[::..Allur réttur áskilinn, öll opinber birting og/eða eftirritun í opinberum
fréttamiðlum, þ.m.t. prent-, vef-, sjónvarps- og útvarpsmiðlum, er óheimil án skriflegs
samþykkis höfundar...::]
Tíhíhíhí - Skrítla Hvað þarf marga vinstri græna til að skipta um ljósaperu? ~ Orka sem fer í ljósaperur er sóun á náttúruperlum landsins. (Frá Orra)
:: geimVEIRA:: kl. 23:00:: [+] ::
...
Dream, dream, dream Jæja, það hjálpar nú talsvert upp á draumfarir að vera lasinn og sofa mikið. Ég man bara ekki drauma en veit að í einum draumnum dó vinkona mín í bílslysi á leiðinni til útlanda, mjög scary, og svo fékk ég í öðrum lánaðan maskara hjá Evu Longoriu þar sem við máluðum okkur og hún var að fara að gifta sig. Svo setti ég á mig maskarann og hann kom rosaflott út á öðru auganu, en á hinu lengdust augnhárin svo mikið að endarnir á augnhárunum komu upp fyrir hausinn á mér. Mér fannst það mjög fyndið og svoldið flott, en kannski too much fyrir brúðkaup svo ég var eitthvað að reyna að brjóta þetta af. Svo röflaði ég alltaf annað slagið upp úr svefni og vaknaði nokkrum sinnum við það, alltaf jafn fríkað. En ég svaf allavega í 12 tíma og er næstum búin að losna við kurrið í lungunum.
Á föstudaginn fór ég út að borða af tilefni afmælis míns, Siggi Hall varð fyrir valinu og var það svaka flottur matur og skemmtilegt kvöld, ég endaði síðan á FíH tjútti og með sófadýr - kjaftatörn til kl. 8 eða 9 um morguninn! Svo var laugardagurinn opnaður á svartfuglseggi úr Drangey. Ég fór á Jómfrúna og endaði á Rósenberg þar sem ég sá nýja meðlimi Santiago. Berglind nýja söngkonan þeirra er mjög flott, gaman bara að þessu hjá þeim. Ég álpaðist síðan í einhverri spælingu upp á Kúlture og var svona hálfskuggaleg þar, missti kúlið svona smá en spjallaði við mjög ljúft fólk og var voða hress þegar ég labbaði heim. Ekki skrýtið að maður hafi orðið meira lasinn eftir að fara svona með sig. En það var bara svo voðalega gaman.
En ég er samt ennþá að hugsa um þennan maskara - fólk þurfti að færa sig því augnhárin voru lengst út... híhíhíh.
:: geimVEIRA:: kl. 11:43:: [+] ::
...
:: miðvikudagur, maí 25, 2005 ::
ÞETTA kallar maður málflutning! Hvað skyldu þetta hafa verið mörg Hjöll?
:: geimVEIRA:: kl. 14:08:: [+] ::
...
Ef ég kemst inn í skólann fæ ég í fyrsta lagi að koma inn á vorönn. Djöfull er ég vonsvikin. Hvergi sem maður var varaður við þessu, það er nýbúið að tilkynna um að búið væri að loka á haustönn svo ég hafði engar áhyggjur neitt enda búin að senda allt af stað og búin að fá staðfest að þetta væri allt farið í nefnd. Svo fæ ég að vita núna að það hefði þurft að sækja um fyrir 1. febrúar s.l. og ég sem er búin að vera í stressi og látum, forgangsraðað öllu í kringum að þetta myndi ganga upp, enda skólastyrkurinn kominn og nákvæmlega ekkert sem bent hefur til þess að haustönn væri úr myndinni, fáránlegt. Á umsóknarsíðunni var boðið upp á að velja haustönnina alveg fram í apríl þegar ég loksins gat sent umsóknina inn. Og enn þarf ég að bíða eftir að fá á hreint að komast inn á vorönnina - arrg! Ég hef ekki þorað að trúa því að ég væri að fara út, ekki fyrr en maður fengi endanlega svar frá skólanum, hélt það væri bara ég að vera svartsýn og skammaðist mín hálfvegis fyrir það. Maður varð samt að haga öllu eins og þetta gengi upp í haust. Ég þoli ekki þegar svartsýni parturinn af manni hefur rétt fyrir sér. Oh! Og svo er kvefhelvíti að magnast upp í mér! Ef Haraldur fengi ekki borgað fyrir að hafa áhyggjur af þessu öllu hvar væri maður þá?
:: geimVEIRA:: kl. 20:45:: [+] ::
...
Djöfull ætla ég að taka hann á orðinu: "Látið mig bara hafa áhyggjurnar, ég fæ borgað fyrir það" - Haraldur Briem sóttvarnalæknir Íslandi í bítið - 24.05.2005. Frábært. Hann er áhyggjugaurinn, ég þarf ekki að hafa áhyggjur af neinu. Eða já ok hann var að tala um flensu, en ég meina hann er tilbúinn að taka á sig áhyggjur - ég bara vissi ekki að það væri einhver sem sæi um þetta á vegum ríkisins. Ég ætla bara að leyfa þessum gaur að sjá um mínar áhyggjur framvegis. Líst vel á þennan gaur. Enda get ég ekki annað en borið virðingu fyrir sóttvarnalæknum verandi geimVEIRA og svona.
:: geimVEIRA:: kl. 07:46:: [+] ::
...
... Eins og til dæmis núna vaknaði ég upp við feeeeeeeerlega hálsbólgu og hélt að klukkan væri örugglega 15, en klukkan er ekki ennþá orðin átta. Mín líkamsklukka segir bara víst víst víst er dagur, víst áttu að vakna. Jafn mikið og hún sagði mér að það væri algjör reginmisskilningur að það væri háttatími í nótt. Ekki skrýtið að jetlag fari illa í mig og mikið skil ég lítil börn vel að ætla ekki að láta gabba sig "það er komin nóttin" my ass! Enda er kominn dagur (hann fór ekkert).
:: geimVEIRA:: kl. 07:41:: [+] ::
...
Mér var í kvöld bent á frábæran hörpuleikara sem jafnframt syngur... ótrúlega flott, tékkið á henni: Joanna Newsom, alveg mögnuð videó með henni hjá BBC líka. Rosalega er alltaf gaman að heyra eitthvað sniðugt og nýtt. Söngur og harpa hjá Páli Óskari og Moniku er reyndar algjör snilld, en þessi gerir bæði. Röddin hennar minnir á Lisu Ekdahl án þess að pirra mig eins og Ekdahl gerir.
Það kom engin nótt svo ég bara er enná alveg vakandi fólkurinn... wahhh! Mín líkamsklukka fílar ekki svona skrýtið land, en voðalega er þetta alltaf fallegt.
:: geimVEIRA:: kl. 03:23:: [+] ::
...
:: sunnudagur, maí 22, 2005 ::
Í gær fór ég á burtfarartónleika Eyjólfs Þorleifssonar það var rosafjör, flottir tónleikar og fínasta tjútt eftir þá. Annars er ég sérlega marin eftir alvarlegt "furniture malfunction" en það er þó ekkert á við blæðandi sárið á egóinu. Alltaf finnur maður leiðir til að toppa sjálfan sig. Merkilegur fjandi.
Í kvöld fer ég svo í stúdíó í upptöku með samspili úr skólanum. Gaman að því.
:: geimVEIRA:: kl. 17:38:: [+] ::
...
Það er spæling eins og hjá fleirum með Eurovision. Ég náði tvennum tónleikum í gær. Náði í skó úr viðgerð í dag og verslaði í matinn en svo nenni ég ekki að elda mér.
:: geimVEIRA:: kl. 18:27:: [+] ::
...
:: fimmtudagur, maí 19, 2005 ::
Ég er nú alveg rosalega stolt bara af okkar stelpum, glæsilegt hjá þeim alveg! Nú getur maður vonandi bráðum hætt að hafa þetta blessaða lag á heilanum (fínt lag reyndar - allt í lagi að hafa það á heilanum í nokkra daga í viðbót kannski).
:: geimVEIRA:: kl. 19:47:: [+] ::
...
Hár, tónlistin, hypertext markup language Ég var óvenjuheppin í dag og fékk tíma í klippingu og litun og er voðalega sæl með mig.
Í kvöld er það náttúrulega Eurovision, Stórsveit Nix Nolte og Benni Hemm Hemm á Borginni og María Magnúsdóttir á Pravda, vonandi nær maður í þetta allt saman. Löngu orðið ljóst að hressilegir tónleikar eru einmitt það sem vantar í sálina mína.
Ég hef leitað þokkalega mikið og reynt að laga þessa villu sem veldur þessu bévítans "Í" fyrir ofan veðurbeibið hér til vinstri, en ég bara finn alls ekki hvað er að... html snillingar mega alveg tékka á sourceinu og gefa góð ráð.
Jæja þá er það Selma og co
:: geimVEIRA:: kl. 19:33:: [+] ::
...
:: miðvikudagur, maí 18, 2005 ::
Tvíburar Búðu þig undir hið óvænta. Tvíburinn er eirðarlaus, uppreisnargjarn og fullur taugaspennu um þessar mundir og bíður eftir því að eitthvað nýtt og frábrugðið drífi á dagana.
Voðalega passar þetta eitthvað... ég er akkúrat í þessum pakka. Tek fram að stjörnumerkjapakkinn þykir mér erkikjaftæði... þarna passaði þetta samt. Þetta er meira svona bara búið að orða það sem maður vildi sagt hafa:
geimVEIRA Búðu þig undir hið óvænta. geimVEIRAN er eirðarlaus, uppreisnargjörn og full taugaspennu um þessar mundir og bíður eftir því að eitthvað nýtt og frábrugðið drífi á dagana.
Fyrir utan taugaspennuna, eirðarleysið og uppreisnargirnina er ég samt temmilega hress bara. Er að hugleiða að hóa saman í gilli á afmælinu mínu en er svoddan trítill í mér þessa dagana að ég veit ekki hvað verður úr.
:: geimVEIRA:: kl. 15:43:: [+] ::
...
:: mánudagur, maí 16, 2005 ::
Það er lítil gullfalleg stúlka sem sést fæðast í þættinum um mannshugann á RÚV... nafnið hennar Isla með enskum framburði er samt með agalegri nöfnum í eyru Íslendings.
:: geimVEIRA:: kl. 20:39:: [+] ::
...
You scored as Cruella De Ville. Your alter ego is Cruella De Ville! You hurt little puppies and have bad hair... shame on you!
You scored as Natural Causes. Your death will be by natural causes, though not by any diseaese, because that is another option on this test. You will probably just silently pass away in the night from old age, and people you love won't realize until the next morning, when you are all purple and cold and icky.
iPodinn minn laug svona líka svakalega að mér þegar ég vaknaði fyrir klukkutíma síðan, hann sagði klukkuna vera 16:30. Ég hef nú ekkert sofið alltof vel undanfarið svo ég trúði þessu alveg. Voðalega var ég samt fegin að hafa ekki sofið allan daginn af mér!
Ferlega hefði maður verið gáfaður að panta sér klippingu... coulda' woulda' shoulda'!
:: geimVEIRA:: kl. 11:23:: [+] ::
...
Jæja, engir alvarlegir skandalar sönglega séð hjá manni í kvöld. Tónleikar Steinars voru mjög flottir. Á leiðinni "niðrí bæ" til að hitta "allt fólkið" (sem var svo bara ekkert allt niðrí bæ... utan ein gæðasál) gat ég meira að segja borðað kvöldmat... fyrsti maturinn sem ég meikaði í dag. Nú hefnist mér hinsvegar fyrir hann, reyndar "bara" brjóstsviði... skömminni skárra en dramað sem búið er að vera á mallanum mínum síðan í gær og í nótt (eða já.. semsagt fyrradag og fyrrinótt), en óttalega er maður samt viðkvæmur ennþá. Best að lúlla sér. Kvótinn fyrir magakveisur er alveg uppurinn þetta árið!
:: geimVEIRA:: kl. 03:32:: [+] ::
...
:: fimmtudagur, maí 12, 2005 ::
Læti Blessi sparsl í bak og fyrir... hvernig öðruvísi væri hægt að verða pæjuleg upp úr magapest og svefnleysi... húrra fyrir Chanel... húrra fyrir meikdollunni geimVEIRU!
Ég er á leiðinni á burtfarartónleika Steinars Sigurðarsonar saxmassa kl. 20 í FÍH, síðan þarf ég að bruna til Hafnarfjarðar þar sem ég syng 2 lög með samspilshópi Gunna Hrafns. Stress nr. 1 er að maður nái ekki að heyra alla burtfarartónleikana, stress nr. 2 er að finna tónleikastaðinn í Hafnarfirði, en ég hef ekki minnstu hugmynd hvert ég er að fara og rata ekki rassgat í Hafnarfirði, stress nr. 3 er að magavesenið láti á sér kræla á óvelkomnum augnablikum, svo ég hef eiginlega ekki orku í stress nr. 4 sem er náttúrulega að maður þykist ætla að blasta Arethu Franklin lag útúrstressuð og óupphituð... eee haw! Hamagangur á Hóli!
En ég er í það minnsta komin úr slipp!
:: geimVEIRA:: kl. 19:18:: [+] ::
...
Ég hélt að ég hataði kvef og meðfylgjandi ógeð mest, en ég held að ég hafi fundið ofjarl minn.
:: geimVEIRA:: kl. 03:33:: [+] ::
...
:: þriðjudagur, maí 10, 2005 ::
Svo satt! Vaki fólk samt meira undir borðið en drekk
Your Inner European is Irish!
Sprited and boisterous! You drink everyone under the table.
Ev'ry time we say goodbye Ég tók í dag vorpróf í söng, það gekk bara mjög vel ég tók tvö lög og fékk ég 9 í einkunn og ágætis komment alveg hreint. Svo tók við söngtími þar sem reynt var að blasta svoldið. Svo var ég kvödd með þökkum fyrir veturinn og þá rann upp fyrir mér að þarna hafði ég farið í síðasta söngtímann í FíH. Það var svona svoldið sjokk svona eftir allan þennan tíma í þessum skóla - ég hafði engan veginn gert mér grein fyrir að þetta væri síðasta kennsluvikan. Svo fór ég með fartölvuna mína sem enn og aftur var brotin upp úr þurru og kvaddi hana jafnframt, þar sem tölvuverslunin ætlar að skipta þeirri gömlu upp í glænýja (Hugver rokkar). Þetta er því svolítið skrýtinn dagur. Á morgun fæ ég nýju vélina, sem verður rosaflott, svo æfi ég með samspili sem ég er gestasöngvari í, mikið fjör mikið stuð.
Svo er ég tvisvar í viku minnt á það að tæma þurfi skápa og henda drasli... ha? Er ég að fara að flytja eða?
:: geimVEIRA:: kl. 20:43:: [+] ::
...
:: sunnudagur, maí 08, 2005 ::
Ég fór á hreint út sagt frábæra burtfarartónleika Ragnheiðar Gröndal á föstudaginn og til Tjúttistan eftir það. Tékkaði svo á vortónleikum í FíH og gerði heiðarlega tilraun til að ná í útgáfutónleika Flosasonar en rétt missti af þeim.
Nú er það bara þvottur og blah.
:: geimVEIRA:: kl. 12:29:: [+] ::
...
:: fimmtudagur, maí 05, 2005 ::
Þetta er kynþokkafyllsti maður sem ég held að ég hafi bara séð. Hvar eru ilmsöltin? Munið þið eftir honum úr Two guys a girl and a pizzaplace ha? Hann var sko ekki SVONA sjúklega flottur þá, ó nei, bara sætur. Kappinn heitir Ryan Reynolds og er maðurinn hennar Alanis Morissette. Passar alveg svosem að konan sem lék Guð fái svona mann.
:: geimVEIRA:: kl. 14:03:: [+] ::
...
Maður þarf að tékka á þessu. Spáið samt í þegar þetta hrekkur ofan í fólk, eitthvað svakalega órómantískt við Heimlich í miðju kafi.
:: geimVEIRA:: kl. 13:12:: [+] ::
...
Já þetta hef ég vitað síðan ég var 10 ára. Ég veit að ég Á að vera þar, það er bara þannig. En svo fer maður til Boston en ekki til NYC, það er á hreinu að maður verður að komast að kíkja á New York samt almennilega. Ekki svo langt á milli o nei nei.
:: geimVEIRA:: kl. 12:03:: [+] ::
...
:: þriðjudagur, maí 03, 2005 ::
Í morgun fór ég í blóðprufu, krabbameinsskoðun, bólusetningu gegn stífkrampa, barnaveiki, lifrarbólgum A og B... svo það er búið að pota, sprauta og stinga mann á hol. Þrír plástar og eitt dömubindi og ég er fokkings 10 þúsund kalli fátækari! Og ég þarf að mæta aftur í bólusetningar eftir mánuð. Mér finnst mjög kaldhæðnislegt að geimVEIRAN sé núna uppfull af vírusalíkum.
Svo fékk ég restina af plöggunum sem Berklee vantaði og skellti öllu saman í ábyrgðarpóst út. Fór ég svo á bókasafn þar sem ég komst að því að tölvan mín er enn og aftur brotin. Ég veit ekki hvaða rugl er í gangi, núna get ég ekki lokað henni. Ferlegt vesen. Held að tölvuverkstæðið hljóti að tilkynna mig til tölvuverndarnefndar, þetta er í þriðja skiptið á stuttum tíma sem eitthvað er brotið í vélinni. Reyndar er ég nú frekar þekkt af því að fara sérlega vel með mína hluti og hefur þessi tölva mín aldrei orðið fyrir hnjaski, svo ég skil þetta bara ekki. Það eina sem gerðist var að ég lokaði vélinni, setti ofan í tösku, ók um bæinn og fór með tölvutöskuna inn á bókasafnið og opnaði vélina. Ef það er ekki standard hegðun þá veit ég ekki hvað.
Ég hef stundum séð Fear Factor og það er virkilega farið að fara í mig hversu fáránlega risabrjósta konurnar í þáttunum eru nærri undantekningarlaust. Blessi þær og alla þeirra barma, en þetta er svo skuggalega augljóst eitthvað. Við erum að tala um DDD upp í allavega fokking F á oggolitlum horrenglum. Ég yrði brjáluð að komast ekki inn í svona þátt bara af því að ég hefði ekki sílíkon. Ein sílikonan fær samt megaprops fyrir að heimta að fá að bjarga karlinum sinum (vanalega eru það konurnar sem bjargað er eeek). Hún hefði samt örugglega synt hraðar ef hún hefði ekki verið með baujur áfastar á bringuna á sér greyið konan.
Ég er með stóran post-it á tölvunni minni "EKKI LOKA" - samt hef ég á tilfinningunni að ég eigi óvart eftir að loka.... ég get ekki neitað því að það er farið að kitla að fá Apple tölvu í skólanum úti (það er skilyrði nýnema að allir kaupi Apple lappa sem þeir redda einhverjum rosadíl á).
Hey og já! Ég gæti verið að fara að fá viðtal út af fínu sumarstarfi barasta bara! Magnað!
:: geimVEIRA:: kl. 21:03:: [+] ::
...
:: mánudagur, maí 02, 2005 ::
Fór í skyndibíó og sá The Jacket. Sérkennileg mynd. Sá Adrien Brody í fyrsta sinn á hvíta tjaldinu. Hann er stór. Stór og með nef. Já já... hötum ekki nef. Reyndar eiginlega er hann með alltof stórt nef, hann er samt bara flottur og góður leikari eftir þessari mynd að dæma, maður þarf kannski að tékka á Píanistanum. Oh það eru svo margar myndir sem ég hef ekki séð. En allavega einni færri eftir kvöldið í kvöld.
:: geimVEIRA:: kl. 23:54:: [+] ::
...
Ég fékk að blasta þónokkuð í söngtíma í dag, annað er ekki í fréttum.
:: geimVEIRA:: kl. 20:03:: [+] ::
...
:: sunnudagur, maí 01, 2005 ::
Vatnselóna í matinn? Nahh.. best að elda sér eitthvað sniðugt.
:: geimVEIRA:: kl. 19:30:: [+] ::
...
Mér var í kvöld bent á frábæran hörpuleikara sem jafnframt syngur... ótrúlega flott, tékkið á henni: Joanna Newsom, alveg mögnuð videó með henni hjá BBC líka. Rosalega er alltaf gaman að heyra eitthvað sniðugt og nýtt. Söngur og harpa hjá Páli Óskari og Moniku er reyndar algjör snilld, en þessi gerir bæði. Röddin hennar minnir á Lisu Ekdahl án þess að pirra mig eins og Ekdahl gerir.
