:: Þvaðurveita geimVEIRU ::

:: mánudagur, janúar 30, 2006 ::

Hafdís klukkaði mig... ég hef ekki fengið svona klukk fyrr.. here goes nothing:

Fjögur störf sem ég hef unnið við:
Snyrting & pökkun í frystihúsi
Aðstoðarmaður iðjuþjálfa
Afgreiðsla í banka
Skrifstofustjóri á lítilli lögfræðistofu

Fjórar myndir sem ég gæti horft á aftur og aftur:
Pulp Fiction (árlegt skylduáhorf)
Groundhog Day (það er alveg óvart, og í anda myndarinnar að ég hef séð hana ótrúlega oft óvart, en ég hef alltaf gaman af henni)
Big Blue
Kill Bill (eins og ég held hún verði þegar Quentin er búinn að klippa hana saman í eina mynd).

Fjórir staðir sem ég hef búið á:
Breiðholti - Reykjavík
Eskifirði
Vesturbæ - Reykjavík
Fenway - Boston

Fjórir sjónvarpsþættir sem ég fíla að horfa á:
Six Feet Under
Cold Feet
Desperate Housewives
Arrested Development

Fjórir staðir sem ég hef ferðast til (í fríi)
Nottingham - Englandi
Nice - Frakklandi
Orlando - USA
New York - USA

Fjórar vefsíður sem ég fer inn á daglega
Mbl.is
Visir.is
ÞRON
My.Berklee.net

Fjórar uppáhaldsmatartegundir
Amerískt nautakjöt - prime rib ú je!
Súkkulaði - dökkt og djúsí
Léttmjólk - verð alltaf að eiga svoleiðis út á..
Morgunkorn

Fjórir CD sem ég gæti ekki verið án
Úff... þessi er eiginlega ferleg..... hlustunin hefur breyst svo rosalega með tilkomu iPodsins að maður hugsar ekki lengur í plötum... random uppáhöld:
Emergency on Planet Earth - Jamiroquai
Baduizm - Erykah Badu
BloodSugarSexMagik - Red Hot Chili Peppers
Listen Without Prejudice - George Michael

Fjórir staðir sem ég mundi frekar vilja vera á
Úff... ég er svo megasátt þar sem ég er þessa stundina... en jú jú
Í örmum elshugans...
á ströndinni
í heitu löndunum...
umvafin sólskini og ást

Ég klukka Sigurdór :)

:: geimVEIRA:: kl. 23:42:: [+] ::
...

Þessir tónleikar voru meiriháttar!
Ég fékk skoað heyra Spain OG La Fiesta með frábærum píanista Michel Camilo, huge ass hljómsveit (ca fimmtíu manns á sviðinu takk) tók svakalega tónlistarsyrpu sem spannaði sextíu ár - mjög töff fór úr big band dóti og endaði í Beyoncé lagi, Esperanza Spaulding var helvíti flott, söng og lék á kontrabassa, Herbie Hancock fékk multimulti stig fyrir að taka Chameleon - bara stuð! Paul Simon tók Mrs Robinson, Graceland og var annars alveg í (einum of) rólegum gír. Bill Cosby var skemmtilega steiktur.. mætti í háskólabol merktan fótboltaliði Berklee (sem ekki til) en hann var gerður að heiðursdoktor við skólann fyrir einhverjum árum og þótti honum þá svo merkilegt að Berklee væri líklegast eini fótboltaliðslausi háskólinn að hann samdi "Berklee Fight Song" fyrir skólann og lét flytja það á seremóníunni. Karlinn trommar víst og tók hann rétt aðeins lagið með Gary Burton (en það voru Gary og Michel Camilo sem tóku La Fiesta - óóó hvað ég óskaði mér þess að Herbie skellti sér fram á svið þá... það voru tveir flyglar og ALLT - en því miður)... já nú er það bara sængin ljúfa.
Góða nótt!

:: geimVEIRA:: kl. 04:46:: [+] ::
...

Ég fór í "R&B lab" í gær, líst mjög vel á það, svo var ég í hljómfræði og 3. tónheyrnartíma vikunnar. Ég gerði nú ekki margt og mikið þegar ég kom heim, lagaði til og þreif bara eitthvað og svona.
Í dag var 12°c hiti og sól. Ég þvoði samt bara þvott og tók baðherbergið í gegn, svo fór ég og skilaði stól sem var gallaður. Svo ég er loksins komin með fjóra eldhússtóla. Voða kósí.

Nú þarf ég að fara að gera mig sæta, því ég er að fara að sjá geðveika afmælistónleika Berklee. Ég fæ að sjá Paul Simon, Herbie Hancock, Gloriu Estefan, og shitload af öðru liði til viðbótar.

Jibbí!

:: geimVEIRA:: kl. 23:22:: [+] ::
...

Go Starbucks
Nei sko.. nú var mætt með bakka með köku og oggolitla bolla með vanilluchai latte til að gefa að smakka. Þetta er voða mikið gegnumgangandi hérna, voðakósí þjónusta og allir ósköp næs - ég fíla svo svona!

:: geimVEIRA:: kl. 21:50:: [+] ::
...

Miðvikudagar verða ansi langir hjá mér, en ég mæti kl. 9:10 og er til kl. 16 reyndar með götum. Nú er ég búin að hitta söngkennarann minn, sem virkar voðanæs gaur. Ég var í morgun í tónheyrn og hljómfræði, mér sýnist áherslurnar verða aðrar svo það er gott að fá að taka hana betur fyrir hér, svo var það tæknitíminn en í honum verður fólki kennt að meðhöndla þessa tækni sem nauðsynleg þykir orðið í dag, þar munum við skila inn verkefnum á geisladiskum og svona tómt stuð :)

Ég ákvað að setjast inn á Starbucks og fá mér kaffi og sit hér með nýju tölvuna. Hún venst mjög vel, ég get ekki beðið eftir að hafa tíma til að byrja að fikta af alvöru í tónlistarforritunum, það verður sko stuð.

Annars líst mér bara mjög vel á mig. Það var barasta hlýtt í dag, það er 5 stiga hiti bara og vor í lofti. Mikið væri ég til í að fara að fá vor fljótlega, en það verður víst einhver bið á því.

Nú er best að drífa sig heim, þarf að kaupa inn, þvo þvott, læra heima og taka til.

:: geimVEIRA:: kl. 21:21:: [+] ::
...

Ekki dauð úr öllum...

Ég fór á þriðjudaginn á sal þar sem var rosafín kynning á vegum ráðgjafa á þjónustu sem í boði er í skólanum, sem er mjög víðtæk. Kynning var á komandi áheyrnar- og stöðuprófum, teknar spurningar úr sal og nemendaráð kynnti sína starfsemi. Mjög gagnlegt allt saman og skemmtilegt. Þetta var alveg þriggja tíma prógramm. Ég fór svo og álpaðist inn í búð og fann loksins borð og stóla sem ekki kostuðu alltof mikið (jibbíí.. bráðum þarf ég ekki að sitja á gólfinu lengur!). Svo fékk ég mér kaffi á Starbucks og þar spjallaði ég við voðalega næs stelpu sem gaf sig þar á tal við mig og kom í ljós að er söngkona frá Kýpur. Við vorum samferða svo á fund sem eldri nemendur héldu fyrir nýnema, þar var farið í svona daglegu hlutina, gefin góð ráð og hægt að spyrja spurninga. Ég var ekki komin heim fyrr en að verða tíu um kvöldið, þokkalega búin á því og alveg eitt fokkings kvef. Ég tók hellings kvefdóp og reyndi að sofna snemma.

Á miðvikudaginn var sko stíft prógramm. Ég labbaði í voða fallegu veðri í skólann. Kl. 9 var stöðupróf í tónheyrn (hlustun, tónbil og fl.), hljómfræði og útsetningum (sem ég er alveg saklaus af að kunna bofs í), bara tekinn púlsinn alveg á öllu sem maður gat kunnað í þessu öllu. Ég gerði mitt besta, en fann ansi mikið fyrir því að upphaflega planið að taka góða upprifjun (sem gekk ekki þar sem ég hafði ekkert af dótinu mínu) gekk ekki eftir. Ég tók nú samt bara nett kæruleysi á þetta, en mikið af þessu var ég að læra f. 3 árum en hefði getað svarað mun meiru ef ég hefði náð að rifja upp.. en æi ég tékka bara á þessu aftur, mér veitir ekkert af því að massa grunninn betur bara, ég var sátt. Svo þurfti ég að mæta með alla pappíra varðandi vegabréfsáritunina og láta skólann blessa þetta allt saman, taka afrit og fleira. Svo var myndataka og útgáfa nemendaskírteinis, en það er lykill að öllu í skólanum. Næst var mín svo epluð. Ég fékk nýja 15"Powerbook og oggolítið tveggja áttunda M-Audio hljómborð með. Síðan flýtti ég mér í matsalinn og komst að því að þar var allt frítt af tilefni dagsins. Ég hinsvegar var ekkert nógu svöng til að prófa neinar kræsingar, fékk mér salat og dreif mig síðan með bráðabirgðapassann minn í 150 Massachusetts Avenue bygginguna, og fékk mitt fyrsta æfingaherbergi: númer 21. Þar tók ég einhverja meinta upphitun - var ansi aumt sökum kvefs og almenns slens - fór yfir tónheyrnarpakkann og reyndi mitt besta að pikka erfiðasta hlutann á píanóið. Síðan flýtti ég mér þokkalega mikið yfir í 1140 Boylston, en þar átti ég að vera kl. 14 og fara í auditionið. Í millitíðinni gerði þessa svaaaaaaaaaaakalegu hellidembu, svo ég varð sko að fá ruslapoka utan um tölvudótið.
Þegar þangað kom voru hinsvegar 30-40 söngnemar að bíða áheyrnarprófs, þar fór upphitunin fyrir lítið. Þarna sem ég beið fékk ég svo upplýsingar um að dótið mitt væri komið úr tollinum, eftir nokkur símtöl fékk ég á hreint að ég myndi geta fengið það um kvöldið.

Þegar ég hafði beðið í rúman klukkutíma eftir að komast að, en ekkert virtist mjakast, kom fram kennari sem sagði að ákveðið hefði verið að fresta áheyrnarprófinu til næsta dags. Ég óskaði mér brotthvarfs pestarinnar og lofaði sjálfri mér að fara vel með mig. Svo reyndi ég eins og ég gat að fá afhendingu draslsins mjakað fram svo ég yrði ekki alveg í stofufangelsi allan daginn, en það var ekki hægt (skiljanlegt eftir hitt vesenið). Síðan druslaði ég tölvudótinu heim í mínum fjallaruslapoka í rigningunni, fór og verslaði í matinn, og tók því svo bara rólega og fagnaði draslinu innilega, var næstum búin að gleyma sumu sem ég á - mjög næs loksins að fá fleiri föt. Ég náði að taka upp úr fullt af kössum og ganga frá dóti.

Á fimmtudagsmorguninn var síðan enskupróf,það var haldið í Berklee Performance Center og var nýnemum skipt niður í þá sem hafa ensku að móðurmáli og svo hina úkklendwingana. Mín massaði það vægast sagt og svo tékkaði ég á matsalnum aftur, þar kom margt á óvart, þar er hægt að fá fyrrnefnt salat á salatbarnum, súpur, kaffi (margar tegundir), safa, kók, pepsi og systurgos, brauð, margskonar heitar máltíðir, sumt eldað fyrirfram, annað á staðnum. Þarna er deli, þar sem hægt er að láta smyrja ofan í sig samloku, eftirréttabar m.a. með ísvél. Beyglur, vöfflujárn þar sem maður getur sjálfur gert sér vöfflu, ávextir,pizzur bara.. júneimitmar.

Ég ákvað svo að skrá mig í audition, en okkur var sagt daginn áður að koma og skrá okkur í timeslot. Þegar ég kom voru hinsvegar engir nemendur að bíða svo þar sem ég var tiltölulega kveflaus m.v. fyrri daga, en sæmilega tæp þó, ákvað ég að sleppa því að mæta upphituð og drífa mig bara í prófið. Á móti mér tóku þrír kennarar, hver öðrum ljúfari, og einn undirleikari. Ég var spurð út í áhugasvið, fyrra nám og fyrirætlanir. Ég bara var ég sjálf sem og alltaf og gerði mitt besta í söngnum, ákvað að vera ekkert að minnast á kvef og vesen, enda það augljóst (eyrljóst) fyrir vana kennara. Ég var svona ágætlega sátt við mig, hafði greinilega grætt mjög mikið á frestuninni pestarlega séð. Ég fór síðan á kynningu á Makkanum og helstu atriðum í notendaumhverfinu, þrælfínt alveg, gott að fá leiðsögn frekar en þurfa að gramsa alveg allt upp á eigin spýtur, skólinn býður upp á námskeið í öllum forritunum sem við notum - allt innifalið í skólagjöldum - og aðstaðan í tölvuherbergjunum er sjúkleg. 30" Apple skjáir, stór hljómborð, dock þannig að maður getur notað lyklaborð, mús og hljómborðið og komið sínum lappa í samband við alltsaman + rafmagn, kennarinn er meira að segja með... ja hvað á maður að kallasvona... snertitöflu. Stór skjár sem hann getur fært drasl til á með höndunum þarna og skrifað á skjáinn f. framan bekkinn. Tær snilld, sérstaklega í tölvukennslu. Ég dreif mig svo bara heim og fór og verslaði í matinn og þvoði þvott og svona.

Á föstudagsmorguninn fékk ég eldhúsborðið og stólana, ég setti saman einn stól og svo fór ég á fund fyrir útlendinga þar sem farið var yfir formlegheit og skriffinsku tengda vegabréfsárituninni, það var alveg tveggja tíma fundur - ósköp leiðinlegur en nauðsynlegur líklegast, enda margt að varast þegar Uncle Sam er annars vegar. Ég spjallaði við svissneska stelpu og sænskan strák yfir kaffibolla. Svo var komið að tjúttinu mikla, en ég fór yfir í Cambridge í Applebúðina, vopnuð skólaskírteininu (10% afsláttur af Applevörum) að kaupa iPod, en minn varð eftir á Íslandi seldur í hendur nýs forsjáraðila - ég hef ekkert lítið saknað hans - þurfti svo þvílíkt á honum að halda við undirbúning auditionsins - svo það voru fagnaðarfundir að fá annan eplatrítil.

Í Apple búðinni fékk ég mér líka blátannarlyklaborð og Mighty Mouse (sem er einmitt uppáhalds teiknimyndakarakterinn minn úr sjónvarpinu þegar ég kom til Boston 1982 að heimsækja frænda minn sem var í Berklee), svo fékk ég mér skjástand og hulstur utan um iPodinn. Svo fékk ég mér baðmottu í Sears, já og nokkra boli í Old Navy, enda alveg ljóst að rakinn í Boston lætur mann spæna ansi hratt í gegnum fataskápinn - maður svitnar fáránlega mikið hérna, ekki minna en í Nice á heitasta tímanum sveimérþá! Já svo keypti ég annað módem, því ég hafði í fljótfærni keypt ADSL módem, en ekki kapalmódem eins og ég þurfti, en ég á að geta skilað hinu. Ég fór í flýti og verslaði ódýrasta sjónvarp sem ég fann til bráðabirgða, enda tækið sem ég vildi ófáanlegt og frekar löng bið eftir því (en það er skilyrði að vera með sjónvarp, tölvu og módem til staðar þegar kapalfyrirtækið mætir á staðinn -svo ég hafði stressað mig ansi mikið á þessu), ég rétt náði því fyrir lokun. Ég eldaði mér svo fyrstu máltíðina á nýju pottunum, hörpudisk í hvítlauk, sem ég borðaði við BORÐ sitjandi á STÓL, með HNÍFAPÖRUM en af pappadisk híhíh, svo gerði ég tilraun til að setja saman næsta stól en þá kom í ljós að hann var gallaður, ógeðslega pirrandi. Ég horfði svo á dvergsjónvarpið og steinsofnaði svo enda ansi margt búið að ganga á og von á hinum langþráða CABLEGUY á laugardagsmorguninn, sem og sendingu frá Crate & Barrel.

Það var brill að fá loksins netið inn, kapalboxið er ógeðslega ljótt, stórt og með alveg út í hött mörgum rásum. Ég tók ekkert fancy keibúll neitt.. samt er ég með 250-300 rásir, þetta er algjör bilun! Ég setti síðan saman skrifborðið, en lenti í einhverju brasi og eftir að fá gersamlega nóg kvöldið áður af húsgögnum sem ekki vildu saman, ákvað ég að taka mér frí. Ég fór í smáleiðangur að kaupa hárblásara, en ferðablásarinn drapst á fimmtudagsmorguninn. Ég tók upp úr fleiri kössum og gekk frá drasli, við frænka mín kíktum svo út að borða um kvöldið og var pælingin að fara í bíó en við nenntum því hvorug, enda báðar alveg búnar á því.

Um nóttina vaknaði ég ca. fjögur um nóttina og var gersamlega búin að svitna í gegnum náttfötin, varð að skipta um föt alveg. Svo vaknaði ég um ellefu, fékk mér morgunmat og náði að kúra mig niður aftur (nb eftir að skipta AFTUR um föt - ég er ekki að grínast með rakann, en þegar maður er með hita er þetta bara rugl) og svaf þá bara til næstum þrjú um daginn! Dagurinn fór allur í eitthvað svona - greinilegt að pestin var enn að ibba sig - en dásamlegt að geta sofið svona mikið.

Í gær byrjaði ég svo alveg officially endanlega námið í Berklee College of Music. Ég fór í tónheyrnartíma, námskeið í Garageband sem var mjög fróðlegt, en svo féll niður tími sem ég átti að vera í sem heitir "Rhythmsection Grooves for Voice" það var spæling, en ég komst þá fyrr heim og kláraði að setja saman skrifborðið og hillurnar- voða gaman að geta byrjað að ganga aðeins frá þessu skóla- og tölvudóti, ég kem meira að segja prentaranum í hillurnar, sem kemur sér rosavel.

Í dag voru svo tímar í nótnalestri, nótnaskrift (vá hvað mig hefur ALLTAF vantað það) og svo var mín sett í "College Writing - Structure & Style". Ég fór svo á mjög sniðugt námskeið sem var nánari kynning á makkanum, búið að sýna manni ýmislegt sniðugt núna. Í dag kláraði ég að registera þennan haug forrita sem fylgdu tölvunni, en ég er með iLifepakkann, Office, Reason (sequencer og fl.) 3.0 með shitload af sándum og sömplum, Finale nótnaskriftarforrit og Garriton Personal Orchestra, SmartMusic Studio, sem mér skilst að sé svona Band-in-a-box á sterum, NoteTaker, Logic Express 7, Drumcore og.. bara.. man ekki meir. Öll þessi forrit verða svo uppfærð í nýjustu útgáfur og með öllum uppfærslum inniföldum í skólagjöldunum - ú je! Þetta var heilmikil vinna bara að registera þennan haug, en nú get ég líka farið að byrja að fiffa eitthvað í þessum sequencerum - djöfull hvað mér líst vel á það! Þetta er allt líka notað í kennslunni, t.d. munum við gera verkefni í sequencer fyrir nótnaskrift og svona.

Kennarinn í nótnaskrift er sko McSkoskur saxófónleikari, rauðhærð dama helvíti hress :) mér líst við fyrstu kynni rosavel á alla kennarana hingað til. Á morgun fer ég í fyrsta söngtímann - ég er voðaspennt! Svo er ég í tónheyrn (er í henni 3x í viku - loksins á maður eftir að komast eitthvað áfram í henni - jibbííí), hljómfræði og fagið sem ég hlakka einna mest til sem er kallað "Introduction to music technology" en það er tími sem er sérsmíðaður til þess að gera okkur voðalega tæknifróð í tónlistartækniheimum - úúúú það líður bara yfir græjudýrið!

En nú er ég farin að hósta illilega aftur - tími kominn á meira dóp (grey nýrun mín.. shit)
- já heyrðu verð að minnast á veðrið....

Það er sko þokkalega öfgakennt hérna. Það sveiflaðist um 24°c í þrígang á þremur dögum.. úr 12°c hita niður í -12°c og svo aftur í 12°c hita. Svo lak það niður fyrir frostmark og fyrsta skóladaginn minn gekk ég snæviþaktar götur í skólann - ný mjöll/clean start and whatnot. EINS GOTT að ég var komin með fjallgönguskóna mína og svona, enda orðin svakaleg slabbsúpa seinnipartinn. Hey já og á leiðinni í skólann í morgun datt ég í fullkomlega ósýnilegri hálku - svona ekta sem hefði getað verið beinbrotsfall - en ég slapp fáránlega vel - finn bara smá til í bakinu og hnénu, ekkert alvarlega samt, meira að segja tölvan slapp!

Núna ætla ég samt að sofa - ég svaf eiginlega yfir mig í morgun - það slapp til en ég var alveg off allan daginn einhvern veginn. Það gengur ekki á morgun! Ég reyni að vera duglegri að blogga síðan - þetta er náttúrulega engin frammistaða - en þið sjáið kannski af þessari löngu skýrslu að ég hef nú haft mörgum hnöppum að hneppa :)

Æi... vakti lengur - varð að setja inn myndir... sjá albúmið.

Vona að þið hafið það gott og minni á baráttufund tónlistarnema í sal FíH á fimmtudaginn kemur kl. 17:00 - hvet alla hlutaðeigandi sem og aðra áhugamenn um fjölbreytt menntakerfi fyrir alla til að mæta!

:: geimVEIRA:: kl. 06:29:: [+] ::
...

Holy cow hvað ég er kvefuð! Moðerfokkingsfokkingfokk!

:: geimVEIRA:: kl. 06:15:: [+] ::
...

Loksins gat ég tengst nógu lengi í einu (stolið nógu góðri nettengingu) til að koma myndunum frá mér.

Hér er semsagt íbúðin fína:





29 Peterborough Street:




Fleiri myndir eru svo í albúminu.

:: geimVEIRA:: kl. 06:06:: [+] ::
...

Ég verslaði í gær, hundódýrt en alveg alltílæ æheimabíókerfi frá Sony, pottasett,wokpönnu, hnífapör og hnífa sem mig hefur langað í síðan bara 1998 circa og eru meira en helmingi ódýrari hér, skurðarbretti, tóma cd og dvd diska og usb kapal, enda er fokkings dótið ekki ennþá komið og ég næ ekki í neinn og verð bissí fram á kvöld, en klukkuna vantar 15 mínútur í tvö, svo þótt þetta kæmi úr tollinum get ég ekkert tekið við þessu arg. Ekki stuð að fá ekki dótið sitt :( ég á einhverjar nótur inni á Síbelíus svo kannski get ég reddað mér með þeim og svo grenjað út mæk á staðnum, en það er agalega leiðinlegt að byrja á einhverju svoleiðis unprofessional crappi finnst mér - oh well allir geta svosem lent í svona veseni.

En að öðru skemmtilegra... Í dag mætti ég í skólann í fyrsta skipti. Það var biðröð út úr dyrum og þurfti ég að bíða úti í frostinu í 20-30 mín. Það var vægast sagt gott að koma inn - nú sló mér þokkalega niður held ég. Svo fékk ég pappíra um hvernig næstu dögum er hagað, ég fer í enskupróf, myndatöku, hljómfræðipróf og audition - allt á morgun! Tómt stuð! Prógrammið heldur áfram núna - ég fer í skólann og verð til að ganga níu í kvöld skilst mér.

:: geimVEIRA:: kl. 18:36:: [+] ::
...

Alive and kickin'
Ég er ennþá lifandi - bara hef verið rosalega upptekin og ekki hefur netleysið hjálpað. Takk allir fyrir góðar kveðjur í kommentakerfinu.

Á þriðjudaginn fékk ég mér bláberjapönnukökur og amerískt gemsanúmer: (+1) 857 204 6313 og fékk síma með sem er þvílíkt ghettofabulous með blikkljósum - alveg fyndinn. Svo fór ég að hitta fröken Avery á leigumiðluninni. Hún reyndist frábærlega, var tilbúin með haug af íbúðum á lista, bíl og svo var bara farið í leiðangur í algjöru vorveðri, 12°c hita og sól, ekki átti ég von á að ég yrði með sólgleraugun í Boston í janúar. Fyrsta íbúðin sem ég skoðaði var uppi á 5. hæð í mjög gömlu húsi í Back Bay, það var lyfta, en hún var bara skápur, hefði ekki borið mann með ferðatöskur einu sinni. En svo kom bara stelpa til dyra sem sagðist hafa tilkynnt að hún yrði áfram í íbúðinni. Avery heimtaði að fá að sýna mér íbúðina samt, en hún var lítil og ljótt (samt frekar dýr) svo enginn missir var að henni. Svo sá ég aðra í sama hverfi og á fínum stað en hún var með stóru gluggalausu herbergi sem átti að vera svefnherbergið þá, og svo einhvers konar furðukompu sem var teppalögð með ógeðisteppi, með svakasúlum á miðju gólfi og gólfi á 3 levelum og þar voru einu gluggarnir, alveg alveg glatað. Svo fórum við handan við fenin og þar sýndi hún mér þessa líka æðislegu íbúð í Fenway, bjarta og fallega með nýjum tækjum, eldavél, ísskáp og uppþvottavél meira að segja, nýjum gólfefnum og bara öllu nýju, geðveik alveg. Á rúmum klukkutíma var ég því bara komin með íbúð. Snilld í ljósi allra ótal stundanna sem ég hef legið í auglýsingum og skoðað íbúðir. Við tékkuðum á einni annarri en ég var þegar alveg fallin fyrir hinni. Upp hófust mikil læti að drífa sig í að sækja peninga til að tryggja mér íbúðina, en þessi var það flott að við vorum hræddar um að hún færi bara pronto ef einhver annar sæi hana. Það tókst allt saman og eftir nokkra tíma var búið að ganga frá öllum formsatriðum, skrifa undir samninga og allskonar peipervörk. Svo náði ég að stofna bankareikning hjá Bank of America og klára það dæmi allt, voða mikið sem gerðist þennan dag alveg. Ég fór svo út að borða með frænku minni sem er nemi í Brandeis og var nýkomin til Boston. Fórum á voða huggulegt bókakaffihús í nágrenni við Berklee, mjög næs bara.

Daginn eftir fékk ég lykla að íbúðinni og komst að því að það er oggolítil klakavél í frystihólfinu á ísskápnum (æði fyrir smoothiekonuna). Ég fór síðan í labbitúr um hverfið í góða veðrinu, hér rétt hjá er risastór súpermarkaður sem er opinn allan sólarhringinn, vínbúð, bíó, Best Buy, Bed Bath & Beyond, Staples, steikhús, apótek, skyndibitastaðir (Burger King, McDOnalds, Quizno's, SUbway), mexíkanskur, japanskur, 2 thailenskir, 2 ítalskir og take-out pizzastaður og íþróttabar. Ég er ekki alveg nógu nálægt lestakerfinu, en ég held að ég eigi að ná einhverjum strætó hérna. Svo er heimavöllur hafnaboltaliðs Boston, Rex Sox, alveg rétt hjá líka. Ég fór svo heim og skoðaði gulu síðurnar á skrifstofunni minni (sat á eina sætinu í húsinu, klósettinu, með símann og skriffæri) og fann mér afsláttarrúmabúð, fékk akkúrat rúm eins og mig langaði í og á góðum díl líka, fékk gefins með 4 kodda, svo ég átti stefnumót við heimsendingarþjónustuna á föstudeginum. Þetta rekur maður sig á hérna, það eru svoddan vegalengdir að það er vonlaust að gera sér vonir um að fá hluti strax. Ég pantaði mér sjónvarps- og netþjónustu, en þar sem ég veit ekkert hvernig fyrstu dagarnir í skólanum verða, fæ ég ekki keibúlgæann fyrr en á laugardaginn 21. jan. Hey já, verð að segja frá... dyrabjallan að íbúðinni minni er fokking snilld. Þegar hringt er dyrabjöllunni fæ ég bara símtal í gemsann minn og get talað við fólk og hleypt inn. Ekta ekta skemmtilegt fyrir græjudýrið. :)

Ég fór á fimmtudaginn og gerði heiðarlega tilraun til að kaupa mér sjónvarp, en eftir að eyða heillöngum tíma og loksins finna það tæki sem ég vildi, kom í ljós þar sem ég ætlaði að ganga frá kaupunum að tækið var ekki til á lager. Algjör spæling, enda var þetta það eina sem mér leist vel á þarna, ég hefði getað fengið það heimsent 5. febrúar, en það dugir mér víst ekki. Það er víst algjört skilyrði að vera með tölvu, módemið og sjónvarpið til staðar þegar uppsetningarliðið mætir á staðinn. Ég gekk þó út með þráðlausan router og prentara/skanna græju og var algjört bíó að sjá mig rogast með þetta, þokkalega þungt og seig vel í, ég var komin á bolinn í hitanum, sem betur fer fann ég leigubíl og komst því heim innan sólarhringsins. Ég hef labbað ótæpilega þessa daga, hef ekki sett mig inn í almenningssamgöngur enda viljað sjá göturnar og hverfin, ég er farin að rata sæmilega. Seinna um daginn hittumst við frænka mín og fórum saman í Bed Bath & Beyond. Þar fann ég mér voðafína sæng og rúmföt, blandara, sturtuhengi og hreinsiefni. Við fórum og fengum okkur ægilega góðan hamborgara og bjór á steikhúsi sem er í sama húsi enda orðnar vel búnar á því og frænka mín lasin í þokkabót. Ég fór snemma heim því mér var sagt að vera til staðar milli 7 og 11 til að taka á móti rúminu (ouch).

Föstudagurinn 13.
Það var ekki stuð að vakna kl. sex. Ég tók með mér tölvuna og kom við á Seven Eleven og keypti morgunmat, svo beið ég í góðum fílíng horfandi á Arrested Development bíðandi eftir rúminu mínu, komst að því að ég get stolist inn á nettengingu hjá einhverjum nágranna, það reddaði miklu því ég gat því sinnt ýmsum útréttingum á meðan ég beið. Mjög flott að þetta var sett upp og svo tóku gaurarnir allt draslið eftir sig, ég man nefninlega hvað var mikið drasl sem þurfti að henda þegar ég fékk rúmið mitt heima heimsent. Ég gat fengið að tékka mig út af hótelinu svo ég flutti formlega inn, fór og fékk quarters til að geta þvegið þvott og svo þvoði ég rúmfötin. Ég fór svo í súpermarkaðinn og keypti inn. Það var ansi svakalegur burður heim og fannst mér búðin ekkert svo nærri heimili mínu þá stundina. Ég fékk plástur á þrusublöðruna á fætinum mínum, var orðin hölt alveg. Burðurinn hafðist og ég bjó mér til fyrstu máltíðina á Peterborough Street númer 29: massífa samloku með kalkúnaskinku, káli, uppáhalds ameríska gúmmíostinum mínum og sinnepi. Svo var farið í Sears í Cambridge. Þar var nú svo slöpp þjónusta í sjónvarpsdeildinni að ég vildi ekkert versla við þau (voru að reyna að selja manni sjónvarp en voru með sýningartækið ótengt), en ég fann mér handklæði og lak (gleymdi að kaupa svoleiðis daginn áður), örbylgjuofn og draumatæki ungfrúr þrifaheftrar: ryksuguvélmenni! Ég fór svo heim og horfði á tækið ryksuga, þetta er mjög fríkað, ég stóð mig að því að tala við það meira að segja - mjög asnalegt moment - tók til meðan græjan ryksugaði og svo fór ég snemma í háttinn.

Í gær var sérlega ljúft að vakna upp á nýja heimilinu, ég fann að ég var í algjöru spennufalli líka, var eins og slytti, enda greinilega að fá sömu pest og frænka. Ég skúraði og þvoði þvott aftur og fékk loksins hrein handklæði og komst í sturtu, mjög góð sturtan hér. Seinni partinn fór ég svo í Crate & Barrel og keypti skrifborð og hillur, glös og viskustykki, er líka komin með dósaupptakara og tappatogara, húsgögnin fæ ég svo á föstudaginn. Ég Við frænka mín skáluðum í kampavíni fyrir lukku okkar beggja að hafa fundið okkur íbúðir svona fljótt og fórum út að borða á einum af stöðunum í nágrenninu, síðan var tekin allsvakaleg kjaftatörn þar sem við drukkum bjór og sátum á koddunum með peysur yfir okkur og borðuðum cheddarostakex með hnetusmjöri og skemmtum okkur konunglega milli hnerranna fram undir morgun.

Flensan var mætt í mig þegar ég vaknaði í morgun. Ég náði að fá mér Alkaseltzer kvefmeðal og sofna aftur, og svaf bara til rúmlega sex. Nú er vorveðrið farið og komið 10°c frost svo það þýddi ekkert annað en klæða sig rosavel, en mig vantaði meira kvefmeðal og hóstasaft og eitthvað í kvöldmatinn svo ég arkaði út í búð. Ég dúkaði upp prentarakassa með viskustykkinu fína og fékk mér dýrindis örbylgjulasagne. Tómur glamúr á mér, ó já!

Á morgun er Martin Luther King dagurinn í USA svo ég er ekki viss hvað maður nær að útrétta, mig vantar enn borð og stóla, hnífapör, potta og diska (borða af einnota drasli núna) og ég fer að verða stressuð að finna ekkert sjónvarp af viti - því það tekur alltaf svo langan tíma að fá draslið heim. Ég gekk frá kaupum á Lovesac í dag, en hann skilar sér víst ekki fyrr en eftir 7-10 daga, svo ég sit hér á koddunum góðu eitthvað áfram. Nú svo fer að styttast í skólann! Ég á að mæta ekki á morgun heldur hinn og tekur þá við heilmikil dagskrá og auditions og dæmi. Þá byrjar fjörið nú aldeilis börnin góð!

Þar sem ég er bara á stopulli illa fenginni nettengingu næ ég ekki að koma frá mér myndunum sem ég hef tekið, en ég lofa að þær skila sér á endanum.

Ég hef ennþá ekki fengið dótið sem ég setti í fraktina, en Icelandair týndi farmbréfinu :( og það er ekki vinsælt hjá tollinum í USA, ég hef lent í tómu böggi, þurft að faxa drasl og fylla út form og allskonar, en ég er komin með þrælgott fyrirtæki í málið (konan hjá því veit hver Möddi er - gaman að því) svo ég vona að þetta fari að skila sér, enda líst mér ekki á það ef ég fer ekki að fá fleiri vetarföt, hitinn stendur í -11°c núna brrr. Íbúðin er mjög hlý og notaleg svo pestargemlingurinn er í góðum málum hér - ég ætla að drífa mig í bælið, enda ekki alveg nógu gott að vera lasinn 2 daga fyrir audition í Berklastofnuninni. Away bleedin' bugs! Be gone freaggin' viruses! I gotsta sing!

[P.S. Setti inn myndir sem áttu við 25.01.2006]

:: geimVEIRA:: kl. 05:44:: [+] ::
...

Fynd úr USA
Ég er að drekka Cherry 7Up (sem er brandari in it self) en á flöskunni er WARNING "Contents under pressure. Cap may blow off causing eye or ether serious injury. Point away from face and people, especially when opening"

Hverslags skaðabótamál ætli hafi hrundið af stað þessu rugli?

:: geimVEIRA:: kl. 03:37:: [+] ::
...

Viral Bostonian

Takk fyrir síðast þið sem kvödduð mig, mér þótti afar vænt um það!

Þá er ég mætt á svæðið! Ferðin út gekk með ólíkindum vel, það varð reyndar töf á fluginu út þar sem beðið var farþega frá Þýskalandi en það fyrirgefur maður, enda skilur maður fullkomlega hversu fegið þetta fólk hlýtur að hafa verið að beðið var eftir þeim. Þótt tekin séu fingraför og chattað við alla sem koma í gegn um vegabréfseftirlitið tók 30 mín. sléttar að fara í gegnum allt dæmið, ná í töskurnar og fara í taxa - brill skipulag hjá Kananum.

Ég vakti ótæpilega kvöldið fyrir flug og kvaddi mitt fólk með vökum à la geimVEIRA svo aldrei þessu vant gat ég sofið í fluginu - það var sérlega kærkomið. Annað sem gekk ótrúlega vel var 2ja ára wildcard sem sat fyrir framan mig. Eins og þeir sem hafa lent í grenjandi smákrökkum í flugvél vita, fer um mann þegar maður sér svona trítla í nágrenninu í flugvélum, en þessi kappi var frábær. Hann vakti mig bara einu sinni, en það var þegar hann fékk hláturskast. Ég skal alltaf þiggja að vakna við hláturskast í 2ja ára guttum! Og það var skemmtilegt krydd að heyra... "Lenda!" "Lenda!" alveg frá því við vorum komin í aðflugsstefnu þar til við vorum lent. Í flugvélinni hitti ég svo fyrrum skólabróður, Hr. Dodda trommara. Hann er við nám hér og bauðst til að aðstoða mig eftir bestu getu, nokkuð sem mér þykir ógurlega vænt um. Ógurlega gott að finna svona hlýhug.

Herbergið mitt á hótelinu var ansi kalt - en ég svaf sæmilega alveg þrátt fyrir það. Nettengingin á herberginu var hins vegar í vondum málum og eftir allskyns tilraunir, langt símtal í eitthvað helpline og eftir að gefast upp á að þurfa alltaf að fara í lobbyið til að nota netið eipaði ég kurteislega og er því loks nú komin með nýtt herbergi (sem er mun flottara tíhí) og nettengingu sem virkar. Nú getur því íbúðarleit hafist af fullum krafti, en ég var hálfvængbrotin svona netlaus eymingi. Nýja herbergið er mun flottara, með útsýni yfir höfuðstöðvar VísindakirkjuJésúfríkanna, e.k. setustofu við gluggann, svo það fari vel um mann meðan maður híar á þá, nettengingin hefur ekki klikkað enn og hér er mun hlýrra en á hinum staðnum.

Í dag fór ég í skólann með gögn sem ég átti eftir að skila, bólusetningarvottorðið eftir sprauturnar 8. Það var smá fílíngur að labba um í skólahverfinu. Hugsaði til Söndru minnar þegar ég sá strák með selló í eins tösku og hún á, nema hvítri. Þetta leggst vel í mig og ég er komin með leiðbeiningabækling vegna innritunarinnar og svona í hendurnar.

Ég sá eina mjög spennandi íbúð auglýsta í dag, en held ég hafi bara hreinlega misst af henni út af þessu nettengingarveseni, ég fór meira að segja til að athuga hvort fólkið væri heima (mín búin að labba heilmikið í dag - verrí næs). Fyrst netdæmið er loks komið í lag allt saman, hefst þetta bara á morgun (eða kannski hinn).

Ég fór í Berklee Bookstore í dag og keypti einhverja voða fína kennslubók í tónheyrn (officially veikasti hlekkurinn minn shitturinn) og tónkvísl (loksins að maður eignast svoleiðis). Meiningin að taka sig á þar... talandi um það já....

Nú ætla ég út í verslanamiðstöð og kaupa mér baðvog.

:: geimVEIRA:: kl. 00:00:: [+] ::
...

Þau sem sig finna knúin til að kveðja dýrið - stefni ég á Kaffi Rósenberg svona uppúr miðnætti - kveð ykkur þar.

Tæpir 17,5 tímar í brottför!

:: geimVEIRA:: kl. 23:33:: [+] ::
...

Gleðilegt ár!

Ég er bara að pakka núna - Berklee awaits!

Hér eru óborganlegar upptökur frá hinum frábæru Moby tónleikum sem ég fór á 15. des.


Og svo eiga allir að kjósa Erlu mína í Idolinu í kvöld! Það er skipun!

:: geimVEIRA:: kl. 11:58:: [+] ::
...