:: Þvaðurveita geimVEIRU ::

:: þriðjudagur, mars 14, 2006 ::

Do Me Fa Se So
Það var sko átján stiga hiti hér á föstudaginn og 16 stig á laugardaginn. Það er megn vorilmur í lofti og í dag sá ég blómstrandi krókusanga á leiðinni í skólann.
Ég er búin í 4 prófum. Þau hafa gengið ágætlega hingað til. Eftir skóla í dag fór ég svo að vinna í verkefni í Reason fyrir "Writing Skills" ég var svo lengi að þessu - mjög skemmtilegt en ég var svo mikið að fikta - ég var ekkert lítið fegin þegar ég sá að það þarf ekki að skila því fyrr en á fimmtudaginn, enda var alveg komið nóg.

Ég gat því verslað inn og þvegið þvott og svo horfði ég á Supernanny og voðalega væminn en athyglisverðan þátt þar sem sjúklingum er gefinn kostur á glænýjum læknismeðferðum. Í síðustu viku fékk blindur gaur sýn (magnað að horfa á þegar hann sá fjölskyldu sína í fyrsta skipti) og í þættinum í kvöld var stelpa með alveg svaaaaakalegan Tourette's læknuð. Hún var sett í heilaskurðaðgerð og settar elektróður í heilann á henni og tölvur í bakið sem skemma Tourette´s signalið - megakúl. Svo var lítill strákur með suddalega hryggskekkju og samgróin rif lagaður og spengdur með títaníum. Þetta spilar á mann eins og fiðlu - maður lifir sig alveg inn í þetta.

Á morgun er langur dagur en skemmtilegur, ég fer í fyrsta tímann kl. 9 og kemst ekki heim fyrr en ca hálftíu annaðkvöld. Ég fer í próf en líka í tíma í röddunarpælingum sem heitir því þjála nafni "Performance Skills for the Background Singer". Við erum ca 15 í bekk, strákar og stelpur og kennarinn lætur okkur radda alveg upp í 8 parta, allt mjög heavy ryþmískt og brjálaðar spennur í gangi. Þessi kennari hefur verið dáldið frá, svo það verður uppbótartími með fleiri bekkjum, svo það verður æðislegur kór sem maður syngur annað kvöld, ég hlakka mjög til.

Jæja, best að taka úr þurrkaranum.

:: geimVEIRA:: kl. 03:23:: [+] ::
...