:: Þvaðurveita geimVEIRU ::

:: sunnudagur, nóvember 14, 2004 ::

Sushi lover
Ég fór á mjög fína tónleika Andrésar Þórs Gunnlaugssonar á föstudaginn og endaði á skralli. Ég fór svo loksins í klippingu í fyrsta skipti í 4 mánuði, allt annað að sjá mann, svo var Geimfarið æft og fundað. Foreldrar mínir voru í bænum um helgina og ákváðum við að skella okkur saman út að borða í gær. Ég hafði allan daginn annað slagið alltaf verið að hugsa um sushi sem mér fannst mjög skrýtið þar sem ég hef gert nokkrar tilraunir til að falla fyrir því enda sérlega holl freisting ólíkt flestu, en aldrei tekist það almennilega. Þegar í bæinn var komið mundi ég eftir að það er sushi staður í Aðalstræti sem ég hef aldrei farið fyrr á og varð úr að við fórum á Maru. Það er skemmst frá að segja að ég er fallin fyrir sushi big-time. Þetta var fullkominn matur, fullkomin þjónusta og umhverfið alveg frábærlega hannað og kósí. Get ekki beðið að fara þangað aftur barasta. Svo fór ég á tónleika á Rósinberg og sá þar og heyrði í fyrsta sinn í ungri söngkonu þrælgóðri sem heitir Sigríður Eyþórsdóttir (Gunnarssonar og Ellenar Kristjánsdóttur) þar var hlustað á ljúfan blús og kjaftað frameftir. Ég vakti eins og vanalega manna lengst, endaði með sófasvæfla - gaman að því. Það var ansi krumpaður sópran sem mætti á æfingu í dag, en þetta hafðist allt saman. Hamborgarabúllan bjargaði heilsunni og lúrinn var góður.

:: geimVEIRA:: kl. 18:31:: [+] ::
...