:: Þvaðurveita geimVEIRU ::

:: laugardagur, júlí 15, 2006 ::

Make-up blogg
Ég er búin að vera svo innilega óbloggleg undanfarið... hér eru nokkrir smápunktar sem ég nennti ekki að tjá mig fyrr um:

4. júlí fór ég og horfði á brjálæðislega flugeldasýningu (hálftímashow á algjöru blasti allan tímann) við Charles River í mesta mannfjölda sem ég hef verið í og heyrði í Steve Tyler syngja með Boston sinfóníunni í góðu tjútti. Það var rosaljúf stemming, allir bara í góðu chilli og mannfjöldinn hummaði með Aerosmith slögurum og risa blimp sveif yfir vötnunum.


Síðasta föstudag heyrði ég hátt spilaða tónlist með Sheryl Crow úti. Óvenjulegt í mínu rólega hverfi að heyra einhverja tónlist inn um gluggann. Svo kveikti ég... þetta var ekki ómur úr útvarpi eða úr græjum, heldur var fröken Crow bara í soundchecki á Fenway Park, svo þetta var sumsé live barasta. Um kvöldið heyrði ég óminn af tónleikunum en hún og Dave Mathews Band voru með tónleika á föstudaginn og laugardaginn var.


Ég gleymi alltaf að blogga um tónleika sem ég fer á í október... ég fer með pabba að sjá Eirík Clapton Blöndal 2. október í Banknorth Garden (formerly Fleet Center .. formerly Boston Garden .. formerly whatever) og svo kvöldið eftir fer ég á Red Hot Chili Peppers tónleika á sama stað, vonir standa til að mín rokkaða frænka Erla komi út og tékki á þessu með mér, málið er í vinnslu. Ég fékk miða á drullugóðum stað á Chili Peppers, hlakka til að sjá kaddlana.


Í gær fór ég í bíó, í annað sinn á árinu, og sá Pirates of the Caribbean, megahress mynd, Depp fór á kostum alveg, ekta mynd sem þarf að sjá í bíó. Flottar brellur og skemmtilega drungalegt vibe.


Ég klúðraði beisiklí því sem ég hélt ég kynni í Acoustics prófinu en slefaði einhvernveginn í gegnum rest og náði 7 svo ég vona að ég haldi a.m.k. þeirri einkunn. Kennarinn minn Tom Rhea er algjör brandarakarl, reitir stanslaust af sér misgóða brandara*), en þeir sem eru góðir eru frábærir. Þess má geta að Rhea er einn af aðal hjá Moog. Skrifaði m.a. leiðbeiningabæklinga fyrir Mini Moog o.fl. Spes yfirvaraskeggs-sítt að aftan-með hárið út í loft- bumbugaur. Hann heimtar SWAG (Scientific Wild Ass Guessing) og þolir ekki Bush. Og notar þau allrasjúklega forljótustu lesgleraugu sem ég hef séð. Svona risa risa stór með engu plássi fyrir nef, og hann tilkynnti okkur að þau hefði hann fengið á $2 sem væri gersamlega toppurinn sem hann borgaði fyrir gleraugu. Hann veit svo innilega af því hvað hann er púkó og honum er svo fullkomlega skítsama, það er frábært. Svo segir hann fullur alvöru... "You do NOT want to flunk this class. I NEVER change the jokes!"

*) Dæmi
-um klassíska vonda:
"My favorite syllables are do-reah and MEEEE!" "The CabaREAH is free!"

-um klassíska góða:
"If you want to be a pop musician you will sell out. It's about the sales. If you don't want that, you become a university composer and suck a public teet"
"Feathers are not kinky. Feathers are exotic. The whole bird is kinky!"


Ég er búin að berja saman tvö lög líka sem ég þurfti að gera annars vegar fyrir útsetningatíma og hins vegar fyrir hljómfræði. Það fór óóóógeðslega langur tími hjá mér í útsetningaverkefnið, en ég þurfti að setja upp í sequencer og skila nótum fyrir öll hljóðfæri (nema ég asnaðist til að gleyma hversu Garage Band er glatað að leyfa ekki export á midi, svo ég þurfti að handavinna allt í Finale moðerfokkistan). Einn bekkjarfélagi minn var voðahrifinn og heimtaði að fá að pródúsera lagið, ég tók bara vel í það, hef efasemdir um þennan gaur reyndar, hann er svona nettur nöldurseggur en whatever, ég meilaði draslinu á hann. Kennarinn fílaði þetta held ég ekkert rosalega, en mér fannst þetta orðið forljótt og leiðinlegt enda komin með algjör ógeð á þessu ljóta lagi. Rosa tímafrekt en ég lærði shitload á þessu. Hitt lagið tók "bara" 3 tíma.


Svona heilsar tónheyrnarkennarinn okkur iðulega, frábærlega ljúfur svartur gaur um sextugt sem segir okkur af dóttursyni sínum sem er svo klár og syni sínum í Kaliforníu, brosandi alveg hringinn: "Hello my beautiful people, how are you today?"


Já, svo kem ég heim í smá frí milli anna í ágúst, lendi 23. ágúst ú jé.

:: geimVEIRA:: kl. 18:25:: [+] ::
...