þetta hressir mann ekki við þá veit ég ekki hvað gerir það! Nema ef kannski þetta.

:: geimVEIRA:: kl. 02:51:: [+] ::
...

Frátekin hjörtu
Ég var alveg búin að steingleyma hvernig þetta er. I'm a goner. Shoot me now!

:: geimVEIRA:: kl. 02:33:: [+] ::
...

Tónlist
Ég tók þrælskemmtilega æfingu með vini mínum píanistanum á fimmtudaginn, en ég tók mér sumarfrí á föstudaginn var og tók mini-tjúttpakka á fimmtudagskvöldið þegar ég fór á tónleika með Doors tribute bandinu. Þeir voru alveg svakalega flottir strákarnir, Björgvin Frans alveg magnaður sem og bandið í heild. Svo var kjaftatörn fram undir morguninn (andskotinn hitti ömmu sína alveg hreint) og svo var önnur stutt æfing með píanistanum. Ég kíkti aðeins í bæinn á föstudagskvöldið, en á laugardaginn var æfing með gríska bandinu. Sú æfing var ótrúlega skemmtileg, en við fengum aðstöðu í Hljómskálanum. Þangað inn hafði ég aldrei komið fyrr, mjög gaman að sjá þetta, en svo var veðrið svo frábært alveg að við stilltum upp úti og æfðum í 3 tíma í glampandi sólskini og hita.

Svo var farið í útilegu. Grundvallarmistök voru gerð í að reyna að eltast við veðrið og breyta plönunum svo í stað 40 mín keyrslu á upphaflegan áfangastað enduðum við í 6 tíma dauðaleit að söngvænu tjaldstæði á Suðurlandi. Öll möguleg stæði í nánd Hveragerðis voru skoðuð án árangurs. Stefnan var tekin á Haukadalinn en stórkostlega lélegar móttökur af tjaldverði á Geysissvæðinu urðu þess valdandi að engan langaði að dvelja þar lengur en 5 mín. en án þess að nokkurt tilefni væri til var hótað lögreglunni ef við yrðum með læti (en við vorum á engan hátt með læti eða að gefa til kynna að það væri á dagskrá), mjög mjög ömurlegt viðhorf. Mín var orðin illilega pissed og þreytt og langaði ekkert frekar en að fara heim, en að lokum var tjaldað við fossinn Faxa í algjöru myrkri. Svo var grillað og sungið, dansað og tjúttað við útikertaljós. Ágætt m.v. allt og allt, mér tókst samt að offast hressilega um nóttina. Var fullkomlega ósátt við allt og alla og færði allt dót ferðafélagans úr bílnum í tjald því ég var svo mikið á leiðinni heim bara, en ég var þó það gáfuð að ákveða að hugsa málið betur og ákvað að ég yrði bara að hætta þessu rugli hið fyrstasta. Svo ég fékk vinkonu bíllykilinn og sagði henni að passa hann bara því ég væri fullkomlega að eipa enda myndi ég aldrei aka full og hafði aldrei áður látið mér detta það í hug nokkurn tímann. Merkilegt, ég hef sko aldrei fyrr né síðar lent í svona spælingarkasti í glasi. Greinilega alveg búin á því eftir svona pirring og steypu, en svo bara skiptum við um umhverfi og tókum smá trúnó til að hressa okkur [mig] við, sem virkaði mjög vel. Það var líka mjög ljúft að koma heim í gær. Ég eldaði mér fajitas og á líka svoleiðis tilbúið í kvöldmatinn í kvöld, liggalái!

Mánudagsblúsnum var bjargað þegar ég frétti af því að æfing með nýju sniði yrði á morgun og stefnt að því að borða saman. Ég hlakka mikið til. Svo er bara farið að styttast í skólann. Úff ég þarf að fara að finna tónheyrnarbækurnar mínar og æfa mig. Það er búin að vera svo mikil tónlist á mér þessa dagana, alveg frábært! Tónlist er sálarfæði.

Er ekki hressleiki annars bara?

:: geimVEIRA:: kl. 10:27:: [+] ::
...

Alveg met
Það var með því betra sem ég hef ákveðið að taka mér annan sumarfrísdag í gær. Hitametið yljaði mér svo sannarlega og ég sólaði mig úti á svölum ásamt því að fara í sjúkranudd. Frábær dagur. Í gærkvöld var svo stefnan tekin á Doors-tribute tónleika, en þegar af opinni æfingu Grams-tríós Davíðs Þórs, Helga Svavars og Jóels Pálssonar fréttist á Sirkus var ákveðið að kíkja þangað fyrst. Þetta hófst mun seinna en til stóð og þegar þeir voru byrjaðir var ekki fræðilegur að yfirgefa svæðið maður stóð bara og gapti. Ég hef ekki gerst svo fræg að koma inn á Sirkus áður og fannst mér þetta mjög sérkennilegt og skemmtilegt samansafn fólks. Ég komin í þennan svaka sumarfrísfílíng (og gleymandi svona mátulega almennilega að ég væri alls ekki í fríi morguninn eftir) fékk mér alveg bjór í fleirtölu kjaftaði mikið og skemmti mér þrælvel alveg.

Mér finnst ég mikil hetja að vakna ágætlega hress eftir 3ja tíma svefn, gef ekki mikið í hvernig maður endist í dag samt, en það er eins gott að taka tónleikana í kvöld með trompi fyrst maður skrópaði í gær, ég er búin að heyra að þeir hafi verið alveg magnaðir.

Ég hef svo margs til að hlakka, æfing í dag, tónleikar í kvöld, æfing og útilega um helgina. Ég hef ekki tíma til að sofa, vinna eða gera nokkuð það sem eðlilegt telst svo sem taka til heima hjá mér, en enn og aftur var draslarinn busted. Hvað vil ég í jólagjöf? BUTLER! But of course!

:: geimVEIRA:: kl. 08:37:: [+] ::
...

Gott er blessað veðrið, ég tók mér sumarfrí barasta bara. Vúhúú!

Æi sjáiði hvað hann er flottur:

:: geimVEIRA:: kl. 08:24:: [+] ::
...

Þvaðurveita Reykjavíkur og nágrennis í samvinnu við Skonrokk á Íslandi kynnir: Uppskriftaveituna

Eftir uppskriftapælingar og matarsamræður miklar við Sigurdór fyrir nokkrum vikum ákvað ég að opna uppskriftaveitu. Þar verða bara birtar uppskriftir sem hafa verið prófaðar af okkur sjálfum og helst uppbullaðar af Skonrokki og geimVEIRU og snilldarlegir matreiðslutaktar sýndir og sannaðir með uppskriftum.

geimSKONSUR - verði ykkur að góðu!

:: geimVEIRA:: kl. 21:56:: [+] ::
...

Ég er á svona trippi þar sem allt sem ég geri er glatað. Var á æfingu í þessu gríska dóti og var alveg ekki með á nótunum, enda var ég að hrista egg út í loftið eitthvað og var ekki að finna mig í þessu - söng eitthvað smá sem var allt í lagi. Ég er ekki slagverksdýr þótt ég hafi gaman af þessu er leiðinlegt að vera dragbítur þegar maður er ekki að meika að grúva í 15/8. Ég er alveg alvarlega fólkið í kvöld. Er með allskonar tónlistarlega mórala. Þarf illilega á því að halda að komast í að spila tónlist að mínu skapi. Þarf að rifja upp efni síðasta vetrar, enda gekk mér ekki nógu vel í hljómfræðinni.

Æi ég nenni ekki þessu veseni. Ég krosslegg fingur að það verði stemming mikil fyrir útilegu næstu helgi, það er akkúrat það sem mig vantar núna.

:: geimVEIRA:: kl. 23:32:: [+] ::
...

Ég lenti í nokkuð spaugilegri könnun hjá Gallup varðandi gosdrykki. Þar sem ég er alveg svakaleg í Diet-Coke drykkjunni voru svörin meira og minna á þennan veg.

"Já. Nei. Diet Coke. Frekar sjaldan. Nei. Diet Coke. Diet Coke. Sítrónutoppur. Diet Coke. Diet Coke. Of dýrt. Diet Coke." Ég og könnuðurinn vorum alveg komnar í hláturskast.

Mér finnst að Vífilfell ætti að gefa mér afsláttarkort, ég þori að veðja að ég er með mestu drykkjarsvolum þessa mjaðar á landinu. Talandi um drykkju, þá gekk hressilega á bjórinn síðustu helgi þegar ég fékk hjálp við lagerinn, svo útlit er fyrir að maður hressi upp á birgðirnar, aldrei að vita nema maður fái sér enn og aftur öl.

Í kvöld fer ég samt í matarboð, á morgun var ég að vonast til að ná æfingu en eitthvað eru sms-in lengi á leiðinni frá mér, allavega fæ ég ekki svar svo ég æfi mig líklegast bara ein.

Annars óska ég barasta öllum svona, þannig og allavega innilega til hamingju með Hinsegin daga!

:: geimVEIRA:: kl. 11:33:: [+] ::
...

Mig dreymdi dónalegan draum.

Mætti alveg rætast þessi samt.

:: geimVEIRA:: kl. 10:28:: [+] ::
...

Nei, nú þarf græjukvikindið blævæng og að fá sér sæti.

:: geimVEIRA:: kl. 10:54:: [+] ::
...

Gott band, þrusugott band.
Ég var medium krumpuð í vinnunni í gær, en hafði það af. Svo fór ég í semi-græju dæmi og verslaði kapla, annan XLR kapal sem er styttri en sá sem ég átti fyrir, millistykki og usb kapal, enda sá sem fylgdi MBoxinu ansi hreint stuttur. Svo réðst ég á ljótuna og hafði mig til fyrir tónleika Kvintetts Sigurdórs Guðmundssonar.

Nú fékk maður loksins að heyra í þessum blessuðu Dönum og þeir hafa alveg verið innflutningsins verðir og meira til, þrusugóðir alveg. Mjög gaman að heyra líka öll þessi frumsömdu lög Sigga og Sigurdórs. You turn Sigurdórs var alveg magnað í þeirra flutningi og varð mín að passa sig alveg á tímabili að missa ekki kúlið í einum kaflanum þegar H.C. var svona þvílíkt ljúfur á því með bassamassanum. Þessi trommari var líka ferlega góður (ég tek alltaf eftir góðum trommurum). Þetta voru mjög flottir tónleikar og allir sem misstu af þeim mega naga sig í handabökin. Vonandi fær maður að heyra einhvern tímann aftur í þessu bandi.

:: geimVEIRA:: kl. 08:14:: [+] ::
...

Fínasta, ágætasta helgi bara. Já já já.
Ég fór í þrusustelpupartý á föstudaginn, með heitum ofnrétti og bleikri köku og freyðivíni með kirsuberi. Svo var trallað niðrí bæ og á 22 þar sem var kjaftað og tjúttað fram eftir morgni. Á laugardeginum kom í ljós að partýskortur var yfirvofandi en allir í stuði fyrir þess háttar... ég mannaði mig upp í að taka skemmri skírn í þrifum og blés til hittelsis heima hjá mér og sá ekki eftir því. Ótrúlega vel mætt miðað við að vera óundirbúnasta partý sem ég hef haldið, við sátum til rúmlega 3 en þá var ákveðið að skella sér niðrí bæ. Óttalega þreytt stemming orðin fannst mér í bænum samt, náttúrulega kl. orðin margt, en þetta var alveg ágætt. Í gær á þessum sunnudagslaugardegi þótti mér alveg synd og skömm að sofa fyrir framan sjónvarpið og vera í überrólegheitum og þegar ég heyrði að fleiri voru í þannig skapi varð úr að ég fékk heimsókn og varð mikið og gott chill úr þessu. Við kjöftuðum og kláruðum eftirlegubjóra sem ég fann hér og þar, enda ég ekki þekkt fyrir að klára bjórkippur áður en ég kaupi næstu sort. Kom sér ágætlega og hitti næturdýrið nærri ofjarl sinn í kjaftatörnum að næturlagi og var sko spjallað til 8 í gærmorgun, mjög ljúft.
Ég var samt ansi þreytt orðin í gærkvöld og svo til svaf af mér æfingu og tilkynnti skróp með mikilli skömm. Ég held að ég hafi samt náð að fara að sofa það snemma að ég muni á endanum laga sólarhringinn... mér líður samt ekki þannig núna. Núna væri ég til í að fara að sofa, vakna síðan um sexleytið og hafa grillpartý, maður er náttúrulega alltaf til í geim. Það er reyndar ekki svo gott, því ég er víst vinnudýr í dag. Bót í máli er þó að það eru jazztónleikar á Grandrokk í kvöld. Ég hlakka til, enda alltof langt síðan maður hefur farið á jazztónleika.

:: geimVEIRA:: kl. 08:40:: [+] ::
...

Apollo

?? Which Of The Greek Gods Are You ??
brought to you by Quizilla

:: geimVEIRA:: kl. 12:07:: [+] ::
...