:: Þvaðurveita geimVEIRU ::

:: laugardagur, janúar 31, 2004 ::

Oh mig langar til Afríku!



create your own visited country map

:: geimVEIRA:: kl. 13:13:: [+] ::
...

Hjólför á Mars
Váá, komnar nýjar myndir frá Mars! Þeir eru svo krúttlegir karlarnir hjá NASA að lýsa þessu! Búið er að staðfesta fund járnoxíðs á Mars, þeir eru með kampavín og halda alveg Óskarsverðlaunaræður inn á milli þess að þeir lýsa litla fjarstýrða milljarða bílnum sínum. Þetta er algjör snilld náttúrulega!

:: geimVEIRA:: kl. 12:04:: [+] ::
...

Loksins er þessi vinnuvika búin. Ég átti mót við fólk eftir vinnu til að hittast á veitingastað, en svo datt það upp fyrir á síðustu stundu, ég sem skyldi bílinn eftir heima og slaufaði yoga og allt... ég þoli ekki svona, oj oj.
Ég ætlaði að fara á tónleikana með Angurapa í gær, en svaf þá (og allt annað) af mér, því ég lagði mig í gær eftir að ég kom heim um sexleytið og svaf síðan bara til 2 í nótt! Burstaði tennurnar og fór svo bara að sofa aftur.
Ég er dauðspæld að vera komin heim núna, var alveg búin að gíra mig upp í svona hittelsi og smá tilbreytingu.

:: geimVEIRA:: kl. 18:26:: [+] ::
...

Ég þarf að æfa mig, ég er með svona hálsrugl sem ég man ekki einu sinni hvenær byrjaði það hefur verið svo lengi, er aldrei búin að vera 100%, eiginlega bara ekki síðan síðasta vor held ég. Ég var að vesenast með hóstasaft og sólhatt eitthvað í sumar man ég.... spurning hvað virkar. Ætli maður verði ekki bara að syngja þetta úr sér. Það er allavega möguleiki að maður sé bara aldrei búinn að komast alveg í form í vetur.

:: geimVEIRA:: kl. 16:57:: [+] ::
...

Ég er svo aldeilis hlessa! Gat Michael Jackson virkilega ekki hvít ljóshærð börn sín? Merkilegur andskoti? Er virkilega ekki hægt að skipta um kynþátt eftir nógu margar skurðaðgerðir? Skyldi hann vita af þessu? Æi, greyið karlinn. Ég vorkenni samt börnunum hans meira. Hvernig tilfinning skyldi það vera að vera upprunnin annars vegar úr sæðisbanka og hinsvegar undan móður sem seldi mann fyrir 420 milljónir? Ég myndi vilja sjá Michel settan til hliðar sem vanhæfan tímabundið og láta fara ofan í kjölinn á því liði sem haft hefur viðurværi af því að ráðleggja honum, skipuleggja fjármál hans og öryggismál, því það lið hefur augljóslega ekki ráðið honum heilt, og síðast en ekki síst finna og lögsækja þá lækna sem hleyptu greyið karlinum í óþarfar og heilsuspillandi skurðaðgerðir til þess eins að hafa af honum peninga, þegar löngu var orðið ljóst að eitthvað mikið var að. Það er agalegt að horfa upp á þennan stórkostlega hæfileikaríka mann rifinn niður og verða að lögfræðingafóðri, hann sem var búinn að gera svo góða atlögu að sér sjálfum, fyrr má nú rota...
Ég er búin að vera að fikta í eldgömlu Band-in-a-box... ekki hið notendavænsta, það er næsta víst! Hef líka unnið í Sibba vini mínum sem er alveg búið að taka í sátt. Þetta smá kemur. Það verður rosalegur munur að geta farið að skella vesenis transpóneríngum inn hvar og hvenær sem er í Pjakknum, þetta er stuð.
Ég fékk símtal og tölvupóst með þökkum fyrir Prince Polo-ið frá Voðafónsvinunum, gaman að þetta skyldi falla í kramið.
Þessu samhengislausa bloggrugli lýkur hér með. Nú taka veirur á sig náðir.

:: geimVEIRA:: kl. 01:19:: [+] ::
...

Það var alveg ólýsanlega creepy creep á FÍH sultusetunni áðan, blindfullur og leiðinlegur og ljótur óboðinn gestur sem náði að eyðileggja samræður sem hann nálgaðist á svipstundu - enda let's face it - svakalega creepy náungi á ferð.
Nema hvað, að nokkru seinna.... já - einmitt kortér fyrir þrjú (klassík) þá var einn mættur sæmilega sveittur og farinn að klappa einum viðmælanda mínum all vinalega. Ég vissi ekki nema að þau þekktust bara og væru svona mikið vinaleg, en samt var á leið að spyrja hvort allt væri cool, þegar stóri bróðir viðmælanda míns kom og tilkynnti klapparanum með sinni dýpstu og mest ógnandi röddu að þetta væri litla systir sín!
Aldrei á ævinni hefur mig langað svona að hafa átt stóran bróður - eða séð beint hversu cool væri að eiga svoleiðis - þetta var svo innilega hardcore. Sá hinn sami hlaut reyndar coolistaverðlaun geimVEIRU fyrir að ná frumlegasta saxsólógimick sem ég hef séð, þar sem hann sparkaði í rassinn á creepy gaurnum í miðju sólói og skammaði hann síðan á saxófónmáli, mjög fyndið.

:: geimVEIRA:: kl. 03:56:: [+] ::
...

Mikið agalega hef ég gaman af þessu Idol-dæmi! Það alveg ýlir í mér hérna af ánægju (eða illkvittni?). Cowell er flottastur.
Hvernig GETA VERIÐ svona ógeðslega margir ógeðslega lélegir að syngja en verið gersamlega heyrnarlausir á að þeir geta EKKI sungið????

Gott sjónvarpsefni engu að síður! Ég græt úr hlátri hérna!

:: geimVEIRA:: kl. 23:04:: [+] ::
...

Eitthvað sem ég vissi ekki að væri til: Vespa mandarinia

Það eru til japanskar vespur sem eru risa risahlussur 2,7 - 4,5 cm á lengd (oj!), sem hafa í broddinum (sem er 7 mm) eitur sem getur leyst upp mannshold, það er þáttur á National Geographic núna, engin smá kvikindi sem eru rándýr. Þær finna sér hunangsflugnabú, merkja þau til árásarog fremja fjöldamorð alveg hreint á evrópskum stofnum, og ná að stela hunanginu þeirra og færa lirfurnar sínum eigin afkvæmum í matinn (yummy). 30 vespur ná að slátra 30.000 býflugum á 3 tímum - nokkuð sem býflugnabændur í Japan munu vera í vandræðum með. Nokkuð sniðugt samt að japanskar hunangsflugur hafa byggt upp varnir þannig að þær hrúga sér utan um skaðvaldinn upp í 500 stykki og mynda hjúp utan um vespuna, en þar sem saman geta þær náð upp hita sem fer yfir hættumörk fyrir innrásaraðilann svo þeirra vörn er að elda hann!
Ferlega er náttúran alltaf frábær!

:: geimVEIRA:: kl. 01:58:: [+] ::
...

Vesen með íslensku stafina?
Fyrir fólk sem lent hefur í veseni vegna skorts á íslenskum stöfum í blogginu sínu, er hér að finna töfrabragð í boði Blogger. Reyndar var ég búin að setja þetta svona upp áður, en það virðist hafa dottið út hjá mér... allavega - þetta lagaði mitt vesen!

:: geimVEIRA:: kl. 19:15:: [+] ::
...

Vúúhúúú!
Ég veit ekki annað en bara allt tölvuvesenið sé leyst. Ekki var ég nú ánægð með viðbrögð tölvuverslunarinnar sem þrætti út í óendanlegt fyrir alla ábyrgð og vildi þvæla málið með að allt yrði háð því hvort jaðartæki (sem ekki virkaði rétt) hefði verið gallað (sem ég hafði uppáskrifað að væri raunin frá Og-mönnum). Í dag urðu þeir að éta hattinn sinn þegar þeir höfðu fengið staðfest að það sem ég hef haldið fram nú í nokkrar vikur væri satt og rétt. Þótt mér væri endurgreidd verkstæðisvinna, sem ég var rukkuð um þrátt fyrir að ég fengi allan búnaðinn til baka óstarfhæfan, var ég ekki einu sinni beðin afsökunar... mér fannst það nokkuð lélegt þegar ég hef staðið í ómældri vinnu í 7 vikur, sem má í öllu rekja til rangra upplýsinga við kaup tölvubúnaðarins og síðan þrákelni við að viðurkenna gallaða vöru.
En hvað um það, ég á mikið að þakka öllum strákunum hjá Og Vodafone sem hafa verið ótrúlega almennilegir alveg í þessu veseni öllu. Ég er búin að tala örugglega 10 sinnum við þá hjá Nethjálpinni í alveg 20-30 mínútur í nokkur skiptin, þar sem farið var yfir gersamlega allt mögulegt og ómögulegt. Tölvan mín og allur netbúnaður var mældur og prófaður á verkstæðinu, ekki einu sinni, ekki tvisvar heldur þrisvar, í tvö skiptin var unnið á vélina í 4-5 klukkutíma, ég fékk meira að segja einn náunga heim til mín milli jóla og nýárs! Þessi þjónusta var bara algjörlega frábær og ekki ætla ég að kvarta yfir því heldur að hún var ÓKEYPIS með öllu! Ég ákvað því að senda þeim blessuðum smá þakklætisvott sem ég pakkaði inn og setti á slaufu og skrifaði þeim þvílíka ástar- og þakklætiskveðju í kort með. Ætlaði nú að hafa það konfekt eða eitthvað svona huggulegt en fann ekkert svoleiðis af viti, svo það var bara keyptur kassi af Prince Polo. Ég fór svo með þetta niðrí Og Vodafone og vona að þetta skili sér.

:: geimVEIRA:: kl. 19:04:: [+] ::
...

Eftir heilmikla yfirlegu vina minna í Vodafone, árangurslaus hjálparköll og sjálfshjálpartilraunir, sýnist mér Pjakkurinn loksins vera farinn að viðurkenna tilvist þráðlausa netsins. Í anda krukkunnar sem maður er við það að sprengja nýra í sér við að opna og réttir síðan einhverjum sem þarf ekki nema að koma við krukkuna til að opna hana, tékkaði Unnar á einu ósköp standard atriði með mér, sem ég hafði legið yfir í desember án árangurs, og það virkaði hjá honum sem aldrei virkaði hjá mér og allt fór í lag.

Ég vona bara að þetta sé endanlega komið í lag, ég var farin að gíra mig upp í að safna gögnum og upplýsingum þar sem stefndi í að gæti endað í hörðu, en ég er óendanlega fegin að losna við vesen. Það er bara ekki pláss fyrir vesenúrvinnslu í heilanum á mér lengur, er alveg komin með nóg af svoleiðis fyrir árið.

Um helgina fór ég í voðasætt brúðkaup, frænka mín gekk í það heilaga. Þetta var lítil sæt athöfn og síðan var kaffi í heimahúsi. Ég var mjög ánægð að aukagjöf frá mér og fjölskyldunni sló í gegn en ég lét útbúa körfu skreytta rauðum rósum, með Bollinger og jarðarberjum fyrir parið til að hafa með sér á hótel þar sem þau eyddu brúðkaupsnóttinni, en aðalgjöfin var mjög flott en ekki mjög krúttleg kannski. Eftir veisluna endaði ég með fjöskyldunni niðrí bæ að tjútta, mjög gaman barasta bara.

Ég festist í vinnunni í dag og missti af skólanum, það átti að vera próf í tónheyrn og allt, veit ekki hvernig það endar nú, ég boðaði forföll á skrifstofuna, en er ekki viss um hvernig tekið er á þessu - ferlega vont að þessi stundaskrá þurfi að vera svona á staðalvinnutíma skrifstofudýra. Svo þegar ég var laus meikaði ég ekki að fara, enda bara farin í algjöran mínus af því að ég hélt að ég þyrfti að fara að láta taka mig enn og aftur í )*( í tölvubransaveseni, bara fór á bömmer alveg.

Vonandi fæ ég að taka próf í næsta tíma eða eitthvað.

Ég fer í fyrsta tíma hjá söngkennaranum mínum á árinu á morgun... mér finnst ég ekkert vera í söngnámi lengur, rosalagt síðan ég fór í tíma finnst mér eitthvað. Ég hef ekkert sinnt þessu enda búin að vera að jólast og síðan flensast og tölvast og vesenast, þetta bara hefur ekkert komist á listann. Líka lítill söngur búinn að vera í hjartanu á manni eitthvað - vonandi fær maður rosakikkstart í tímanum hjá Kristjönu.

Ég keypti mér baðvog í gær. Mjög nauðsynlegt enda hin gamla nokkuð óáreiðanleg, vildi stundum tala við mann og stundum ekki, ég vissi af því að hún væri 2 kg skökk og gerði ráð fyrir því og bætti við í huganum ... en nei nei, nýju voginni fylgdi kjaftshögg - gamla er semsagt röng sem nemur helmingi meiru! Þetta undratæki verður því rödd sannleikans á heimilinu - ekki veitir af að vekja Þyrnirósarassinn á manni upp. Skrýtið að það skuli ekkert vera þægilegra að sitja á stórum rassi... merkilegt! Aukapadding hjálpar ekkert þannig lagað.
Fyrst ég hef komist að þessari niðurstöðu held ég að ég bara minnki hann aftur núna - ég er alveg búin að sannfærast, ég vann þetta vísindalega og gerði tilraun í nokkur ár. Spurning að tékka á einhverju nýju núna. Já held það bara.

Best að henda íþróttadraslinu í töskuna og drulla sér á stöðina sína. Ekki á morgun... heldur hinn.
*hóst*

:: geimVEIRA:: kl. 01:50:: [+] ::
...

Scary:

You are Going to marry Elijah wood. He will always
respect you and your friends. His cute face and
big blue eyes are also a plus. Congrats!!


Which male celebrity are you going to marry? (10 results that have pics!)
brought to you by Quizilla

:: geimVEIRA:: kl. 16:45:: [+] ::
...

Eg for i hljomfraedi og tonheyrn a manudaginn og fekk nidurstodu ur jolaprofinu i hljomfraedinni - Eg er bara mjog anaegd, fekk 8,5 og gerdi svoleidis agalega aulavillu ad eg hefdi att ad na 9 ef eg hefdi ekki verid uti ad aka ... en eg er mjog satt samt, var ekki ad kludra thvi sem eg var mest hraedd vid svo eitthvad er madur ad medtaka thott mer finnist eg ekkert kunna eda geta i thessu. Svo lenti eg lika barasta i tonheyrnarjolaprofi, en sem betur fer var thad hlustun en ekki songur sem var verid ad tekka a, eg er alveg saemileg i hlustunardaeminu, thad var slatti af tonbilum tharna (sem er svona thad sem eg er skast i) svo eg held ad thad prof hafi verid svona ok, en eg er glotud i songdaeminu svo thad a eftir ad draga mig nidur held eg.
Lokaspitalavist tolvupjakksins mins tekur vonandi enda i dag, en Vodagodurfonn setti einhverja VIP afgreidslu a Pjakk sem lagdist a gongudeild i gaer.
HVAR ERU ISLENSKU STAFIRNIR.... ?

:: geimVEIRA:: kl. 14:01:: [+] ::
...

Þessa sögu skilur geimVEIRAN rosalega vel.

:: geimVEIRA:: kl. 04:04:: [+] ::
...

Nú fer maður að drífa sig í sprikl. Ég er að drepast úr aumingjaskap.

:: geimVEIRA:: kl. 01:56:: [+] ::
...

Hehehhehe! Kannski er það að ég er Guðfaðirinn, en ég las fyrirsögnina: "Haukur dvelur í hvíldarskyni á botni Miðjarðarhafsins". Annað hvort mafíutaugarnar eða bara að ég er ekki mikið fyrir húmor Hauks.

:: geimVEIRA:: kl. 15:30:: [+] ::
...

Right on motha'

What Classic Movie Are You?

Ég er bara búin að vera heima lasin í gær og í dag. Í gær vaknaði ég agalega slöpp eitthvað svo ég afboðaði mig í vinnuna kl 8 fór að sofa og vaknaði ekki fyrr en að verða fimm. Svo ég er ekkert komin á fætur ennþá. Verð samt að drífa mig í föt og grýta jólatrénu út, mér skilst að síðasti dagur hirðingar sé í dag.
Ég get ekki alveg lýst því hvað, í öllu þessu bloody veseni með þráðlausa dæmið hjá mér, ég er ánægð með nethjálpina hjá Og Voðafóni. Ég talaði við enn einn náungann í dag, ég hafði náð að uppfæra driver fyrir netkortið mitt og var að öðru leyti búin að fullfikta mig í gegnum nýju græjuna án árangurs. Náunginn fór mjög vel yfir allt með mér, og þegar það var ekki að virka lofaði hann mér því að ef ég kæmi með vélina núna myndi hann reyna að fá flýtimeðferð einhvers konar á þetta fyrir mig fyrst þetta væri búið að verða svona agalegt vesen. Ég verandi heima varð að afþakka þetta frábæra boð, en er bjartsýn á það núna að þegar ég fer með vélina á mánudaginn kemur verði þessu kippt í liðinn once and for all, enda ég núna með græju frá Og svo það ætti ekki að vera mikið mál að skipta henni út ef þetta er ekki að ganga saman. Ég er samt komin með ógeð á þessu veseni þar sem maður er eiginlega ekki að læra neitt nýtt lengur, heldur bara hjakkandi í einhverju veseni. Ég ætla að skrifa Voðafóni voða sætt bréf þegar þetta kemst allt í lag, þeir eru búnir að vera frábærir.
Ég er búin að vera að transpónera og setja upp í Sibelius annað slagið undanfarið, og er loksins komin með alveg HEILA síðu af einu lagi... *hóst* ... (ég sagði aldrei að ég væri orðin flink í þessu) nema hvað, síðan er ég að fatta núna fyrst að ég er ekki með lagið í allra bestu tóntegundinni fyrir mig... ég bara var ekkert búin að fatta það neitt. Svo nú þarf maður að gramsa og finna hvar transpóneríngarfídusinn er í Sibeliusi.

:: geimVEIRA:: kl. 15:26:: [+] ::
...

What Famous Leader Are You?

:: geimVEIRA:: kl. 00:57:: [+] ::
...

3 happy endings (ég var lucky bastard í dag)!

Hasar nr. 1
Í morgun þar sem ég beygði til hægri mátti litlu muna að ég fengi bíl úr gagnstæðri átt sem kom nærri allur á mínum vegarhelmingi á móti mér götuna sem ég var að beygja inn á, beint í miltað. Ég var á stöðvunarskyldu sem ég virti að vanda, en þessi kom svo hratt (ég var búin að horfa í þessa átt) og var nær alveg á mínum vegarhelmingi líklegast út af klakabrynjunni út um allt (sem eðlilega þenkjandi ökumenn myndu ekki einu sinni fara upp í 30 km hámarkshraðann sem leyfilegur var þarna - þessi slagaði upp í 50 -60), að einungis mitt snarræði bjargaði mínum limum í morgun, en hefði ég farið hraðar af stað hefði getað orðið bílslys þarna.

Hasar nr. 2
Eftir vinnu var verkefni dagsins að skila þráðlausum access point og fá endurgreiddan. Skila þráðlausum router accesspoint og fá endurgreiddan og fara með ADSL routermódemið mitt og fá að skipta því upp í þráðlaust ADSL routermódem án þess að þurfa að borga alltof mikið á milli. Á öllum stöðunum átti ég von á svakaveseni og bjó mig andlega jafnvel undir einhverja hörku. Þetta gekk hins vegar allt upp, ég fékk meira að segja dúndurgræju hjá Og sem er glæný og voðafullkomin. Bömmer dagsins var hinsvegar að þetta virkar samt ekki ennþá - núna lýsir þetta sér samt þannig að mig grunar að það sé kannski bara driverafokk í gangi... ég er allavega ekkert að missa það ennþá.

Hasar nr. 3
Kona sem vinnur með mér ljóstraði upp leyndarmáli sem mig hefur lengi langað að vita, um hvernig baka eigi kartöflu í örbylgjuofni. Ég gangandi mitt staðalmaraþon í matvörubúðinni og hafandi ekki hugmynd eða frumkvæði í neins konar eldamennsku mundi eftir þessari snilld og ákvað að éta bara bakaðar kartöflur í matinn. Síðan fór ég heim, skellti kartöflu í örbylgjuofninn í tilskyldar 9 mínútur og lét bíða hýðið að verða stökkt og svona, mér leist þrælvel á þetta komin þessi fína bökunarlykt. Síðan lét ég hana aftur í ofninn og stillti aftur á 9 mínútur og fór að álpast eitthvað inni í stofu, fór inn með sýrðan rjóma og krydd og svona. Svo svona ákvað mín að kíkja á kartöfluna sína og viti menn!!! Rauk ekki úr helvítinu og ofninn orðinn nærri reykfylltur og þar sem ég var akkúrat að meðtaka þetta heyrðist þetta eldsupptakahljóð (svona eins og þegar maður sleppir frá sér andanum eftir að halda honum lengi) og sá ég akkúrat þar sem ég var að teygja mig til að slökkva á tæki dauðans eldtungurnar stíga upp úr kartöflunni. Eftir að hugsa málið í 1 sekúndubrot og accessa öll database um eld og viðeigandi slökkviaðferðir og ákveða að þetta væri hvorki rafmagns- né olíueldur, var Bachelor Soup bollinn fylltur af vatni og því hellt á fullmikið ELDUÐU kartöfluna. Þar með var það bál slökkt. Síðan eins og ég hefði aldrei gert annað rauk ég til og reif batteríið úr reykskynjaranum (hefði ekki meikað pípið ofan í adrenalínið) opnaði allt út - enda enginn smá reykur sem kom þegar ég opnaði ofninn. Eftir þetta adrenalínkast fór ég og "slappaði af" yfir hasarnum í ER. Kvöldmaturinn minn var semsagt syndsamlegt snakk með salsasósu, sojamjólkurferna og saltpillur. Mig langaði ekki að prófa aftur að elda mér kartöflu í örbylgjunni.

Á heildiina litið hef ég því sloppið þrælvel frá þessum degi... er ekki með bíl í miltanu... er ekki við upphaf málaferla af neinu tagi við tölvufyrirtæki.... og kveikti ekki í íbúðinni með kartöflu. Skemmdi ekki einu sinni örbylgjuofninn. Maður þarf að vera þakklátur fyrir allt svona.... þráðlaust internet hvað? Ég er með öll líffæri ennþá og slapp við eldsvoða um nokkrar sekúndur.

:: geimVEIRA:: kl. 00:06:: [+] ::
...

Þá eru jólin bara búin.... loksins kemur fram eini kosturinn við að hafa verið latur að setja upp skraut - maður verður ekki fram í febrúar að taka þetta allt saman niður.



Ég gleymdi að lýsa alveg ótrúlegri þjónustu hjá Og Vodafone, en vegna alls vesensins með þráðlausa dæmið hjá mér fékk ég bara heimsendan mann frítt. Sá fann út úr þessu og kom í ljós að nýji access pointinn sem ég hafði keypt er bara líka bilaður... Ég fer að halda að ég sé með óheppnari manneskjum í tölvukaupum. Anyhow nú þegar maður er kominn á lappir ætla ég að fara í allsherjar skilunartúr... vona bara að ég lendi hvergi í stælum.

:: geimVEIRA:: kl. 12:22:: [+] ::
...

Í gær lenti ég í óvenjulegri lífsreynslu þegar ég var að nota svitalyktareyðis roll-on... kúlan datt bara úr og gumsið lak eftir síðunni á mér og niðrá gólf. Ég varð að fara aftur í sturtu, hef aldrei vitað annað eins!

Ég verð að benda ykkur á stórmerkilega heimasíðu þar sem búið er að taka saman ljóta brúðarkjóla... hvaðan skyldi þessi vera upprunninn.... gee hmm... I wonder!?!

Mér finnst þessi líka ansi .... mann skortir bara orð!

Þennan hefði Britney átt að fá sér.

:: geimVEIRA:: kl. 01:14:: [+] ::
...

Gleðilegt ár!
Ég biðst forláts á bloggletinni. Vonandi hafðir þú það gott um áramótin. Ég skemmti mér konunglega, borðaði frábæran mat í góðra vina hópi og var í gúddí fílíng langt framundir morgun nýársdags.

Af tilefni frétta áðan um nýjan fæðuþríhyrning fékk ég mér minn eigin þríhyrning: forláta Toblerone bita og diet-coke sopa, annars finnst mér þessi líta mjög lógískt út, kannski maður éti svona þríhyrningsfæði þegar maður leggur jólaToblerone-inu. Annars er ég bara lasin heima, er búin að vera óttalega slöpp alla helgina, hef legið uppi í rúmi með svona hitateppi alveg eins og gamalmenni bara en er öll að braggast, held ég haldi mig samt heima líka á morgun.
Bandaríkjadalur er orðinn svo lágur að maður verður að drífa í að panta sér kerlingablaðaáskriftir, ef maður væri ekki með árlega jólamóralinn væri maður nú búinn að kíkja á netverslanirnar einnig. Kannski maður geri það ef dollarinn hangir í kringum 70 kallinn áfram. Ég hef annars ekkert að segja, þá er best að þegja bara.

:: geimVEIRA:: kl. 19:10:: [+] ::
...