:: Þvaðurveita geimVEIRU ::

:: sunnudagur, október 31, 2004 ::

Oh well
Jæja, þá er tækjafríkið í stuði. Ég sótti þennan nýja myndlykil hjá Stöð 2 enda var Fjölvarpið komið í klessu, tækið sjálft er svakalega ljótt en þetta svinvirkar mikill munur á gæðunum, munar mjög miklu. Gaman að þessu.

Ég fór á smáskrall á föstudaginn, út að borða og niðrí bæ með fjölskyldu og vinum, ósköp ljúft. Svo voru það tvær æfingar á laugardaginn, mikið fjör en svo bara rólegheit í gær og dag.

Ég fékk ekki svar eins og var lofað út af þessari vinnu svo ég er búin að afskrifa þetta. Fúlt. Mér leist vel á þetta.

:: geimVEIRA:: kl. 17:53:: [+] ::
...

zZzzZzZz
Í gær tók ég mér sumarfrísdag og svaf. Þegar ég vaknaði aftur var ég búin að sofa með smáhléi í 14 tíma og veitti ekki af, hefði alveg getað sofið meira. Síðan fór ég í skólann og á æfingu sem heppnaðist þrælvel bara. Ég ætlaði að fara á tónleika svo, en rétt náði að meðtaka eftir mikinn misskilning í boði heyrnarskerðingar punktur is að engir yrðu tónleikarnir, svo ég fór bara heim. Sem var líka ágætt.

Ég ætti að fá að vita hvernig fór með starfið sem ég fór í viðtalið út af í dag, en ég er orðin frekar vonlítil um að þetta hafi gengið fyrst þetta tekur svona langan tíma.

:: geimVEIRA:: kl. 08:41:: [+] ::
...

Eminem kýs.

:: geimVEIRA:: kl. 13:33:: [+] ::
...

Byrjaði daginn á magakveisu, endaði hann í hausverk. Ósköp lítið fútt í mér þennan daginn, gekk ágætlega í tækniæfingum í tímanum í dag svosem var frekar mygluð í kvöld sem var bjargað þegar ég var drifin með á tónleika á Stúdentakjallaranum. Mjög hressandi spuni út í eitt, Róbert Reynis, Davíð Þór og Helgi Svavar með 2 þýskum náungum. Ég reyndi að æfa mig eitthvað fyrir tímana á morgun, ekki nálægt því nóg samt. Þá er það íbúfen og Sealy. Pant dreyma fallega.

:: geimVEIRA:: kl. 01:11:: [+] ::
...

Soupnazi
Ég eldaði mér svakalega grænmetissúpu, en svo þetta yrði nú örugglega ekki hollt borðaði ég smábrauð með afgangshvítlaukssmjörinu. Ég prófaði að setja fennel, hvítlauk og engifer, kalkúna- og kjúklingakraft - svakagott. Súpur rokka í skammdeginu. Algjör huggunarmatur... - gærkvöldið var fullkomlega eyðilagt fyrir mér af unstable afskiptasömum nágrönnum dauðans :( - svo er snilld að þurfa ekki að elda næstu daga heldur.

Six Feet Under er byrjað aftur - vúhúú. Þátturinn var reyndar eyðilagður fyrir mér af síendurteknu ati krakkafávita sem hringdu dyrabjöllunni og görguðu á mig fyrir utan (WTF?), það útskýrðist reyndar þegar ætterni krakkakvikindisins kom í ljós. Eftir tiltal af minni hálfu á vel völdu augnabliki, var liðið sent til að biðjast afsökunar.. frekar fyndinn pakki, en alls alls ekki það sem mig langaði að standa í eftir gærkvöldið, meika ekki streituvalda þessa dagana.

Ég fór og lét setja vetrardekkin undir bílinn - who cares.... Leiðist annars ótæpilega og hef átt betri daga.
Bless.

:: geimVEIRA:: kl. 22:45:: [+] ::
...

Ljúft. Mjög ljúft.
Eftir að fara nokkra hringi með kósípartýpælinguna var tekið af skarið þegar félagi minn kom með hina frábæru hugmynd að elda saman kjötsúpu. Kósípartýið var því sett á með stæl. Frábær kjötsúpa og svo óvenjulegt meðlæti: brauð með tímianhvítlaukssmjöri, sem reyndist frábært með, Trivial Pursuit árgerð 1985 spilað og síðan eina spilið sem ég sökka ekki feitt í, Pictionary.
Svo fékk ég mér líka dökka rommið sem ég hafði á heilanum, það reyndist enn betra en ég hélt, þetta var hið mesta kósíkvöld.

:: geimVEIRA:: kl. 20:10:: [+] ::
...

Það er flaut í nefinu mínu. Hræðilega pirrandi..... og já það er tvístrikað G.

Helvítis kvef, helvíts veirur, helvíts vöðvabólga, helvítis eyrnaverkur.

:: geimVEIRA:: kl. 02:31:: [+] ::
...

Skrýtið kvöld. Ég sofnaði, vaknaði, sofnaði aftur, vaknaði, eldaði, borðaði, fékk heimsókn, reyndi að lappa upp á fésið, fór út, hitti fólk í heimahúsi í sérdeilis súrri stemmingu, fór í bæinn í enn súrri stemmingu og ákvað að gera eitthvað skemmtilegra á morgun. Nú er það bara að fara ekki alltof seint að sofa svo maður geti gert eitthvað af meira viti á morgun.

:: geimVEIRA:: kl. 02:14:: [+] ::
...

Hver stal kökunni úr krúsinni í gær.. ?

Ég bara spyr.

:: geimVEIRA:: kl. 14:58:: [+] ::
...

Kaffi latte er stundum allra meina bót. Eða svona næstum því. Stundum er gott að fá eitthvað sterkara. Í snarstefjun í gær fengum við snilldarbleðil með leiðbeiningum um æfingar, mjög gott til umhugsunar - maður hefði mátt fá þetta mun fyrr. Stuð.

Það er svo mikil kertaljósa- matarklúbba- vínsmökkunar- spila-stuð í mér... mig langar í svona kósí partý dauðans!

Og mig langar í svona dökkt romm... don't ask me why.

Og mig langar í gulrótaköku. Og knús. Og fullt af peningum. Og... hund, já mig langar í hund.

:: geimVEIRA:: kl. 14:35:: [+] ::
...

Reach out and touch faith
Þá er ég búin að fara í eitt viðtal til. Held það hafi bara gengið ágætlega, í það minnsta leist mér mjög vel á fyrirtækið, nú er að bíða og sjá hvort þeim leist ekki vel á mig líka bara. Nú er bara að bíða og vona.

Svo var það frekar ágætur söngtími, sæmilegar söngvinnubúðir, og frekar slöpp æfing, enda klukkan orðin ansi margt, mjög gott að komast heim. Nett spennufall eftir viðtalið.

Ég fíla Personal Jesus með Marilyn Manson. Depeche Mode á mörg flott lög. Manson flottur, furðulegur, en flottur:

:: geimVEIRA:: kl. 22:31:: [+] ::
...

Sólbrunnin drolldrottning í skítakulda
Ég er búin að fara í UVB-ljós út af exemi á höndum og fótum þrisvar í viku í 3 vikur. Það er smám saman lengdur tími geislunarinnar og í dag var greinilega aaaaðeins of langur tími því ég er brunnin á höndunum.

Á morgun á ég starfsviðtal fyrir mjög spennandi starf, er upp með mér að hafa verið boðuð í viðtal, vonandi lagast sólbruninn fyrir morgundaginn. Ég er aðeins of spennt til að sofna, en verð að reyna það núna. Nú er drollið alveg komið í hámark.

Annars var góður söngtími í dag og ágætis æfing í kvöld. Á morgun er svo annar söngtími og önnur æfing, bara allt að gerast. Líklega klárar maður samt fúttið í viðtalinu.

:: geimVEIRA:: kl. 02:18:: [+] ::
...

Þessi tónlist

Það var ágæt æfing á laugardaginn með píanista og verður önnur í kvöld, góðar pælingar í gangi. Ég fer líka í söngtíma í dag (uppbótartími) og aftur á morgun. Voðalega væri gott ef maður væri bara í skólanum og engu öðru, ég er ekki í miklu stuði í vinnunni satt að segja. Eeek.

Mig er farið að langa ferlega að fara í svona sumarbústað í góðum hópi, syngja, spila, fá kakó og knús. Hvar eru allir þessir sumarbústaðaeigendur? Ég þekki engan, en er alltaf að heyra um slíka. Það eru orðin einhver ár síðan ég spilaði Pictionary líka... pant spila það!

Þetta veður er mjög óvelkomið. Það er svo kalt í vinnunni minni að ég hef þurft að vera í úlpunni inni og með hanska og er samt að frjósa. Ég hefði kannski átt að vera í meiru en þessu í vinnunni. Spurning?

:: geimVEIRA:: kl. 13:45:: [+] ::
...

Álit mitt á sunnudögum hefur ekkert breyst í dag.

:: geimVEIRA:: kl. 23:10:: [+] ::
...

Komment hjá einum keppanda: "Ég ætti að vinna Idolið því Íslendingar eru orðnir þreyttir á tenórum" hehehe.

:: geimVEIRA:: kl. 20:39:: [+] ::
...

Nú jæja
Það fór þó aldrei svo að maður fengi ekki mynd af sér í All About Jazz:



Það er maður*) með saxófón fyrir... en það sést í mann. The witness protection program's ruined! Fjandinn! Damn that saxslave!


*) Seamus Blake.

:: geimVEIRA:: kl. 02:24:: [+] ::
...

Eftir fínan jazzsögutíma og mun betri æfingu en síðast ætlaði ég á Subway, en nennti bara alls ekki að bíða í röð, svo ég ákvað að smíða mér eftirlíkingu af einhverju sem átti að vera amerískt tuna-melt. Það tókst ótrúlega vel, svo vel að ég held ég setji þennan bræðing á geimSKONSUR.

:: geimVEIRA:: kl. 23:16:: [+] ::
...

Þmokka- og víðuþablaðuð
Það hefur verið fjallað nokkuð um alþjóðlega könnun Durex í fréttum undanfarið, en sem fyrr er algerlega farið framhjá aðalatriðinu þykir mér. Því inn á milli skemmtilegra staðreynda um tíðni og unaðsemdir kynmaka landans var mjög ógnvænleg niðurstaða varðandi smokkanotkun, eða öllu heldur skort á henni. Mér þykir það mun fréttnæmara en að við eigum met í hjálpartækjaeign hversu alvarlegt kæruleysið er í smitvörnum. Samkvæmt könnuninni höfðu 45% stundað óvarið kynlíf með einhverjum án þess að spyrja út í sögu viðkomandi. Síðan eru það nágrannaþjóðirnar sem eru enn verri, hjá Svíum og Dönum er þetta hlutfall 64%, Norðmönnum 58%, Finnum 49%, sem aftur leiðir að því að enn greiðari smitleið er inn í landið, þegar þessi 35% landans fara með norræna samstarfið undir sæng. Hér þar sem aðgengi er mjög gott að smokkum finnst mér þetta alveg svakalegt og greinilegt að mikið vantar upp á fræðslu um HIV og lifrarbólgur, sérdeilis lítið skemmtilegir vírusar þar á ferð, að ekki sé nú minnst á restina af kynsjúkdómunum.

Ég hef ekki heyrt minnst á þessar niðurstöður könnunar Durex í fréttum og lýsi hér með eftir umræðu um þetta. Landlæknisembættið hefði verið sniðugt að benda á þetta, mig grunar að þetta séu niðurstöður nokkuð nærri lagi m.v. samræður mínar t.d. við unga karlmenn um þessi mál (og nei ekki undir neinum kynferðislegum kringumstæðum). Svo virðist sem ungu fólki þyki það, að hafa smokk meðferðis þyki, bera vott um grátlega bjartsýni nú eða þá um að viðkomandi hljóti að vera laus í rásinni, að hittu þeir stelpu sem hefði smokk í veskinu dæmdu þeir hana ekki fallega, og þeim þætti að það myndi líta þannig út fyrir þá ef þeir gengju með smokk að þeir væru aðeins á höttum eftir kynlífi, en um leið myndu sömu einstaklingar þó hiklaust sofa hjá kæmi upp sú staða, þrátt fyrir að smokkur væri ekki með í för.

Þetta viðhorf er svo stórhættulegt og mér þykir bara alveg merkilegt hvað virðist mæld lág smittíðni HIV hér á landi, m.v. kynhegðun landans. Vonandi allavega er það ekki bara vegna þess að enginn mætir í próf. Vonandi er það ekki af því að fólk veður enn í myrkrinu um hverra sjúkdómur þetta er. HIV er sjúkdómur sem leggst á manneskjur óháð kynhneigð og háralit. Þetta finnst mér miklu þarfari áminning en smjattið um hið kitlandi met sem við eigum í titraraeign eða fjölda bólfélaga (sem reyndar fer nú ekki nógu vel með kæruleysinu sýnist mér). Gott mál að segja skemmtilegar fréttir, en mikið hefði verið þarft að nota tækifærið og minna fólk á að það eru skæðar veirur þarna úti. Sko alveg bara VONDAR veirur og allt!

:: geimVEIRA:: kl. 11:08:: [+] ::
...

Úff
Ég varð svolítið hrædd í dag um að MBoxið mitt væri bilað. Ég fékk svoddan truflanir og ljótheit, svona eins og í biluðum hátalara svakalega slæmt urg. Ég notaði alveg massíva útilokunaraðferð, skipti um snúrur og míkrafóna, fiktaði í gaini bæði á græjunni og í ProTools en allt kom fyrir ekki. Var búin að update-a firmware og ég veit ekki hvað og hvað þegar ég loksins fattaði hvað var á seyði. Þá hafði ég verslað mér lengri usb-snúru en fylgdi með og var þetta það eina sem ég hafði ekki prófað að skipta út, en ég hafði steingleymt þessu. Þetta var svo eftir allt saman það sem var að. Hjúkk.
Ég er búin að læra ýmislegt í dag, setja inn track beint úr Band-in-a-Box, setja reverb og svona delay og hitt og þetta.

:: geimVEIRA:: kl. 20:42:: [+] ::
...

Var að prófa Skype. Rosaleg þrumusnilld er þetta tékk it át!

:: geimVEIRA:: kl. 02:19:: [+] ::
...

Alveg mögnuð íslensk heimasíða: Shakeskin.com

Ég hvet alla sem eiga stafrænar myndavélar til að senda inn myndir, þetta er ótrúlega skemmtileg síða.

:: geimVEIRA:: kl. 17:30:: [+] ::
...

You are Animal.
You are completely nuts, but fun to be around.

SPECIAL TALENTS:
Drums, Women, Food.
HOBBIES:
Drums, Women, Food.

FAVORITE EXPRESSIONS:
"Louder!", "Food now!" and
"Want Woman!"

LAST BOOK EATEN:
"The Musicians' Guide to Drums, Women &
Food"

NEVER LEAVES HOME WITHOUT:
An appetite.


What Muppet are you?
brought to you by Quizilla

:: geimVEIRA:: kl. 13:49:: [+] ::
...

MSN-Messenger meltdown
Af gefnu tilefni minni ég spjalldýr á að gamla góða ircið er enn við lýði. Hið frábæra mIRC forrit er að finna hér.

:: geimVEIRA:: kl. 09:36:: [+] ::
...

Rúm eru snilldaruppfinning. Rúmið mitt er æði. Skrýtið hvað ég er alltaf lengi að álpast upp í. Hef ekki sofið í því síðan í fyrradag. Fagnaðarfundir alveg.

:: geimVEIRA:: kl. 01:16:: [+] ::
...

Ó já var alveg kominn tími á þetta
Í gær voru tvær hetjur sem fóru í FÍH að æfa sig og ég var önnur þeirra. Síðan eftir æfingalotu frá hálfeitt til að verða hálfsjö bauð ég hinni hetjunni í mat og fékk desert og rauðvín og svo var haldið niður í bæ í gott chill. Chillið stóð undir morgun með einni af hinum margfrægu kjaftatörnum mínum, en merkilegt nokk þrátt fyrir miklar vökur vaknaði ég eldhress kl. 10 í morgun. Kannski hressist maður bara svona óendanlega við að vera í góðum félagsskap, sveimér þá, held það bara. Hressandi kvöld/nótt/morgunn. Sérdeilis hressandi.

Mig langar á tónleika.

:: geimVEIRA:: kl. 13:18:: [+] ::
...

Alt+F1
Það var ótrúlegt afrek að taka sóló í alteredskala á píanó í gær í snarstefjun. Ef/þegar maður nær nú að meðtaka þetta í söngnum líka verður fjör. En það er samt brill að glamra á píanó án þess að kunna ( )*( )

:: geimVEIRA:: kl. 15:46:: [+] ::
...

Stuð-tuð
Undanfarna daga hef ég bara ekki átt orð, ekki getað bloggað um neitt sem mig langaði til og verið bara í rugli með svefn og fleira, bömmerar í gangi. Jazzhátíðin reddaði miklu og sótti ég eins margt og ég átti möguleika á:
Á miðvikudaginn tékkaði ég á tónleikum Atlantshafsbandalagsins. Þeir voru alveg magnaðir, mjög flottir tónleikar.

Á fimmtudaginn fór ég á tónleika með Rodriquez Brothers og Einari Val Scheving, voðalega fínir tónleikar, en náðu ekki að snerta mig neitt samt, þrátt fyrir massíft slagverk og fínan trommuleik, þetta var bara minna latin en ég átti von á.
Ég ákvað að taka mér sumarfrí á föstudaginn, fór á masterclass hjá Seamus Blake, sem var mjög gott, góð tilvitnun í Roy Hargrove varðandi hvernig hann æfði sig: "I just play shit".

Um kvöldið var úr vöndu að ráða því mig langaði á svo margt. Ég endaði með að fara á Bass Encounter og heyra í Árna Egilssyni, Niels Henning Örsted Pedersen og Wayne Darling fara á kostum. Mjög flottir gaurarnir en helst til of rólegt orðið á endanum svo maður brunaði niðrí bæ til að ná í Jazzband Eyjólfs. Það voru þrælflottir tónleikar og mikið fjör, en því miður náði ég bara nokkrum síðustu lögunum samt (enda var tilkynnt ranglega á Sögu að þeim tónleikum hefði verið frestað) og svo var stefnan tekin á Auto Reverse á Rósinberg, þar var svipað upp á teningnum og maður náði bara í 3 lög og svo var allt búið (og ég svoldið spæld því mig hafði langað svo rosalega að sjá þá og líka GRAMS tríó en þeir áttu að vera búnir á sama tíma). Það var því mikil hamingja þegar kom í ljós að GRAMS var bara að byrja á síðara setti sinna tónleika. Það voru svakalegir tónleikar. Mögnuð stemming og þessi undarlega orka og fjör sem einkennir þá pumpaðist inn í mann svo maður dansaði glaður út í nóttina og heim.

Á laugardaginn gerði ég ráð fyrir að fara og sjá Lög unga fólksins með Kristjönu, Agnari Má og co., en þegar kom í ljós að 2.500,- kallinn sem auglýst var að væru fyrir tónleika og hlaðborð, voru fyrir tónleika og svo sama svindl og í fyrra á tónleikunum með Röggu Gröndal (þ.e.a.s þegar auglýst var hlaðborð, en svo var bara einn diskur með illa útilátnum soggy morgunmat) ákvað ég að sleppa því að fara og reyna að ná í þetta prógramm síðar. Um kvöldið var það svo Brennslan og beint á Borgina til að ná borði. Það tókst þrælvel því maður sat á besta stað og fékk maður því B3 og Seamus Blake og síðan GRAMSarana og gesti beint í æð.

Tónleikarnir leystust upp í allsherjar flipp og fjör og spiluðu B3 menn og Seamus með Grams, Frikki skattaði og Kjartan Ragnarsson tróð upp, frábært kvöld alveg hreint. Síðan var trítlað um bæinn, dansað á Kúltúr þar sem Déjoð Sammi spilaði frábæra tónlist, tekinn Nonnabiti, farið í 2,5 eftirpartý og farið að lúlla að ganga níu um morguninn.
Á sunnudagskvöldið tékkaði ég síðan á lokatónleikunum, sem voru tónleikar Beefolk og Wolfgangs Muthspiel. Mér þótti Wolfgang flottur, en lítið jazzaður þannig séð - samt gasaflinkur og gaman að heyra aftur live notkun á sömplum (eins og Bumcello notaði á Nice Jazzfestival í fyrra). Bandið var það mest skitsó band sem ég hef séð. Um leið og eitthvað eitt var komið í gang og farið að grúva var öllu hent út og ekkert alltaf að mínum smekk allavega. Flinkir spilarar en allt útsett í tætlur svo stundum fannst manni maður vera í algjörri súpu bara. Stundum grúvaði allt svo fínt en aldrei nógu lengi til að heilla mann. Ekki tónleikar að mínu skapi, en í það minnsta fékk ég það magnaðasta hláturskast sem ég hef fengið í einhver ár þegar í hámarki ægilega tilgerðarlegs tónverks (sem skólafélagarnir voru farnir að leika hlaupandi elskhuga við og barnsfæðingar - svo überdramatískt og bíómyndatónlistarlegt var þetta á tímabili), að fiðluleikarinn fór að gagga einhverja óperutóna lengst uppí rassgati - og mín dó úr hlátri. Eftir tónleikana, var haldið á kaffihús í stórum hópi, sérlega skemmtilegt kvöld.

Hápunktur jazzhátíðarinnar að mínu mati var tvímælalaust þetta eina sett á föstudagskvöldið sem ég náði í með GRAMS-tríóinu og svo náttúrulega laugardagurinn góði:



Annað minnisstætt fyrir utan fóstbróðurhattinn sem sest var á og reception-gaur sem vildi ekki eftirpartý: "Well. Oil. Beef. Hooked!" - Seamus Blake.

Annars er það bara skólinn á fullu, atvinnuleit á fullu, hljómsveitaræfing á fullu. Eina sem er ekki á fullu er ryksugan, kannski maður setji hana á fullt um helgina.

:: geimVEIRA:: kl. 11:06:: [+] ::
...