:: Þvaðurveita geimVEIRU ::

Fyrsta tölva geimVEIRU - Sinclair ZX Spectrum 48K
Þvaðurveita Reykjavíkur og nágrennis
- Þ R O N -
:: Þvaðurveita geimVEIRU :: Forsíða | e-mail | Skoða gestabókina | Skrifa í gestabókina |
[::..Andlega óvanheila veðrabeibið..::]
Hin stelpan varð úti - enda allt of heimsk til að mega vera hérna, þessi er með viti.
[::..Allur réttur áskilinn, öll opinber birting og/eða eftirritun í opinberum fréttamiðlum, þ.m.t. prent-, vef-, sjónvarps- og útvarpsmiðlum, er óheimil án skriflegs samþykkis höfundar...::]
[::..Gamalt þvaður..::]
október 2002 nóvember 2002 desember 2002 janúar 2003 febrúar 2003 mars 2003 apríl 2003 maí 2003 júní 2003 júlí 2003 ágúst 2003 september 2003 október 2003 nóvember 2003 desember 2003 janúar 2004 febrúar 2004 mars 2004 apríl 2004 maí 2004 júní 2004 júlí 2004 ágúst 2004 september 2004 október 2004 nóvember 2004 desember 2004 janúar 2005 febrúar 2005 mars 2005 apríl 2005 maí 2005 júní 2005 júlí 2005 ágúst 2005 september 2005 október 2005 nóvember 2005 desember 2005 janúar 2006 febrúar 2006 mars 2006 apríl 2006 maí 2006 júní 2006 júlí 2006 ágúst 2006 september 2006 október 2006 nóvember 2006 desember 2006 janúar 2007 febrúar 2007 mars 2007 júlí 2007 ágúst 2007 október 2007 nóvember 2007 janúar 2008 febrúar 2008 mars 2008 apríl 2008 maí 2008 júní 2008 júlí 2008 október 2008 desember 2008 nóvember 2010
[::..Tempus fugit..::]
[::..Blogg gæðafólks sem ég hef hitt..::]
:: Bulld0zer::
:: ErlaROKK::
:: Sandkastalinn::
:: Skonrokk::
:: Hafdís::
:: Kjartan::
:: Señor Diaz::
:: Stína::
:: María::
:: Sigginn::
:: Erna og Murder the Exterminator::
:: Atli::
:: Steini::
:: Snerillinn::
[:: geimVEIRA í Southpark ::]
[::..Þétt tónlistardýr..::]
:: Jóel Pálsson::
:: Tómas R. Einarsson::
[::..Frábær lög vina og kunningja..::]
:: You Turn
:: Gengið á gufununum
[::..Annað tengt tónlist..::]
:: Berklastofnunin::
:: DiSK hjá Digidesign::
:: Múlinn::
:: Taktmælir::
:: Netverslun audioMIDI.com::
:: Pandora::
:: Nokkur lög með hljómum::
:: Slatti af lögum á midi::
:: Samplsaga::
:: Trompetsólóasíða::
:: Sheetmusic Direct::
:: Netverslun Music123.com::
:: Nótnapapprsblöð::
:: Real bækur::
[::..Skemmtileg blogg fólks sem ég þekki ekki..::]
:: Richard Melville Hall::
:: Katrin.is M.Sc.::
:: D.Þ.J.::
:: Þórdís Nadia::
:: Dr. Gunni::
:: Trigger XLII::
:: Hvað hugsar Albert?::
:: Bedda::
:: Frábæri ljósmyndarinn::
:: Unnur::
:: Sverrir::
:: Elsa::
:: tóta með litlum staf::
[::..Ýmsar ágætar síður..::]
:: Mogginn á netinu::
:: VCD leiðbeiningar::
:: Afbollunarvefur::
:: Íslensk orðabók::
:: Gargandi snilld::
:: Vírusalistar::
:: NASA::
:: Π::
:: Vírusa- og glufuleit::
:: geimSKONSUR::
:: Persónuleikapróf::
:: RSS fréttaþjónusta mola.is::
:: Nafnlausar játningar::
[::..Hringavitleysa..::]
Vefhringur
< ? iCeBloG # >

:: föstudagur, júlí 30, 2004 ::

Lélegt! Tímaskekkja! Frat!
Ég lýsi hér með yfir frati á ömurlega þjónustu vínbúðar ÁTVR í Vestmannaeyjum um verslunarmannahelgina. Ég á vinnufélaga sem ætlar að fara út í Eyjar og er ég meira en lítið gáttuð að heyra að þetta ríkisapparat lokar kl. 12 í dag á föstudeginum fyrir þjóðhátíð og ekki aðeins er lokað á óeðlilegum tíma í dag, heldur er ekki opið á morgun eins og alla aðra laugardaga, sjá fréttatilkynningu hjá ÁTVR.
Ástæða þess að ég er svona hneyskluð er, að á meðan einokun ríkisins er á sölu þessa varnings þykir mér grundvallaratriði að þjónustustig sé eins hátt og mögulegt er og verslanir séu reknar undir almennum auglýstum opnunartíma á hverjum stað fyrir sig. Verið er að stefna þúsundum aðkomufólks í bæinn þessa helgi og er alveg þekkt að margur mun ætla sér að fá sér í glas þessa helgi. Vegna lokunar þessarar vínbúðar sem auglýsir opnunartíma yfir sumartímann frá mán. til fim. 11:00 - 18:00, milli kl. 11:00 - 19:00 á föstudögum og svo milli kl. 11:00 - 14:00 á laugardögum, er verið að búa ferðamönnum sem hyggjast fá sér í glas mjög erfiðar aðstæður og verið að þvinga þá til þess að a) koma með veigarnar með sér af meginlandinu b) kaupa allt vín á uppsprengdu verði á veitingasölum bæjarins c) að drekka ekki þrátt fyrir að hafa ætlað sér það. Enginn þessara kosta þykir mér boðlegur í dag, neytandinn á velja svonalagað fyrir sjálfan sig.
Mér þykir það ljóst að sé verið að þvinga fólk til þess að hafa með sér vín muni það leiða af sér tvennt. Annars vegar að ef fólk eins og flestir í dag vilja, ætlar að drekka bjór er ljóst að flestir munu þurfa að burðast með 6-10 kíló af neysluvöru sem ríkið á að sjá til þess að sé seld í bæjarfélaginu, fyrir utan farangurinn og matvæli er verið að hækka umframþyngd með farþegum í flugi á mjög óeðlilegan máta, enda algerlega fáránlegt að fólk ráði því ekki hvort það kaupi neysluvöru í smásölu ef hún á annað borð er í boði dagsdaglega. Hins vegar eru það þeir sem munu ekki nenna að druslast með þunga vöru eins og bjór og léttvín, en ætla samt að detta í það. Hvað gera þeir? Jú þeir munu hafa með sér sterkt vín enda léttara í farangri og minni hætta á yfirvikt. Er það nú til bóta? Ég hefði talið að langt langtum skárra væri að fólk hefði nægan eðlilegan aðgang að léttu áfengi á borð við bjór á venjubundnum opnunartíma, en að fólkið sem sullar á flugvellinum til dæmis sé að læðast í sterkvínin.

Sé markmiðið að auka innkomu hjá bæjarfélaginu með því að þvinga þjóðhátíðargesti til þess að versla á veitingastöðum, þá þykir mér það mjög gróf miðstýring enda ekki að því hlaupið að fara í næstu vínbúð þegar til Eyja er komið. Ef markmiðið er að halda fólki edrú þá er ég ansi hrædd um að það muni missa marks, enda þjóðhátíð ekki þekkt fyrir að vera bindidismót. Öll rök sem miða að því að starfsmenn ÁTVR megi ekki missa af skemmtuninni þykja mér dauð og ómerk enda algerlega fyrirséð að stóraukin eftirspurn eftir þessari neysluvöru þegar þúsundir fólks streyma í bæjarfélagið leyfi einfaldlega ekki að brotið sé út af eðlilegum opnunartíma verslunarinnar. Stóraukin innkoma myndi í öllu falli gera kleift að borga sérstakt álag á laun ef út í það er farið.

Öll svona átroðsla á eðlilegri þjónustu við neytendur af hálfu ríkisins þykir mér í hæsta máta óeðlileg. Ég bendi á að á Seltjarnarnesi er vínbúðin opin til kl. 20 í kvöld. Mér er fyrirmunað að sjá tilganginn í því að verslun ÁTVR úti í Eyjum sé ekki opin eins og alla aðra föstudaga til 19:00, rétt eins og aðrar verslanir ÁTVR á landinu halda sinn opnunartíma. Ef ríkið ætlar á annað borð að halda þessari einokun þykir mér lágmarkið að rekstrarafkoma allra verslana sé hámörkuð eins og frekast er unnt.

Eins og ÁTVR stendur sig vel víðast hvar og hefur verulega komið til móts við kröfur viðskiptavina t.a.m. hvað varðar opnunartíma o.fl. þá kemst ég hreinlega ekki yfir þessa yfirsjón. Ég skora hér með á fyrirtækið að fylgjast betur með því að auglýstur opnunartími sé haldinn.

:: geimVEIRA:: kl. 10:29:: [+] ::
...
Súperman með lokkinn fram á ennið
Ég ætla að vera í borginni um verslunarmannahelgina, enda betri dagskrá í vændum en á nokkurri útihátíð. Annaðkvöld fer ég nefninlega í ekta stelpupartý með fingrafæði, rauðvíni, pallíettum og varalit. Á laugardaginn er einhvers konar partý í uppsiglingu, eina sem er alveg öruggt er að það verður góðmennt og þar verður gaman, svo á sunnudaginn er æfing hjá Siglufjarðarhópnum. Í kvöld bættist við sérstaklega ljúft sígaunalag á romani svo enn bætist í tungumálakraðakið. Ég var að rifja upp með sjálfri mér að (þótt ég geti nú ekki munað margt af þessu ennþá) ég hef á ævinni sungið á íslensku, dönsku, frönsku, norsku, sænsku, ítölsku, þýsku, finnsku, dönsku, ensku, spænsku, grísku, romani (sem er sígaunamálið), rússnesku og hebresku.

Á kaffihúsi í kvöld var verið að rifja upp leiki okkar sem krakka. Meðal minna elstu minninga er þegar ég var líklegast 3ja - 4ra ára á Tjarnarborg að leika Súperman upp á hóli, og þá ákveðið atriði úr bíómyndinni sem mér fannst sérstaklega tilkomumikið, það var þegar Súperman lagðist yfir rofna járnbrautarteina og reddaði aðvífandi lest og bjargaði deginum. Þarna lá ég á maganum og krakkarnir brunuðu á lestinni yfir mig, Súperman sjálfan, mikið var reynt að laga toppinn með mátulegri slefju svo hann krullaðist fram á ennið eins og á hetjunni, en það gekk aldrei. Hárgel var ekki til og slefjan dugði hreint ekki.


Súperman bjargar deginum! Posted by Hello


Það var óumflýjanleg staðreynd í mínum heimi þegar ég var krakki, að ég var hetjan, stjarnan, kennarinn, búðareigandinn og löggan og kippti í strengina á fylgikindum eftir þörfum, enda vissi ég allt best. Á sama hóli söng ég einnig Bleika pardusinn með tilþrifum en var beðin vinsamlegast um að hætta. Síðan man ég eftir þegar ég "fann upp" ísbúð í sandkassanum. En sá búðarrekstur minn gekk semsagt út á að sækja blautan sand og þurran sand í sína hvora fötuna og selja þennan súkkulaðishake og þennan jarðarberjashake þeim krökkum sem ég náði að stjórna í það skiptið í lítil box. Ekki aðeins var þetta bransi heldur var sko kerfi á að hella úr fötunum þannig að þetta væri alls ekki fata, heldur ísvél. Þegar settur var upp kofi á leikvellinum sem var með lúgu og afgreiðsluborði lagðist þetta alveg af. Það var eins og þá væri þetta orðið of raunverulegt og sjarminn fór af þessu.

Ég snappaði smávægilega í vikunni, fór í Tónabúðina og keypti mér nýjan míkrófón. En hann er condenser sem er tilvalinn í upptökupælingarnar mínar en sem einnig hentar fyrir lifandi tónlistarflutning hann heitir Shure Beta 87C. Hann er með innbyggðan popfilter og verandi condenser og sérlegur söngmækur þá átti ég ekki orð yfir muninn á hljómnum úr þessum og svo mínum gamla Shure Beta 57A sem er dýnamískur og meira alhliða en að vera bara sönghljóðnemi/söngmíkrófónn/söngmækur (mér finnst öll þessi orðskrípi ömurleg á prenti). AER-kubburinn blessaður er samt að túra landið þessa dagana, svo ég nota ekki nýja mækinn fyrr en á sunnudaginn aftur, nema jú með MBoxinu. Kubburinn er sko að meika það meira en eigandinn, enda orðinn nokkur skemmtilegur listi fólks sem fengið hefur að spreyta sig í honum. Kannski maður ætti að halda bók um þetta, gæti verið spaugilegt síðar.

Ég er að reyna að sannfæra sjálfa mig að þessar dimmu nætur séu kósí. Það gengur ekkert rosalega vel. Það er samt dagur á morgun, skemmtilegur dagur meira að segja. Það eru ekkert nema möguleikar framundan og gott ef Súperman brúar ekki bilið fram undan á veginum. Svei mér þá, jú, mér sýnist glitta í eitthvað rautt flaksandi framundan!

:: geimVEIRA:: kl. 01:41:: [+] ::
...
:: miðvikudagur, júlí 28, 2004 ::
Nei sko? Nú jæja, svo hann er þá á leið í heimsókn :)

:: geimVEIRA:: kl. 13:08:: [+] ::
...
:: mánudagur, júlí 26, 2004 ::
Héhíhíh

:: geimVEIRA:: kl. 18:38:: [+] ::
...
Af hverju er ennþá enginn búinn að gefa mér svona?

:: geimVEIRA:: kl. 13:35:: [+] ::
...
Ég er búin að lýsa eftir sólinni í allan dag, ég er mjög glöð að fá í það minnsta smá glennur við og við. Bara munar öllu fyrir skapið.

Ég fékk smá hjálp í gær með Reason fikt, það bauðst góðhjörtuð sál til að kíkja á þetta hjá mér, sem ég þáði, ekki veitir af allri hjálp sem ég fæ, lýsi samt eftir góðum ráðum.

Já og gefið þið svo blóð!

:: geimVEIRA:: kl. 12:52:: [+] ::
...
Love Hater - Outkast

Everybody needs a glass of water today
to chase the hate away.
You know you've got company coming over,
so you scrub extra hard.

And everybody needs somebody to love
before it's too late..... it's too late

Don't nobody wanna grow old & alone

Everybody needs someone to rub their shoulders,
scratch their dandruff.
And everybody needs to quit actin' hard and shit,
before you get your ass whooped (I'll slap the fuck out ya!)

Love hater, Love hater, hater of love
love hater

Everybody needs somebody to love.


:: geimVEIRA:: kl. 11:01:: [+] ::
...
:: sunnudagur, júlí 25, 2004 ::
Jæja þá er ég búin að setja upp Reason frá Propellerhead, en ég kann ekki NEITT á þetta... góð ráð vel þegin. MBox fiktið heldur áfram.

:: geimVEIRA:: kl. 01:18:: [+] ::
...
:: laugardagur, júlí 24, 2004 ::
Fynd dagsins: Isaac Hayes hefur gefið út kokkabók og það er uppskrift að Chocholate Salty Balls í henni.

:: geimVEIRA:: kl. 14:31:: [+] ::
...
:: föstudagur, júlí 23, 2004 ::
Vááááááááá!
Loksins drattaðist ég í að fikta í MBoxinu og ég er vægast sagt mjög hrifin. Digidesign er með kennsluvídeó á netinu sem ég fann fyrir margt löngu en hafði ekki gefið mér tíma fyrr til að skoða. Þetta er það einfalt að hafandi verið á hljóðtækninámskeiðinu um árið og verandi með þessa fínu kennslu var ég farin að taka upp á fullu á hálftíma. Ég vissi að þetta ætti að vera þægilegt, en var ekki búin að fatta að þetta væri alveg svona lítið mál. Þetta fikt mun náttúrulega leiða af sér enn skuggalegri græjusýki, en það er nú bara gaman að því.

:: geimVEIRA:: kl. 18:57:: [+] ::
...
Heheheh

:: geimVEIRA:: kl. 15:51:: [+] ::
...
Nú vildi ég gjarnan vera á leið í útilegu, mig vantar einmitt svoleiðis núna.

Lag dagsins: Polyesterday með Gus Gus.

:: geimVEIRA:: kl. 11:09:: [+] ::
...
:: fimmtudagur, júlí 22, 2004 ::
A young fellow was about to be married and was asking his grandfather about sex. He asked how often you should have it.
His grandfather told him that when you first get married, you want it all the time... and maybe do it several times a day.
Later on, sex tapers off and you have it once a week or so.
Then as you get older, you have sex maybe once a month. When you get really old, you are lucky to have it once a year... maybe on your anniversary.
The young fellow then asked his grandfather, "Well how about you and Grandma now?" His grandfather replied, "Oh, we just have oral sex now." "What's oral sex?" the young fellow asked.
"Well," Grandpa said, "She goes to bed in her bedroom, and I go to
bed in my bedroom. And she yells, 'Fuck You', and I holler back, 'Fuck You too.


:: geimVEIRA:: kl. 18:54:: [+] ::
...
Svo fékk ég enga sól, ekkert sólbað fyrir svarta kjúklinginn :(




:: geimVEIRA:: kl. 18:41:: [+] ::
...
Naked Chef hunkinn Jamie Oliver að elda með grúvdýrinu Jay Kay úr Jamiroquai á BBC...  þessir tveir mega koma í heimsókn any time.  Any time I tells ya!

:: geimVEIRA:: kl. 13:11:: [+] ::
...
Fuckwits
Það er eitt sem mér finnst svo lélegt.  Ég sem einhleypt einbirni og þokkalega mikill loner fæ stundum allskyns freistandi tilboð sem ansi oft hljóða upp á 2 fyrir 1.  Þetta er gott og blessað framtak en þar sem ég hef ekki vinafjöld á lausu að staðaldri, foreldra úti á landi, er singull og á ekki systkin þá finnst mér óttalega fúlt að fá ekki að njóta fríðindanna nema að draga með mér einhverja sál.  Nú í dag datt mér í hug þar sem ég fæ afslátt í formi 2 fyrir 1 í Bláa Lónið að hringja og spyrja hvort ég fengi ekki bara helmingsafslátt ef ég kæmi í minni einsemd.  Það var nú aldeilis ekki.  Ég fæ ekki notið fríðindanna nema ég dragi einhvern með mér.  Ömurlegt.  Satt að segja er svona niðurlægjandi.  Af hverju ætti það nokkru að skipta fyrir fyrirtæki út í bæ hvort þeir fá kannski 5 einhleypa aðila inn á 50% afslætti sem þá skyldu eftir einhverja innkomu í kassann hjá þeim frekar en að fá 2 pör fólks á sama afslætti (sem skilar minni innkomu hvernig sem horft er á það).  Það er ótal oft sem ég myndi hafa nýtt mér svona díla, enda samið um þá fyrir mína hönd sem félaga í Vörðunni, VR, FÍB, handhafa VISA-gullkorts og hvað það nú er allt saman.  Þegar ég sem viðskiptavinur vill njóta fríðindanna (sem ég er náttúrulega að borga fyrir eftir allt saman) þá allt í einu má ég ekki lengur vera einstaklingur.  Afskaplega pirrandi.  Svo ekki sé meira sagt.


:: geimVEIRA:: kl. 12:51:: [+] ::
...
Já ég náði alveg að toppa sjálfa mig í nótt.  Var andvaka og svaf í tæpa tvo tíma.  Var því nokkuð ljóst að mental health day væri nauðsynlegur með öllu, svo ég er óendanlega fegin að hafa fengið leyfi til að taka sumarfrísdag í dag.  Svo er spáð svona líka svakafínu veðri, ég vona að ég sofi það nú ekki alveg af mér, en ég held að ég verði bara að leggja mig þótt með því taki ég hættu á að endanlega taka líkamsklukkuna endanlega í taðgatið.  Nú er ég samt eins og í nótt alveg eitt adrenalín, gasalega vakandi eitthvað þótt ég sé þreytt.  Kannski ég geti lagt mig í sólbaði.

:: geimVEIRA:: kl. 08:24:: [+] ::
...
:: miðvikudagur, júlí 21, 2004 ::
Ég er SVOOOOONA pirraður einstaklingur í dag!

Mig dreymdi nokkuð steiktan draum í nótt, í honum fór ég í bíó með hópi fólks en var alltaf að skipta um sæti og svo fann ég svarta karlmannsskyrtu heima hjá mér sem ilmaði af viðkomandi. 

Í gær fór ég á æfingu í gríska dótinu, mjög hressandi.  Ég var þokkalega utanvið mig samt og ruglaðist ansi oft en þetta slapp fyrir horn held ég. 

Jæja best að halda áfram að vera pirruð.

 

:: geimVEIRA:: kl. 10:02:: [+] ::
...
:: þriðjudagur, júlí 20, 2004 ::
Bored, bored, boring
Ég spekúlera eins og sumir hafa tekið eftir stundum í greind fólks í kringum mig, a.m.k. tek ég eftir því og næ alveg að slaka á þegar ég get verið í samskiptum við fólk sem er vitsmunalegir jafningjar og hefur svipaðan húmor.  Mér finnst ennþá mjög merkilegt en er samt ekki hissa á því að persónuleikaprófið sem ég hef minnst á nokkrum sinnum hér, sem flestir eru mjög sáttir við sínar niðurstöður úr, hefur aldrei skilað neinum sömu niðurstöðu og ég fékk.  Það eru tvær manneskjur sem ég þekki til sem ég hef stundum spekúlerað í með sjálfri mér að séu líklegastar til að vera í nágrenninu í þessu persónuleikaprófi og svo I.Q. dæminu.  Svona próf eru bara til gamans en ég var að heyra I.Q. niðurstöðu annarrar þessara tveggja manneskja og kom hún ekki á óvart svo nú er svo forvitin að vita hvort grunurinn með hitt prófið sé líka réttur.  Annars veit ég ekki hvað ég er að spá - ekki eins og svona hlutir skipti miklu máli í veröldinni, bara merkilegt þegar maður finnur einhverja samsvörun...  kannski er þetta einbirnathing...  veit ekki.
 
Það er síðasti sumarfrísdagurinn minn í dag í bili, ég er með þvílíka sunnudagsbluesinn.  Ótrúlega dauf eitthvað, gersamlega er að drepast úr leti og aumingjaskap meikaði ekki einu sinni að búa mér til bláberjapönnukökurnar sem ég ætlaði mér.  Búin að blasta þvílíkri steypu yfir fólk á msn að það heldur að ég sé rugluð núna, ég er svo utan við mig þegar ég er svona dauf.  Það er betra að þegja bara en að gera sig alveg að fífli. 
 
Í kvöld ætla ég samt ekki að þegja, í kvöld ætla ég að fara á hljómsveitaræfingu og taka gríska pakkann og rifja upp eggjahræring og grískan framburð.  Ég hlakka allavega til þess.
 
Í nótt sá ég byrjun á hasarmynd sem var eins og ástarmynd alveg...  Kappakstur á geðveikum BMW 735 getaway bíl niður við ströndina í Nice og í gamla bænum.  Núna er jazzhátíðin þar að byrja - arg hvað ég hefði viljað vera að fara núna.  Ég sem var hætt að hugsa um þetta. 
 
Ég ætla allavega að fara og sjá ömmu mína í ágúst vúhúú, það verður fjör.
 
Hvað á maður annars að gera um verslunarmannahelgina?
 

:: geimVEIRA:: kl. 15:58:: [+] ::
...
:: laugardagur, júlí 17, 2004 ::
Dagurinn hefur farið í chill í sólbaði og dúllerí í heitum potti, mjög ljúft.   Það er vel þegið að vera í svona sumarfríi - væri til í að vera áfram bara í svoleiðis, en í næstu viku fer ég aftur að vinna.  Sei sei já.

:: geimVEIRA:: kl. 17:11:: [+] ::
...
:: fimmtudagur, júlí 15, 2004 ::
Jæja tha er VEIRA mætt a tonleika Svarta kaffisins a Saudarkroki, nu fær madur sér mat og bjor medan madur bidur og nytur sin i menningunni uti a landi :)

SMSbloggfærslu sendi geimVEIRA
Sent með GSMbloggi Og Vodafone

:: geimVEIRA:: kl. 20:06:: [+] ::
...
:: mánudagur, júlí 12, 2004 ::
Tónleikarnir á laugardaginn gengu þrælvel bara, húsið alveg stappað og það var mikil stemming. Ég fékk minidisk með mjög fínni grískukennslu frá kennaranum, en hann las textann, söng svo hægt og svo á réttum hraða. Og ég sat úti og trallaði með heyrnartól á hausnum í hálftíma úti í sólinni á laugardeginum, en haldin var æfing um daginn og þá var ég sæmilega sátt orðin við mig og laus við stressið yfir grískunni. Eftir tónleikana sem við komum fram á borðuðum við saman í fjölþjóðlegri stemmingu en auk íslenskra tónlistardýra komu Grikkinn, þýsk kona sem var í för með Georgios sem er killer klarinettuleikari og spilaði með okkur á námskeiðinu og svo franskur slagverksleikari sem lærir á Kúbu og var síðan tjúttað fram eftir öllu m.a. var tjúttað í bátahúsinu á Siglufirði á laugardagsnóttinni á e.k. djammsession eftir það var haldið heim og fleiri bjórar drukknir og kjaftað fram undir morgun.

Þetta var frábærlega heppnaður túr í alla staði, ég er í sumarfríi og er komin heim til foreldranna í góðan chillfílíng. Samt er það merkilegt að ég brýst út í skrýtnum töktum og grískum melódíum, afar hressandi.

:: geimVEIRA:: kl. 19:57:: [+] ::
...
:: föstudagur, júlí 09, 2004 ::
Eftir 6 tíma ferðalag með smá stoppum og stuttri heimsókn kom ég við annan mann (konu) á Siglufjörð. Þar beið okkar hópur úr skólanum sérdeilis hress og var strax farið að æfa nokkur grísk lög sem hópurinn hafði að stórum hluta verið búinn að æfa saman. Þar sem ég var ekkert inni í þeim pakka reyndi ég að bulla eitthvað með eggjahristunni minni. Svo eftir rennslið var farið að lúlla enda var æfing kl. 9 í gærmorgun.

Kennari okkar á námskeiðinu sæti Grikkinn hann Georgios var svona skemmtilega easy á því, vildi fá improviseringar og hafa allt opið, svo þótt ég væri alveg úti að aka gat ég samt verið með ólíkt því sem ég hafði óttast. Ég endaði með að syngja og improvisera auk þess að hrista eggið með miklum tilþrifum. Eftir æfingu í gær fengum við okkur stórgóða pizzu á Kaffi Torgi og skelltum okkur á tónleika á Síldarminjasafninu. Þar er uppsetning með tveimur bátum og er svona bryggjulíki þar með gamaldags ljósastaurum. Tónlistarmennirnir fluttu úr einum bátnum og var setið í stólum á bryggjunni og á bríkum og brúnum hins bátsins, síðan var dælt reyk í salinn og úr varð mikil bryggjustemming. Heyrði ég þarna fleiri gamla slagara en ég kærði mig um en samt alveg fínt. Svo var tekinn bjór og annar og annar. Ótrúlegur hressleiki samt í morgun verð ég að segja, í það minnsta var ég ferskari en í gærmorgun. Hressi Grikkinn tók sig til og reddaði okkur þremur lögum, öllum með grískum textum fyrir yours truly, svo fékk ég hálftíma einkakennslu í grísku. Svo var ákveðið að við myndum hafa opna æfingu en mér tókst að syngja eitt lag á grísku skítsæmilega og steikja gersamlega hin tvö uppi á sviði í steikjandi sól og hita fyrir framan nokkrar hræður á torginu, alls tókum við nú 7 lög þar af eitt frumsamið af Georgios, en það lag þótti mér takast best. Svo grilluðum við en ég varð svo agalega þreytt eftir matinn að ég gerði tilraun til að leggja mig. Það tókst nú ekki betur en það að ég lá í 15 og þegar ég var komin í stresskast ákvað ég að fara bara í tölvuna og fikta, en flestir krakkarnir skelltu sér á tónleika.

:: geimVEIRA:: kl. 23:34:: [+] ::
...
:: þriðjudagur, júlí 06, 2004 ::
Jæja, ég er loksins búin að taka af skarið og bóka mig í sumarfrí í 2 vikur. Ég fer á Siglufjörð á þjóðlagalámskeið með FÍH-dýrunum mínum (nokkuð sem ég myndi aldrei sækja í af sjálfsdáðum og ég ætla að mæta á vegna sérlega jákvæðs hópþrýstings, og svo eftir helgina verður leikið eftir eyranu, farið í heimsókn til foreldranna og reynt að taka góðan afslöppunarpakka hugsa ég. Dagurinn í dag mun því fara í allsherjar þvotta því ég hef ekki verið mikil húsmóðir undanfarið. Nú er ég farin að dauðkvíða öllu umstanginu... iss nei nei, þetta verður fjör. Fjör í hverri spjör!

:: geimVEIRA:: kl. 08:19:: [+] ::
...
:: sunnudagur, júlí 04, 2004 ::
Mig var að dreyma að ég væri í strætó og svo stoppaði ég og keypti mér sjálflýsandi bleika skó en var búin að maxa út gullkortið svo ég bætti við þúsundkalli í peningum og nota bene ég borgaði skóna í strætónum. Ég á semsagt bleika skó í draumalandinu.

Annars rættist mjög vel úr gærkvöldinu hjá mér, ég fór með my parental unit og vinafólki á Kaffi Kúltúr og fékk falafel, mjög ljúft. Síðan hitti ég frítt föruneyti Siglufjarðarfara og tók ákvörðun um að skella mér með (jafnvel þó ég endi kannski ein úti í horni í miðaldavísnasöng úff) þetta verður í versta falli ævintýri, en ég hlakka til held þetta verði bara mikið fjör. Síðan leystist fundurinn upp en eftirlegukindin ég sat sem fastast og drakk bjór og lenti á trúnó eins og ég á til. Mjög fínt kvöld í alla staði - og ég sem ætlaði ekki að nenna út!
Maður á alltaf að drífa sig... ég er allavega búin að læra það.

:: geimVEIRA:: kl. 08:56:: [+] ::
...
:: laugardagur, júlí 03, 2004 ::
Hvar er laugardagsfílíngurinn? Ég er að mygla. Well best að fara í sturtu pfft!

:: geimVEIRA:: kl. 19:23:: [+] ::
...
:: föstudagur, júlí 02, 2004 ::
Ég vildi svoleiðis ÓSKA ÞESS að ég hefði átt stafræna myndavél eða myndavélasíma ... Niðrí miðbæ áðan sá ég með því fyndnara sem ég hef séð lengi: Smáhund að reyna að taka bröndótta læðu og þá meina ég LÆÐU - as in kvenkyns KÖTT. Og kisa var sko ekki mótfallin þessu, alveg var að fíla þetta, smáhundurinn brasaði mikið og reyndi að hitta, en það gekk illa svo þetta voru millitegundamunnmök mestmegnis. Kvikindin voru svo þvílíkt að fíla þetta að þegar ég stóð þarna hlæjandi litu þau bæði voðalega móðguð og hissa á mig.

:: geimVEIRA:: kl. 17:55:: [+] ::
...
Brando látinn
Marlon Brando lést í gær, Hann var nú myndarlegur á yngri árum blessaður:


:: geimVEIRA:: kl. 15:53:: [+] ::
...
Í gær á labbi á Laugaveginum mætti ég konu sem mér fannst svo lík erlendri kvikmyndaleikkonu, þegar hún var í 2ja metra fjarlægð sá ég að þetta var Gina Gershon í eigin persónu. Hún er alveg þrællík sjálfri sér konan, ekki verður annað sagt, flott kona:

:: geimVEIRA:: kl. 13:57:: [+] ::
...
:: fimmtudagur, júlí 01, 2004 ::
"Ef veira kemst í gegn þá er fjörið búið"

:: geimVEIRA:: kl. 19:59:: [+] ::
...
Mikið ósköp er fallegt veður. Mér finnst að ég ætti að vera í sumarfríi í dag. Já alveg!

:: geimVEIRA:: kl. 14:43:: [+] ::
...

This 

page is powered by Blogger. Isn't yours?