:: Þvaðurveita geimVEIRU ::

:: miðvikudagur, mars 30, 2005 ::

Minnt er á jazztónleika á Múlanum annaðkvöld. Skonrokk leikur frumsaminn jazz.

:: geimVEIRA:: kl. 21:14:: [+] ::
...

Ósköp hefði verið notalegt að búa bara áfram á hótelinu, mig langaði alls ekkert heim :) lúxus venst svo vel.

Í útlandinu fór ég m.a. á tvo sérlega frábæra veitingastaði fékk mér nepalskan á Rajdoot og thaílenskan á Tiger Becs. Á Tiger Becs fékk ég allra besta græna karrí sem ég hef smakkað og er þetta staður sem maður tékkar örugglega á betur í framtíðinni.

Nú tekur hversdagslegi veruleikinn við, reyndar stendur (of) mikið til um helgina, þannig að allt rekst á, vonandi næ ég í tvennt af þrennu sem mig hefði langað að ná í. Ég fer í þrítugsafmæli og svo er stefnt á djammsession um helgina, eftir því sem mér skilst.

Ég gæti tekið úr ferðatöskunni núna, en ég bara nenni því ekki.

Hey!!!! Hommarnir mínir í Queer Eye For The Straight Guy eru á eftir. Best að taka til hendinni þangað til.

:: geimVEIRA:: kl. 21:09:: [+] ::
...

Audition í Dyflinni
Jæææææææja..... þá er maður búinn að fara 4 sinnum í baðkar á flottasta hótelinu í Dyflinni, slappa af og ná úr sér magakveisunni ('bout time) og fara í eitt audition hérna í úglandinu. Þetta gekk ótrúlega vel bara, kom á óvart hversu heimilislegt þetta var allt saman, nú er bara að krossleggja fingur og tær,. Eftir áheyrnarprófið beið sko Bollinger.... massastæll á dýrinu, much kudos to mamasita grande.

Dublin er annars ótrúlega ljúf. Ég er á svo frábæru hóteli að það er ekki hægt. Hef komið á sama stað áður og það er ekki laust við að hér vilji ég eiga heima, hugsað fyrir öllu. Það eru græjur á herberginu og ég með mitt iTrip hef getað hlustað á playbackið mitt yfir iTrip úr iPodnum í hinum frábæru græjum inn á baði (já það er takki inn á baði til að kveikja á innbyggðu hátölurnum inn á baði). Frítt netsamband, sjúkleg rúm og rúmföt sem hljóta að vera 2000 count. Þetta rokkar svo feitt að það er bara ólýsanlegt.

Concierge-inn á hótelinu sem ég leitaði upplýsinga um auditionstaðinn hjá, er nemandi í tónlistarskólanum þar sem áheyrnarprófið fór fram,hjá honum frétti ég að dómararnir í prófinu gista á sama fokkings hóteli, en ég fékk svo hrikalega average útlítandi gaur sem dæmdi í audition að ég vona að ég eigi ekki eftir að dissa hann óvart í morgunmatnum á morgun... ekki séns að ég þekki hann aftur. Mental note: Vera góð við alla average looking miðaldra dúda í Dublin. ;)

Jæja, Grafton og O'Connell bíða mín. Best að skoða strætin vandlega.

Mikill munur að vera pestarlaus fænallí og hafa náð prófinu pestarlaus, svona sæmilega. Í kvöld verður fagn. Fagn eða tvö.

Snöpp eru stuð.

:: geimVEIRA:: kl. 14:12:: [+] ::
...

Óó nó!
Ég er búin að vera svoldið skrýtin í mallakútnum, hélt það væri nú bara stress eða spenningur vegna utanfarar. Í gær tók mín hins vegar upp á að taka full-on ælupestarpakkann. Ég er búin að æla 6-7 sinnum síðan í gærkvöldi og hef varla komist af klósettinu. Ég var að vona að þetta væri að verða búið og reyndi að drekka áðan, en það kom sko hver ml. aftur upp.
Það eru ekki 24 tímar í að ég fari út... ég hafði áhyggjur af kvefi og hósta. En ég verð að skána bara ekki síðar en strax ef ég á að komast til útlanda :(

:: geimVEIRA:: kl. 08:09:: [+] ::
...

Jæja, mín er upptekin. Nú á söngdýrið demó. Mikið stuð.

:: geimVEIRA:: kl. 18:15:: [+] ::
...

Kamakaze
Það er hollt að snappa reglulega. Eitt snapp í morgun, eitt snapp á morgun og svo eitt snapp eftir viku. Er ekki annars málið að lifa lífinu lifandi?

:: geimVEIRA:: kl. 12:04:: [+] ::
...

Nýtt ástarsamband er hafið. Eða í það minnsta endurvakið.

Ég fór fyrir nokkrum árum í Bose showroom í USA og hef ekki jafnað mig síðan og langar ekki í nema þess háttar heimabíó takk. Þegar ég prófaði svo heyrnartólin sem voru á öllum sýningartækjum í Apple búðinni var ekki séns að ég færi út nema með slík í farteskinu, enda ég með svo smáa hlust að ég get ekki notað svona sting-í-eyrun eins og fylgja með iPod nema í mjög stuttan tíma í einu.

Ég var svo að skella heyrnartólunum á mig eiginlega í fyrsta skipti síðan ég kom heim, bara steingleymdi þeim í öllum lasleikanum og aumingjaskapnum, og ég er hugsanlega komin með varanlega gæsahúð. Ég er að hlusta á Two Pages með 4Hero og bassinn í þessari græju er óóóóótrúlegur, já og ég var alveg eftir að hlusta á þessa plötu.. vá! Það kemur svona víbringur á eyrnablöðkurnar sem beintengist hrollkirtlum og gæsahúðinni. Þessi græja verður ágrædd á hausinn á mér núna. Hvað með það þótt einhver þurfi að tala við mann? Hvað með það að heyra í aðvífandi bílum úti á götu? Hvað með með það? Kannski nennir Elsa að kenna mér táknmál.

Nú þarf ég að finna mér föt með vasa svo ég geti haft iPodinn á blasti í hreingerningunni sem til hefur staðið síðan ég man ekki hvenær.

:: geimVEIRA:: kl. 15:08:: [+] ::
...

Imposing - reflecting
Ég endaði í 101 Reykjavík þótt "bærinn" hafi ekki verið tekinn þrátt fyrir stórar meiningar og heiðarlega tilraun til að fara þangað.

Firsts today:
Fór á jazztónleika kl. 16 á föstudegi.
Rifjaði upp Universal Studios.
Lenti í partýi hjá litla bróður gamals bekkjarfélaga, úff, bráðum fer ég actually að skilja fólk sem heldur kjafti um aldur sinn, eða jafnvel lýgur.
Labbaði heim í rigningunni í fyrsta skipti í ár.
Borðaði jarðarberjaskyr í fyrsta skipti í ár.

Firsts ever:
Fékk hrós úr óvæntum áttum.
Heyrði finnsku í partýi.

Same old, same old:
Bahhh

Herra forseti. Lögð er fram þingsályktunartillaga um að geimVEIRU verði gert að segja upp samningi við hjartadeild og viðaukasamningum augn- og eyrnadeilda vegna tilfinningahalla.

:: geimVEIRA:: kl. 04:45:: [+] ::
...

Ég er búin að fara á þrenna tónleika á tveimur dögum. Kíkti á Múlann í gær, síðan á Hauk Gröndal og co. svo var hann gestur hjá Black Coffee og Röggu systur hans í dag. Háskólarektor hélt flotta tölu á undan, ég vona að það rætist sem hann talaði um, að innan Háskólans komist á fót jazzklúbbur. Ég skora á félagströll háskólanema að taka þessa hugmynd lengra. Það var húsfyllir á Stúdentakjallaranum allavega. Gott mál.

Ég hef alveg tekið þvílíka lægð eftir þessi veikindi, meira hvað maður getur verið lítill í sér.

Ég hef ekki nema tilefni til að gleðjast annars, ég er sko á leiðinni í alvöru Íraborg, ekki nema rökrétt að massa Dublin þegar búið er að massa Boston. Ég fer út á skírdag og hlakka rosamikið til.

:: geimVEIRA:: kl. 21:00:: [+] ::
...

Hósti fæst gefins gegn því að vera sóttur.

:: geimVEIRA:: kl. 22:51:: [+] ::
...

Ég fór í skyndibíó í gær og sá Ray, mjög skemmtileg mynd, Jamie Foxx rosaflottur. Ég er svo alveg búin að vera í holu í dag, var fullkomlega glaðvakandi í nærri alla nótt, sofnaði ekki fyrr en í morgun eiginlega, vaknaði þreytt og fúl, fór í skólann og var ekki að fíla þetta. Svo tók líka tölvan upp á því að drepast í dag, frekar fúlt allt saman, samt náði ég ekki að fara með hana í viðgerð því ég var svo sein í dag. Ég kom heim eftir skólann og borðaði pizzu og fullkomnaði aumingjaskapinn og 7000 kaloríu inntöku dagsins. Vá hvað verður gaman á morgun!

:: geimVEIRA:: kl. 22:09:: [+] ::
...

There is hope
Ég get ekki annað en lýst yfir ánægju yfir að loksins sé endurskoðað hvernig báknið RÚV kúgar neytendur mánaðarlega. Nefskattur er skásta málamiðlun í boði á meðan ekki á að leggja þetta apparat niður, mér líkar ekki hinsvegar hversu langur tími á að líða þar til hann yrði settur á þessu verði breytt. Vonandi verður frumvarpinu breytt til að flýta þessu. Þorgerður, drífa í þessu bara!

Ég er smám saman að skríða saman heilsufarslega. Komst út úr húsi um helgina í frábæran félagsskap og ljúfar veigar. Maður er manns gaman. Ennþá sef ég samt ótrúlega mikið, ég held bara áfram í engifernum og vonast eftir breiki því mikið stendur til.

Ég skoða nú bækur sem keyptar voru í útlandinu, Jazz Harmony og Jazz Piano eftir Mark Levine og er að skoða Cathrine Sadolin líka, mikið væri gaman að ná tökum á öllum þessum fræðum.

Best að fá sér fiskibollur. Tilbúnar þurrsteiktar fiskibollur úr Bónus með sælkerasósu eru það sem matargerðarþolinmæði mín leyfir í dag. 2 mín. í örbylgjunni et voilà: kvöldmatur. Brilliant letimatur.

Mér leiðist tangótónlist. Vildi bara tjá mig um þetta. Takk fyrir.

:: geimVEIRA:: kl. 19:09:: [+] ::
...

Æi hvað er leiðinlegt að missa svona dag eftir dag í volæði, er farið að verða ansi fúlt að hitta ekki sálu. Ég held ég sé að setja einhvers konar svefnmet og í hlutfalli við svefninn batnar mér smám saman. Ansi mörg handtök bíða mín þó enda eftir að klára að taka upp úr töskum og tiltektir ýmis konar, að ekki sé minnst á allt það sem ég er eftir á með í skólanum úff.
Maður getur víst lítið annað gert en farið vel með sig í svona pestum, í það minnsta er ég hitalaus held ég. Smá kemur, já jájá.

Annars held ég áfram með Hildi í Idolinu eins og síðan ég sá hana fyrst. Vona að hún taki þetta í kvöld hún er svoddan krútt.

:: geimVEIRA:: kl. 16:03:: [+] ::
...

Unrequested fission surplus
Ég reif mig á rassgatinu í nauðsynlegar útréttingar í morgun, kom svo heim og svaf í 5 tíma straight og svo vaknaði ég og talaði í símann og svaf svo í 2 tíma í viðbót. Röddin er ennþá fjarri því að vera komin en kurrið úr brjóstinu er farið, þetta er allt að koma og af því tilefni eldaði ég kjúklingaflipprétt nr. 2. Í þetta sinn lokaði ég kjúklingabringu á pönnu og setti í ofn með sveppum og cherrytómötum sem ég vökvaði aðeins í extra virgin ólífuolíunni og var allt kryddað með pipar og smá salti. Með þessu smíðaði ég sósu úr fersku fjólubláu basili og sýrðum rjóma með smá ólífuolíu. Þetta var alveg svakalega gott.

Burns: "What about meltdown you say? Oh, meltdown. It's one of those annoying buzzwords. We prefer to call it an unrequested fission surplus."

:: geimVEIRA:: kl. 21:27:: [+] ::
...

Hugsanlega versta mynd sem Stöð 2 hefur sýnt er á dagskrá núna. Ofsalega vond afsökun til að sýna ríðingar. Má ég þá frekar biðja um almennilega klámmynd, iss.

Best að fá sér kvefmeðal og fara að sofa pfft!

:: geimVEIRA:: kl. 23:53:: [+] ::
...

Sjúklingurinn fór í tilraunastarfsemi í eldhúsinu. Ég steikti kjúklingabringu og fulleldaði svo í ofni. Bjó svo til flippmeðlæti: Borelli baunir með lauk, hvítlauk, spínati, fersku basil, tómatmauki og parmesan í ofni. Þetta var alveg vel ætt. Alltaf gaman að prófa eitthvað nýtt og ég vona að maður hafi fengið eitthvað vítamín sem vantar í baráttunni við flensuna.

Þrátt fyrir að sofa bara 3 tíma vegna hóstakasta nennti ég ekki að fara til læknis, en ég fer á morgun ef ég verð ekki skárri í fyrramálið, svona ef þetta er nú bronkítis af völdum baktería (sem væri varla í mínu tilfelli) væri skárra upp á meðhöndlun en ef um bloddí veirur er að ræða. Mér er allavega ekki jafn agalega illt í hálsinum í kvöld og í dag, kannski er pestin að hörfa.

:: geimVEIRA:: kl. 20:54:: [+] ::
...

Pestargemlingurinn er raddlaus og óttalega lélegur ennþá. Stóru plönin sem átti að framkvæma við heimkomu eru orðin að engu í hitamóki, hóstaköstum og sveittum blundum. Ég varð að fara í útréttingar í dag svo ég fór nú að versla, ekki veitti af enda ekkert til að borða á heimilinu og kvöldmatur í gær var sardínur, fríhafnarnammi og hóstasaft. Aldrei góður tími fyrir pestir, en goddamnit ég má ekki vera að þessu!

:: geimVEIRA:: kl. 15:46:: [+] ::
...

Boston var alveg tekin með stæl, ég fór á NBA-leik sem var rosalega spennandi og skemmtilegt upplifelsi, fór út að borða hægri vinstri, smakkaði krabbba, og Blue Man Group sviku ekki. Ég fór og í búð eða tvær. Fékk mér langþráða skó og iPod og fylgihluti, slatta af görmum og er voðasæl með mig. Úti var ansi kalt og nældi ég mér í leiðindapest síðustu dagana, var með hálsbólgu mikla og er með flensu núna og hálfgerðan bronchitis, hita og beinverki og allan pakkann. Ég tæmdi nú einhverjar hillur í amerísku apóteki og bryð töframeðöl eins og mér sé borgað fyrir, sem virka ótrúlega vel. Töflur til að lina verki og kvefeinkenni, kolólöglega hóstasaft (efedrín er málið ú je) sem svínvirkar og Alkaseltzer kvefmeðal, enda er miklu flottara að drepast úr nýrnabilun af ofáti lyfja en kvefi. Gaman að vera í svona tilraunastarfsemi inn á milli hóstakasta. Maður varð náttúrulega að koma heim með ameríska veiru svona af tilefni dagsins pfft...

Best að skella sér undir sæng og vorkenna sér meira.

:: geimVEIRA:: kl. 20:18:: [+] ::
...

Ferðin út gekk vel, tók ansi langan tíma að komast í gegnum vegabréfaeftirlitið samt en hafðist þó á endanum. Það er tær snilld að komast á netið á hótelinu náttúrulega. Hópurinn fór saman út að borða og var það óttalega næs, nautakjötið klikkar ekki í Ömmuríkunni. *Geisp* Nú er klukkan samt rúmlega fjögur í mínum haus þótt klukkan sé "bara" rúmlega ellefu í Boston. Góða nótt.

:: geimVEIRA:: kl. 04:11:: [+] ::
...