:: Þvaðurveita geimVEIRU ::
:: fimmtudagur, ágúst 18, 2005 ::
Spenging og líkamsvessar
Í gær keypti ég svona krana til að hafa á baðinu, en kraninn þar er ónýtur og lekur. Í matinn fékk ég mér danskan mygluost, fersk jarðarber og basilolíu með ítölsku brauði frá Jóa. Krani... gómsætur ruglkvöldmatur... annað gerðist ekki markvert.
*Enter violins*
Daginn í dag byrjaði ég á að skakklappast fram í eldhús til að slökkva á vekjaranum í gemsanum mínum, 20 sekúndum síðar sá ég rosalegan blossa út undan mér og heyrði rosalegan hvell og sló síðan öllu rafmagni í íbúðinni út (ljósapera að springa með svona líka svakalegum stæl). Næstu 20 mín. fóru svo í hinar ýmsu tilraunir við öryggjafikt og töku ljósapera úr kösturum og príl. Í ljós kom svo að ekki aðeins hafði íbúðinni slegið út sem og greininni þar sem perunni sló út, heldur sló íbúðinni allri út í rafmagnstöflu sameignarinnar - mín úti á gangi í náttfötum hjúkk að engir nágrannar sáu mig. Þetta var svo innilega óvelkomið í morgunstressið... ég sem ætlaði að reyna að mæta for once ekki með viðbjóðslega ljótu í vinnuna. Reddaði eins og ég gat en mætti of seint (búin að vera vonlaust keis þessa vikuna).
Ég vakna alla morgna í svitabaði og sef ógeðslega illa, búin að vakna síðustu 3 nætur um fjögurleytið líka. Enda er ég með fáránlega bauga og náföl. Hálsbólgan hefur minnkað en er alls ekki farin, hey já og heftiplásturinn sem ég var svo glöð að fá reyndist aldeilis ekki nógu vel. Ég fékk annað meiddi, því ég fékk bara rosablöðrur undan honum sem sprungu svo ég missti alveg húðina af - ekki fallegt. Svo í staðinn fyrir "bara" 2 skurði sem hætti fyrst að blæða úr í gær, er ég nú með 2 blæðandi sár til viðbótar. Í dag keypti ég mér því svona eitthvað rassakrem fyrir ungabörn sem á að vera voða gott, og stóran hvítan plástur líka, smellti þessu á í vinnunni og er good as new... þ.e.a.s. þangað til nú í kvöld, þegar mig fór að klæja. Búhúú.. og ég er að fá bólu.... búhúú *Exit violins*
Á morgun vinn ég í 11 tíma og svo fæ ég vonandi kranann settan upp. Það verður nú aldeilis gaman að hætta að tannbursta sig í eldhúsinu. Jæja, nú ætla ég að drusla mér í bælið. Whahahahahh - heyrðu þetta Amercan Dad dæmi er dáldið fyndið. Best að sofna út frá þessu.
:: geimVEIRA:: kl. 23:13:: [+] ::
...
