:: Þvaðurveita geimVEIRU ::

:: mánudagur, júlí 04, 2005 ::

Ég hef haft það alveg ágætt barasta, er komin með hlutastarf sem mér líst ágætlega á, fór í bæinn á föstudagskvöldið eftir vinnu, endaði í skralli alveg fram eftir öllu... kvöldið endaði í heimahúsi innan um rosalega krúttlega kettlinga. Eftir að sofa vel og lengi út (m.a. tókst mér að sofa af mér tónleikana á Jómfrúnni) var frábær pizza og tékkað á Moskvich á Hljómalind. Mikið fjör var síðan eftir það og endaði maður með að vaka alltof lengi þá nótt líka. Ósköp gaman, klikkar aldrei að spjalla með skemmtilegu fólki.

Eitt sá ég þó óótrúlegt eftir þetta djamm. Í leigubílaröð á Ingólfstorgi var svona sæmilega sjúskað par, en bæði ósköp myndarleg, höfðu áreiðanlega verið mjög fín þegar þau dressuðu sig upp um kvöldið, konan var í pilsi og netasokkabuxum og fannst mér þær eitthvað mislitar, jafnvel að hún hefði eitthvað verið mistæk með brúnkukrem því það voru svona rendur niðureftir fótunum á henni. Þegar hún staulaðist nær og reyndi að troða sér framfyrir í röðina sá ég að þetta var alls ekki brúnkukrem, því konan hafði þarna þvaglát fyrir framan allt og alla, stóð bara í góðu chilli og meig niðureftir öllum sparifötunum og stækkaði pollurinn þegar hún staðnæmdist.

Það var ansi feginn leigubílstjóri sem tók hópinn sem ég var í upp í bíl, þegar ég sannfærði hann um að ekki aðeins hefði konugreyið ruðst framfyrir í röðinni, heldur að það væri honum sannarlega fyrir bestu að fá frekar þvagheldnari kúnna í þetta skiptið.

Næsta miðvikudag byrja ég sem "temp" hjá stórfyrirtæki, verður nokkuð mikil vinna en bara til ágústloka. Ég fékk nefninlega tvö störf á sama deginum. Nú og síðan er það Malus.

:: geimVEIRA:: kl. 20:02:: [+] ::
...