:: Þvaðurveita geimVEIRU ::

:: mánudagur, júlí 25, 2005 ::

Quit yer mindfucking!
Mér gersamlega ofbýður auglýsingahaugurinn á mbl.is núna. Í gangi núna eru 12 auglýsingar sem eru að mínu mati fjórar alltof alltof stórar. Fréttirnar eru að týnast í þessu og ég verð að segja að ég nenni ekki mikið lengur að standa í að rýna í gegnum blikkandi auglýsingar og vanda mig ægilega mikið svo ég endi ekki inni á síðu auglýsenda án þess að ætla mér þangað. Það eru fleiri hreyfimyndir og flenniauglýsingar þrna en inná mörgum klámsíðum og þá er nú mikið sagt.

Vissulega ekki jafn krassandi hreyfimyndir... en á heildina minnir þetta mig mest á þessháttar síður. Ekki gott! Ég held ég fari að sækja minn fréttaskammt til BBC eða eithvað. Auglýsingaherferðir eru margar hverjar farnar að virka þveröfugt á mig. Dreifingin er orðin svo yfirþyrmandi. Sömu myndskeiðin á fullu á fréttavefnum sem maður fer á, kyrrmyndir á strætóskýlum, auglýsingarnar rúlla í sjónvarpinu frá morgni til kvölds, eru í dagblöðum, bæklingum, óumbeðnum ruslpósti, á undan bíómyndum og eins og ekki sé nóg komið, eru fyrirtæki farin að loopa auglýsingaherferðum sínum á flatskjám upp á vegg hjá sér svo fólk sem sinna þarf erindum missi ekki af tækifærinu til að láta heilaþvo sig og börnin.

Ég lofa því að ég mun EKKI fara í reglubundinn sparnað hjá Landsbankanum, fá mér lán hjá S24 eða fara í Vildarþjónustu Sparisjóðanna. Ekki af því að þetta séu slæmar þjónustuleiðir, þær eru áreiðanlega fínar (whatever), en ég er komið með svo fullkomið ógeð á þessum öfgafullu auglýsingaherferðum að ég bara næstum æli ef ég sé orðið útibú þessara fyrirtækja... í dag varð ég að fara í Landsbankann, þar rúlluðu sömu 3-4 leiðinlegu auglýsingarnar 6 sinnum meðan ég beið. Til hvers?

:: geimVEIRA:: kl. 23:42:: [+] ::
...