:: Þvaðurveita geimVEIRU ::

:: laugardagur, apríl 29, 2006 ::

Corea - Gomez - Moreira
Ég var að koma af tónleikunum... þetta voru alveg meiriháttar tónleikar... karlarnir svoleiðis geisluðu af leikgleði , Airto Moreira átti alveg showið, svakalega skemmtilegur músíkant. Hann lék ekki aðeins á slagverk (allra flottasti svoleiðis performance sem ég hef séð) heldur söng hann líka og var með allskonar hljóðgjörninga, alveg frábært. Chick og hann voru í góðu gríni, áttu alveg kostulega senu þar sem þeir léku saman á einhverjar ýlur sem hljómuðu eins og barnsgrátur. Þeir léku þrír en samtals á 36 hljóðfæri (eða ég hætti að telja þegar ég var komin upp í 36), Moog, Rhodes, flygill, kontrabassi, trommusett og gilljónjónson hristur og allskonar dót. Í salnum var fjölskylda Corea, og það var rosalétt stemming yfir þessu og fékk ég að heyra La Fiesta sjálft og allt! Bassaleikarinn, Eddie Gomez, spilaði í 11 ár með Bill Evans og tóku þeir Waltz for Debbie líka og voru með æðislegan spuna og gladdi mig mikið hvað Airto gerði mikið með röddinni. Hann var eins og áður sagði algjör senuþjófur, Chick var frábær auðvitað og Gomez var rosalegur... Moreira söng Desafinato og massaði geðveikt slagverk með.... þeir spiluðu í 2 tíma og fengu "standing ovation" og spiluðu þá 2 lög í viðbót.

Þessir tónleikar fara á topp 3 listann. Og ekki missa af Airto Moreira ef þið hafið tækifæri að sjá karlinn - hann er bara kúl!

Já og ég gleymi að segja aðalfrábærfyrirbærið.... ég var ALVEG við sviðið í annarri sætaröð!

Já og ég á núna áritaðan DVD disk með (áritaðan af Gomez og Corea) og Corea gaf öllum tónleikagestum geisladisk með þökk til aðdáenda sinna fyrir að vera svona ógeðslega skemmtilegir. Gaman að svona hressleika.

:: geimVEIRA:: kl. 02:53:: [+] ::
...