:: Þvaðurveita geimVEIRU ::

:: þriðjudagur, maí 24, 2005 ::

Ef ég kemst inn í skólann fæ ég í fyrsta lagi að koma inn á vorönn. Djöfull er ég vonsvikin. Hvergi sem maður var varaður við þessu, það er nýbúið að tilkynna um að búið væri að loka á haustönn svo ég hafði engar áhyggjur neitt enda búin að senda allt af stað og búin að fá staðfest að þetta væri allt farið í nefnd. Svo fæ ég að vita núna að það hefði þurft að sækja um fyrir 1. febrúar s.l. og ég sem er búin að vera í stressi og látum, forgangsraðað öllu í kringum að þetta myndi ganga upp, enda skólastyrkurinn kominn og nákvæmlega ekkert sem bent hefur til þess að haustönn væri úr myndinni, fáránlegt. Á umsóknarsíðunni var boðið upp á að velja haustönnina alveg fram í apríl þegar ég loksins gat sent umsóknina inn. Og enn þarf ég að bíða eftir að fá á hreint að komast inn á vorönnina - arrg! Ég hef ekki þorað að trúa því að ég væri að fara út, ekki fyrr en maður fengi endanlega svar frá skólanum, hélt það væri bara ég að vera svartsýn og skammaðist mín hálfvegis fyrir það. Maður varð samt að haga öllu eins og þetta gengi upp í haust. Ég þoli ekki þegar svartsýni parturinn af manni hefur rétt fyrir sér. Oh! Og svo er kvefhelvíti að magnast upp í mér!
Ef Haraldur fengi ekki borgað fyrir að hafa áhyggjur af þessu öllu hvar væri maður þá?

:: geimVEIRA:: kl. 20:45:: [+] ::
...