:: Þvaðurveita geimVEIRU ::

:: sunnudagur, maí 28, 2006 ::

Jámz og öxlin byrjaði að lagast í gær. Ég sef með spelku og tek massíft bólgueyðandi og líka vöðvaslakandi, er búin að vera óhæf til tölvunotkunar og þurft að vera hjá sjúkraþjálfara/-nuddara 2var í viku, ég á tíma í eitthvað taugapróf á spítala eftir dúk og disk. Ég er miklu betri orðin, en er enn alveg dofin í hluta vinstri handar, þetta er allt að koma. Ég allavega get sofið heila nótt núna verkjalaus.

:: geimVEIRA:: kl. 05:52:: [+] ::
...

Superhuman
Ég óska Shiloh Nouvel Jolie-Pitt innilega til hamingju með að verða þess heiðurs aðnjótandi að deila með mér afmælisdegi mínum, 27. maí!

Ég þakka þeim sem sendu mér afmæliskveðju - mér þótti mjög vænt um það að einhver mundi eftir mér :]

:: geimVEIRA:: kl. 05:40:: [+] ::
...

Ég er búin að fá út úr lokaprófunum:

Private Instruction - Voice B+
Rhythm Section Grooves / Voice B+
Vocal Sight Reading Techs B
Styles Lab - R&B A
Ear Training A-
Harmony A
Writing Skills A
College Writing - Struct/Styles A-
Afro-Cuban Percussion A
Perf. Skills / Backgr. singers A
Mics,PAs and the Singer A-

Ég er þá með GPA 3,716 (ef ég skil þetta rétt) hæst er 4.00 svo ég er með meðaleinkunn 9,29 sem mér finnst að eigi að lesast 9,3. Ég er mjög fegin að hafa fengið B í þessu Sight Reading, hélt að ég hefði jafnvel fallið mér fannst prófið koma svo illa út hjá mér. Ég er ósátt við Rhythm Section grooves og einkakennslueinkunnirnar, mér fannst ég lækkuð um hálfan á mjög ósanngjarnan hátt, söngprófið mitt var líka mjög undarlegt (fékk ekki einu sinni að klára annað lagið - og bara vondur væb í gangi) en þetta er nú allt í lagi, ég verð að sætta mig við þetta allavega. Restin er alveg fair.

Ég er enn með dofna hönd, ég vaknaði við verkinn í morgun akkúrat þegar var komin tími á dóp aftur. Dópið gerir eitthvað gagn, en ég vil endilega fara að losna við dofann, það er svo fríkað að hafa svona tannlæknadeyfingarfílíng annars staðar en í munninum. Á morgun fer ég aftur til sjúkranuddaraþjálfarakonunnar og á morgun fæ ég pabba minn í heimsókn. Vííííííí!

:: geimVEIRA:: kl. 17:21:: [+] ::
...

Health trip
Eftir að vera í 20 mín. í taxa, klukkutíma í rútu, vera á æfingu í 1,5 tíma (skil ekki enn hvernig ég gat sungið svona þreytt), fara í einkabíl í 50 mín og lest í 20 mínútur til að komast aftur til Boston var bara eitt að gera í stöðunni: Taka taxa beint á heilsugæslustöð og heimta hjálp. Ég svaf í tæpa tvo tíma í fyrrinótt og var að drepast í öxlinni og komin með dofa um alla höndina (var fyrst bara í fingrunum). Ég var mætt á heilsugæslustöðina kl. 14:20. Þá hófst ævintýrið.

Fyrst fórég á 5. hæð og beið þar í röð tilaðláta segja mér að fara á 4. hæð í "Urgent Care Unit". Þar beið ég í biðröð þar til ég talaði við mann sem sagði mér að ég þyrfti að fara og fá lista yfir heimilislækna sem gætu tekið við nýjum sjúklingum. Ég fór í aðra deild og beið í biðröð til að fá þann lista. Svo þurfti ég að fara aftur til mannsins. Þá tók við 20 mín skráning inn í kerfið. Maðurinn spurði hvort ég vissi heimilisfangið mitt. Ég sagðist nú aldeilis eiga bágt ef ég vissi það ekki. Svo eftir allt þetta varð ég að fara í hina röðina aftur, í þetta skiptið með pappír sem sannaði að ég væri með heimilislækni. Þar varð ég að bíða í 30-40 mín. því þetta var "urgent care" deild sem þýddi að þeir sem áttu bókaðan tíma og bráðatilvik gengu fyrir. Konan þar bað mig vinsamlegast að bíða meðan blæðandi gamal karl kom. Svo tók hana 10 mín að hafa upp á konu hans sem var víst stödd á öðrum stað á heilsugæslustöðinni í rannsókn. Mér fannst nokkuð hranaleg skilaboðin sem lögð voru fyrir konuna hans sem voru á þá leið að maðurinn hennar væri í bráðamóttökunni og hún ætti að koma strax... anyway ég að eigin frumkvæði fyllti út spurningalista og þegar eini starfsmaðurinn á svæðinu gat tekið við honum var mér sagt að nú yrði ég að fara upp á 6. hæð, því þar væri minn læknir, nema að ég fengi líklega ekki tíma því myndi væntanlega einhver annar tala við mig (og ekkert endilega læknir). Ég var þvílíkt búin á því í öxlinni á þessum tíma. Upp fór ég og á 6. hæð lenti ég í biðröð eftir að láta taka eyðublaðið og setja það í aðra biðröð(hjúkkur sjá um triage - svo sem ekki nema sanngjarnt). Á meðan fékk ég að bíða á biðstofunni.
Kl. 15:45 Heyrðist sungið barnalag inni. Kurteisi rólegi maðurinn í afgreiðslunni sagði yfir allan hópinn á biðstofunni að það væri nefninlega barn á bakvið (who'd have guessed!?).
Kl. 15:35 Heyrðist svona píp píp píbbb, eins og asnaleg símhringing. Eftir 1-2 mín. segir kurteisi maðurinn: "Don't panic. This is the alarm, they are looking into it" Allir á biðstofunni voru jafnáhyggjulausir og ég í framan, því þetta hljómaði EKKERT eins og viðvörun af neinu tagi. Pípið hélt áfram og enginn stressaði sig á neinu.
15:40 Var mér sagt að ég ætti tíma kl. fjögur og nú ætti ég að fara og "registera". Og ég fór í aðra röð. Registration fólst í því að tryggingaskírteinið mitt var skoðaðog hnussað yfir því og sagt að ég fengi reikning í pósti.
16:00 Sótti mig hjúkka. Hún talaði við mig, viktaði mig og tók blóðþrýsting og púls, (voðalega relevant allt saman... pfft.. heheh) það var allt í gúddí. Svo beið ég aðeins og svo kom loksins læknir. Læknirinn fór vel yfir allt, potaði hér og þar og vildi fá statusinn á skjaldkirtilskeisinu (sem ég ætlaði hvort sem er að gera) og skrifaði resept á vöðvaslakandi og sagði mér að éta Aleve eins oft og mætti. Svo fór ég í aðra biðröð á 5. hæð, en ég þurfti ekki að bíða lengi. Ég bauð fram minn frábæra vinstri handlegg sem yfirleitt alltaf er notaður í blóðtöku, nema hvað að hann var svona skrallaður að það fannst ekki æð (það hefur ALDREI gerst fyrr, alltaf með svo djúsí æðar) svo það varð að skipta og taka úr hinum.
Ég var komin heim rúmlega kl. fimm og tók Aleve og þetta vöðvaslakandi og lagðist upp í rúm og steinsofnaði um sexleytið. Ég vaknaði aftur kl. 2 um nóttina, fékk mér að drekka og meira dóp og fór að sofa aftur. Svaf til 8 rumskaði og fór aðeins fram en fór aftur að sofa og svaf til að verða kl. 12. Ég er enn alveg dofin í hendinni og með sting undir herðablaðið, mjög erfitt að lyfta með þessari hönd. Í dag fór ég svo í mat hjá svona physical therapist. Svona klemma á taug er víst frekar óvenjuleg (þ.e. að sé dofi og stingur í allri hendinni, bæði fingrum og handarbaki) en hún tók mig í viðtal og gerði allskonar trick til að greina og nuddaði svo aðeins og fann punktinn þar sem ég er í hönk, ég mun verða hjá þeim 2var í viku og fara í sjúkranudd og eitthvað svoleiðis. Ég er mun betri orðin núna, en um leið og ég geri eitthvað þá finn ég til. Þessi bloggfærsla er t.d. ekki gáfulegt activity....

Ég er voðalega ánægð með Silvíu Nótt - hún stóð sig frábærlega. Já og í kvöldmat fékk ég mér thaílensk steikt hrísgrjón með mangó, kjúkling og risarækjum. Það er svo brill veitingastaður rétt hjá mér og næs að sækja sér take-out þangað.

Ég verð að játa að ég tel niður í næsta skammt af dópi...

:: geimVEIRA:: kl. 00:43:: [+] ::
...

Þetta er mjög hátt á listanum yfir hluti sem mér gæti ekki verið meira sama um.

:: geimVEIRA:: kl. 06:46:: [+] ::
...

Réttur dagsins: Íbitin geimVEIRA og ásnýtt Steinasteik með affengnu salati
Ég er búin að vera með sting í bakinu, verk niður hendina og með náladofaputta í allan dag. Maður hefur lent í að fá hálsríg sem læsti hálsinum og þannig áður, en þetta er alveg steik, mér líst ekkert á þetta. Ég pantaði tíma hjá einhverri sjúkraþjálfunar-, sjúkranudds- kírópraktorastofu sem greinir dansifólk og tónlistarnema sem eru með bágt. Þar er séns að maður geti fengið eitthvað sjúkranudd kannski í gegnum tryggingarnar. Fékk ekki tíma fyrr en á fimmtudaginn (og það er bara í skoðun), núna er ég bara það slæm að ég get ekki sofið og ekkert dóp slær á þetta (er búin að prófa nokkrar útgáfur), djöfull sé ég eftir að hafa ekki farið til læknis í dag.
Eftir fjóra tíma þarf ég að vakna, taka leigubíl í 20 mín, rútu í klukkutíma og labba kílómetra og syngja klassík kl. níu að morgni. Aldrei hef ég átt að vakna jafnsnemma í þessu útlandi og ég þarf að gera í fyrramálið, ég hef aldrei komið þar sem þessi fokkins rúta er, hún gengur bara á klukkutíma fresti, svo ég er algjörlega orðin megastressuð, sem aftur hjálpar EKKI, kvíði ofan í þunglyndið, offituna og ógeðið.

:: geimVEIRA:: kl. 06:14:: [+] ::
...

Oh hún er svo frábær.

:: geimVEIRA:: kl. 12:46:: [+] ::
...

Æ - Ó
Eftir nótnaskriftarnóttina/daginn mikla hef ég verið með ansi mikla vöðvabólgu. Núna hef ég verið ansi slæm í annarri öxlinni, þrátt fyrir ógurlega afslöppun og alles og er svo slæm núna að verkjalyf virka ekki. Ég er búin að taka 600mg íbúfen í hvert skipti sem slær alltof lítið á þetta, svo keypti ég öðruvísi dóp í kaupfélaginu áðan, er komin með hæsta skammt af því og get engan veginn verið, er með stöðugan verk.

:: geimVEIRA:: kl. 04:06:: [+] ::
...

Leifur er snillingur.

:: geimVEIRA:: kl. 00:00:: [+] ::
...

My idea of housework is to sweep the room with a glance.

:: geimVEIRA:: kl. 19:43:: [+] ::
...

Blahh
Ég er búin að sofa af mér þessa helgi, fyrir utan sjónvarpsgláp og annað heilaleysi. Mér leiðist þokkalega að hanga alltaf ein. Alveg komin með nóg af sjálfri mér. Ég er núna búin að fara í bað, setja á mig platbrúnku og éta og dettur ekkert meira í hug. Það er rigning og mér er kalt á tánum.

Djöfull er veftíví ógeðslega lélegt - það er aldrei hægt að horfa á þetta drasl!

Ég er komin með tvær fænaleinkunnir í hús: Tónheyrn A-(90%), Hljómfræði A og svo fékk ég A- fyrir enskuritgerðina ógurlegu.

:: geimVEIRA:: kl. 19:02:: [+] ::
...

Sad but true

geimveira -- [noun]: A person who has the ability to be invisible 'How will you be defined in the dictionary?' at QuizGalaxy.com

:: geimVEIRA:: kl. 06:10:: [+] ::
...

Jæja nú hef ég lokið heilli önn í Berklee.

Önnin endaði á enskutíma hjá frábæra kennaranum, með frábæra bekknum. Við lásum ritgerðirnar okkar sem fjölluðu um okkur og tónlistina, svo spiluðum við tónlist sem við fílum. Þetta var mjög vel heppnað og ótrúlega persónulegar ritgerðir sem upp voru lesnar, einn lýsti baráttu sinni við þunglyndi og fíkniefni - annar hvernig hann er í herþjónustu við tónlistarflutning, mjög athyglisvert. En svo endaði maður bara í sjokki. Ástæðan er ritgerð bekkjarfélaga míns, stráks sem hefur ekkert mætt rosalega vel og sem tekur ekkert mikið þátt í umræðunum vanalega, voða rólegur gaur - kannski feiminn, en hann ákvað að láta vaða og lesa upp sína ritgerð. Hann talaði lágt og stoppaði við og við, dæsti, þurfti svoldið að ræskja sig og sagðist vera með í maganum. (Ég hugsaði, æi svona illa sofinn gaur sem borðar bara pizzur og er kominn með brjóstsviða...typical unglingur eitthvað híhíh). En svo byrjaði hann lesturinn. Þessi strákur hefur gengið í gegnum þvílíkar hörmungar að hjarta manns brestur bara. Hann lýsti því hvernig hann er einn af fimm systkinum sem foreldrarnir sáu aldrei um. Krakkarnir sáu um sig sjálf og hann sagðist þekkja hungur mjög vel því stundum fengu þau ekki að borða svo vikum skipti. Samt sagði hann að foreldrar hans hefðu unnið mikið, en bara aldrei verið heima, mamma hans hefði unnið sex daga vikunnar og pabbi hans komið heim þótt ekki væri nema til að berja þau. Hann sagðist hafa ásamt bræðrum sínum þurft að stela sér til matar. Hann sagði tvo eldri bræður sína báða hafa endað í glæpum og hann hefði sjálfur verið byrjaður á þeirri leið, hann hafi hins vegar verið góður í ruðningi svo hann hafi náð að hella sér út í íþróttirnar. Mamma hans keypti flygil (!) sem enginn notaði, hún hafði sagst ætla að læra, en aldrei verið heima, svo hann hafði fiktað við það og kennt sér sjálfur. Hann spilaði á dánarbeði krabbameinssjúklings, vinar fjölskyldunnar og það umturnaði lífi hans. Hann var heilan dag hjá manninum sem ljómaði þegar hann spilaði uppáhaldslögin hans fyrir hann. Hann var á þessum tíma kominn með boð um skólastyrk út á ruðninginn í háskóla, en eftir að hafa haft djúpstæð áhrif á manninn (sem lést viku síðar) fann hann sína köllun, afþakkaði skólastyrkinn og var hálfu ári síðar kominn í Berklee. Hann var duglegur í skólanum og líkaði þetta rosalega vel, hann hafði engan stuðning frá fjölskyldunni, þau talast ekki við, en svo í miðri lokaprófavikunni var honum tilkynnt að besti vinur hans heima hefði verið myrtur, hann sagðist ekki hafa farið í jarðarförina, þar sem vinur hans hafði verið skotinn 14 skotum í andlitið og hann hafi ekki getað hugsað sér að sjá hann í kistu. Hann féll í mikið þunglyndi, mætti ekki í prófin og féll í öllu. Það var í gegnum tónlist sem hann náði sér upp og samdi hann mikið af tónlist á þessum tíma og fór að æfa bodybuilding. Svo náði hann sér á strik og ákvað að koma aftur í Berklee orðinn sterkari manneskja og meiri músíkant en nokkurn tímann. Þá greindist hann með magakrabbamein. Hann var í marga mánuði í geislameðferð með skólanum, stundum sagðist hann ekki hafa getað gengið og hann. Hann fær engan stuðning frá neinum, býr einn og sagðist hafa átt bágt með að halda áfram. Hann hefði samt barist. Núna sagði hann svo komið að hann væri mjög þreyttur, krabbameinið væri búið að dreifa sér í þarmana og hann var augljóslega kvalinn bara þarna sem hann sat. Allir bara misstu andlitið, við vorum sko mörg farin að gráta bara þarna. Hann sagðist vera að fara í aðgerð núna í byrjun júní, en hann sagði líka að hann fyndi alveg sjálfur hvernig líkaminn væri farinn að gefa sig, hann sagðist andlega vera rosalega sterkur en honum fannst hann eiga svona ár eftir.
Maður getur náttúrulega ekkert skilið hvers konar tilvera þetta er, en mann langar svo að gera eitthvað fyrir hann. Bara eitthvað! Og mér finnst svo leiðinlegt að hafa ekki fengið að kynnast honum betur, mjög vel að máli farinn og klár strákur. Prumpeinkunnin mín um daginn er líka bara það... Þetta er allt prump!
Lifa lífinu! Don't sweat the small stuff... blabla..

En án gríns.. - ÚFFFFFF! :(

:: geimVEIRA:: kl. 20:40:: [+] ::
...

Víííííí
Nú er ég búin í lokaprófum annarinnar. "Aðeins" er eftir verkefni sem ég skila í fyrramálið. Það verkefni er svona:
Semja lag ABAB + intro og endi, (skilyrði er að hafa tvenns konar groove, semja laglínu og bassalínu, trommugroove, gítar og hljómborð.
Setja upp í sequencer, smíða mp3 og skila laginu á geisladisk

En er verkefnið þá búið? Neeeeei. Þetta er nefninlega verkefni fyrir "Writing Skills", svo ég þarf að handskrifa allar nótur fyrir hvert einasta hljóð og skila inn á huge ass folio nótnapappír og það er bannað að nota endurtekningarmerki. Ég samdi lagið fyrir tíu dögum. Það kom þar sem ég var í adrenalínsjokki eftir að horfa á 24. Lagið varð svo dramatískt eitthvað að ég nefndi það "Beware Agent Bauer". Ég var búin að vera í gilljón klukkutíma að setja upp trommurnar og bassalínu í sequencer (og læra á Garage Band)og skila inn handskrifuðu líka, en fyrri hluti verkefnisins var "midterm project", en þar sem ég þarf að breyta slatta vegna nýrra krafna þarf ég að endurrita þetta allt saman.
,
Ég byrjaði á þessu í gær aðeins (var í ca. 2 tíma að fiffa eitt og annað í sequencer, laga levela á hinum og þessum rásum) og byrjaði á intróinu. Í dag eftir próf dagsins, sem voru tvö og gengu ágætlega eftir atvikum, hófst ég handa við að klára verkefnið.

Það var klukkan 15 í dag. Núna er miðnætti og ég er tæplega HÁLFNUÐ. Ég hef ekki tekið langar pásur, kannski samtals klukkutíma... þetta stefnir í allnighter bara sveimérþá! Og ég gæti ælt ég er búin að hlusta svo oft á lagið.

Ég er fáránlega vandvirk náttúrulega, en það er líka algjört skilyrði. Nota reglustriku og allt verður að vera læsilegt, töktum rétt skipt (imaginary barlines ohoy), setja upp rhythm-slashes og greina fokkings hljómana sem ég spilaði inn á eyrunum einum saman og setja inn.

Já og ég fór til tannlæknis í dag. Það gekk vel.

Ég vaknaði sérlega snemma í morgun til að læra fyrir próf. Það er þokkalega farið að segja til sín. Geeisp!

Hér er lagið ef þú vilt hlusta: Beware Agent Bauer

(11. maí kl. 13:18 Ég endaði með að vera að til kl. 4, en þá varð ég að leggja mig, svaf í 2 tíma og hélt áfram og rétt náði að klára kl. hálftíu - set inn mynd)

:: geimVEIRA:: kl. 03:49:: [+] ::
...

Dagurinn í dag var ömurlegur próflega séð. Ég er mjög ósátt við einkunn í öðru faginu og prófið sjálft í hinu. Helvítis moðerfokk hvað ég hata svona! :(

:: geimVEIRA:: kl. 21:27:: [+] ::
...

Var að sjá Troy. Nammi namm.

:: geimVEIRA:: kl. 06:48:: [+] ::
...

Það var hlustunarpróf í tónheyrn í gær, mér gekk nú alveg ágætlega held ég. Svo fór ég í próf í R&B Performance Labbinu. Það gekk með ólíkindum vel. Ég fékk þvílíka lófatakið frá samnemendum mínum, einn reis úr sæti, híhí, svo síðar um daginn kom ein úr bekknum og hrósaði mér.. aldrei fær fólk svona undirtektir þear vel gengur í stærðfræðiprófi. Svo eftir prófið fór ég á brill tónleika með frænku minni í Berklee. Þar spilaði Stevie Wonder-Chaka-Arethu samspilið,mjöööööög djúsí, svo fengum við okkur mexikanskan mat og trölluðum um Newbury Street í sólinni. Frábær dagur.

Í dag er ég búin að tölvast aðallega, bætti inn myndum og svona :)

:: geimVEIRA:: kl. 21:42:: [+] ::
...

Hôla!
Í gær massaði ég afro-cuban trommuprófið... fékk 99% múhahaha.. eitt A í húsinu.

Ég er núna á leiðinni í tvö próf og þarf að fara að bera á mig sólarvörn því núna, kl. 9 að morgni, er 17ºC hiti og mun fara upp í 27 gráður, þetta útland er heldur betur að hlýna.

Það er Cinco de Mayo flipp út um allt hérna og ég sá svo rosalega girnilegan mat eldaðan í morgunsjónvarpinu áðan að mig langar sko í mexíkanskan í kvöld.

:: geimVEIRA:: kl. 13:01:: [+] ::
...

Pfft! Ekki heyrist píp frá svona liði þegar gamlir karlar verða feður.

:: geimVEIRA:: kl. 13:15:: [+] ::
...

Það eru nokkuð skondnar auglýsingar í gangi í sjónvarpinu hérna frá Apple.

:: geimVEIRA:: kl. 21:39:: [+] ::
...

Ég fékk mail í gærkvöld, þar sem kennari tilkynnti að final í Sightreading yrði í dag, en ekki viku síðar eins og ég hélt. Svo ég fór í þetta próf alveg úti að skíta. Var úti að skíta í prófinu og verð mjööööög hissa ef ég fæ yfir 5,5 í þessu blessaða final. Oj.
Þetta er samt fagið sem ég er hræddust við - ég er mjög sátt við að vera búin í prófinu, verst ef ég þarf að taka fokkings kúrsinn upp á nýtt, vonandi gildir finalið ekki rosa mikið.

Ég er líka búin í finalexam í Mics PAs & the Singer.. það gekk held ég sæmilega alveg.

Svo næsta föstudag er ég byrjuð í finals á fullu!

:: geimVEIRA:: kl. 16:02:: [+] ::
...