:: Þvaðurveita geimVEIRU ::

:: þriðjudagur, júní 29, 2004 ::

Þetta er semsagt mín "týpa":

Og það er ekki bara gullinsniðið held ég...

:: geimVEIRA:: kl. 11:08:: [+] ::
...

Andvarp

:: geimVEIRA:: kl. 09:42:: [+] ::
...

Which Rock Chick Are You?

:: geimVEIRA:: kl. 13:59:: [+] ::
...

Helgin var ljúf, ég fékk tvöfaldan skammt af Ragnheiði Gröndal, og fór í nudd, lá í leti og naut þess í botn í gær, fór reyndar í fínasta göngutúr um Öskjuhlíð og kom inn á Nauthól í fyrsta skipti. Alveg sumarstemmingin í botni, grill og dvd-gláp í faðmi fjölskyldunnar í gær.

Ég tek reglulega kastið að vilja hoppa á einhverja díla til fjarlægra landa í frí, mig vantar að kúpla mig almennilega niður. En líklegast chillar maður heima og fer áfram í nudd, en sjúkranuddarinn fann akkúrat það sem hefur líklega böggað mig lengi. Vöðvahnúta alveg hreint við stórar taugar sem fara inn í hausinn á manni, þegar ég var nudduð þarna fór allt af stað. Ég fékk fyrst kitl í hálsinn og þurfti að kyngja og kyngja, svo smá nefrennsli, síðan bara opnaðist allt og ég táraðist og var alveg við að kúgast og bara hafði ekki undan að sjúga upp í nefið og varð að setjast upp og fá vatn og snýta mér og allegrejer. Allt af því að ég var nudduð rétt fyrir neðan eyrun.

Þar sem mér finnst allt svona líffræðidæmi svo skemmtilegt er ég búin að tékka á þessu, þetta eru semsagt taugar sem ganga inn í höfuðkúpuna neðan við eyrun og kvíslast síðan þrískipt, um allt andlit upp á enni, inn í nef, í tennur, höku og bara allt draslið. Ég semsagt er með bólgu sem þrengir að þessum blessuðu taugum. Ég sem hélt ég væri bara með eymsli út af bólgnum eitlum eða eitthvað (fannst reyndar staðurinn frekar asnalegur - of aftarlega og ofarlega), en hérna er þetta allavega sýnt:

:: geimVEIRA:: kl. 11:41:: [+] ::
...

Kvörtunin mín í gær virkaði svona þvílíkt bara! Það kom bara sól og sumar einmitt 2 tímum síðar. Reyndar þykknaði upp svo með kvöldinu en ég var sátt. Ég fór út að borða í gær og fór svo á Kúltur að hlusta á Röggu Gröndal, reyndar er stefnan tekin á að hlusta meira á dömuna, því Jómfrúrjazzinn er í dag og hún verður þar líka - allir mæta á Jómfrúna!

Ég er búin að vera í hálftíma að leita á netinu að upplýsingum um kjörstað. Þar sem það hefur verið hringlað aðeins með þetta í gegnum tíðina og ég ýmist átt að mæta í Ráðhúsið eða Hagaskóla þá datt mér í hug að leita mér upplýsinga á netinu, en það er hreint ekki hlaupið að því ég bara finn ekkert neins staðar.

Ég er á leiðinni í nudd núna samt. Hey og þarna fann ég loksins upplýsingar, fyrir þá sem voru jafntýndir og ég:
Upplýsingar um kjörfundi í Reykjavíkurkjördæmum

:: geimVEIRA:: kl. 12:41:: [+] ::
...

Það er sumar, það er sumar, það er víst sumar!
Ég læt ekki svona kulda gabba mig neitt. Ég læt ekki svona kvef gabba mig neitt. Ég læt ekki svona hauststemmingu og drunga gabba mig! Ó nei - svo það er alveg eins gott fyrir þig að koma strax aftur - já ég er að tala við þig, þarna sól! Það er sumar og nú er nóg komið - það er bara ljótt að venja mann á sólaryl og sandala til þess eins að sýna manni vald sitt með því að láta snjóa í fjöll... hvað á það að þýða!!! Það er lágmark að svona skammdegisþunglyndissjúklingar séu sendir til sólarlanda þegar svona rugl er í gangi. Pfft!

"Who throws a shoe?!? Honestly!!"

:: geimVEIRA:: kl. 14:00:: [+] ::
...

Sól sól skín á mig!
Ég ákvað að taka mér sumarfrí í dag, enda kiknaði ég í hnjánum þegar sama veðri og í gær var lofað í veðurfréttum gærdagsins. Ég sé ekki eftir því, er búin að liggja á tjalddýnunni minni úti á svölum og er núna með lappann bloggandi berfætt með sólgleraugu. Ég sofnaði meira að segja áðan, nú er að sjá hvort sólarvörn nr. 30 sé of mikið, en ég sá engan lit kominn á mig ennþá allavega áðan sýndist mér, en í versta fallir er þetta búið að vera sérlega ljúft að liggja úti og hlusta á tónlist og æfa sig með hristuna og reyna að finna nú meira en tvö groove... veit ekki alveg hvernig þetta er að ganga hjá mér, en ég held að það sé góðs viti að heyra í það minnsta fyrir sér mynstrin þótt þau komi nú ekki alveg ennþá út eins og ég meina.
Útilegan var ágætlega heppnuð alveg, nokkur trúnó tekin með stæl sem og heil söngbók í stafrófsröð sungin. Furðuleiki helgarinnar var samt þegar einhver náungi á tjaldstæðinu (ekki með okkar hópi samt) sem setið hafði með okkar hóp í söngnum í fyrrakvöld, tók sig til og losaði þvag svo til í beinni augsýn við mig og Söndru og var ekkert að flýta sér með sýninguna, síðan upphófst mikið fyllerísrugl svo maður var farinn að vakta hann (ég var orðin hrædd um að honum væri að detta í hug að fara að keyra því hann var kominn inn í bílinn sinn - það gerði hann sem betur fer ekki) en hann samt ákvað hann í félagi við vin sinn að hoppa ofan á bílnum sínum svo hann dældaðist alveg, sem okkur Söndru fannst nú mikill óþarfi en honum fannst mjög sniðugt (ég var orðin hrædd um að hann færi í næstu bíla á bílastæðinu fyrst honum þætti þetta svona gaman). En þar sem ég hugsaði með mér hvað þessi maður væri í miklu rugli kom allt í einu tengingin: Þá var þetta náunginn sem við Unnar hjálpuðum síðasta vetur (sjá þvaður ). Það varð til þess að geimVEIRA tók vininn alveg á beinið og gerði ég mitt besta til að benda honum á að það væri ekki tilviljun að hann væri bara í tómu rugli alltaf þegar ég hitti hann, gaf honum hressilega inn og bað hann að hætta að þakka mér fyrir hjálpina en þakka mér frekar með því að taka sig í gegn. Greyið strákurinn greinilega alveg í ruglinu bara. Merkilegt samt að hann skuli tvisvar lenda í að ég fari að reyna að hafa vit fyrir honum. Vona að hann taki sig á blessaður, ég gat þó fengið upp úr honum að honum var alls ekki ekið á slysadeild eins og ítrekað var óskað eftir. Ég er mjög hneyksluð á því, enda ekki alveg aðalatriði hvort hann datt vegna dóps/drykkju/klaufaskaps heldur að tryggja að maðurinn væri óslasaður eftir. Ömurlega léleg þjónusta hjá lögginu þessa nótt segi ég bara - iss!

Ég er að hlusta á Incognito - hressandi. Jæja best að fá sér eitthvað að borða.

:: geimVEIRA:: kl. 14:14:: [+] ::
...

Thad er alveg frabær stemmari i utilegunni, buid ad synda, spila, grilla, syngja, fara i sto, drekka, halda afmælisveislu, lulla og fara i pottinn. Megafjör!

SMSbloggfærslu sendi geimVEIRA
Sent með GSMbloggi Og Vodafone

:: geimVEIRA:: kl. 18:52:: [+] ::
...

Annars er ég mjög sammála þessari fullyrðingu: "1) Camping without a lover is stupid. Night falls and it gets freezing, and you find yourself lying alone in your sleeping bag, staring up through the mesh window at the pretty stars, alone. You should definitely always be zipping two sleeping bags together and having someone to cuddle with to keep warm in the brisk night air.

En í góðum félagsskap er í góðu lagi að vera stupid singull - góður svefnpoki, húfa og stil-longs jafnast líka á við elskhuga í tjaldi - not! Pffft!

:: geimVEIRA:: kl. 11:32:: [+] ::
...

Gullbrá og tónleikarnir þrír
Í fyrradag fékk ég frábæran kvöldmat á Sjávarkjallaranum, allskyns fiskrétti og einstaka kjötrétt, allt hvert öðru ljúffengara, svo var tjúttað frameftir með vinnufélögunum, mjög vel heppnað kvöld.
Ég vaknaði nú eldhress alveg í gærmorgun, alveg þynnkulaus, en ákvað samt að leggja mig aftur (en svaf þá allt of lengi). Vaknaði ekki fyrr en um miðjan dag en kíkti með Sigurdóri á Stórsveitina og Ragnheiði Gröndal um kvöldið(þar var alltof kalt) svo tekinn var kakóbolli með stæl og náð kjarnhita upp fyrir 36°C og tékkað á Tómasi R (þá var manni mátulega heitt í smátíma enda dillaði maður sér aðeins með) og síðan var tékkað á Nortón þar sem skólafélagar m.a. Atli, fóru á kostum (þar var allt of heitt - tengist því kannski aðeins að vera í flíspeysu inni, í sveittu margmenni), en þetta var mjög fínt kvöld, fallegt veður þótt væri kalt.
Í kvöld er meiningin að fara í útilegu með skólafélögum, hún leggst ekki eins vel í mig og síðast, enda ekki jafngóðu veðri spáð og ég með hálsbólgu eftir kulda gærdagsins. Að sofa úti í kulda er líka ansi óþægilegt, reyndar á ég agalega hlýjan svefnpoka (eiginlega of hlýjan) og goretex pollagallinn fær að kenna á því aftur svo ég er vel búin. Og eftir að hafa pissað úti í snjóstormi þá er það minnsta málið að girða niðrum sig úti í móa í sumarkuli.... pffft fer nú létt með það! Þetta verður örugglega megafjör bara! Þar sem gista á í 2 nætur er ég farin að brjóta heilann hvernig ég ætla að fara að því að hafa mat annaðkvöld sem ekki veldur mér matareitrun vegna óæskilegrar geymslu við stofuhita, brjótibrjótibrjóti... ég nenni ekki að vera með í maganum. Mér þætti það verra. En tveir dagar í náttúrunni verða hressandi!

:: geimVEIRA:: kl. 09:58:: [+] ::
...

Ég er með munnræpu. Það er stundum ágætt. Nú væri samt betra að vera bara úti með lappann að bulla hér, en það stendur ekki til boða. Best að taka föstudagskastið bara út á vinnufélögunum! Hey já, ég var svo þreytt áðan að ég fékk mér svona Magic... ekki fannst mér þetta nú gott á bragðið, en ég er bara hoppandi hress núna, kannski þetta virki virkilega.
Annars held ég að þetta sé reyndar bara út af sólarglætunni sem ég naut í hádeginu, sólin er oft það eina sem hressir mig við. Sólin og koss á augun.

:: geimVEIRA:: kl. 13:24:: [+] ::
...

Uppstrumpari - strumpatogari
Linkasafnið vex smám saman ég var að bæta við linkum hjá mér, ég er bakvið tjöldin að fikta mikið í þessu öllu saman hjá mér.
Í kvöld er tjútt með vinnunni minni - stefnir í huggulegasta kvöld með fínum mat - ég er að komast í fúttgírinn.
Ég er búin að vera að taka rúnt um raftækjaverslanir, en videótækið mitt tók upp á því að endanlega gefa upp öndina, svo ég ætlaði að finna ódýrt en gott tæki í staðinn. Þar sem ég á bágt með mig í svona búðum skoðaði ég bara þessi 2 tæki sem voru á boðstólum á hverjum stað (og það voru sko sömu 2 tækin í helmingnum af búðunum) og leist ekki sérlega vel á þau, svo fann ég tæki sem var aðeins skárra en alls ekki spennandi samt og of dýr að mínu mati.
Svo var alveg farið með mig, þegar mér var tjáð í einni verslun að DVD-skrifararnir sem ég vissi að væru komnir, geti alveg skrifað á rewriteable diska (nokkuð sem ég bara hélt að væri ekki ennþá hægt) svo þá varð mín alveg snældu(diska?)óð og er búin að skoða svoleiðis græjur líka. Ég er tækjadýr dauðans - ó já. En samt ágætis pæling hvort maður eigi að spandera eitthvað í almennilegt myndbandstæki sem er orðið úrelt pæling eða borga of mikið (þótt vissulega sé þetta orðið ódýrara nú en fyrst) fyrir DVD-upptökutæki. Oh... ég er allavega of mikið sjónvarpssófadýr til að vera án upptakara. Spurning að fá sér bara tappatogara?

:: geimVEIRA:: kl. 11:44:: [+] ::
...

Exhale
Ég hef ekkert verið að blogga, treysti mér svona ekki alveg til þess án þess að taka svo mikla fyrirlestra um flaky karaktera og sjálfhverft fólk sem misnotar almennilegheit skammlaust, en þar sem allir eru sammála um að svoleiðis fólk sé leiðinlegt þá er til svo lítils að útskýra það eitthvað, segir sig sjálft. Í stuttu máli lét ég skemmileggja alltof mikið af helginni fyrir mér af svoleiðis flaky fólki. Á föstudaginn fékk ég samt frábæran grillgest sem reddaði algerlega deginum, já og svo annan til í desert. Ég er búin að horfa á hluta af Blue Man Group DVD disknum með þeim sem var mjög gaman. Helgin fór að öðru leyti í að láta fara illa með tíma minn og særa mig eiginlega bara - fúlt. Það sem ég lærði af þessu er samt ágætt: Hér eftir mun þjálfuð upp diva, nú verður hert upp bakbein og beinið í nefinu skerpt - andskotinn að maður láti vaða yfir sig, hell no! No more miss nice virus.
Ég svaf með opinn glugga og er búin að að ná mér í þennan fína raspihósta sem er crucial að losa sig við fyrir helgina en þá er stefnan tekin á útilegu. Það var svo gaman síðast að maður verður að tjúna niður væntingarnar fyrir þessa, varla hægt að ætlast til þess að fá aftur frábært veður og bara allan pakkann.
Ég keypti mér psychadelic borð með marglitum doppum um daginn (sem passar svo vel undir magnarann að þetta verður bara magnaraborðið mitt).
Ég fer út að borða annað kvöld. Ég steingleymdi að fara með föt í hreinsun arg, what to do, what to do? Ég
Ég eldaði mér tofubullrétt með hrísgrjónum sem ég sauð í hrísgrjónapotti sem ég keypti á slikk sniðug græja, hann heppnaðist ágætlega. Svo var brainstormsession mikið frameftir öllu og spáð í tónlist, ágætis pælingar í gangi, gaman að sjá hvernig það æxlast.

:: geimVEIRA:: kl. 13:01:: [+] ::
...

Karlinn og lúkurnar

:: geimVEIRA:: kl. 14:25:: [+] ::
...

Resentment is like taking poison and waiting for the other person to die. ~Malachy McCourt

Turn your face to the sun and the shadows fall behind you. ~Maori Proverb

Keep a green tree in your heart and perhaps a singing bird will come. ~Chinese Proverb

:: geimVEIRA:: kl. 10:37:: [+] ::
...

Ég er berfætt í sandölunum í vinnunni.
Ég er með sólarvörn nr. 15.
Nenni ekki að vinna
en er hress.

:: geimVEIRA:: kl. 14:30:: [+] ::
...

Itchy & Scratchy
Aðalfjörið hjá mér núna er samt að klóra mér í 3 mýbitum sem ég fékk í útilegunni. Gaman og gott að klóra þar sem klæjar - já já. Var ég búin að segja að mér leiðist?

:: geimVEIRA:: kl. 22:34:: [+] ::
...

Mér leiðist.
Er það ekki bannað á sumrin?

:: geimVEIRA:: kl. 22:32:: [+] ::
...

Sykurpúðlublogg
Á föstudaginn var fór ég í afmæli til hennar Vigdísar það var fínt alveg, ég færði henni ferlega sniðuga bók (eða mér fannst hún svo sniðug því hún verður í Frakklandi í sumar) þarna fékk ég líka andlit á nokkra bloggara sem var gaman, suma þekkti ég aðra ekki - sum andlit komu á óvart. Svo endaði ég á öldurhúsi með FÍH-dýrum og fleiri góðum sálum. Ég var alveg á mörkunum að nenna með vegna þreytu en sá nú aldeilis ekki eftir því að hafa drifið mig, því ég fékk boð í útilegu sem til stóð að fara í á laugardagskvöldið. Ég var á báðum áttum en ákvað svo að skella mér bara með, enda útilegur eitthvað sem ég hef verið háð í fjölda ára, en ekki komist í allt of lengi. Á laugardaginn, eftir að sofa út, dreif ég mig og verslaði pollagalla enda átti ég engan slíkan, sem gengur náttúrulega ekki í svona ferð, jú og svo fékk ég mér flísbuxur og var því vel gölluð upp. Svo skellti ég mér á Jómfrúna og náði mér í jazz og sneið, dreif mig svo að versla nesti og að pakka niður. Útilegan var síðan í Hvalfirðinum á einu besta tjaldstæði sem ég hef séð svo nærri borginni, við vorum svo ótrúlega heppin með veður, það hélst þurrt alla nóttina og ég fékk lit í morgunsólinni þar sem setið var úti og sungið undir berum himni. Nýi gallinn alveg að svínvirka og frábær fílíngur. Þetta var algört innspýting í sálina að komast með í þennan túr, enda fallegt veður og góður félagsskapur í náttúrunni eitt það besta sem ég upplifi. Svo fékk maður að rökræða pólitík sem ég geri alltof sjaldan, en þarna gafst kjörið tækifæri, það er svo gaman þegar maður fær að spjalla við víðsýna vitsmunalega jafningja. Þetta var líka ágætis prufukeyrsla á nýju augun, en ég sá bara hvern stein og mosabing upp eftir öllum hólum og hæðum, magnað! Þessi túr fékk alveg 11 á skalanum 1-10.

Í gær fór ég til tannlæknisins míns og hafandi fundist þessi skrítla svo sniðug hér að neðan, varð ég að láta karlinn fá Hermann brandarann... ég held að hann hafi ekki haft húmor fyrir þessu samt - bömmer, hann sem er svo hress. Hann hefur kannski analýserað þetta of fræðilega, hugsað um einhvern hræðilegan gómasjúkdóm og fundist þetta gróft.

Ég fór með bílinn minn í alþrif og blettun og bónun áðan, er spennt að sjá hvernig til tekst. Bíllinn var orðinn svo skítugur blessaður. Spurning að tralla með hann á sölu bara ef hann verður almennilega fínn.

Svo stendur til að sofna ekki mínútuna sem ég kem heim í kvöld, eins og í gær, og tengja græjur. Það er tími til kominn að tengja!

:: geimVEIRA:: kl. 09:50:: [+] ::
...

Ég er buin ad taka 3 leigubila i kvöld sem allir foru gegn einstefnu, mjög scary shit!

SMSbloggfærslu sendi geimVEIRA
Sent með GSMbloggi Og Vodafone

:: geimVEIRA:: kl. 01:24:: [+] ::
...

Dagur 2 í spriklinu. Þetta er algjör snilld, þetta er svo indælt þegar maður hefur tíma til þess, yogað á morgun, bara allt að gerast. Ég er búin að gera nokkrar tilraunir til þess að fara á Kill Bill II en það hefur ekki tekist ennþá.

Ég var að fá mér sólgleraugu utan um nýju augun - voða pæjuleg - ótrúlega var gaman að koma inn í gleraugnabúð og hafa einhvern veginn ekkert þangað inn að gera. Ég nýt þess í botn að hafa fulla sjón, þetta er alveg ólýsanlegt, þetta og nefaðgerðin mín.... að geta bæði séð OG andað með nefinu... ólýsanlega gaman!

:: geimVEIRA:: kl. 21:45:: [+] ::
...

Reap as you sow
Það var eitthvað vesen með einkunnaútprentunina í skólanum, en ég er loksins komin með allar einkunnir í hús. Slapp fyrir horn, ég er mest hissa á að ná tónheyrninni (finnst ég varla eiga það skilið) - það verður tekið á næsta vetur það er nokkuð ljóst.
Jazzhljómfræði II: 6,6
Tónheyrn II: 7,8
Samspil: 9,0
V. stigs próf: 8,5

Það er megamánudagspirringur í gangi (á snarvitlausum degi) - what to do?

:: geimVEIRA:: kl. 10:44:: [+] ::
...

:: geimVEIRA:: kl. 01:08:: [+] ::
...