:: Þvaðurveita geimVEIRU ::

:: laugardagur, ágúst 30, 2003 ::

Þessi ágústmánuður líður alltaf svo hratt eitthvað, ég trúi því ekki að hann sé að verða búinn. Ekki það að mér hafi ekki leiðst eða þannig, bara þótt maður hafi ekkert verið að gera þá samt þaut hann hjá. Ég keypti mér svona kort í líkamsrækarstöð á fimmtudaginn, nú á enn og aftur að "gera eitthvað". Það var mjög fínt, ég mætti í fyrradag og í gær, ákvað að vera heima samt í dag svona, byrja ekki of harkalega.
Ég rakst á alveg snilldarlega síðu, þar sem hægt er að kaupa nótur yfir netið og downloada bara, svo ég sótti bæði Protection og Teardrop með Massive Attack. Ég var alveg að gera rétta hluti með að pikka Teardrop upp, en æðislegt að fá nóturnar bara svona complett svo ég bara æfði þetta í þaula, er að spá mikið í hvaða lagi ég eigi að splæsa á mig næst.
Ég ætlaði að vera á fullu í einhverjum þrifum og myndarlegheitum í dag, en hef bara verið í einhverju netkasti, kannski ekki skrýtið þar sem ég hef bara mest lítið notað mína tölvumaskínu undanfarið, er fúl út í gripinn. Ætlaði að skella meira minni í hana til að hressa hana við, en hún strækaði alveg á allar svoleiðis æfingar svo það er orðið ljóst að hún verður aldrei betri en hún er núna, sem er skítt. Megaskítt.

:: geimVEIRA:: kl. 16:46:: [+] ::
...

Brainstorming...
Jæja, eitt lag allavega sem mér datt í hug. Er búin að æfa það en veit ekki með útfærslu. Þarf meira en bara píanó undir, en Kjartan snillingur getur allt svo kannski væri píanó meira en nóg... anyways það er seinni tíma vandamál... ég skellti bara Mezzanine á fóninn og kveikti allt í einu á laginu "Teardrop". Gæti alveg verið að virka í veirulegum flutningi held ég. Um leið og ég þakka Marilyn fyrir uppástungur óska ég eftir fleiri tillögum.
Ég og tölva dauðans höfum tekist á í gær og í dag. Ég ákvað að skella meira minni í gripinn, það gekk vægast sagt illa, í stuttu máli eftir samtals 5 tíma vinnu við þetta vesen og hjálp frá góðu fólki, kemur í ljós að þetta er bara vonlaust dæmi. Ég sem ætlaði að kaupa gálgafrest með þessu... en tölvuskrattinn er orðinn alveg óbærilega leiðinlegur. Ekki skrýtið að maður flippi alveg þegar maður sér öll tölvutilboðin fyrir haustið... eitt meira að segja með ProTools + námskeiði og ég veit ekki hvað og hvað. Peningaskítipillur óskast. Pappapeningaskítipillur vinsamlegast - nenni ekki að skíta klinki.

:: geimVEIRA:: kl. 22:55:: [+] ::
...

Geisp!
Allir með góðum vilja gerðir hjá RÚV, en ég skil ekki að það sé verið að hleypa bara öllum í útsendingu. Núna t.d. var verið að tala við einhverja konu sem varð svona "skelfingu lostin" og var í miklu uppnámi og talaði í óðagoti frá þessari "skelfingu" allri saman, hvaða tilgangi þjónar að tala við kerlingar sem tiltaka að þær séu einar heima og þetta hafi veirð "hrææææðilegt". Gaman að heyra í fólki sem sá eitthvað merkilegt, eins og björgunarsveitakarlarnir sem sáu jörðina ganga í bylgjum, en fólk sem hefur bara frá því að segja að það hafi verið hrætt, eða að það hafi pakkað þessu og hinu niður í töskur í ákv. röð eða ekki, mér finnst það ekki vera útvarpsefni sem á við. Vissulega þeirra afstaða, en svo hleypa útvarpsmenn þessu fólki gjammandi inn í markverðar upplýsingar sem það er að reyna að gefa og svona... gefur ekki beint svona tilfinningu fyrir að allt sé undir styrkri stjórn.
Þetta er í það minnsta svo leiðinlegt að maður fer að verða þreyttur aftur og hættir alveg að nenna að spekúlera í þessu meir. Þetta er kannski hugsað sem svona "order by boredom" pæling. Fólk hættir að nenna að hafa allar tilfinningar, hvort sem um hræðslu eða æsing er að ræða, þær kafna allar í leiðindunum þar til fólk getur bara sofnað rólegt og af-adrenalínað.

:: geimVEIRA:: kl. 03:57:: [+] ::
...

Hasar dagsins:
Jarðskjálftar, ég fann bara annan reyndar ansi snarpan, brá ekkert smá. Síðan sá ég fólk vera að tala um Rás 2 á netinu og stillti yfir á það, þá var þessi líka viðbjóðslega gerfirólega karlmannsrödd að þylja einhverja panikk-handbók frá Alkmannavörnum. "Yfirgefið hús ef þið metið það ótryggt... munið að bíllinn er oft fyrsta upphitaða skjólið.... varið ykkur á glerbrotum..... farið undir borð ... forðist elda" eða álíka ..... það er ég handviss um að þessi skilaboð (sem allir náttúrulega vita hvers vegna RÚV er núna með - eftir að lýsa bara boltaleik þegar stóri skjálftinn varð 17.06.2003) valda meiri ótta en þau eiga að eyða, því fólk sem kom inn í þetta, en var fjarri skjálfanum hlýtur að hafa álitið ágætlega líklegt að nú væru bara þúsundir manna sökkvandi ofan í jarðkviku einhvers staðar. Þetta var bara svona hressilegt högg með smá skjálfta og kirsuberi. Annar mun hafa verið 4,1 og hinn 4,9 .... eða eins og Unnar sagði: "Annar féll og hinn náði".
Gaman að þessu.

:: geimVEIRA:: kl. 02:30:: [+] ::
...

Bömmer dagsins:
Ég missti af Thievery Corporation!!!!!!! Arrg... og þeir voru meira að segja HÉR á landi!!!! Reyndar á Airwaves 2000 en bloody hell samt!!! Urr.
Sko ok ég hef þá ágætu afsökun að hafa bara ekki haft HUGMYND um þeirra tilveru þá - en ég hafði heldur ekki burði til þess að fara á þessa Airwaves hátíð. Það er greinilega ekki annað hægt en að mæta bara á allar svona hátíðir hér eftir - agaleg spæling að missa svona af góðu liði - en fatta það kannski bara svona mörgum árum síðar.

:: geimVEIRA:: kl. 01:13:: [+] ::
...

Ég er í mínum fjallatónleikaJamiroquaistuttermabol að hlusta á franskt rapp. Mig vantar alveg rosalega mikið hugmyndir og/eða nótur að lögum, ég er alveg tóm í hausnum og komin með leið á því sem ég æfði síðasta vetur. Hér með tilkynnist að tillögur væru vel þegnar. Ég tók smá törn síðsumars í fyrra í að æfa einhver lög og sparaði mér tíma og vinnu um veturinn að hafa skrattast smávegis... hefði viljað gera það líka núna en finn mér einhvern veginn ekkert sem heillar mig algerlega. Ekki hjálpar að tónlistin sem ég hef verið að hlusta á er eiginlega bara elektróník og instrumental dæmi - ekki mikill söngur sem æsir mann eitthvað til stórverka - enda svosem ekki mikil rödd búin að vera í manni þetta sumarið. Og í staðinn fyrir að vera góð og sniðug og æfa skala þá bara, gera söngæfingar og svona, þá bara æfi ég mig á píanóið. What the fuck's that?

:: geimVEIRA:: kl. 20:40:: [+] ::
...

Ég er búin að vera lasin barasta í dag, svaf í allan dag! Mig dreymdi alveg ótrúlega steypu eins og vanalegt er þegar maður er með hita. Mér leiðist svo mikið að ég gæti ælt! Spurning að sofa bara meira.

:: geimVEIRA:: kl. 23:37:: [+] ::
...

Ég fór á Bruce Almighty áðan í bíó með Bulld0zer. Ég var ótrúlega ánægð með þessa mynd. Ég hafði ekkert séð úr henni að ráði (lagði mig fram um að sjá ekki "trailera" eins og ég geri vanalega) og verð að segja að þetta var með fyndnari myndum sem ég hef séð í nokkur ár held ég bara. Jim Carey var náttúrulega alveg í essinu sínu og Morgan Freeman er alveg "right up there" með Alanis Morrissette í Dogma sem besta ásjóna Guðs í bíó ever. Mæli með þessari mynd.
Ég gerði nákvæmlega ekkert af því sem liggur á mér að gera, ég er með móral yfir nákvæmlega öllu. Sameignin sem ég átti að taka í gær eiginlega bíður ennþá - ég er enn ekki búin að þvo þvottinn, þrífa og blablabla. Það er eitthvað framtaksleysi að síga í mig. Það og eitthvað hálsbólguskrípi og hiti held ég. Allavega í kvöld þegar ég var að borða þoldi ég ekki að drekka kalt vatnsglas með - mér varð svo rosalega kalt, held bara að ég sé með hita. Fékk mér kaffi og allt en um leið og það var búið varð ég að fara í úlpuna svo ég frysi ekki. Hey já og mér tókst á snilldarlegan hátt að reka úlpuna mína í pinkulitla gosglasið, sem ég var svo þyrst að ég keypti mér á 200 kall í bíóinu, úff, þegar ég settist en fattaði það ekki fyrr en ég fann að buxurnar mínar voru að vökna, þá sá ég að glasið var á hliðinni einhvern veginn í glasahaldaranum á bíósætinu og það lak úr því á sætið mitt. Til þess að laga þetta færði ég nú til úlpuna og lagaði glasið, en þegar ég var búin að því og ætlaði að setjast uppgötvaði ég að glasið hafði hreint ekki verið á því að sitja í þessum haldara og það féll í gólfið með látum og gosið út um ALLT. Ég varð að skipta um sæti og ekkert gos fyrir geimVEIRU. Það var gott að fá sér vatn þegar ég kom heim, enda ótrúlegt hvað popp og kók gengisfellur þegar diet-kókið vantar.

:: geimVEIRA:: kl. 00:40:: [+] ::
...

Úff, best að reyna að fara að sofa....
Elding var ekki orsökin. Didn't think so.
Ég er ennþá freaked out - hugsa til Ernu og Marðar. Vonandi skemmist ekkert á labbinu hjá Ernu.

:: geimVEIRA:: kl. 00:38:: [+] ::
...

Vonandi: Elding talin hafa valdið rafmagnsbiluninni.

:: geimVEIRA:: kl. 23:47:: [+] ::
...

Það sem er scary við að horfa á þennan geðveika mannfjölda allan úti á götu er að þótt rafmagnsleysið væri ekki vegna hryðjuverks þá sér maður hvað þarna væru komnar góðar aðstæður fyrir t.d. sýklavopnaárás.
En ég er bara paranoid. Ég get ekki gert að því að ég bara trúi ekki því að rafmagnskerfi allra þessara borga sé ekki burðugra en það að það geti bilað svona í klessu og út um allt... Montréal er víst í vanda líka. Well best að skvetta terpentínu á þennan veggskratta hjá mér.

:: geimVEIRA:: kl. 23:03:: [+] ::
...

Nú er maður límdur við CNN og Sky... áðan var viðtal við fólk sem kom sér sjálft út úr neðanjarðarlest, það var troðið í vagnana enda rushhour hafið - fólk læstist inni í lyftum og enginn vissi náttúrulega hvað var í gangi. Rosalega hlýtur fólk að hafa verið hrætt. Úff! Ég sá áðan myndir af borgurum að hjálpa hverjum öðrum, dáldið sæt sena svona ungir algjörir gaurar að bera gamla kerlingu út og yfir teina í neðanjarðarlest, réttu henni síðan pokann hennar og svona. Einnig var skýrt frá því að almennir borgarar hefðu lagt sitt af mörkum við að reyna að stýra umferð (heheh - hvernig skyldi það nú hafa tekist?)
Ég vona bara að það sé rétt mat að þetta sé ekki hryðjuverkatengt, við þurfum ekki 8-14 ofan í 9-11!

:: geimVEIRA:: kl. 22:32:: [+] ::
...

I'm scared
Mér líst EKKERT á þetta blackout í USA og Canada. Ég er skíthrædd sko... ég meina NYC, Detroit, Cleveland, Toronto, Toledo, Ottawa..... engin tengsl my ass. Hvurn djöfulinn er verið að plana núna??!!
Og núna heyri ég að þetta sé bilun í orkuneti.... well ég er ekki sannfærð. Þegar kemur myrkur - þá fer allt til andskotans því þá fer rumpulýðurinn af stað. Þetta væri líka alltof massíft til að hægt væri að játa að þetta væri hryðjuverk - massapanikkið myndi drepa allt og alla. Fólkið í neðanjarðarlestunum hlýtur gersamlega að vera að missa það.

:: geimVEIRA:: kl. 21:41:: [+] ::
...

Ég er eins og fleiri ósköp löt við að blogga þessa dagana. Ástæðan er þó í raun ekki bloggleti heldur lífsleiði - ég geri ekkert og fer ekkert, hitti engan og lendi ekki í neinu athyglisverðu þessa dagana, svo tilhugsunin að blogga um það er bara of niðurdrepandi.
Það markverðasta sem ég hef gert undanfarið er að ég bónaði bílinn minn, svo hann er glansandi og fínn, eða var það allavega í hálfan dag þar til fór að rigna, samt gott að vera búin að þessu.
Ég er rosalega sátt við Davíð og co núna, glæsilegur árangur!!! Ég verð að segja það að mér leist hreint ekki á að missa þessar oggolitlu varnir sem þó eru, af landinu fyrir haustið. Svona er það bara - ég er mjög ósammála herstöðvarandstæðingum og hananú, ég vil ekki sjá Nato burt. Ég vil alveg sjá Bush burt úr Hvíta húsinu, en það er víst ekki á okkar valdi, svo það þýðir lítið að hugsa um það.

Jæja, best að kíkja á Friends.

:: geimVEIRA:: kl. 19:40:: [+] ::
...

Ó nei! :(
Gregory Hines lést á laugardaginn. Ég var einmitt að hugsa svo mikið til hans í gær þegar ég sá hann í aukahlutverki í bíómynd - var svo langt síðan ég hafði séð hann í mynd. Hann var bara 57 ára. Núna er ég sorgmædd.

:: geimVEIRA:: kl. 21:53:: [+] ::
...

Þrjár sannar niðurstöður....




How FAT are you?

Brought to you by the good folks at sacwriters.com.






Are you RACIST?

Brought to you by the good folks at sacwriters.com.






How DUMB are you?

Brought to you by the good folks at sacwriters.com.

:: geimVEIRA:: kl. 01:30:: [+] ::
...

blúbb?

:: geimVEIRA:: kl. 15:45:: [+] ::
...

Vatican GayPride 2004
Arnaldur Schwarzenegger ætlar að taka slaginn í Kaliforníu - verður gaman hjá honum á Þakkargjörðarhátíðinni að rífast í tengdaKennedyunum. Árni Johnsen enn þá kolklikk (ekki-frétt). Páfinn og Bush lepja upp fordómastrumpið hvor úr öðrum - óóóótrúlegur andskoti! Veiðistrump vilja hefja hvalstrump og túristastrump mótstrumpa.
Ég sé fram á að verða í fyrsta skipti í bænum á GayPride-daginn, mér finnst þetta svo frábært framtak, um að gera að skella sér í bæinn, sýna lit og stuðning, ekki satt? Smá pæling samt... er gangan sjálf bara fyrir samkynhneigða og þeirra vini og nánustu fjölskyldu og allir hinir horfa á og klappa fyrir þeim, eða má maður labba með þótt maður sé ekki gay og heldur ekki beinlínis að fagna með einhverjum ákveðnum gay vini eða ættingja, bara svona til að sýna almennilegan stuðning? Ef það er samt myndi maður kannski flottu floaterarnir marks eitthvað fólk hlýtur að eiga að sjá þá og svona, en mér finnst líka svona hálflame-stuðningsyfirlýsing að standa og glápa bara á fólkið í göngunni... spörneng hvað maður gjörer! Í það minnsta óska ég öllum til hamingju með hinsegin daga, þetta væri óhugsandi gjörningur mjög víða um heim. Ég legg til að Interpride stormi Vatikanið næst!

:: geimVEIRA:: kl. 01:52:: [+] ::
...

Jæja, þá er maður officially búinn í sumarfríi... þetta var ljúft meðan á því stóð, hefði sko alveg getað hugsað mér að vera helmingi lengur engu að síður.



Ég er allavega kominn með lit, sjáið þið... ekki mikinn, enda fór ég svo varlega, SPF 30 í fésið sko - besta hrukkuvörnin að passa upp á það, svona fyrst maður er svona vitlaus að sækja í að sleikja sólina.
Ég er næstum búin að þvo allan þvott eftir ferðina, en nenni núna barasta engu. Nenni ekki að taka til, nenni ekki að fara að sofa, nenni ekki að blogga... eða já ok, svona næstum því.

Ég er farin að hlakka til skólans bara... reyndi reyndar að æfa mig áðan - blah... ekki hljómaði þetta nú vel, ég sem er búin að hvíla mig algerlega frá þessu gauli... well maður er bara dottinn úr þjálfun I guess.

Ég á bara ekki orð meir - góða nótt!

:: geimVEIRA:: kl. 22:44:: [+] ::
...

Ég varð að koma frá mér jazzhátíðar-dagbókinni svona sæmilega, en það var margt sniðugt sem ég hef ekkert bloggað um náttúrulega annað. Hér koma bara svona örminningakorn:
Það var framið hryðjuverk í Nice þegar við vorum þar, sprengd upp ríkisskrifstofa, skatt- og tollskrifstofa og var mjög hörð öryggisgæsla við innganginn á Jazzhátíðina, leitað í öllum töskum og þess háttar. Svo það voru langar raðir, en þó gekk þetta mjög hratt. Þegar maður kom að langri röðinni voru starfsmenn sem byrjuðu á því að tryggja að fólk sem færi í öryggistékkið væri með gilda miða, þar sem við biðum þar í röðinni kom starfsmaður hátíðarinnar, gekk á röðina og sagði við alla: "Brosið þið!" brosti og labbaði á næsta og sagði það sama. Krúttlegt.

Ég keypti mér bol með tákni jazzhátíðarinnar, mjög töff mynd af Satchmo að syngja, ég fór síðan daginn eftir í þeim bol niðrí bæ enda ætlaði maður að enda síðan upp á jazzhátíð um kvöldið. Þegar ég kom út úr búð og var í mannþröng þar, var hins vegar maður út undan mér sem svona hálfgargaði eitthvað á mig svona rámri röddu ég hélt fyrst að þetta væri kannski bara róni eða eitthvað, mamma fékk sjokk því hún hélt að einhver ætlaði að abbast upp á mig, en svo fór ég að skellihlæja þegar ég heyrði betur í gaurnum. Þá hafði hann bara rokið á mig og brotist út í söng (ekki gargaði eins og ég hélt fyrst) þá náði hann Lois Armstrong svona svakavel og söng "When the saints go marchin' in" með algjörri Lois rödd, á bolinn. Hilarious shit!!!

Ég hafði mig upp í að kaupa mér Sjálfstætt fólk Laxness og lesa í sólbaði, (hafði aldrei lesið gripinn), eftir að hafa það að vera ca hálfnuð með bókina, rak ég augun í við lok söguhlutans, að hann var skrifaður að hluta einmitt í Nice. Gaman að því.

Loftkæling í öðru herberginu í íbúðinni bilaði og kom þá húsvörður hótelsins sem maður var oft búinn að sjá í lyftunni, hann er svona oggopínkulítill Frakki. Þetta var hinn ekta "stutti Frakki" því hann er ca 145-150 cm samt ekki dvergur eða neitt, alveg í réttum hlutföllum og allt, bara svona óttalega stuttur (fullt af svona lágu fólki þarna, ég með mína 1,60m var oft bara hávaxin vúhú). Svo fór hann fram á gang, náði í ruslafötu þaðan sem var ca 90 cm og stóð á henni til að ná upp. Súperkrúttlegt.

Daginn eftir Roots tónleikana var hluti af bandinu bara á jazzhátíð við hliðina á mér að borða pylsu, einn var að gefa japanskri stelpu eiginhandaráritun á öxlina.

Ég lenti í svona lygilegri viðreynslu bara úti á götu labbandi. Einhver gaur vatt sér upp að mér, ég náttúrulega bara rosalega köld bara ekkert að kaupa þvaðrið í honum, en hann talaði eiginlega enga ensku, gat þó sagt að hann væri Ítali sem væri nýfluttur til Frakklands og blabla... ég bara strunsaði áfram, vissi ekkert hvort þetta væri nutter eða hvað, svo vildi hann bjóða mér upp á drykk ég afþakkaði það, þá vildi hann bjóða mér símanúmerið sitt, sem ég bara afþakkaði líka og labbaði áfram og keypti mér skó. (these boots are made for walkin'...) - þetta var svona púkó eins og í bíó - ég hef ekki lent í þessu fyrr allavega, sem er náttúrulega stórfurðulegt, svona fjallmyndarleg sem ég er Bwhahah!

:: geimVEIRA:: kl. 04:09:: [+] ::
...

Fjórða kvöldið: Lisa Ekdahl
Ég hlakkaði til að heyra í flestum söngkonunum þetta kvöld, sem var svona kvennakvöld, en þetta var alveg ótrúlega lítið spennandi. Kvöldið byrjaði á Beth Gibbons (sem var í Portishead - en ég hef aldrei fílað sérstaklega) og hún var enn við sama væluheygarðshornið og var engan veginn að snerta mig, öll lögin svona agalega róleg með agalegum meiningum og væli. Svo heyrði ég í konu sem kallar sig Noa, en er svo vinsæl (án þess að ég vissi það) að maður gat ekkert séð því það var gersamlega fullt alveg, en hún var með svona bara mellow tónlist, alls ekki jazz samt. Svo labbaði maður að kíkja á Bebel Gilberto, og viti menn! Enn ein tístpían, ég átti von á svona einhverju dúndri kannski frá allavega einhverjum, en hún bara svona trallaði voðalega lágt við voðasætan bossanovatakt og heillaði mig nákvæmlega ekkert. Svo var það aðalnúmerið, Lisa Ekdal. Ég fékk sæti, sem var ótrúlegt eftir að geta ekki einu sinni séð á sviðið þegar þessi Noa var uppi. Ég rétt náði bara í lokalag líklega hressustu söngkonunnar, N'Dambi, sem var bakrödd hjá Erykuh Badu víst... það sem ég náði í hljómaði ágætt alveg.
Lisa blessunin getur alveg sungið. Hún tók standarda eingöngu, en söng þá síðan alla bara svona slétt og fellt og voða sætt, hreyfði sig ekki bofs, hún var með nær eingöngu róleg lög, enginn skattur ekkert nýtt, hún söng þau öll eins og Marilyn Monroe þegar hún var 12 ára, og var farin að fara rosalega í taugarnar á mér undir lokin, þegar ég tók eftir að hún var alltaf með svona eiginlega eins og fimleikastelpurnar gera í lok æfinga, ákveðna hreyfingu alveg sjúklega tilgerðarlega, í lokatóni hvers lags (þessi stelpa var of hvít fyrir mig) ég fann enga einlægni og var mjög hissa, því ég hef heyrt að margir fíli hana mjög vel. En jú ok, þetta var alveg skammlaust - tæknilega fullkomið - en vantaði bara sálina í þetta. Ég var ótrúlega spæld með þetta kvöld. Eftir stuðið daginn áður, langaði mann sko að sjá hvaða dúndur kynsysturnar kæmu með, þá var þetta bara vögguljóð ofan í vælulög ofan í litla sæta áhættulausa standardaflutninga. Þetta var eina kvöldið sem maður fór heim áður en showið var búið.

Fimmta kvöldið: Chic
Við mættum frekar seint þetta kvöld, svo ég missti af Robert Plant (æi mér var alveg sama samt), svo tékkaði maður á Richie Havens (gamall Woodstock-dúd) hann var ósköp rólegur, og eftir rólegheitin kvöldið áður hafði ég enga þolinmæði í svoleiðis og var því spennt að sjá gömlu diskóboltana í Chic. Þeir sviku ekki og komu með gömlu lögin og trylltu liðið, allir sungu með Freak OUT! Dáldið fyndið að heyra Frakkana kyrja "Le Freak, c'est chic! FREAK OUT!" Maður skemmti sér konunglega, mjög flott band bara, engin ellimerki og rosagaman að heyra live öll þessi gömlu diskólög þeirra.

Sjötta kvöldið: Kool & the Gang
Þar sem maður fór á ströndina fyrr um daginn og var nokkuð slæptur eftir það var ákveðið að stefna bara á að sjá Kool & the Gang og láta duga að þurfa að standa þar lengi lengi, því mætti maður frekar seint (kannski of, því ég missti af einu númeri sem ég ætlaði mér að tékka á: Roy Hargrove... en hvað um það). Þetta band var alveg svakalegt. Þeir voru með rosalega flott show bara og tóku öll gömlu lögin, allir sungu með og dönsuðu, það var alveg frábært að heyra lög eins og Celebration, Jungle Boogie og Ladies Night alveg á blastinu með hellingsbrass og læti - og allir syngjandi með var rosalega gaman, þeir hafa greinilega engu gleymt (segi ég sem hélt að þessi hljómsveit væri löngu hætt). Svakalegt fjör og mikil stemming.

Sjöunda kvöldið langþráða: Jamiroquai
Það varð algjör sprenging í fólksfjölda þetta kvöld, samsetningin breyttist rosalega og það varð allt fullt alveg af ungu fólki og unglingum. Það var mjög mikill troðningur, ekki bætti úr skák að tónleikarnir byrjuðu 30 mín FYRIR auglýstan tíma, svo allt í einu þusti fólkið alveg að, svo ég var í geðveikum vonbrigðum hoppandi, standandi á tám og að kafna í troðningi fyrsta hálftímann og naut því alls ekki fyrri hluta tónleikanna, enda var ekki jafnmikill svona live fílíngur þar sem maður heyrði ekki eins mikið og var t.d. á Kool tónleikunum (líklega einfaldlega vegna fólksfjölda, það voru ca. helmingi fleiri á þessum tónleikum), Jammi var samt í dúndurstuði - bara spæling hjá mér að ná svo ekki einu sinni að sjá hvort þetta væri karlinn sjálfur eða bara einhver horgemlingur með hatt. Síðan náði ég að færa mig og gat, ef ég stóð á tám (sem ég svo gerði allt kvöldið), séð þar sem ég stóð á trjárótum. Þá sá ég líka að þetta var alveg Jammi vinur minn. Þetta var náttúrulega magnað að heyra öll þessi gömlu uppáhaldslög live, maður fékk líka að vita hvers vegna showið byrjaði svona snemma, þá ætluðu þeir að láta liðið fá almennilegt fullt show og ekkert kjaftæði (númerin voru auglýst að þau yrðu allavega klukkutíma, en voru yfirleitt 1,5 tími) þetta var því 2,5 tíma show með engu hléi, og Jay Kay var á fullu hlaupandi dansandi og hoppandi allan tímann (ekki furða að hann sé horaður- úff). Það rættist því stórvel úr þessu öllu saman. Jay Kay fær 10 fyrir flottar improviseringar og úthald, Jamiroquai er band sem ég vona að ég fái að sjá aftur (og betur).

Það varð samkomulag um að skrópa síðasta daginn á jazzhátíðina, enda allir lappalausir eftir troðningin, ballettástöðurnar og hitann og svitann. Ég hafði hugsað mér að kíkja í búðir, kannski finna á mig bol og jafnvel skó, en strigaskór sem ég hef látið duga sem hversdagsskó gáfu sig alveg í öllu labbinu og langtímastöðunum á jazzhátíðinni. En úr varð einn svaðalegasti verslunardagur sem ég hef bara lent í. Ég byrjaði á því að detta inn í útsölu og finna bara á mig þessa fínu boli og meira að segja TVÆR peysur fyrir veturinn, sokka og belti jú líka. Bara læti í mér. Síðan af því að ég hafði séð einhverja svona svarta plain skó frá Timberland í íþróttabúð, sem voru ok en ekkert æði svo ég nennti ekki að máta, langaði mig að tékka hvort til væri eitthvað svipað þar, þá hafði pabbi séð Timberland búð á öðrum stað, svo þangað var haldið. Þar fann mín bara á sig þessa flottu hversdagsskó. Mamma tvær peysur og boli og allskonar. Þar sem ég sat og beið eftir mömmu fór ég alltaf að horfa meira og meira á úlpu sem mér fannst svo geimveiruleg, og endaði með að máta hana. Þá bara smellpassaði hún, ég gat meira að segja mátað utanyfir vetrarpeysu, því ég var með svoleiðis í poka. Þarna var ég síðan alsæl inni í loftkældri Timberlandbúð á 32°c heitum sumardegi í Nice, í vetrarpeysu, gönguskóm og fóðraðri úlpu með hettu. Ég féll alveg fyrir henni og endaði með að versla hana líka. Ég í fjórða skiptið sem ég fór í Nice - eftir að hafa ALDREI getað fundið á mig föt þar, ekki einu sinni boli svo vel væri - fataði mig upp fyrir veturinn á frönsku Rívíerunni - bwhahahha. Það var ekki eins fyndið þegar ég síðan var að pakka fyrir heimferðina um nóttina, því þar sem ég hafði 3 áður komið til Nice og vissi að þar væri aldrei hægt að versla nein föt hafði ég bara fyllt töskuna mína af fötum (þar sem það er svo ferlega dýrt að þvo þarna ætlaði ég að vera bara með öll föt sem ég þyrfti). Þetta reddaðist sem betur fer. Lentum samt í yfirvikt. En ég gleymdi nefninlega að minnast á tvenn önnur skópör og snyrtivörur sem náttúrulega hresstu mikið upp á þyngdina. Þetta hafðist samt allt - allar töskur skiluðu sér og svona. Fínn túr - ég er meira að segja brún!

:: geimVEIRA:: kl. 02:19:: [+] ::
...