:: Þvaðurveita geimVEIRU ::

:: fimmtudagur, júlí 24, 2003 ::

Vá!
Þetta er ótrúlegt að fara svona og vera blown away kvöld eftir kvöld. Það sem ég set fyrirsagnir á er það markverðasta:
Fyrsta kvöldið: Dianne Reeves:
Gersamlega svakalega góð, ótrúleg í improviseringum, með ótrúlega flott raddsvið, aldrei tilgerðarlega eða pirrandi. Var með tríó með sér, bassa, píanó og trommur og maður sat sem fastast allan tímann undir stjörnubjörtum himni og bara gapti í hrifningu.
Annað sem var það kvöld, einhvers konar æi ... Svona rokkabillírass Frakklands var þarna, margir fíluðu þetta í tætlur, en þetta var ekki mín tónlist, síðan skánaði greyið nú, en varð þá svona eins og '68 kynslóðin í partýi, heldur ekki my cuppa. Á öðru sviði var þá mjög fín grúppa, sem spilaði bara svo voðalega óttalega fínlega og veikt að hún drukknaði í rokkinu frá hinu sviðinu (annars er alveg ótrúlegt hvað lítil mengun er milli sviða í Chimiez garðinum. Síðan sá ég frábæra rappgrúppu, franskam Daara J. Ég er bara að flýta mér svo mikið að skrifa að ég leyfi mér að sleppa mörgum nöfnunum, þar sem ég vil ekki skrifa þau vitlaust, ég edita þetta þegar ég kem heim, með myndum og nöfnum og svoleiðis.
Annað kvöldið (í gær): The Roots
Þessir menn voru bara lygilega góðir og ekkert annað. Það var helst til mikið rappað fyrir minn smekk en þeir sýndu að þeir eru með allan fjárann í vasanum, skutu inn swingi, tóku síðan syrpu, svona blöndu af öllum andskotanum þar sem inn kom Pink Panther, Fur Elise og So what... og svo geðveikasta trommusóló/einvígi sem ég hef séð, enda voru áhorfendur að fríka út af hrifningu. Áður sá ég líka Afro-Cuban hljómsveit sem var alveg svaðalega góð, trompetleikarar sem voru alveg lengst "uppi í rassgati" og æðislegir salsataktar, svo var líka á enn öðru sviðinu reggae hljómsveit, Toots and the Maytals, ég veit að þeir voru mikið vinsælir og það var allt troðið þar, en ég er ekki mikið fyrir þá tónlist, en þeir voru svakalega flinkir svoleiðis gaurar, það mikið fattaði maður og ég sá líka Salif Keita, sem er svona afró dúd (meira að segja hvítur svertingi), rosa töff tónlist líka hjá honum.

Þriðja kvöldið (í kvöld): Bumcello
Ég er búin að fara á jazzhátíðina núna 3 kvöld í röð, þetta er alveg skvakalega skemmtilegt, skipulag er til fyrirmyndar. Ég er bara á netkaffihúsi núna, svo ég lýsi öðru en því sem ég sá í kvöld síðar, en í kvöld sá ég eitt það furðulegasta og flippaðasta ever, það var sko rafsellóleikari ásamt trommuleikara. Þeir nýttu sér síðan tölvutækni og voru með allskonar effecta og dæmi og þetta var alveg magnað! Mikill húmor og rosa töff, þarna göldruðu þeir fram magnaða tóna og takta, spiluðu inn t.d. undirleik á tölvuna, spiluðu síðan yfir það, þetta grunar mig að hafi allt meira og minna verið improviserað á staðnum, en þessa gaura myndi ég borga mig inn á til að sjá aftur.

Jæja, þá er best að tralla út í hlýja nóttina (26°c)... góða nótt!

:: geimVEIRA:: kl. 22:55:: [+] ::
...