:: Þvaðurveita geimVEIRU ::

:: mánudagur, janúar 31, 2005 ::

Ó já
Það er svoleiðis verið að massa nördaskapinn þessa dagana að það er engu lagi líkt. Gærkvöldið/nóttin var tekin í ægilegar fæðingarhríðir og ól ég við annan mann Dungeons & Dragons karakter. Angelina Ulunikki er dvergvaxin særingakona eða eins og sagt er "gnome sorceress". Hún mun á næstunni lenda í ævintýrum miklum, bregða fyrir sig boga á ögurstundu og jafnvel galdra svolítið. Ég hlakka til að byrja að spila.

Ég fór annars í þrælfínan söngtíma í dag og síðan í yoga, agalega gott. Borðaði restina af græna karríinu sem ég eldaði í gær og æfði mig í 25 mínútur. Þótt ég sé þreytt þá var sunnudagurinn svo ótrúlega óvenjulega skemmtilegur að ég er í góða stuðinu íhaaaww!

Mikið agalega er alltaf gaman að sjá snillingana hjá ESA ljómandi í 60 minutes yfir afrekum Hyugens á Títan, hefur örugglega eitthvað að gera með að alltaf er gaman þegar vel gengur, en það alveg lýsir af þessum geimgaurum þegar þeir eru í viðtölum, oft svona down to earth (pun unintended har harhar) húmoristar einhvernveginn. "Ég er bara rútubílstjóri" segir leiðangursstjórinn ósköp lítillátur.

:: geimVEIRA:: kl. 23:14:: [+] ::
...