:: Þvaðurveita geimVEIRU ::

:: fimmtudagur, ágúst 31, 2006 ::

Ég fór á tónleika Sollu Þórðar í kvöld. Hún flutti allskyns sálartónlist en tvö hennar eigin laga báru alveg af, mjög skemmtilegt að heyra hennar eigið efni.

Mér tókst að buffa minn elskaða makka í gærdag þegar ég missti hann á fáránlegan hátt í gólfið með þeim afleiðingum að boddíið skekktist og lásinn brotnaði, meeeegaspæling, enda langaði mig að fikta í tónlistarforritunum í fríinu og eitthvað... æi veit sossum ekki hvað ég hefði gert mikið, en netlaus er vont að vera. Í dag missti ég svo geimEPLIÐ í viðgerð, ég er mátulega bjartsýn á að takist að laga þetta áður en ég fer út aftur, en Apple IMC var allavega á því að reyna að massa þetta með mér, þetta kostar formúgu og eins gott að Sjóvá standi við sitt og heimilistryggingin mín coveri þessa buffun. Í dag fór ég líka til tannlæknis þar sem gert var við brotna fyllingu, í bankaútréttingar (það verður víst að borga leiguna þótt maður sé í fríi heima), sótti buxur úr styttingu (nokkuð sem langintesar skilja ekki hehe) og gerði í raun heilmargt á mínum 4 tíma svefni, en ég uppveðraðist auðvitað svo þegar loksins var hægt að kjósa Magna í nótt (upp úr kl. 3) að ég ætlaði aldrei að sofna held ég hafi náð að lúra upp úr kl. 6 í morgun.

Ég er annars að farast úr stolti yfir Magna. Ég er að farast úr gremju yfir að dæmdur þjófur komist upp með sérmeðferð hjá D-listafólki - arrrrg! Djöfuls, gat ekki hlustað á útvarpið fyrir pirring mar.. oohhh! Nú þarf aldeilis að treysta lýðræðinu úff! Svo er ég líka með illt í eyrunum og með hálsbólgu og eitthvað eftir að hafa verið að frjósa í haustveðrinu f. norðan um helgina, en ég veit líka upp á mig sökina, ég er enn á amerískum tíma. Hef ekki sofið heilan svefn síðan ég kom og verið illa sofin í litlu tjúttstuði, en ég hlakka til allra stefnumóta sem upp er lagt með. Á morgun fæ ég líka klippingu í fyrsta skiptið síðan. .tjahh í febrúar/mars held ég. Ekki veeeeeeitir af - úff! Er eins og hross.

Ég er annars jafn óákveðin og fyrr með deildaval, ég held draslinu opnu bara eins og ég get, en ég tala svo við deildaforseta þegar ég kem út og sé hvað þetta lið segir.

Ég kvíði bara að hafa engan úti, svo frábært að hitta fólkið sitt aftur, en að öðru leyti vil ég alveg fara að komast "heim" til Boston bara. Ég fíla mig greinilega hvergi, er alltof stressuð og einangrunarstefnan að bögga mann eitthvað innst inni. En ég á lunchdeit á morgun, og hlýtur að líða betur við að fá klippingu, dinner með frænku sætu - held ég vilji ekkert fara þegar ég næ betri tengingu við alla aftur. En best að hugsa ekkert of mikið (aldrei gefst það of vel) og setja 24 diskinn frá frænku á uuu.. "fóninn", "sjóninn", uuuu.. já eða þannig.

Ef svo ólíklega vill til að einhver vill ná sambandi við mig þá er ég með gemsanúmerið mitt gamla í símanum mínum og verð utan tölvufæris þar til Apple á Íslandi hjúkrar heimilisofbeldissjúklingnum mínum. Who drops a Mac? Honestly!!!

Oh ég er svo spæld :(

:: geimVEIRA:: kl. 01:44:: [+] ::
...