:: Þvaðurveita geimVEIRU ::

:: miðvikudagur, mars 31, 2004 ::

Ég er farin að fylgjast með Nip/Tuck þáttunum, skemmtilega nasty... en agalega fer einn leikarinn í mig, hann er svoleiðis hrikalega plastlegur í framan... hvar ætli nefið hans hafi dottið af? Eeew - sjáðu bara:

Ég trúi eiginlega ekki að maðurinn hafi enga brú í nefinu á sér orginalt - þetta hlýtur að vera man-made. Og ekki af góðum lækni - því þetta er í engum hlutföllum við andlitið á honum greyinu. Annars góður leikari stráksinn - fyndin týpa í þættinum og svona.

Kannski er það bara að það þurfa að vera almennileg nef á fólki í geimVEIRUlandi.

:: geimVEIRA:: kl. 14:07:: [+] ::
...

Nú hefði verið gott að fá helgi. Ég er að guggna á öllu sem ég ætlaði að framkvæma.

:: geimVEIRA:: kl. 11:34:: [+] ::
...

Á matseðli helgarinnar: Vonandi gæsalifur og kampavín
Á morgun: Mezzoforte
Á eftir: Söngtími
Á mér: Fúll þreytusvipur
Á gólfinu: Ryk
Á rúminu: Ekki ég... oh mig langar heim!

:: geimVEIRA:: kl. 13:48:: [+] ::
...

Í eyrunum: tölvupikk og raftækjasuð
Í flöskunni: Alvörukók því ég er mygluð
Í veskinu: Úff! Drasl og greiðslukort
Í auganu: Eitthvað grænt - ég var með eitthvað icky í hvarminum í morgun
Í munninum: Colgategarðurinn
Í morgun: Cheerios, hvað annað

:: geimVEIRA:: kl. 13:25:: [+] ::
...

Mér finnst nokkuð sniðugt hversu margt fólk sem ég hef kynnst eða fíla eða þekki vel á einhvern hátt á afmæli með fárra daga/vikna fráviki frá mér... vorbörn rotta sig saman kannski... Samt hef ég aldrei heyrt um eða þekkt neinn sem á sama afmælisdag og ég. Aldrei nokkurn tímann. Enda er ég one of a kind. Ein af kindunum.
Mehe!

:: geimVEIRA:: kl. 13:10:: [+] ::
...

Ég hefði kannski átt að halda mig heima frekar en algerlega að gera mig að fífli í tónheyrn - vááá hvað ég var ekki að meika að vera þarna. Hafði ENGA einbeitingu, hvert tíst gaul og flaut í kringum mig skar alveg inn í mína einbeitingu og ég hef aldrei verið svona sjúklega týnd - djöfull var ég ekki að meika þetta. Söngæfingarnar alveg út úr kú hjá mér líka. Arg - serves me right!
Fór á tónleika í Ráðhúsinu, samstaða var um að þeir hefðu verið dúllulegir.

:: geimVEIRA:: kl. 08:40:: [+] ::
...

Veturinn kominn og mánudagur þokkabót....
Ég er búin að vera að fikta í nýja símanum aðeins, mikið fjör.. Ég hætti við að borða kvöldmat í gær á Brennslunni, en endaði þar samt á spjalli við skólafélaga og skrópaði á tónleika gærdagsins, enda eru Stórsveitartónleikar í kvöld skilst mér.
Ég er þokkalega eirðarlaus núna, er samt búin að vera dugleg í dag... verst að maður var ekki duglegur að vinna heima fyrir skólann samt - en félagslífið, innkaupin og aðrar tónlistarpælingar en tónheyrnaræfingar gersamlega tóku yfir allt showið.

:: geimVEIRA:: kl. 16:00:: [+] ::
...

Non-stop Happy Hour
Ég er barasta búin að vera þokkalega busy síðan á föstudaginn... ég fór eftir vinnu og keypti mér nýjan gsm síma þar sem gamli minn var í dauðateygjunum og farinn að týna gögnum

Hann er ósköp lítill blessaður - vegur bara 76 grömm (sem vóg þyngst) ég er enn að venjast honum, mér finnst þetta eins og svona leikfangasími eða eitthvað... allavega, þegar ég var búin að versla hann rauk ég í Tónastöðina þar sem í millitíðinni var lokað, ég hringdi hinsvegar og voru þeir svo indælir að bíða eftir mér með afmælisgjöfina snemmbúnu hinn frábæra AER-kubb sem ég hef haft á heilanum undanfarið að eignast.

Ég fékk svoleiðis þvíííílíka þjónustu í Tónastöðinni að ég missti andlitið, en ég fékk í stað 5% staðgreiðsluafsláttar heil 20% af! Sem þegar ég spurði manninn hvort hann væri viss um að þetta væri rétt hann brosti bara og kallaði Happy Hour afslátt - ég brosandi hringinn var svo hissa og ánægð og glöð þegar hann bauðst til að bera gripinn út í bíl fyrir mig, að ég steingleymdi mækkaplinum sem ég keypti með. Þar sem ég skipti um gemsakort þegar ég keypti nýja símann og eitthvað hafði misfarist í þeirri aðgerð var gamli gemsinn óvirkur og ég varð að bruna heim til að reyna að hringja í búðina. Mér til mikillar ánægju var ennþá svarað í símann og varð úr að farið var með kapalinn í sjoppu rétt hjá. Samt náði ég ekki að sækja hana þá því ég var að reyna að redda símadæminu með Og, sem gekk upp. Eftir allt þetta var ég orðin alltof sein og varð að fara bara í vinnufötunum á hina frábæru tónleika Angurgapa á Ungjazzhátíðinni á Borginni. Þar heyrði ég líka í HOD sem einnig voru frábærir síðan spiluðu danskir gestir, sem voru aðeins of rólegir fyrir stemminguna sem ég var komin í, en samt mjög flinkir. Síðan mér að óvarri kom tilkynning um jam-session á Kaffi List, ég sem var orðin svakaþreytt gat ekki annað en tékkað samt á henni og skemmti mér konunglega fram í rauða nóttina... kynntist stelpu úr skólanum og gerði með henni tónleikamætingasamning (en hana vantar líka stundum tónleikafélaga) og var um leið gert plan að á komandi degi (pun intended) myndum við hittast og æfa einhver lög.... ég kom mér heim rétt svo í tíma svo ég gæti vaknað snemma því að...

Á laugardaginn fór ég í strípur, þar sem ég var fiffuð til og tilblásin og fín. Ég skellti mér bara á Kaffibrennsluna og einn svartan þar sem passaði þrælvel þar sem æfingin átti að vera kl. hálfþrjú. Ég náði því að chilla þarna og borða, sækja hljóðnemakapalinn í sjoppuna og mæta á æfinguna. Þetta kom bara þrælvel út, gaman að tékka á nýjum lögum, fékk m.a. texta að On Green Dolpin Street sem er lagið sem ég fékk á heilann um daginn. Síðan brunaði ég heim og borðaði og skipti um föt, druslaði öllu dótinu mínu út í bíl (alveg nýr pakki að þurfa að róta þegar ég fer á djammsession vúhúú) og fór í frábært party hjá Söndru. Mér hafði skilist að fólk ætlaði flest að sleppa því að mæta á ungjazztónleikana þarna um kvöldið, svo ég ákvað að vera bílandi nema stemmingin á manni yrði vínvæn (tók með mér afgangsFresita til öryggis). Svo datt mín í stemmingu að smakka á freyðivíninu, en þegar fólk hafði borðað og spjallað í nokkra stund, kom í ljós að það ætluðu bara heilmargir á tónleikana. Ég hafði samið um far og geymslu á dótinu mínu við félaga Skonrokk, sem ætlaði á tónleikana, ég var mikið til í að tékka á þeim líka svo ég kvaddi og dreif mig með. Þar var mjög gaman - ég sá eftir partyinu en sá ekki eftir að mæta á tónleikana. Líka bara atriði að sýna samstöðu, hætta ekkert við planið að mæta á sem flest og svona. Ég var samt orðin ansi þreytt og sturtaði í mig kaffi undir lok tónleikanna, enda var aðaldæmið eftir: Jamsession NeFs.

Þangað var komið um miðnætti. Ég hafði ekkert áttað mig á því að ég þyrfti að stilla upp dóti... fílaði mig hálfaulalega þarna - enda hafði ég engan tíma haft til að læra á blessaðan kubbinn, en þetta hafðist allt og endaði með því að ég var látin opna kvöldið með félögunum... ég hafði ekkert ready í það - náði að klúðra því litla sem ég hafði á blaði, því ég hafði ekki nógan tíma til að raða drasli upp og svona, en þetta var bara mjög gaman ég bullaði mig fram úr þessu bara og söng 2 lög, það var engin stemming fyrir neinu jazzdraslinu sem ég var með í möppu enda of róleg mörg hver svo þetta varð bara að vera svona mátulega kærulaust - sem var mjög skemmtilegt. Frábært að geta loksins verið með. Kubburinn var þarmeð vígður. Síðan tókum við Skonrokkið líka lag sem við höfðum æft um daginn að hans hugmynd, það kom þrælvel út fannst mér. Þetta heppnaðist bara mjög vel allt saman.
Nú ætla ég að drífa mig á tónleika Ólans - spurning að fæða sig á Brennslunni áður....

:: geimVEIRA:: kl. 19:56:: [+] ::
...

Raus
Best að brjóta ekkert upp hefðina og væla hér inni síðustu kvalafullu mínúturnar í vinnunni á föstudegi, þær eru svo tilgangslausar þegar er lítið að gera eins og núna.

Ég er komin með miða á Angurgapa í kvöld, er á leiðinni í svaðalega svaðilverslunarför ársins eftir vinnu, síðan heim í slipp fyrir kvöldið.

Ég er mjög ánægð með klippinguna mína - alltaf svo mikill léttir þegar maður er sæmilegur um hausinn. Ég er búin að fá staðfest að afmælisgjöfin tilvonandi er til í búðinni - sem er gott mál, jafnvel frábært og meira að segja jafnvel stórkostlegt.
Já.
Þar hafið þið það.

:: geimVEIRA:: kl. 16:31:: [+] ::
...

... just gotta ride it!

Ég skellti mér á tónleika áðan með Kristjönu Stefánsdóttur á Kaffi List - sérdeilis ljúfir. Verandi gangandi hormónn í dag tókst mér að missa kúlið og fella tár þarna eins og fáráður.... oh - frekar vandræðalegt! Note to self: Hormónakast, tilfinningarót og ægifögur sorgleg lög = kúlmissir.

Ég er annars í goody fílíng - fór niðrí skóla í dag á smá æfingu, athyglisverðar pælingar í gangi þar.

Ég er óendanlega ánægð með að það sé föstudagur á morgun - fyrir utan að erfið og leiðinleg vinnuvika er á enda, er líka svo margt frábært á seyði á morgun.... ég fæ afmælisgjöf (ef búðin á hana til), ég fer í helgarfrí, ég ætla á tónleika með Angurgapa sem ég hlakka til að tékka á - enda svaf ég af mér tónleikana sem ég ætlaði á með þeim fyrr í vetur... Þar hitti ég FíH-dýr sem ég síðan á laugardaginn ég hitti svo aftur. Ég hlakka til heilmargs semsagt. Sem er gott.

Ég þarf mjög mikið að tékka á einhverju frábærlega upplífgandi og hressilegu - ég er enn ekki búin að fá kúlið - er alveg rollercoasterrider núna... Hvaðan kemur svona? Ok sumt er fyndið við svona tímabil svo ótrúlegar pælingar sem fara í gang, en er ekki algjör óþarfi að alveg tárast af gleði að fólk hafi verið hlýlegt við mig í dag? Er ekki algjör óþarfi að taka inn á sig að kona var vond við mig í kvöld? Er ekki óþarfi að röfla um allt hér inni? - Held það. Samt ágætis útrás svona ... Best að snýta sér.

Life is a rollercoaster...

:: geimVEIRA:: kl. 01:36:: [+] ::
...

My Parental Unit Rocks!
Ég er svoleiðis gapandi gáttuð, forviða og hissa....
... á morgun fæ ég þrítugsafmælisgjöf aldarinnar þokkalega fyrir tímann - en ekki ætla ég að kvarta! Nú er bara að vona að búðin eigi hana til, því ég á sjálf að sjá um að kaupa hana. Ég trú'iss'igggi!
Peace!

:: geimVEIRA:: kl. 21:57:: [+] ::
...

Reiðilesturinn
Fyrsta hóstakastsuppvöknunarlausa nóttin mín í heillangan tíma var í nótt, samt leit ég ömurlega út þegar ég vaknaði með svona dökka bauga ekta pappapokayfirhöfuðvænlegur dagur.

Í eyrunum: Outcast - The way you move

Ég fer í klippingu í dag, get ekki ákveðið hvað ég vil gera - hugsa að ég breyti ekki mikið til samt - er samt orðin svakaleið á mér - we'll see.

Ég get ekki orða bundist yfir sorablaðamennskunni að hætta lífi og limum vitna í sakamálum með því að birta lögregluskýrslur í þeim eina tilgangi að selja sorprit. Þetta er fyrir utan að vera að mínu mati í hæsta máta ósiðlegt, stórhættuleg þróun. Hvernig í ósköpunum á lögregla að geta rannsakað mál ef hún fær ekki svigrúm til að yfirheyra vitni sjálfstætt? Hvernig eiga mál að leysast ef vitni geta átt von á því að framburður þeirra endi í dagblöðum? Ætlar DV að taka ábyrgð á því ef vitni lenda í hótunum, árásum eða eru myrt? Hvers vegna á sorprit að spila með öryggi almennra borgara og fá að fela sig bakvið útúrsnúning á stjórnarskrárbundnum réttindum almennra borgara. Ég sem almennur borgari fullyrði að framferði DV hefur nú þegar skert öryggi mitt, samviskuleysið sem felst í því að hirða í engu um rannsóknarhagsmuni í sakamáli, fjölskyldur fórnarlamba og glæpamannanna sjálfra sem og tilfallandi vitna þykir mér gróf aðför að samfélaginu.
Ég myndi vilja sjá húsleit og bara allsherjar böst núna þar sem DV yrði gert skylt að gefa upp hvaðan þessi gögn koma, enda er ég sannfærð um að slíkt myndi í öllu vera í þágu samfélagsins og ekki stíga á tær tjáningarfrelsis.
Gerð er húsleit þegar bankaleynd er rofin, þykir það í góðu lagi. Mál sem þetta þykir mér þúsundfalt alvarlegra þar sem málaflokkurinn sem um ræðir beinlínis snertir öryggi almennings sjálfs. Komi gögnin frá lögreglunni t.d. væri ég ekki í rónni fyrr en tekið væri fyrir þann leka, komi lekinn frá verjendum er það einnig . Mér þykir málið það alvarlegt að það eitt að kaupa ekki blaðið (sem ég hef aldrei og mun aldrei gera) nægir mér ekki. Það er fín lína sem þarf að gæta að og erfitt fyrir stjórnvöld að grípa inn í þegar gengið er of langt, en Björn punktur is hefur a.m.k. fullan stuðning minn til að sjá til þess að gengið verði af hörku fram í rannsókn þessa máls.

:: geimVEIRA:: kl. 12:10:: [+] ::
...

How many kids with ADD does it take to change a lightbulb?



Hey, wanna ride bikes?

:: geimVEIRA:: kl. 22:52:: [+] ::
...

I am an Intellectual



Which America Hating Minority Are You?

Take More Robert & Tim Quizzes
Watch Robert & Tim Cartoons

:: geimVEIRA:: kl. 16:24:: [+] ::
...

Ég fer í aftröllskessun næsta fimmtudag og svo aftur á laugardaginn - ég er svo ugly mofo að það þarf tvær atlögur.. eða kannski var bara ekki til nægilega langur tími hjá hárgreiðslukonunni fyrir yfirhalninguna - man ekki alveg hvort. Maður ætti jafnvel að vera sæmilegur um hausinn á 16 ára fermingarafmælisdaginn sinn - kannski maður stígi út af tilefni dagsins. Ég held að ég verði að fara heim bara eftir vinnu, ég er með hausverk og hóstandi ennþá, er ólærð fyrir skólann og það hjálpar ekki til við hressleikann svosem.. arr!

:: geimVEIRA:: kl. 14:53:: [+] ::
...

Mig langar aftur, mig langar aftur, mig langar aftur!

:: geimVEIRA:: kl. 12:08:: [+] ::
...

Í eyrunum: Thievery Corporation

:: geimVEIRA:: kl. 11:35:: [+] ::
...

Ég mætti á fámennustu Múlatónleika ever en fékk fínustu tónleika engu að síður, enda ekki við öðru að búast frá snillingunum. Enn sem fyrr heillaði trommuleikur kvöldsins mig, en Erik Quik fór á kostum sem og náttúrulega aðrir snillingar... mætingin var einhvern veginn ekki næg til að almennileg stemning næðist að skapast.... oh well - can't win every time eigh!?! Ég er allavega sátt við að hafa mætt, en ekki látið pestirnar hafa yfirhöndina!!...

:: geimVEIRA:: kl. 00:58:: [+] ::
...

Samviskan sigraði í gærkvöldi og ég hélt mig heima, sé nú ekki eftir því enda er ég ennþá ansi krumpuð. Ég er búin að reyna slatta að gera heimaverkefnið í hljómfræði, en er ekki alveg að meika þetta - ég er búin að fikta helling í Band-in-a-Box samt, lærði á því en er samt ekki að klára þetta. Spurning hvort maður þurfi ekki að gera þetta í Sibba sínum - mér finnst það bara svo heft eitthvað - snarstefjun er ekki beint að flæða nema í mómentinu... um leið og ég ætla að vera rosalega yfirveguð og bóka nótu fyrir nótu, dett ég alveg úr sambandi, þetta verður að koma spontant. Kannski er maður bara krumpaður í heilanum, æi ég þyrfti í það minnsta að fá Sibba til að spila hljómaganginn (án þess að þurfa að setja allar nóturnar inn) ... arrg, ég er allavega ekki sátt við hvað þetta ætlar að vera mikið vesen hjá mér.
Ég hef enga rödd í að æfa mig fyrir tónheyrn, fæ hóstakast bara - þetta fer að verða frekar ósannfærandi... maður er lasinn, mætir en getur ekkert, er síðan ólærður og -æfður enn einu sinni... úff. Spurning að æfa í það minnsta eyrað. Já ég ætla á tónleikana í kvöld, maður æfir þá í það minnsta hluta af tónlistargismóinu sínu. Raddgismóið er ekki að virka - fólk þekkir mig ekki í símann einu sinni. Pffft!

:: geimVEIRA:: kl. 17:53:: [+] ::
...

Það var mjög fínt í gærkveldi ég endurnýjaði kynni mín við frænku mína og uppáhalds Gewurztraminer hvítvínið mitt, tékkaði örstutt á 101 Reykjavík barnum og síðan Brennslunni, ósköp huggulegt bara, ég er reyndar orðin lasin aftur - vaknaði þriðju nóttina í röð með hóstakast og læti svo ég er bara búin að sofa mikið í dag og reyna að vera góð við greyið hálsinn. Ég drekk hóstasaft og borða afgangssudda síðan í partýinu um daginn - matseðill dagsins hefur hljóðað upp á Norska brjóstdropa, Pringles, Pektólín, Special K, CherryCoke og kókosjógúrt og c-vítamín freyðitöflur, mikið fjör - ég veit ekki hvernig ég ætti að geta smíðað sólóið sem uppálagt var að gera fyrir hljómfræðina, svo mikið er víst að ég æfi mig ekki í nótnalestri eða nokkrum söng þessa helgina... mig dauðlangar að kíkja eitthvað út í kvöld, best að drífa sig í sturtu.

:: geimVEIRA:: kl. 20:41:: [+] ::
...

Dr. Evil actually...

Postatem obscuri lateris nescitis.
"You do not know the power of the Dark
Side." There are two possibilities: you
are a Star Wars geek, or you are unreasoningly
scary.


Which Weird Latin Phrase Are You?
brought to you by Quizilla

:: geimVEIRA:: kl. 20:28:: [+] ::
...

Það er matarboð og flottræflaháttur í kvöld - enn og aftur blóta ég í hljóði að hárgreiðslustofan klúðraði bókuninni - ég er orðin eins og ljóta tengdamamma Gilitruttar.

:: geimVEIRA:: kl. 14:28:: [+] ::
...

Híh híhíh

:: geimVEIRA:: kl. 13:21:: [+] ::
...

Splattermörgæsaleikur

:: geimVEIRA:: kl. 13:10:: [+] ::
...

Hér með fer linkur inn á Jóel - minna má það ekki vera - hér með er stofnaður linkaflokkur utan um svöl tónlistardýr á Þvaðurveitunni.

:: geimVEIRA:: kl. 01:51:: [+] ::
...

Ég verð að vera sammála Leibba - þetta er fyndið...

Hér er nokkuð sem ég hef ekki séð áður - það væru ekki allir að komast upp með að ganga með svona bindi alveg á þennan hátt...

:: geimVEIRA:: kl. 01:22:: [+] ::
...

Block-rockin' beats
Það er tónlist sem maður fílar og það er tónlist sem maður fílar gersamlega í tætlur og alveg dúndrast inn í hjartað á manni! Í kvöld fór ég á tónleika á Kaffi List til að hlusta á GRAMS-tríóið: Jóel Páls, Davíð Þór og Helga Svavar trommara dauðans. Ég er orðlaus. Ég er búin að hverfa inn í geðveik groove... brosa, hlæja, grenja úr hlátri, klappa, syngja og garga "Ísland!" ( had to be there - nett súrt). Þetta var magnað!!!
Ef þetta var jazz, andskotinn að ég viti hvað þetta var.... þá var þetta einmitt sú tegund sem ég fíla mest og best, ef ekki.... Kiss my ass - því ég fíla þetta samt og þá þarf ég bara að fá að vita hver fjandinn gekk þarna á því ég vil meira svona, en ég veit ekki hvað skal biðja um.

:: geimVEIRA:: kl. 00:54:: [+] ::
...

Af gefnu tilefni:
freta, -aði (+ frat) s leysa vind: skjóta af byssu
fret-hólkur K 1. léleg byssa 2. fretkarl -karl K -nagli K karlhólkur, óþokkakarl. -mura KV vatnsarfi, grýta, -stertur K 1. fretkarl 2. slæmur vindill 3. kóngspeð (í skáktafli).
Spurning að vera nagli eða fretnagli... ég hallast að því að vera meiri fretstertur...

:: geimVEIRA:: kl. 09:39:: [+] ::
...

Smelly cat
Mér finnst lyktin af sumum málmum viðbjóðsleg. Mér hefur orðið flökurt af lyktinni af málmhandriðinu niður stigann á Hótel Íslandi. Mér finnst bensínlykt góð.

:: geimVEIRA:: kl. 13:56:: [+] ::
...

"This one time at bandcamp"
Ég hef einu sinni farið í n.k. bandcamp. Það var yfir helgi, mjög gaman við horfðum á Rattle and Hum á videó og ég lærði að spila Tubular Bells á DX-7 og spilaði svo Star Wars á tónleikum. Beat that!

:: geimVEIRA:: kl. 13:40:: [+] ::
...

Utterly useless information
Allir strákar sem ég hef kysst um ævina hafa verið í stafrófsröð.
Ekki viljandi samt. Og bara til að hafa þetta virkilega weird, þá hef ég verið hrifin af strákum inn á milli, sem nær alltaf hafa passað í stafrófsröðina (svo ef maður hefði nú kysst þá líka hefði þetta alveg komist í Guinness.. eða ok, kannski ekki).
Við erum að tala um eina undantekningu - en þar fyrir utan bara staf eftir staf... í íslenska stafrófinu. Þegar ég er komin í "Ö" my life is over!
Byrjaði reyndar ekki fyrst í stafrófinu... en er heldur ekkert búin með það - ég er svo þæg, þetta ætti alveg að sleppa.
.... - Ég er ekki að grínast í ykkur.

:: geimVEIRA:: kl. 13:39:: [+] ::
...

Einu sinni fór ég í útilegu og um morguninn í dagrenningu þegar ég fór út að pissa the circus came to town! Bókstaflega. Ein sérstakasta minning mín að vera svona í náttúrunni stutt frá bæ, úti á landi þar sem aldrei gerðist neitt og sjá trukkalest koma í bæinn með heilan sirkus.

:: geimVEIRA:: kl. 13:31:: [+] ::
...

Einu sinni fór ég í brúðkaup þar sem Sverrir Stormsker spilaði undir á orgel í kirkjunni. Mjög lágt sýrustig.

:: geimVEIRA:: kl. 13:27:: [+] ::
...

"Við erum við... - bjóðslega grúví ..." *)
Nýju naglalökkin mín eru samt fín. Ég setti hitt nýja á mig í gær, Orient... voðalega sætt, hitt sem heitir India er líka æði.
Veiran reynir stundum að vera pæjuleg... ".. æði sæðisleg.." *)

eitthvað verður maður að gera þegar maður er eins og maður er!

*) ©Sverrir Stormsker

:: geimVEIRA:: kl. 13:25:: [+] ::
...

Fokk fokk fokk!
Ég held að það hafi verið gefin út afturköllun á karmagarminn allavega voru þetta rangar upplýsingar sem ég fékk um daginn varðandi þessa punkta mína - svo ég á ekkert meira en ég hélt, sem er glatað. Tími í klippingu sem ég bókaði með mjög miklum fyrirvara var ranglega bókaður hjá stofunni, þau bókuðu mig á einhverja aðra hárgreiðslukonu - sem er überglatað þar sem ég hef verið hjá þeirri sömu í fleiri ár, svo ég þarf að bíða í 10 daga í víðbót - og hárið á mér var orðið ömurlegt fyrir mánuði síðan eiginlega og ég fíla mig ömurlega. Fundur á vinnustaðnum mínum sem ég hélt að snérist um hluti tengda starfinu reyndist vera ömurlegur sölumannafyrirlestur þar sem reynt var að þvinga upp á mann einhverjum andskotanum, sem fyrir manneskju sem leggur sig fram um að losna við svona pakk, er gersamlega ferlegt að sitja undir. Ég fékk í gær að vita að ég á að fá að fara í stigspróf sem búið var að segja að ég fengi ekki að fara í, ágætt að það breyttist, en þetta er bara fáránlega stuttur fyrirvari. Það er búið að fokka svo í manni með þetta að ég hef verið allt frá því að hætta í skólanum yfir í að halda að ég væri að fara að taka enn hærra stig svo loksins þegar maður var orðinn viss um að það væri ekki möguleiki að taka stig og ég hef þarmeð nákvæmlega alls ekki undirbúið slíkt, þá allt í einu á maður að vippa fram einu svoleiðis eftir tæpa 2 mánuði. Jájá, ég veit alveg að ég á að geta þetta og blabla, en þetta er bara svoleiðis með ólíkindum hvers vegna allt skipulagstengt þarf að vera í ólestri í svona rándýru námi ég tek líka inn á mig þegar verið er að stefna rosa hátt og búið að segja manni að maður ætti að taka 6. stig og blabla síðan var öllu kippt undan manni (þegar ég kannaði reglurnar og gerði þau mistök að ætla að fara eftir þeim í staðinn fyrir að gera eins og fordæmi er fyrir og taka bara stigið óháð reglum)- það hefur haft veruleg áhrif á mann allavega í vetur - fékk netta "Why bother!" kastið allavega og hef ekki lært heima for ages enda hvort sem er verið að skrúfa mann til baka um heilt ár og 140 þúsund kall... nú allt í einu á maður að stökkva til - og ég veit ekkert hvað maður er að koma sér út í ... æi ég er allavega BARA pirruð á þessu, mér leiðist svo óendanlega skítt að láta valta yfir mig.
Ef ég væri á leiðinni í klippingu í dag gæti vel verið að ég vær bara jolly motherfucker en þetta helvítis sölumannaambush í kaffitímanum plús að maður þarf að vera eins og aumingi ennþá lengur - ég er bara komin í vont skap.
Reiðilestri miðvikudagsins 17. mars 2004 er lokið.

:: geimVEIRA:: kl. 11:36:: [+] ::
...

Nei, ég held að það sé bara ennþá mánudagur. Það er það allavega í mér.

Frábærlega fallegt veður núna þegar þokan er farin. Ég er enn og aftur komin í græjupælingar og afmælispælingar og .... ég ætla bara að hætta því.

:: geimVEIRA:: kl. 14:46:: [+] ::
...

Jæja, þessi mánudagur er loksins búinn. Alveg sérdeilis óvelkominn þessi dagur hjá manni oft, sérstaklega var lítil stemning fyrir honum í dag. Ég hefði flestallt viljað framkvæma annað en fara í vinnuna. Ég skellti mér á bebop tónleika í gær - þeir voru ljúfir bara - var fegin að hafa drifið mig eins og alltaf, hollt fyrir eyrun að tékka á þessu. Ég fór og gerði mig að fífli í tónheyrn og síðan í hljómfræði, alltaf gaman að því (úff) síðan kíkti ég á Lost in Translation með vinkonu minni, skemmti mér mjög vel, en hef náttúrulega ekkert undirbúið mig fyrir söngtímann, en það verður bara að hafa það - þessa vikuna mun ég gera mig að fífli - þetta er allt viljandi (eða þannig).
Ég var mjög ánægð með sólskinið í dag - pant fá svoleiðis á morgun líka!

:: geimVEIRA:: kl. 01:21:: [+] ::
...

Þegar maður á afgangssnakk og hnetur og súkkulaði og alvörukók aukast líkurnar á því að maður borði óhollt mjög mjög mikið.

:: geimVEIRA:: kl. 18:26:: [+] ::
...

Ég fatta ekki hvað það er, kannski bara einfaldleikinn, en mér finnst Milkshake með Kelis töff lag. Reyndar fannst mér I hate you.. líka flott - frábærlega hrátt. Kelis er náttúrulega töffari að koma svona dónaskap í spilun út um allt. Orðið milkshake í slangri ku nefninlega vera nokkuð langt frá því sem fæst í ísbúðinni.

:: geimVEIRA:: kl. 18:11:: [+] ::
...

Uss, nei nú er Goggi vinur minn búinn að láta strekkja á sér fésið.
Annars húmor hjá karlinum að nefna plötuna Patience.

:: geimVEIRA:: kl. 10:50:: [+] ::
...

Tjúttið í gær tókst alveg ágætlega, við vorum um 20 stykki og var grillað og trallað og fór síðan hópurinn á List á tónleika Black Coffee. Ég varð eftir og gekk svona aðeins frá, steig síðan á glerbrot (það brotnuðu þessi standard 2 glös - mér tókst að brjóta þau bæði - snilld hjá mér að finna síðan eina glerbrotið sem ekki var ryksogið) og tafðist aðeins við að ná því úr - síðan þegar ég kom á staðinn átti ekkert að hleypa mér inn þótt ég væri á lista og sagt að staðurinn væri fullur, samt gengur 4 út meðan ég hékk fyrir utan - sem betur fer hafðist það á endanum samt eftir miklar rökræður tveggja bjargvætta inni á staðnum. Það var kíkt á Dillon, rak inn nefið á Þjóðleikhúskjallaranum en svo var dansað á 22.
Jæja, best að taka til.
Ég ætla að tékka á bebop tónleikunum á Múlanum, veit einhver hvenær þeir byrja?

:: geimVEIRA:: kl. 10:25:: [+] ::
...

T minus 5 h
Þetta er allt að smella saman, ég er að verða sæmilega sátt. Það er alltaf gaman að undirbúa teiti - nú er bara að vona að gestirnir verði glaðir. Veðrið áðan lofaði góðu nú er það samt eiginlega farið aftur - ég þarf að láta sækja það aftur í kvöld, væri frábært að geta bara verið úti án þess að þurfa að sitja á grillinu til að hlýja sér.
Æi mig vantar sólskin - ég á eftir að þurrka af.

:: geimVEIRA:: kl. 13:06:: [+] ::
...

Ég er algerlega að mygla.
Þakka áheyrnina.

:: geimVEIRA:: kl. 15:12:: [+] ::
...

Í Baggalúti í dag stendur:
"AFMÆLI Höfundur heimildabókaraðarinnar Hitchhiker's Guide to the Galaxy, Douglas Adams, fæddist þennan dag árið 1952. Þrátt fyrir það er hann að sjálfsögðu 42 ára".
Æi mér finnst asnalegt að tala um tilveru látins einstaklings í nútíð. Ef þetta á að vera grín finnst mér það ekki fyndið. Skyldu þeir virkilega vera að klikka á því að Douglas Adams lést 11.05.2001? En til heiðurs karlinum sem hefði orðið 52 ára í dag skelli ég mynd af honum upp hér. So long and thanks for....

Karlinn var dúlla:

:: geimVEIRA:: kl. 12:16:: [+] ::
...

D#sus Kræst!
Sök bítur sekan. What goes around comes around. Karmapælingin alveg að virka þessa dagana. Ég er núna í svona svaka sveiflu þar sem ég er að fá klapp á bakið frá alheiminum. Það er mikil gleði þessa dagana, fyrir utan að til stendur að hittast og vera glaður um helgina í grilltjútti sem ég hef skipulagt með góðri hjálp næstu helgi, og ég ætla að leggja mig fram um að gestirnir hafi það sem allra best og skemmti sér vel, þá hef ég hjálpað hinum og þessum með eitt og annað. Gefið góð (nota bene umbeðin) ráð um ótrúlegustu hluti, forræðismál yfir í hár yfir í tölvumál - gefið sénsa í umferðinni þótt ég væri í tímahraki sjálf (æi ég geri það alltaf þegar við á) - bent konunni sem dró neistandi pústkerfið eftir bílnum sem hún ók á háannatíma á það, skellt mér á alla tónleika sem ég hef komist á með félögum úr skólanum þótt ég hefði ekki efni á því, haldið aftur af mér þegar ég hef viljað afhausa heimskar ljóskur eða hakka í mig einhverja heimsku sem þær létu út úr sér, bjargað kettinum, sem hljóp yfir götuna í myrkrinu með því að fatta að setja á háa geislann svo aðvífandi bíll æki ekki yfir hann, og hjálpað fólki í vinnunni og svona bara verið svona líka fucking saint altogether 'n shit eða þar um bil - þá er eitthvað mega-reward að skila sér. Big up from the Universe barasta.
Ekki aðeins var ég að uppgötva að ég á punkta (Vörðupunkta sem bankinn minn var búinn að týna og fullyrti að væru ekki til fyrir 3 árum þegar ég athugaði með þá) punkta sem ég get lagt ofan á vildarpunktana mína, þetta þýðir að ég á hátt í 90.000 punkta sem ég get notað í ferðalög og flipp, heldur þá er ég að fá bara cold hard cash sem ég hélt ég myndi aldrei fá eða sjá, en beiðni um endurskoðun höfnunar á styrkveitingu frá stéttarfélaginu mínu vegna námsins míns, sem ég ákvað að fara nýja leið til að bera fram, bar loksins árangur. Ofan á þetta var ég síðan að komast að því að ég get fengið margfalt hærri endurgreiðslu vegna kortsins míns hjá Nordica en ég hélt. Ég geri mér vonir um að ná jafnvel 40-50 þús. kr. fljótlega, sem ég átti engan veginn von á (gerði mér vonir um svona 6-8 þúsund kr.) sem kemur sér ekkert lítið vel. Verst hvað ég er með langan lista af dóti sem mig vantar/langar í, maður ætti að vera gáfaður og borga skuldir, ætli maður verði það ekki, en ég vona að ég geti gert eitthvað pinkuskemmtilegt líka. En D#sus Kræst finnst ykkur þetta ekki dáldið merkilegt að fá svona bombarderíngu af jákvæðum hlutum á 2 dögum? Mér finnst það mjög gott og er bara meira en sátt, meira svona takk kærlega!

Ég var í allan gærdag í miklum tölvupælingum. Var alveg frá því ég kom heim úr vinnunni og langt frameftir kvöldi að hjálpa vinkonu minni að setja upp tölvuna hennar og svona eins og eitt tvö forrit, mjög gaman að því. Ég komst náttúrulega ekkert í að prófa nýstillta píanóið - það verður örugglega gert í kvöld.

:: geimVEIRA:: kl. 11:20:: [+] ::
...

Pníanósnilling

Ég fór í gær í fartölvuskoðunarferð með vinkonu minni sem endaði í því að hún keypti eins tölvu og ég, eins talaði ég í gær við FíH-dýr sem keypti sér svoleiðis tölvu, líka í gær, eftir að ég benti henni á að versla við Hugver. Mér finnst að Hugver ætti að senda mér innlagsnótu eða eitthvað, nú eru þeir búnir að selja 4 fartölvur til fólks tengdu mér, 1 til vinnufélaga 1 vinkonu og 1 til skólafélaga og svo mín vél, þetta fólk vissi ekki einu sinni af því að búðin væri til nema af því að ég mælti með henni.
Annars keypti ég þarna í Hugveri usb2 minniskortalesara sem tekur compact flash eins og myndavél pápa míns notar (lesarinn í tölvunni tekur flest önnur) ég prófaði græjuna í gær þar sem ég hafði ekki getað hlaðið myndunum inn (fann ekki kapalinn) og þetta svínvirkaði. Það var svakalegt alveg að sjá sumarfrísmyndir af pálmatrjám, sólarströnd með beljandi slagviðri úti fyririr, og rifja upp fríið. Ég er spældust yfir að myndir af Jamiroquai tókust ekki betur en það, en það er ólívugrein akkúrat yfir fésinu á honum (en myndavélinni þurfti að smygla inn - svo maður vildi ekki flagga henni neitt). Hinsvegar náði ég alveg fínum myndum af Dianne Reeves o.fl. (þar var ekki myndavélabann). Gaman að því - einhverjar fleiri myndir líka.
Mig langar svakalega í almennilega stafræna vél - sem hægt er að fiffa til ef maður vill - nota linsur eftir behag, sem hægt er að setja almennilegt flass við og svona. Myndirnar eru alveg ótrúlega flottar samt úr vél föður míns, góðir litir og allt - en komið hefði sér vel að hafa möguleika á meiri stillingum. Ég reyndar er ennþá að súpa seyðið af því að hafa fjárfest frekar í hljómflutningsgræjum en myndavél - samt... ég hugsa nú að ég væri tæplega að nota þá myndavél hvort sem væri, en fermingargræjurnar eru enn í fullu swingi. Ég er bara svo mikið spennt fyrir að læra að taka myndir, þegar maður sér myndirnar hjá Árna og gleymir sér í sínum myndum.

Ég fæ píanóstillingarmann til að snilla pníanóið í dag. Pníánó, .... pepper, "I have decided that for the rest of the day we shall speak like this: Peacan pie! Pepper!... "

:: geimVEIRA:: kl. 10:40:: [+] ::
...

Cool

:: geimVEIRA:: kl. 11:01:: [+] ::
...

Ég vildi ná úr mér slappleikanum - en hef ekkert verið að hressast - get ekki sofnað heldur núna - asnalegt. Held ég sendi kvörtun til draumalandsins - þetta er alveg greinileg mismunun.

:: geimVEIRA:: kl. 02:23:: [+] ::
...

Sálargælur og snýtubréf
Ég ákvað að vera heima bara í dag - hvíla röddina - gæla við sálina - reyna að myrða þessa hálsbólgu sem er alveg hætt að vera fyndin. Ég ætla að taka aðeins til í linkunum og svona.

:: geimVEIRA:: kl. 15:14:: [+] ::
...

Yes I am - I am always right!

Original English Text:
I really need a mental health day, maybe I'm just being a lazy cow.

Translated to French:
J'ai besoin vraiment d'un jour mental de santé, peut-être je suis
être juste une vache paresseuse.

Translated back to English:
I need really a mental day of health, perhaps I am to be right a lazy cow.

Translated to German:
Ich benötige wirklich einen Geistestag der Gesundheit, möglicherweise soll ich Recht haben eine faule Kuh.

Translated back to English:
I need really one spirit day of the health, possibly am I right to be a lazy cow.

:: geimVEIRA:: kl. 20:27:: [+] ::
...

"It's not easy being the Barbra Streisand of evil you know!"

Elizabeth Hurley er flottasti andskoti ever.

:: geimVEIRA:: kl. 18:50:: [+] ::
...

Collition
Ég fór á tónleikana á List í gær, hitti nokkra krakka þar, það var rólegheitastemming, ekki jafn margt þarna inni eins og á fimmtudaginn var, ég sá þar einn af 10 fallegustu mönnum sem ég hef nokkurn tímann fyrir hitt á landinu, sem ég þurfti að sitja fund með en missti næstum málið nálægt fyrir nokkrum árum - gaman að því. Hópurinn færði sig síðan yfir á Dillon eftir tónleikana og þar hittum við nokkur FÍH dýr í viðbót. Ég hef nú bara ekki stigið fæti inn í þetta hús síðan ég skoðaði fiska í Amazon, frekar skrýtið, þarna var spiluð frekar furðuleg tónlist gömul lög sem maður hefur ekki heyrt lengi - það var long overdue að heyra Psycho Killer reyndar - "we are vain and we are blind.... I hate people when they're not polite... "

Ég er alveg á því að þetta blessaða land er of fucking lítið! Í gær hitti ég kunningjakonu úr FÍH, sem sat ofan á myndarmanni sem ég þekki from an old life, en hann er frændi my ex. Að þau væru saman meikaði frábært sense, ferlega sniðugt að þau hafi endað saman. Þegar kærasti hennar útskýrði fyrir henni að ég væri fyrrverandi kærasta frænda hans og ég heyrði að hún hafi hitt minn ex og þekkir hann - þá fékk ég svona weirdness attack. Mér fannst þetta þá svona líka óheyrilega óþægilegt - bara alveg ghost of relationships past dæmi. Þegar maður hefur lifað svona sérstaklega kaflaskiptu lífi þá er eitthvað mjög óþægilegt við það þegar óvæntur samruni verður, allavega upplifði ég eitthvað crack í matrixnum. Mér finnst líka bara alveg nóg að vera að vinna með gömlum samstarfsfélaga exins og þarmeð upplifa að exið poppar óþægilega oft upp í samræðunum, en að gamla lífið leki inn í þennan alveg afmarkaða heim, sem ég tengist sem einstaklingur en ekki sem par, ... æi ég bara datt alveg úr stuði. Hvað nennir maður að fara að útskýra fyrir fólki síðan að jú, einu sinni var maður í pakkanum, einu sinni var maður í sambúð og var í 10 ára sambandi stóð í skilnaði alveg hreint, sem var hrikalega erfitt þótt allt færi vel fram og bla bla.... mér finnst ég alveg nógu way old fyrir. Það er bara eitthvað offputting að vera kynntur sem fyrrverandi anything... held að það sé mergur bömmersins, maður nennir ekkert að fara spá í þessa hluti þegar maður er í góðum fílíng á laugardagskvöldi.

En þessi frændi exins er gæðablóð mikið, sem og exið, svo þetta er hið besta mál og fæ ég þau í heimsókn næstu helgi með hinum FÍH-dýrunum. Ég þarf því að koma upp með alveg nýjan front gagnvart þessu dæmi öllu - ég hef bara ekkert verið að lenda í þessu mikið áður, maður getur höndlað damn near anything en ef það tengist einhverju svona svaka persónulegu þá er eins og ég pompi. Það verður ekkert pomp leyft á laugardaginn, bara bump og funk! Maður þarf að hrista þetta allt af sér.

:: geimVEIRA:: kl. 11:31:: [+] ::
...

:: geimVEIRA:: kl. 10:55:: [+] ::
...

Það er himneskt Tikka Masala að fæðast í eldhúsinu hjá mér!!! Hvítlauks- og kóríander naan, chutney og grjón.... ég get ekki beðið!

:: geimVEIRA:: kl. 17:59:: [+] ::
...

Hafið þið kíkt á myndirnar hans Árna? Maðurinn er bara snillingur! Væri alveg til í að kunna að taka svona fínar myndir.

Hahahha!

Löngu tímabær linkur er á leiðinni....
Þegar ég nenni.... er samt að fara að sofa núna. Góða nótt.

:: geimVEIRA:: kl. 02:10:: [+] ::
...

Þreyturaus
Ég ætlaði að blogga, en svo bara nennti ég því ekki.

Ég ætlaði að fara snemma að sofa en nennti því ekki heldur.

Ég var ansi slöpp fannst mér á tónleikunum - ég var svo þreytt í röddinni í söngtíma fyrr um daginn að Kristjana lét mig breyta prógramminu - sem betur fer... þetta slapp fyrir horn en ekkert mikið meira. Ég var búin að lofa sjálfri mér að fara snemma að sofa í kvöld! Oh...

Tónleikarnir á List í gær voru funky og flottir - hitti myndarlega tónlistarnema þar - gaman að því.

Ég nenni ekki að segja neitt meira. Sue me.

:: geimVEIRA:: kl. 01:28:: [+] ::
...

Tónleikar
Orð dagsins er: "tónleikar". Ég ætla að gaula smá, eins og 3 stykki lög, í kvöld niðrí skóla og síðan ætla ég að fara á tónleika líka í kvöld á Kaffi List, en þar verða Siggi Flosa, Ómar Guðjónss. Agnar Már og Kári Árnason, maður fer ekkert að hætta að mæta á svona lagað neitt núna - maður stendur bara við það að vera hooked.
Ég tók með mér föt og þykist ætla að lappa upp á mig á klósettinu í vinnunni - verður nettur slippur tekinn! Mér líst vel á þessa sól - sól sól skín á mig....

:: geimVEIRA:: kl. 16:27:: [+] ::
...

Óóóóóó já!

Original English Text:
"I want sun, a massage and my own butler"

Translated back to English:
"Desire the sun, a massage and a way to have the master of the hotel"

Já kannski væri það besta leiðin til að losna við pirringinn ... I'll have my way with the hotel manager! Þekkir einhver sætan hótelstjóra?

:: geimVEIRA:: kl. 14:06:: [+] ::
...

Pirr
Original English Text:
"Stupid people are difficult to work with"

Translated back to English:
"It is difficult also to work to populate stupid"

Þetta væri satt nema fyrir það eitt að ljóskar heimskur fuck like bunnies og eru of heimskar til að nota varnir.

Nei, ok... ég viðurkenni að ég er bara mjög mjög pirruð núna út í heimska ljósku.

:: geimVEIRA:: kl. 14:01:: [+] ::
...

Groove is in the heart!
Þessi helgi varð alveg stórskemmtileg! Ég dreif mig í gær og fékk mér Blackburger á Brennslunni sem var þrælfínn, akkúrat það sem þurfti, síðan fór ég á hreint magnaða tónleika stórsveitarinnar (og skrópaði þarmeð á tónleika samnemenda minna í FíH - en þetta rakst á), maður fékk algjört orkuskot í sálina að fá svona hressandi tónlist, enda nýtti stjórnandinn möguleika hennar í botn - það var seiðandi latin yfir að það var blastað á fullum krafti - yfir í sóló sem spiluð voru ja... sóló því hann slökkti á öllum hinum hljóðfærunum, langir kaflar líka með taktsveitinni einni sem groovið naut sín í tætlur, maður brosti bara hringinn. Ég var náttúrulega síst í stuði að fara heim eftir þetta og ákvað að fara bara og lesa meiri Mogga á Kaffibrennslunni og fá mér latte áður en ég færi heim, þar hitti ég svo bara skólafélaga svo það teygðist á þessu hjá mér. Þegar ég kom heim var ég alveg búin að sjá það, að allt er þegar þrennt er og ég skyldi bara drífa mig á tónleika B-3 sem ég og gerði. Þeir voru mjög ljúfir líka - gaman að fá svona svakalegan skammt af live tónlist, ég hef ekki verið svona dugleg síðan á jazzhátíðinni úti í sumar. Þetta venst samt mjög vel, nú mætir maður bara á allt framvegis - ekkert hangið heima neitt! Þetta var svo skemmtilegt allt saman að ég get ekki beðið eftir að komast á fleiri tónleika.

:: geimVEIRA:: kl. 11:12:: [+] ::
...