:: Þvaðurveita geimVEIRU ::

:: föstudagur, febrúar 20, 2004 ::

Það var mjög gaman í skólanum, Ericka skemmtileg söngkona, mjög sérstakt að heyra líka svona bara söng og gítar saman, mjög fallegt. Ég þurfti nú endilega alveg að detta úr sambandi alveg (eitthvað stress og einbeitingarleysi í gangi urr) og koma snarvitlaust inn, þegar ég átti að taka lagið, en byrjaði aftur og náði að klára þetta almennilega. Frú Ovette sagði alveg greinilegt að ég ætti mér ástmann (múha!! þarna gabbaði ég hana), sem ég neyddist til að hrekja, en hún sagðist vera "moved" svo ég þakkaði bara fyrir mig. Ég hitti líka í fyrsta skipti litla krúsídúllu, nokkurra mánaða, sem tók frábærlega á móti mér þegar ég kom inn, brosti og teygði sig til mín, ég var mjög hissa, enda ég og ungabörn eitthvað sem mjög sjaldan komast í návígi, þetta var algjör dúlla allavega.

:: geimVEIRA:: kl. 19:39:: [+] ::
...