:: Þvaðurveita geimVEIRU ::

:: þriðjudagur, febrúar 24, 2004 ::

Einhverfir þurfa reglu
Ég var í fínum tímum í gær í skólanum - fékk loksins einhvers konar rökræna ástæðu til hvers ég ætti að hafa lært skala (sem mér fannst stundum vera frekar fyrir hljóðfæraleikara en söngdýr stundum - því ég veit hvort sem er sjaldnast hvaða spennu ég bulla upp í scatsólóum) þarna fékk maður líka einhvers konar notkunarmöguleika fyrir þessa laglínugreiningar síðasta vetur, en þetta tvennt flæktist (og flækist enn) fyrir mér - enda páfagaukslærdómur án rökstuðnings eitt það leiðinlegasta sem ég veit. Vúhúú!

Ef maður bakar bollur, þá borðar maður þær bara, þess vegna bakaði ég mér ekki bollur í ár, frekar en í fyrra (í fyrra voru bara 1944 kjötbollur á bolludaginn hjá mér). Hinsvegar í vinnunni var boðið upp á bollu (sem var aldrei á gamla staðnum), svo ég fékk smakk allavega - mínar bollur náttúrulega miklu betri finnst mér - gaman að fá samt bollu - ekki minnkaði á manni sitjandinn þann daginn.

Ég skellti mér á slagverkstónfund í FíH eftir skólann hjá mér. Það var mjög gaman að sjá hvað þau eru að sýsla þarna. Uppgötvaði síðan líka að tónleikar sem ég lofaði útlendingi í föruneyti Ericku Ovette að ég myndi mæta á, voru á sunnudaginn!!!! Ég sem var allan daginn að reyna að muna hver ætti afmæli, eða hvað það var sem ég ætlaði að gera - urr! Þoli ekki þegar ég klúðra svona asnalega - ég reyndar fór á Jómfrúna og í heimsókn og eitthvað svona sem var alveg out of the ordinary - en djöfull er maður orðinn illa einhverfur að geta ekki brotið út af venjubundnu prógrammi án þess að allt sem maður ætlar að gera strokist út úr hausnum á manni.

:: geimVEIRA:: kl. 11:33:: [+] ::
...