:: Þvaðurveita geimVEIRU ::
:: föstudagur, júlí 21, 2006 ::
Kennari minn í R&B Lab síðustu annar, hann Jeff Ramsey, kynnti tónlist vinkonu sinnar fyrir okkur í vetur. Mjög flott, kona sem heitir Ledisi. Ég fann ekkert frá henni og gleymdi þessu síðan. Þar til ég sá auglýsingu um masterclass með henni í skólanum. Ég fór í gær og var gersamlega "blown away". Ofboðslega næs stelpa, geðveik söngkona og hafði margt gáfulegt að segja. Hún tók nokkur lög fyrir okkur, var með geðveikan gítarleikara með sér og fékk Berklee söngdýrin til að radda með sér... sem endaði náttúrulega í megakúl spennum og hasar, ógeðslega töff. Svo var minnst á að hún héldi tónleika um kvöldið. Ég fór beinustu leið í tölvu og keypti miða, var svo hrædd um að yrði uppselt. Þessir tónleikar voru gersamlega magnaðir. Hún flutti frumsamið efni að mestu en svo slæddust inn jazzstandardar - hún tók flottustu útgáfu ever af Straight No Chaser og svo tók hún óskalag; Yesterday og gerði það algerlega að sínu, já og líka Chameleon! Mjög skemmtilegir tónleikar. Nú bíð ég eftir að fá næstu plötuna hennar, en hún er komin með samning við Verve og er stefnt á útgáfu nýrrar plötu í byrjun næsta árs. Tvær fyrri plötur hennar eru nú ófáanlegar, en hún gaf þær út sjálfstætt og hafði margt um þann bransa að setja einmitt á masterclassinu, hún hefur t.d. ekki efni á að koma fleiri eintökum í dreifingu, sem sökkar þegar maður vill endilega kaupa plötu á staðnum.
Í kvöld ákvað ég að fá mér fisk í matinn, enda ét ég aldrei fokkings fisk. Þegar ég sá íslenskan þorsk ákvað ég náttúrulega að kaupa hann og keypti líka meira að segja sandhverfu í einhverju intuition/affíbara kasti... Þegar ég var komin heim og búin að hakka saman ferskt kóríander, basilíkum og hvítlauk og hreinsa kirsuberjatómatana og hita ofninn, náði ég í fiskinn. Nei nei.... var þá ekki þjóðarstoltið þvílíkt hringormað að ég varð að henda 70 af fisknum. Ekki að fiskurinn væri ekki ferskur... ó nei... hringormurinn sprelllifandi sem teygði sig 2cm upp úr flakinu í átt á ljósinu var greinilega enn ferskari en fiskurinn, fleiri ormar á fleiri stöðum, bara ojjjj. Sem betur fer var sandhverfan gullfalleg, svo ég fékk lystina aftur, hjúkk að ég keypti hana líka, þótt það hafi verið asnalegt að þurfa þess endilega í búðinni. En það er nokkuð ljóst að "íslenskur fiskur" er ekki sá gæðastimpill sem ég átti von á. Hjúkk að maður var ekki með gesti eitthvað að monta sig af hráefninu að heiman. Ég vildi að ég hefði nennt að kvarta, þetta er náttúrulega ekki hægt... en sem neytandi með aðra vöru í samkeppni við hina íslensku mun þetta einfaldlega hafa áhrif á val mitt í framtíðinni.
:: geimVEIRA:: kl. 23:21:: [+] ::
...
